是日貼歌．．．

做份 Duty Summary 做到死死下
睇怕今晚都冇得訓><

itunes loop 緊呢首歌..

高妹

曲 : 梁詠琪
詞 : 李克勤
監製 : 趙增熹

從來身高 沒那麼高都不會去羨慕
為何今天 令我彷彿失一點分數
跟妳合照 挺胸收腹總 是攀不到
難道不斷用力嘗試令我雙腳企高

* 我沒有六呎高 我卻會待妳好 我會接受妳一切的改造
妳似美麗城堡 的一個待嫁的女巫
有著各樣法術 一再施法使我迷倒
吃一口送我的蛋糕 以後就不知道
從此 只懂去抬頭望妳 似對著神聖的海報
做妳的俘虜 (隨傳隨到)

長期服務 付出不等於妳有義務 閒來想想 亦有一點不知所措
感覺就似 聽到聲音可是觸不到
但妳一站在人群裡便會把你看到 無從投訴

Repeat * X2

17日 仍然煙霞．．

訓醒都十一點幾．．
再訓過..

這幾天太累了

為了跟家聰睇戲 + 食飯..
推掉了朗誦 training

點知
約佢六點
佢六點先打黎話剛剛放工..-_-"

行左 MK 一陣，
幫支 Mono 買左個單向頭。
咁又唔見左二百幾，
重要係陳列品..

同家聰食完飯就去左睇《金子》，
黑色幽默、性暴力、象徵符號、帶反諷意味的錯配的兩性關系..
套戲有太多野想講，偏偏自己卻唔夠料~-_-
開始有 D 「書到用時方恨少」的感覺..
(唔知點解，散場o個陣突然諗起呢句..)

Others.
1. 食飯時..家聰問左我一個問題...

2. 主呀～是你嗎？
孩子願將手都交給你牽引～

3. 應承了明年會幫嘉微手做招待..
只是...
連準時上崇拜都未做到..

4. 太遠了...

5. 條"橋"爛了一點吧....

無賴

無賴 鄭中基

作曲：李竣一
填詞：李竣一
編曲：Ted Lo
監製：Gary Chan

愛過的都放手 很喜歡自由
常犯錯愛說謊 但總會內疚
遇過很多的損友 學到貪新厭舊
亦欠過很多女人

怕結婚 只會守三分鐘諾言
曾話過要儲錢 但講了就算
夢與想丟低很遠 但對返工厭倦
自小不會打算

但是仍唯獨你 愛我這廢人
出錯你都肯去忍
然而 誰亦早知不會合襯
偏偏你願意等

為何還喜歡我 我這種無賴
是話你蠢 還是很偉大
在座每位都將我踩 口碑有多壞
但你亦永遠不見怪

何必跟我 我這種無賴
活大半生 還是很失敗
但是你死都不變心 跟我笑著捱
就算壞我也不忍心 偷偷作怪

沒有根的野種 飄忽的命途
誰像你當我寶 甚麼也做到
舊愛手中一匹布 在這刻寫句號
只想跟你終老

在地球 唯獨你愛我這廢人
出錯 你都肯去忍
然而 誰亦早知不會合襯
偏偏你願意等

為何還喜歡我 我這種無賴
是話你蠢 還是很偉大
在座每位都將我踩 口碑有多壞
但你亦永遠不見怪

何必跟我 我這種無賴
沒大半生 還是很失敗
但是你死都不變心 跟我笑著捱
就算壞我也不忍心

還喜歡我 我這種無賴
是話你蠢 還是很偉大
在座每位都將我踩 口碑有多壞
但你亦永遠不見怪

何必跟我 我這種無賴
活大半生 還是很失敗
但是你死都不變心 跟我拼命捱
換轉別個也不忍心 偷偷作怪

16日 仍然煙霞

早
又唔知醒．．

晚了半個鐘上崇拜..
灰左..

尋晚玩得太夜了..


午
上完主日學
離開教會已經是下午三時多

幫 Ivy 姨整電腦
回家取材料..
幫阿媽搬野

就這樣過了一個下午..


Others.
1.
睡了半個小時
感覺好多了~
只是..骨還有點軟..

2.
揀選和回應..

一直也跳不出這個框框..

15日 煙霞

同嘉駒傾電話傾到差唔多兩點..


早
約了 Panda 10:30 響旺角開版務會議..
結果就 11:00 先知醒..

......

開完版委會已經十二時多，
索性直接番教會算了..


午
回到教會，
大概時間太早了吧
約翰團就只有嘉微一個回了去..

在教會等了一會
穎賢要上栽培，
Kennis 未有耐..
結果都係得我、廖太同嘉微三個人落去食米線..
=_=

今日講十誡中的不準姦淫
理所當然的拉到了婚前性行為的問題。
hmm...討論氣氛比我想象中好多了~

完了團契後，
除了穎賢留在教會練琴之外，
大都去了吉野家食 Tea..

開始懷疑吉野家就快成了團契的第二地點..

至於我嘛..
留多左陣 (結果係團契入面最遲走O個個..)
就落左黃金幫牧師買 Card Reader
之後就入左屯門...

晚
今日其實係 EP21 的版聚。
今次係響小欖o既燒烤場搞..

大夥人其實係約四點半
不過嘛..
還是團契重要一點..

入到去都差唔多七點

傾下野、吹下水、影下相、燒下野食..
番到屋企又兩點了...


Others:
1. 壽星女今日冇番團契呢..

2. 一個人生日..卻準備了兩份生日禮物..
另一份嘛~是後補的 :P

3. EP21 版聚好多生"面"口呢
一代新人勝舊人..
是不是我老了呢？

4. 為身邊的一個朋友交上..

14日

總算搞掂左個麻煩客，
順手將 D 單搬番晒過 SU..
房間總算多番好多空位~


響學校門口竟然撞到水水~
無聊之下，竟然陪左佢行番去牛津道..
佢番左去銀禧
我就番左過左賽官..


隔左幾個月冇番去，
原來賽官已經唔見左好多舊人..
伍爺退左休，陸太升左去第二度做副校，
當然重有"咩"鑊多過食飯的"校工叔叔"..
(簡稱校工..唔係唔係..係校長先o岩~XD)


同 Miss Chan 傾左一陣
之後響學校 hea 多左陣就同牛腩河落左 MK 睇相機.
食完飯之後就各散東西了..


Others.
1. 俾 Miss Chan 同老凌"叫"左我幫手帶朗誦..
.............

主要都係帶粵語二人對話
(如果早幾年有分國粵語的話，我地晨早 champ 左 ><,
國語基本上係屈機的..)

唉..
陸太走左之後
基本上冇老師可以 handle 到呢類o既二人對話了..

唔知我帶唔帶得掂呢？

2. 原來陸太先生咁猛料...

3. 而家 D 學生...唉...

4. 終於拎左學生會件風褸..
幾靚，不過略嫌短左少少~

...

...
7. Wince 生日快樂~

13日

廿二歲的第三天

刻意地過了一個低調的生日。

連家駒都係尋日先知呢..哈哈哈~
唯一 (二？)的慶祝是食
家人的早茶..(其實係得老竇..)
還有跟肥川的一餐..(雖然係自己請~)
還有那一轉遊河~(如果也算在內的話~XD)

至於自己那份生日禮物嘛~?!
早幾個禮拜已經買左了~重好大份添~:P

---

今日實在冇乜野好記..-_-"

Other:
1. 邊有 D 客咁「盲」塞嫁..擺到明打橫黎講..

2. 好啦喎~!!唔好再踩我個頭！！！ .||.

Apple - iPod Video

4G iPod 發佈年半之後，終於出了新一代了...

Apple - iPod - Technical Specifications

12日

有多久未曾經歷過
這種"坦剔"不安的感覺?!

有多久未試過在夢中想起一個人?!
有多久未嘗過單戀的苦澀的滋味..?

只是, 正當慢慢的確定這感覺的存在的時候,
剩餘的不多的理智卻總會嘗試否定這感覺背後的存在意義..

沒可能結果的感覺,
還是讓它隨風而逝好了..


可是~
我可以做到嗎？

---

剪左個新 look 之後
入左屯門同嘉駒食飯..


點知..-_-"
柒爆了...

用了廿二元去乘一程 $10.7 的車..

11日

晨早俾庭宇打電話嘈醒左..
(較左靜音都可以俾部電話「震醒」，一個字—勁)

原來係要 send 埋 UST promo D 相俾佢出..



同屋企人出去食飯之後，
就一個人落左奧海二期影相..
同 Ken 兩丁友去左睇電車男~
好睇~好笑 + 超 sewwt 呢~

散場之後原本諗住一齊落尖浸聽講道
點知去到先發覺重門深鎖..
於是就兩個大男人就行左落西九海濱長廊

勁靚 + 勁舒服
不過就隔涉左少少
尖咀行入去差唔多行左半個鐘..
去到先知原來有車搭..-_-"

頂.....


兩個大男人
沿住條海濱長廊
行下停下
咁又行左成半個鐘

傾左好多事~(呵)

下次唔要阿 Ken 陪呀~嘿~!
我要奧瑪氏小姐~!!
我的奧瑪氏小姐呢...<~~發狂中

one more~

喵的新玩具

個吉盒俾佢玩左成朝..

10日

轉眼又一年了..


就這樣的度過了這一天
唯一想不到的是
這天收到的兩個電話..
其中一個竟然是..

........>3<


晚上，
原本想搵家聰食飯..
點知佢原來約左同學..

好彩重有肥川~
唔駛孤伶伶一個人過已經好好了..
食完飯同佢落左去 MK 行~
買左支 Mono~
之後就自己一丁上左屯中..
都好耐未試過牛河了~

9日

忙了個多月，總算忙完了整個 project。

老實說，這份工作的辛苦度..--"
忙得差不多兩個月沒有打日記，
每晚完成了工作就累得"Dat"響張床即刻睡著

不過呢份工真係學左好多野..
同 Samsung Deal, 同老細 Deal, 同 SU Deal, 同 Promoter Deal..
每天就在不同的人的 Deal 中生活..
在不同 Deal 的夾縫中尋找自己生活的空間..

好多謝老細俾呢個機會我~^^


忙完了這個 Project, 還未計劃下一步會點行呢~
是繼續跟隨 Francis 還是做出版社的工作..
就願交托給主去引領~


晚上放工之後，
跟堅爺同偉哥一齊出左去飲野..
大家出來工作之後,
總會有不同的際遇...


Others..
1. 咁又洗左一舊水...愈窮愈見鬼..

2. 成個禮拜冇打日記，遲 D 補番啦~

3. 舊年今日..我做緊 D 乜野呢？
諗黎諗去都醒唔起..

8日

在佈道會上竟然遇上了他..

如果只是因為那句爛透了的"開場白"而誤以為我早已忘了他,
那總是低估了他在我心目中的地位...

他的故事,
這些年來談及了不下數十次..
一度是香港 maths 的 top five..
小奧數的港隊代表,
一個真正的數學天才......

即使近几年開始學懂多欣賞別人
可是, 能夠真正使我佩服的人從來也不多..
也許是我"眼角高",
也許是我很少會使用"佩服"的字眼,
(更多的是"欣賞"和"欽敬/尊敬")
但是這些年來,
的確有幾個人是讓我由衷的佩服的,
只是執筆之時,腦海只剩下兩個名字:
一個是Alex Tam, 而另一個..
就是他..

他不能完成學位，
跟本就是這個制度的荒謬..


回到家中
久久不能釋懷..
腦海中卻想起了《傷仲永》的故事..

24日 吹走了...

幾日沒寫日記..

簡單交代一下算了..

22日
因為要幫 EA 睇檔..
再一次回到 SU..

Maggie 又打回原型了...--"


23日
睇檔的生活終於完成了..

晚上
離開了 SU
獨個兒出了旺角睇機..


等？唔等？等？唔等？.....

24日
作了一個奇怪的夢..
竟然在夢中出現？是第一次吧..？

午
因為送了車尾
晚了五分鐘回教會..

近一個月沒有回教會參予團契了~
今日係穎賢帶詩..
有一節很好的團契時間~

感覺好多了~


完左團契，就同左 Ken, 穎賢, 嘉旋 & 嘉微四個一齊落左吉野家..
我午飯都未食呢..~.~

過了一個不賴的下午~


Others..:

1.
穎賢唱歌好好聽...

2.
有點不開心..

3.MU 又輸波了..
重係主場輸俾布力般，
車仔仍然全勝..
差十分了.....

4.
唔記得唔可以食牛肉，
皮膚又開始出事了...

21日 快要中暑了..

在毫無先兆下..
它又回來了..

就像將身體交給了別人一樣..

它幾時才肯離開呢？

真的很討厭這種失落的感覺..

19日

一個字—頹

兩個字——好頹


這一天就這樣過了。


Others:
1.仍未 recover....

2.組囡 M 打黎..話o個個人又打電話去搵佢..
頂~!條友知唔知醜嫁..--"

3.家姐部機，原來唔係死板..
係死牛..

4.唔知點解..呢排成日買貴野....><

18日 晴雨不定

睡了七個小時..已經是兩個星期以來最長的了..
今天是主日祟拜,
大概是慣了早起吧,還未夠八點半已經爬了起床..
check 了一會 icq 和 newsgroup,
姿姿整整,仍然準時回到教會..還好..

晚,跟團契一塊佔據了漢基家..
之後就落左黃金海岸賞月..驚訝地..
雖然一路上都烏雲密佈..
不過就始終落唔成大雨..
感謝主

回到家中已差不多三時了

others
1. 小巴再次走過這條熟悉的路．．
有一種莫名奇妙的失落．．

2. 想來有點荒謬..
一個 Talkative 的人竟然會討厭 Talkative 的環境..

3. 在沙灘上
總覺欠了些甚麼...

甚麼才可以 make it company.?

「假設性問題~! 唔答」...

4.一行十一人，扣左妙妙、Ken 媽同廖太
其實約翰團只係得八個人..

始終都係覺得人丁單薄左 D..

冇去的有
Wince, 穎賢, Mary, Vani, 明輝, Leo (& 雅典娜 ~:P), Jessey,
重有....乜愈數愈少人...

5.穎賢今日好似又病..-_-"

6.很久未有寫過長篇評論了(唔計幫人寫o個 D)..
有三篇文想寫好耐..
甚至連主題都定好晒..

爆料文化的權力關系、
本地網絡文化與 e-politics 的相互影響
二戰六十年..

除左 e-politics o個篇應該會過萬字之外，
其他大多會集中係 2000-3000字左右。

希望今個星期可以完成啦~

17日

支力到 hihi...


不過總算完成了 BU 的工作。
雖然出機的數目遠少於自己預期,
但也比原先 SU 估計的數量多了~
比去年的數字番了一番..

好多謝咁多有份響 BU 做的 helper..
特別係大咪，阿光，EM, Mandy, Sandra, Cathy, Kenny, Florence, 偉...
重有好多好多~




Others:
1.
上星期天..
因為某部份工作人員有欠專業的工作態度，
據聞導致公司會少了 1% 佣金..
而講緊o既係一個六位數o既金額..

至於該些"人士"獲知這個消息後反應..
我知道之後真係好想爆粗鬧人..

含蓄 D 講句—就係「不知羞恥」..


相比之下，BU D Promotor 真係聽話好多..

2.
前日o既事..
原來只不過係自己諗多左~

多心了。

3.
新電話今日竟然落左地..><
哇~~

4.
明天開始會是一連九天的「假期」...
27日 UST 見

5.
期待明天的崇拜..

6,
雖則好嘮叨，但係都係好想多謝有份做 BU promo o既各位 promoter~!

7.
條友仍然不知悔改..我 Ｘ ..


明天待續...

16日

四天冇寫日記..

每天也有不同的事，
有好的、有壞的..

好的..
1. 剪了個新頭~ 感覺良好~
2. 學到好多野
3. 得到 Francis 的信任、
4. 有一班好落力賣命的仔仔囡囡..
5. 當然重有好多靚靚的囡囡相陪~:P


壞的..
1. 知道好多唔應該知道的事，再俾多我一次機會的話..
　　我會寧願選擇唔知..
　　只是——如果主角是我的話，我能堅守基督徒的本份嗎？
2. 看到競爭對手 / 伙伴 / 自己 team 入面發生o既事..
　　開始感到商場的黑暗..
3. 為甚麼人總是這麼貪心？
　　一個人的人格就只值 2K 幾嗎？..
4. 四天加起來才睡了十多個鐘...
　　日日都幾乎係朝九晚九 + 跑黎跑去..Florence 尋晚都話服左我..XD
5. BU 出機的數量遠低于自己的預期..
　　五天加起來才合 City 的一半..
6. 唔止一個囡囡俾人抽水..-_-"
　　做 super 點解要管埋呢 D 的...
(代 Francis 講：你試下再黎搞我 D 囡，睇下我扭唔扭斷你隻手！)
7....
重有，唔見左一個好重要o既 folder
希望搵得番..


今日響 CIE set 場o個陣，爭 D 支力到暈左..
太辛苦了...
可是這份工數日所學到的管理經驗，已教我畢生受用..


唔知聽日做唔做到 100 隻呢？希望啦~

12日

12 日
班甩底王唔好彩了..

今日俾總公司個 product manager 斷正。
響我出去巡 staff o個陣..
竟然搞到要一個管幾十支 selling team 的 manager 親自落場 sell 客~

結果嘛..
Ivan 鬧肥通，肥通 + Ivan 鬧老細，老細 + 肥通 + Tony 鬧我..
(下一層都大約估到了)

不過今日又的確離晒浦....
15 個人去做一更o既 duty 竟然搞到唔夠人用..
唯一好處係..
之後名正言順加人 + 揀人用..

靚女優先..XD


不過佢地 D 語氣
其實都係似教我多過鬧我..
搞到我都唔係太好意思..

我重有好多野要學呢~

Others
1.
Mandy 成為了搶手貨了..XD
個個老細都話要 MK 佢..XDDDD

2.
老細開口留我了~
不過...做定唔做呢？

有得做先算啦..

---

13 日

第一日番到主場..
晨早第一件事係遲到....

獅隧 + 屯公全部塞車..@@~
原本要 brief 人的 Tony 都要遲成大半個鐘..

冇眼睇..


至於 set 場方便..
一個字講晒.."好亂"..XDD..
City Day 1 11:30 都已經開得門了..
我地 12:30 重係 set 緊機..
跟本個場都未 get ready...shit

10日

早更編了 1x 個人
Suppose 9:30 應該有過十個人響 counter,
結果..

10時正，來到的人只有三個..
只有兩個打左電話俾我話會遲到/ 唔番
其他的？唔知喎
Damn..呢 D 算乜野責任？！

Call 左大咪同 Howard 過黎，
都會計番錢俾佢地..
不過總算減輕左 D 壓力..

下晝，
原本 plan 好會入黃牧屋企同團契..
結果臨時俾o個班__打亂晒我o既部署..

原本可以 12:30 Off 的我結果都係要留到 2:30..
之後重要落 SSP 買墨..
跟住重要俾家聰老點左我去搭 86C...

結果入到去馬鞍山都成 6:00

雖然可以一齊玩o既時間真係好短，
但我依然好珍惜..

---

Francis 話會加多少少人工俾我..@@~
唔知 total 過唔過 10K 呢？
嗯...希望可以過 12 啦..
發下夢先

---

1.
因 1849 o個個 No. o既問題同 3 嘈大交..-_-"
結果都係要「的」起心肝轉台...

XxY..火都黎埋..
佢算係乜野 CS...

2.
四日訓左 17個鐘..~~"

3.
今日 Sell 到韓國o個邊o既負責人..
(佢扮客 + suppose 係我唔應該知佢身份的..XD)

不過佢好似唔係好滿意..
大鑊了..(雖則唔係我跟手尾..XD)

4.
很累...

5.
呢份工真係學到好多野..
特別係響 Tony 同 Francis 身上..

雖然光頭佬成日遲到~ Tony 又成日口水多過茶~
不過真係學到好多 Management Skill，重有點樣同對手 / 老細 Deal..
多謝晒你地~

「俾你 Sell 到十部 Notebook 都係冇用..
你唔應該做呢 D 野~!!你o既責任係帶一隊人去 Sell 廿部機~ ! 」

「有 D 應該放手俾佢地做..你o既責任係負責暗地裡睇住佢地..知這每個 promoter 的特性」

6.
熟悉的場景..
並不是第一次發生在我的身上..

在那裡？？
在那時？
好像仍有印象...

只是..有可能嗎？不...不...距離太遠了...

是我多心吧...
對..對..應該是這樣..
我沒有一分值得注意的地方..


只是..如果是真的話..
我究竟是在渴望還是逃避..

7.
86C 的唯一好處是讓我睡了 30 分鐘..

8.
出了電話了..
多謝 + 唔該..XD
嘻嘻~

好靚好靚..

不過就正式放棄左買 Notebook..

9.
過 100 了..
值得慶祝的一天

10.
MU 贏唔到..

9日

仍然過唔到百..

不過做到隻「積」咁
人手已經唔算多，重要抽緊三個人走去派機..

冇眼睇...

8日

Francis 病了..

叫了 Florence 幫手點名，
自己就一丁友直接過去拎 order form..
老細唔響度的日子，
難得個場我玩晒~XD
舒服多了~最少，起碼有得 hei 下先..
(雖則佢都成日叫我去"透"下~)

不過嘛，"好日子"唔會有好多的..
聽日應該會出過百隻，
重要調人手過去幫 Tony o個邊派機..

成個 campus 過百隻未拆盒的 notebook 週圍行..諗起都幾壯觀.XD


今日..見到阿樺、大頭、Alan，
重有過黎「踩場」的阿 B..(講笑)
死喇..愈來愈多熟人....

---

感覺上好似有隻手幫緊自己咁，
明明唔夠人，
到最後總會無端端有人有 free lessons..

我知隻手係邊個的..:P

---

星期六 Francis 俾我放..
不過呢段偏偏應該係最忙o個段時間...
放唔放好呢..?

---

Florence 原來又係讀 Phys..
不過我就頹好多了..XD

---

連續 3日@ 4小時睡眠..

7日

第三天上班..

工作、工作再工作..
調動近三十人的更表、跟上司的協調工作、
每天的 E 會、應付前來查詢的客人 / promoter，
還有臨時甩底的工作人員、當然少不了前來搗亂的對手..
每項工作，所消耗的體力都遠比我想像中多..

計番時薪的話..
其實做「o靚」重有 So...


單是三十人的更表調配，
以足以讓我這兩天加起來只睡了八小時...
唯一的好消息係，
銷售情況似乎比想像中理想..

唔知可唔可以做到二千呢？
咁..千五行了吧？呢三日都做左六份一啦...


疲倦換來的，卻是一種快樂..

又只有四小時睡了...


BTW..呢幾日撞番好多舊同學..
阿 B (後尾先知佢其實係 ibm o個邊)、麒麒、肥川、家燕姐..


很累了..

5日

第一天上班

只有一個字—「好忙」..
由九點忙到九點..-_-"
回到家還要排更表

不過戰況似乎比預料中好。

4日 密雲

昨日
獨自躺在營地的籃球場上
我想，我終於明白我為甚麼會來這裡．．

如果沒有入 camp 的話.
我想我會緊張得發瘋的..

在籃球場上，
從密雲的縫中窺看著秋日的星空，
居然也看到了仙后、仙女、英仙、金牛、獵戶，
重睇到七姊妹星團..

睇下睇下竟然響場上面訓著左..(一個鐘咁多啦)
醒o個陣已經三點幾，
去左其他房睇下乜野環境 + 玩左陣之後，
冇耐就番左入房訓..

11:00 先起身~...^^"
食埋飯冇耐就 dismiss 了..

番屋企o個陣又撞正山泥傾瀉.
響獅隧塞左足足成個鐘..-_-


夜晚
同屋企人落左街食飯，
竟然個個都冇帶鎖匙。
最後去左搵二家姐..-_-"


1.明天要工作了，心情有點緊張。

2.新屋租出了。
租客是附近一間教會的傳道人，
租金不算高，但卻剛好跟按歇供款差不多..
感謝主。

2日 蜻蜓低飛中

起床後，基本上只對著電腦．．
Plan 好的計劃卻全都在一旁..

到下午
終於驚覺自己"竟然"未執行李...-___-"

匆匆忙忙，執了滿個袋子~
卻未免掛一漏百..

趕過去警察會搵阿媽之後..
就過左去 City 約 Francis..

出乎意料..
Francis 升了我做 supervisor，人工也升了..
不過責任亦都理所當然地增加..

朝九晚七 set booth..還要安排人手..
更加唔可以遲到...

我有能力做到嗎？我有信心的...(真的嗎？)

晚..入了 O'camp 才發現唔記得帶菲林..
又拿拿臨出番去買左三筒 400..
咁又冇左 $60..

只係帶得 $200 重要冇帶提款卡響身..
剩番兩日都唔知點捱了..

---

1. 很累了..累得有點語無倫次..

2. 星期一就開始了..我卻沒有信心打這場仗..
還要帶著一班人去打..
怎樣去以這個 spec 去打贏藍巨人呢...?

有贏的機會嗎？

3. 一瞬間在腦海中閃過幾個電話號碼..
試著按著..竟然是...

轉眼又幾年了。

1日 (雜記)

1.
一個連我自己都唔信o既 Brand..
又點樣 promo 呢..
唔係話佢個 brand 差，
而係呢個的而且確唔係佢o既專長..
俾我自己都唔會..又點樣說個客呢...

2.
Francis 話希望我可以 take up 到多 d 時間
因為我地 team 人熟 notebook o既人唔多，
需要有個 expert 睇場..

之但係，夜晚番到屋企先計過..
原來我做足 23 日都係得 7K，
中間重要有成十日要「放假」..
重要唔知佢會唔會排滿我..
即係最多得 6K..甚至 4K..即刻灰-ed..
早知過去 7cool6 到做..最少一個月都有 7K..
肯做埋維修的話更加唔止呢個數..

3.
要去打一場完全沒有信心的杖..

又是否出賣了自己的靈魂呢？

主呀~!(......)!

4.
是不是鋒芒太露呢？
是的..太得意忘形了..

這絕不是好事.

5.體能差了..
是因為睡眠不足嗎？
我覺得還是身體吧..

不認不認終需認..
連一個氣球也不漲..
長跑"時代"的我不可能這樣差勁的..

6.
明天要入 O'camp 了..
星期日下午才回來..
又 Miss 了一次團契。
這個月第三次了..

7.
我沒有能力帶領大家打勝這場仗。有嗎？！

1日

睡了還未夠 4 小時..
便被媽媽吵醒...

你放假唔等於我唔駛訓吧...?!

碌黎碌去，始終訓唔番...
ShiX.....!!


約了肥川早上買 (睇) notebook..
點知佢要見 FYP 老細..
叫我下晝先過去..
結果嘛...Call 左佢半個下晝都唔覆電話..

對.佢放左我飛機..


過左 City 一轉，響 canteen 剛好遇上大咪同佢支 Astro 莊.
同佢地一齊食左餐飯，之後就落左去荔景上 sales training.
講起個 training，
唔係尋晚 ICQ 問子健都唔知到有，呢個子健呀...
點知今日重勁..
三點鐘「話」集合、居然可以四點鐘都未齊人..
枉我足足響恆生等左個幾鐘，
去到 training room 都差唔多四點半..


今日上 training 的 promoter，
加埋都冇 15個.
BU 就剩係得我同子健，其他都係 City，
其餘o個 D 就上左早幾日o個班..

不過最大問題嘛，
係絕大部份 promoter 都唔熟電腦的~!!-_-"
再加埋牌子問題..
下星期重要係響 City 同人地正面對撼。
唉！都唔知點做..

夜晚，自己一丁友返左去 SU 諗住睇下有乜可以幫手，
結果嘛，反而同左佢地落左又一城食飯..

姿姿整整，返到屋企又成點鐘

31日

暑假完結了..

是日，同阿倫 + 辛爺出左去 MK 牛牛食飯，
之後就過去新屋執屋。
三個大男人咁就用左半日..

雖然話就話"新"屋，不過都有成廿年樓齡..
但係都算重好新淨。
不過唔知點解，
新屋o既感覺，
反而冇上去睇樓o個陣咁好..
可能冇左舊租客 d 傢私掛..

---

行番屋企拎清潔用品o個陣，
辛爺指住個天話..
「今晚應該會有 evening thunderstorm」..
跟住就講左好多天文 (氣象) 知識..
雖則我都唔係聽得太明..
"過熱天氣 + 附近的低氣壓會做成下沉氣流"..
"呢 D 情況下能見到會好低.."
聽得明係咁多了..xDDD


不過聽佢地講..
辛爺今個禮拜就會上南京科技(氣象？)大學受訓，
番黎就會升職了..
會升正做學術主任...做天氣預測o個邊..

嘩~好厲害~!
六年前..佢重係我 Bio 補習老師呢..
不過..眨下眼又六年了

---

夜晚
響某大學谷聲討"某君"..

算..
我都費時數佢..
要睇自己睇
Link (最好用 IE 開)

---

俾辛爺講中
下雷雨了..

---

明天有工作的時間~
是一個新開始嗎？

30日

1.
這幾天的心情不錯，好多了~!

2.
去到銀行 Counter，個 staff 問我點解唔續張卡..
忽然覺得 D 人好虛偽..

3.
解決了纏繞兩年的問題，
只是，會否是另一個問題的開端？

4.
嘉駒嘛..
明明約左又突然話唔得..
哼~結果自己番左 SU..

5.
Ally 上身了..

6.
回家的路上...
局然響市區見到流星..@@~

7.
響地鐵撞到 Simon & Maggie
俾人畫左隻豬..

8.
「耐心等待，憑你差派用命..」

只是..「用命」來的時候..我原來卻只管叫「等陣先」..

得著了~感謝主。

9.
是否有點自欺欺人...

28日

說來有點諷刺..
為崇拜和主日學推掉了其他工作..
卻始終沒有回教會..

---

晚
纏繞了一星期的問題終於解決了~
可能未必係最好的方法，
不過都算唔錯呀~！

感謝主.

原本都諗住入機場接嘉旋機，
不過出左門口再 Call Kennis..
結果都係冇去到..

P.S 曼魚贏波了....呵呵呵呵呵

27日 晴

今天，
最終也沒有回團契，
心情極落低落..

傍晚
出了奧海城 Food Court 開 Meeting..
個研討會又未必如期搞得成了..



晚
踏入第四天..

終於也頂唔住
自己一口氣"拾"了三隻雞蛋，
還有曲奇餅夾花生醬..

點知愈食愈肚餓..

早知唔食。

---

Mission: The Big Six

行動代號：大六
日期：26/08/05-05/09/05
地點：香港各地
參與人物：M23
目標數目：六個
主要目標：兩人
行動簡介：一項勢必轟動七百萬港人的「陽謀」，
　　　　　以換取一項將影響三百萬人的政策。
　　　　　「等價交換」能否成功？還看孫郎。

首三日匯報：出師不利，目標二號離港歐遊。
　　　　　　Action 2 被迫押後至九月八日以後..
　　　　　　至於目標一號，由於遇上特別事故，
　　　　　　特派員 M23 目前正進行絕食抗爭，
　　　　　　任務目前仍未完成。報告完畢。

以上內容純屬虛構。如有雷同，實屬搞笑。

---

shit..

餓到訓唔著..
不過我寧願餓死都唔會俾佢明明的再羞辱一次

記@6:45 am

一首中學時代很喜歡的歌

默默向上游

曲：顧嘉輝 詞：黃霑 編：顧嘉輝

幸運不肯輕招手
我要艱苦奮鬥
努力不會有極限
若遇失敗再重頭

現實欺弄不擔憂
我要跟它決鬥
挺著胸對抗命運
用力握實我拳頭

成功不會驟然降
喝采聲不想白白承受
求能用心 求能用功
求能做好鼓手

像怒海的小孤舟
冷雨淒風繼續有
我願那苦痛變力量
默默忍淚向上游

無題 27/08

絕食進入第三天..
印象中，是今個星期第一次哭..


我討厭這個家
討厭，真的很討厭。

---

這個家絕對有能力媲美特區政府
若有持不同聲音者，
動不動便將其妖魔化..
以降低其正常性

---

如果只單純的以為這是發脾氣而已，
那是太低估了形勢

無題 25/08

清晨的尖東，份外的教人舒暢。

身後不遠處的青年的喧嘩，與零散的海浪聲，
在寧靜的背境中竟顯得如些協調；
遠處，早起的太陽仍舊隱伏在地平線下，
然晨光卻早己照亮天空，
彷似阿波羅的使者一樣，
提早宣告著這奧林巴斯山神的來臨。

遠眺對岸的港島，
一大片的濃霧掩沒了岸上的高樓，
讓人感到一絲的荒涼。
偶爾，三兩隻老鷹不安於這早晨的死寂，
決意衝開這濃密的早霧，
在罕見的平靜的維多利亞港上空飛翔；
早起了的鴿子與麻雀，
大概是抵受不住一覺醒來的飢餓，
趁著辛勞的清潔工人仍未來到以先，
在遊人留下的垃圾堆中尋找牠們的所須，
手口並用地為「清潔香港」加添一分力量，
也為這一片近乎寂靜的景緻添上幾分生機。

漸漸的，沉睡的維港在船隻的破浪聲中甦醒。
國金二期頂部雖然仍舊在霧中深藏不露，
然朝陽卻早已驅散的大半的晨霧；
充滿活力的晨運客也在海濱長廊來回跑步；
還有準備上班的白領儷人...
一切一切
為這城市新的一天揭開序幕。

然而，這序章不屬於我的，
我—是昨天的，
今天的我仍未出現。
徹夜未眠的訪客早已筋疲力盡，
依靠著那僅餘的體力支撐著那早己透支的身驅。

只是，我仍喜歡留在這裡，
喜歡這初醒的維港—
沒有那種令人煩厭的喧鬧、
沒有那份令人窒息的迫壓；
有的，
是一份源源不絕的生機，
一種以心靈感受的詳和與喜悅，
和一份用以迎接新一天的熱切盼望。


(記於 05年 8月 25日．晨　尖沙咀文化中心海旁)

第四天

原本 expect 今天會很忙的..
怎料個個 appointment 都臨時取消晒..><
唉..

唔想留響屋企，可以點呢..？



抗戰進入第四天，第二天絕食..
仍然緊守「不吃嗟來之食」的原則
過去四十小時只偷吃了一個杯麵，
當然重有 D 芝士餅..XD

特別消息一則

我希望讓自己冷靜一會..

這一陣子應該不會打日記的了，
不過如果有空，而且找到 internet connection 的話，
我想我還是會上來留個言的

雜記 24/08

兩天沒有吃下過一點飯，
吃不下，也吃不消。

飢餓與不安的情緒，
伴隨著從未如此接近的黑暗和死亡，
籠罩著整個房間之中。

是的，我無法忍受這個家—
那種自以為把持著真理而目空一切的口臉、
那種只管要求別人遵守承諾而自己卻反口覆舌的態度、
還有那些只按自己起好而從不會考慮別人感受的行為和說話—
對不起，我著實不能承受。

如果只是將這些問題簡化為個人問題的話，
那可能是低估了這個家的「毛病」了
否則，二姊也不會離開這個家..
而 Sonia 也不會建議我嘗試搬離這裡..

或許，二姊的決定是正確的；
她離開這個家，最少可以讓好逃離了傷害—
尤其是那些製造傷害的人從來不會理解自己就是兇手，
而只管去不斷指責別人的時候。
短時間的痛苦最少可讓大家得到解脫。


曾幾何時，我也很渴望逃難這個家—

在最不如意的時候，
主人翁竟然中了六合彩頭獎，
然候自己就可以搬離這裡，
過著幸福快樂的生活...

這些老掉牙的爛片情節，
正是幾年前的我一直渴求的事。
只是故事歸故事，
現實的我卻看似從不能擺脫她的魔爪，
lack of self-motivation ability,
bipolar depression, obessive-compulsive persionality..
三樣看似無關，卻又相互影響的問題
每一樣都幾乎註定 (最少在目前而言)
我無法獨立的生活..
在 Poly Hall 的一年..
似乎就讓我知道這麼的一回事..

對於這個早已讓我厭倦的家，
心早己飛走了，
人卻始終不能離開，
能留下的就只沮喪與無奈。

23日

晴陰不定

整天一粒飯也沒有下過肚..
由起床到晚上，
只吃了兩塊餅~
過有兩個公仔麵~
好似重有個雪米磁~

肚子餓得咕咕作響..

只是
我想維護自己的尊嚴而已。
這不是施捨，多次食言的/失信的也不是我。

---

1.
應承左阿海份聲明仍未完成..

2.
似乎 Makhome 搵牛棚o個邊大致上冇問題..
Forum 似乎會響牛棚搞了，
順道配合牛棚書展..
亦都希望可以吸引多 d 文化人關注 E-politics..
有助擴展目前 EP21 的讀者群

3.
好肚餓~都成五點幾了~

><

22日 放晴了

下了一個星期多的雨，總算也停了~

睡了差不多十二個小時，(由兩時多睡到差不多三點半..)
看來是有點病了..

Others:
1.
同樣病了的還有家聰..
歇一歇也是一件好事來的.

2.
重看雅各書四章.
有點得著..
(尤其是 4:13-4:17)

---

Canon 終於也公佈了兩部新機的資料
5D,
全球第一部平價 135 system 全片幅數碼單鏡反光機；
還有 1D MKII N..
是 1D MKII 的改良版本，
由連拍 40張@ 8.5/second 提升到 48張@ 8.5/second
還有在 DC 已成主流的 2.5"LCD..
索價分別為 $3299 和 $3999
iD MKII N 比上代平了整整一千元...

(單位為美金.~:P)

21日 大雨

晨早起來，已經是十一時多了，
還給媽媽拖著．．．
離家時已差不多十一時，
下著大雨．．還要送車尾．．

心裡著實有點掙紮～
只是腦海中突然起了個念頭．

嗯．．都係唔講～


回到教會，
剛好趕及聽道．
「主，你還愛我嗎？」
也剛好道出了我的心聲．．

解答了心裡很多的疑問．．
儘管生活上很多很多不如意的事，
也有很多仍未有能力解決的難關。
可是，我對耶和華卻是滿有信心的．．

上過了主日學就回家了．．
之後就訓左兩個鐘～感覺好多了


Others:
1.
跟Kennis 談起..
似乎大家對我有很多的誤解呢~

只是嘛~
對不起，讓你們擔心了~
不過，我著實不想自己做別人的址線娃娃。
尤其是當我知道「安排」我到外國的真正目的後。
(Kennis~ 絕不是你所知的那個原因~!那個不過是藉口而已)

2.
不知怎的，回到家中就像是一天的終結。

3.
主呀~就讓你來親自的引領孩子..
我會學會順服的..

只是，你在那兒呢？

4.
這陣子少了靈修

5.
會日個 look 好頹..
同樣好頹的還有家聰和穎賢..

20日 雨

不知不覺
暑假又到了尾聲，
每年的這個時候，
總會期望暑假快點完結—
所不同的，是今年的我，
知道來年不會再在校園裡。

回望過去，
離問塘官也剛好十個年頭。
除了科展外，我想，
離開塘官的一刻，
大概是我這些年來最意氣風發的日子。
十年歲月，
就像走在一條走下坡的路上，
愈向前走，就愈往下沉...


偶爾揭開中一的作文本子，
重新看見自己小時候的作品。
翻開第一篇，
原來就是《我的志願》
不過內容嘛，倒比較像「自介」多一點..
(好像是老師要求的..)

小時候的我，
原來想做何大一—
就是那個雞尾酒療法的始創人嘛~
不過這念頭，在中三的時候已經打消了..
Biology 的 Vocab..跟本不是我能力範圍以內..
何大一嘛..還是留給別人算了。


看回那時候的文章，
雖然文筆仍見幼嫩，
且常見以煽情手法誇張；
但大抵上風格已見現在的影子..

不過，也正如這幾年老師們所批的那樣，
我寫的東西嘛，
往往也是主線不錯，佈局也見心思，
可是文中就偏偏太多飛沙走石..
始終也未算上是一篇好的作品..


好像岔得太遠了~
還是說回正題..


十年歲月中，
又以 DB 那三年的感覺最漫長..
或許，那三年所經歷的，
比我其他七年所嘗過的更多、更深。
當中，悲喜交離、冷暖盡嘗，
淡去的記憶就像心中的一個被遺忘的傷口，
放下恐怕也頑會是一件容易的事。

就讓自己學會嘗試吧。

---

因為要突然趕回學校做野，
結果都係冇番團契..
Call 家聰o個陣都差唔多搭半了..
好似臨時甩底咁..@@~

搞掂晒 D 野都未到三點..
見阿海番到 SU 就入左去 hei..

之後就落左 apm 睇 Canon Road Show..
玩部 350D 玩左樂耐下~
想試清楚 D 手感嘛..
當然香有 1D MKII 同 1Ds MKII
不過呢兩部機..
淨機身加埋都過十粒..
none of by business..

---

Others:
1.
她回來了..
不知為甚麼，病的感覺總會伴隨而來..
肉體上的痛與心靈上的痛，
是否就是同出一源呢？

討厭這種病意，也討厭那份 Depress 的感覺..

2.
多聽點音樂是會讓自己 relax 一點的
尤其是在 Depress / 緊張的時候..

3.
現象時間是早上三時三十五分..
明天還有崇拜的時間

睡了..

貼歌 20/08

個人喜歡劇場版套 MV 多 D
講兩段不能結果的師生戀..

初頭睇唔明，明左之後又唔係太開心..><


《找我》　梁漢文

我　有見過我吧　撞面於哪地　尚在調查
我　我走失了吧　但是失落何地　誰能回話

得　孤單會認得我　和沉默倆躺臥
日子給洗刷　思想給折磨
我願守在原地　再度找我

曾經　將一顆心埋在這地　殘留回憶獻技
這凶器　太鋒利　身心亦分離
留下傳記　無劇情講心死

你　你說你愛我吧　我會否接受　尚落力調查
我　走失了吧　但是失落何地　誰人能回話

請　收起這份牽掛　無能力接收下
沒空位擺放　簇新的愛情
某段失落情話　結下瘡疤

如果　將一顆心投入禁地　仍然埋首獻媚
這凶器　太鋒利　不適合嬉戲
留下傳記　由劇情講心死
尋覓自我傳記　隨劇情　終枯死

18日 天雨

尋晚
為「睇唔睇丹麥對英格蘭」呢個問題猶疑左好耐．．
不過最後都係冇睇到．．

---

拖了三天，
總算完成了 suspendsion 的手續，
也暫時放下了「浸大學生」這個身份..
離開 AR 之後，
原本想響 SU stay 多一陣，
結果卻吃了閉門羹。

一丁友坐 72叉 入左大埔，
響大中飲左罐可樂，
跟住就過番舊墟o個邊坐 70 番市區..
冇睇錯
就係o個條成個新界東 + 九龍西行大運的 70..
難得坐到架開尾龍，
響大埔公路都貼得住前面架老虎頭 74A，
用左唔夠 35mins 就由大埔跑到番九龍醫院
算唔錯嫁喇~
唔好唔記得，
佢係跑大埔公路 ~~> 禾輋 ~~> 沙田(市) ~~> 獅隧
同一條路我試過塞足個半鐘..

隨左可以食下風之外 (小弟坐下層導航位)，
重可以感受下開尾龍o個種咬地 + 飄飄地o既感覺..
唔知點解，
到而家始終冇一部冷馬可以俾到呢 D feel 我..
可能冇風食掛..(講笑)

由九龍醫院行路落 MK
(o個段路都唔駛 15 mins...冇謂益九巴吧..)
落左成成 同 DCfever 睇相機..

D70s Kit 報 7800 (DCF) 7980 (w/512MB CF, 成成)
350D Kit 報 7380 (w/1GB CF, 成成) 6800 (DCF)
D5D Kit 報 6480 (normal pack, 成成 + DCF) 7150 (w/1GB Ulta II, DCF)

等等等....等佢跌價...!!

---

落左奧海開 EP21 EXCO..
都係正常野多，
唯一特別o既就係《毒壞新聞》正式夭折..><
重有要著手搞十月頭o既大型研討會，
同埋要申請 12月世貿會議o既記者証..

呀~重有一樣..當然唔少得呢排大熱o既 名人錄
XDDDDD~


之後就過左去食糖水囉~
吹水話題仍然離唔開o個幾樣..
甲．澤、某幾黨的內部問題之類..

未夠十一點已經 Dismiss 了..

Other:
路邊社消息 / 江湖傳聞二則，信不信由你..

1. 某大民主派政黨短期內會有退黨潮..
2. 大狀們著手組黨的傳聞屬實..目標可能會係 07 年區選..

嘻~

上次約 Vinci 老師o個陣
俾佢影左幾張相..

係咪靚仔左好多呢~ XD

16日 雨

下了一整天雨

---

走了一小時，由家中走到學校去..

好嬲好嬲~!

不吃嗟來之食~!!

---

回 BU 完成 Suspendsion 的手續，
結果都係搞唔晒所有程序。
明天待續...

---

一件恐佈的事..

今日飲左上次去 camp 買左冇飲o個罐 Coffee，
飲飲下居然發現成舊沉澱物..
結果即刻打左去太古投訴。
為左呢罐飲左一半o既 Coffee，
太古o個邊竟然派專人聽日黎換過罐 Coke 俾我，

諗起都幾無聊..
不過我唔打去食環處已經算佢好彩了..

15日 天晴

因為雙手接觸清潔...(昨天)
結果，整雙手的指皮也在脫皮..

不過皮膚好像滑了點..
最衰清潔劑唔可以「搽」上面~ :D

---

沒有回 Poly，
也沒有外出...
重新回到三星期前的赤貧狀態..
恐怕呢排都係要咁了~

起碼都下個月先有工開..-_-"

---

將這段日子的日記放到網上去..
重新看過這一陣子所寫 / 記的事..

感覺有點特別

---

anti23.org expire 左....-_-"

愛你 - 王心凌

愛你
歌手：王心凌 | 作曲：Lee Young-Min
填詞：潘瑛/談曉珍/陳思宇 | 編曲：Lee Jung-Hoon

(Rap)
yo yo yo yo Cyndi what-what's wrong with me
(愛你) yo yo Cyndi baby what's wrong with me
Cyndi give me your love
you make me sneeze all the time
Now now　怎麼我一直狂打噴嚏
在凌晨三點二十六分
let me sing let me sing a song　陪妳入睡
what is love　嗯哼我正在聽
妳要什麼都say yes
Cyndi I really do love you so


如果你突然打了個噴嚏
那一定就是我在想你
如果半夜被手機吵醒
啊那是因為我關心

常常想　你說的話是不是別有用心
明明很想相信　卻又忍不住懷疑
在你的心裡　我是否就是唯一
愛　就是有我常煩著你

＊Oh baby　情話多說一點
　想我就多看一眼
　表現多一點點　讓我能　真的看見
　Oh bye　少說一點　想陪你不只一天
　多一點　讓我心甘情願　愛你＊

喜歡在你的臂彎裡胡鬧
你的世界是一座城堡
在大頭貼畫滿心號
貼在手機上對你微笑

常常想　我說的話你是否聽得進去
明明很想生氣　卻又止不住笑意
Oh　在我的心裡　你真的就是唯一
愛　就是有我常賴著你

REPEAT＊

就這樣　一天多一點　慢慢地累積感覺
兩人的世界　就能夠貼近一點

REPEAT＊＊

多一點　才會慢慢發現
因為你　讓我心甘情願

14日 驟晴驟雨

沒有回崇拜，也沒有上主日學..
第三個星期了..
Arnold 走後，就只上了一次崇拜..

至於今日的原因嘛..
一來是因為太「支力」
二來是因為唔記得按鬧鐘 (還是給我按停了？)

用了整整一個下午，
抹家中的抽油煙機..
這項工作嘛..
恐怕也是最消耗人力資源的工作之一..

---

晚
回了 SU 找阿海
原本是想取回自己的 iPod 和學生証..
點知去到阿海又番左 Hall..

又要行多轉..

---

暑假還有 18天..
是時候將自己的計劃完成了~


Others:
1. 死人基斯普～屈機～！！

.........

剛從威特九樓回家..

二代夠膽死重長過一代..
單係浸大管委 nomin. 都可以坳足兩個鐘
八樓管委社會人士個提名又 Con 足兩個(幾)鐘..

成四點先 dismiss...

-_-"

12日 打風了..

上床時差不多四時
這星期，用作鬥氣/冷戰/嗌交的時間
比共處的時間還多..

回了 Poly 幫 EAC O'人..
(順手睇下 D Notebook~)
成個 C304 已經唔同晒樣
組合櫃的排列、還有梳化...
新莊們似乎也放了很多的心血去照顧這個家
只是嘛..為何會多了部 PS2 的...

(據外務老鬼不成文規家..
外務房係唔可以放遊戲機的..
重要隻 WE7 唔玩得..)

離開了 Poly，回到 BU
得番海、Maggie 同 Simon
Stay 左一陣，就同海落左 MK
同 Denise 一齊食飯~
(一晚半晚，做電燈膽都冇乜所謂啦~:P)

之後就單拖入左屯門牛河..

Others
1.
外務房今日 reg day 竟然連 5 個人都冇～！
番去剩係見到牛牛同 Michelle，
同兩個新莊 / helper..
入莊房重搞到要落去搵人開門..
有冇搞錯？！

2.
同阿海傾左好多基督教o既野
有 2 樣得著..

一. 我o既聖經知識重係好水平
二. 我o既 presentation skill 好差...

---

這幾天的事讓我發現了
原來自己講野..
好聽 D 講係「高章」、冇"手尾"跟，
難聽 D 講就係「縮骨」、「機關算盡」、「官腔」..

句句說話力求「政治正確」、「冇位俾人入」
就算"抽水"都要求聽o個個對號入座..
有時都覺得自己有 D 「賤」

又..我表達技巧其實唔差..
只不過嘛~
唔講....

11日(續)

一覺醒來，已差不多是十時..

大檸樂..
番到 campus 都差唔多十一點半

整個下午也是為 CSU 保新小組工作
因為有 COC o既「朋友」響地鐵站扮校內組織，
搵 freshment 做「問卷調查」
結果嘛..
我地o既任務，
就係響佢地附近，
提醒 D freshment 「小心」D 問卷調查、「避免」「留下」個人資料，
同派 D 「關於異端」o既單張...

大概因為我地「保新小組」效率太高的關系..
結果 COC o既人臨尾發晒脾氣..
最後搞到要 Call 上去 Campus 叫 Ivan 派多 D 人落黎...
「避免發生不愉快事件」..

死...講野串左好多添..

等到 COC o既朋友肯走o個陣
都差唔多四點幾

因為 CSU counter 夠人，
就番左過 SU hei 左陣~
不過都係要做...
將 Fion o個堆 file up 左上 ftp
之後又幫手搬台..
番到屋企又成九點..

Others
諗起入 camp o個晚
睇左《假如愛有天意》

歷史一直在重覆著
時間、場境、主角或會不同
然而過程卻如此的相似

是命？是運？是人？
結局又會否一樣呢？

11日 酷熱

無端端被人罵了一場
躲了到阿信家．．

就這樣的過了兩個半小時..

他們總以為沒有錢就甚麼都幹不了
嘿~
即使身上一塊都沒有
也足夠讓我在街上待一整天

回家的路上
忽然想著..
自己是不是一個怕寂寞的人呢？
是？不是？
我也不知道..
但如果一定要我答一個答案的話
我會答是。

只是..
為甚麼今日跟 sonia 談話會這樣的不自在呢？

---

不要用你自己的心意來估計我。
也不要以為我不做工就一能是因為我怕吃苦 / 懶

我能吃的苦願比你想象中還要多！
衹要能找到要我吃苦的理由。

---

從來我都不是要求一份高薪厚職，
「蹺埋雙手唔駛做」—
我要拔的，
是一份需要我的工作。

---

至於早上的事
明天待續.....

10日 "支力"死了..

最後嘛...
都係忍唔住
"偷睇"左半場 MU..^^

今日係會考放榜
因為應承左 Arnold 晨早幫佢番 DB 取成績..
結果嘛...朝早 4 點都重係眼光光...
其實都幾驚自己唔知醒，(三個鐘...)
所以都係諗住通頂算~
不過最後都俾阿媽踢左上床..

但係佢就應承我幫手做人肉鬧鐘~ :P


7:15 分
似乎比原定時間重早左 15 mins 醒~
沖多次涼 + 洗埋頭之後..
Check 多一陣 news 就出左門口了..
返到 DB 已經係 8:35..
因為好少 case 係由朋友代領 cert.，
所以 Office 個 staff 似乎都唔係太識點做..
一味叫我等..

等等下覺得唔對路..
結果都係自己去左班房搵..

Arnold 班主任原來係 KK Ng
等到佢做晒其他野
搞埋 D 手續..
取 cert. o個陣都差唔多十點..

同 Arnold 傾左陣長途
2A1B，我知佢唔太滿意呢個成績
亦同大家心目中的期望有點距離..
不過嘛~情況卻比我想像中好多了..

他是一個很懂事的孩子..

番到屋企，
同 Arnold chat 多左陣 ICQ

之後同嘉微 & Kennis 傾多左陣電話
約左佢地 同 Jessey 落佐敦食飯~

之後就番左上教會 stay 左一陣,
Jessey, Arnold, 堅, 凱生俾今年o既成續都唔太好。
(最少比起自己的要求而言..)

唔知點解..
燒燒下又燒埋我o個疊..


離開教會都已經差唔多四點幾
諗左一陣，最後都係決定番 BU 睇下有乜幫到手

由地鐵站行番 campus,
居然俾我見剢個奇境：

一路行緊o個陣(冇雨) ~~> 見到前面個街口落大雨
~~> 拿拿臨開遮 ~~> 都未開晒，已經開始「倒水」..

好彩眼利..XD

行行下，見到前面o個個男人冇遮用..
結果都主動走晒去遮埋佢..
不過為左遮佢，
就搞到我半邊身濕晒..

但總算做了件好事~

回到 SU，O'camp 比預期少人，
Stay 了個幾鐘就走了...


晚，同成班 Physics 同學落左 MK 唱 K..
幫阿康賀壽~
有 wet, 光, John, Kitty...都算幾多人喇~

好耐冇唱過 K了
晏晝嘉微先講過黎~
估唔到夜晚已經唱緊..


Others.
1. 同 Kennis 傾左成個下晝,
從旁人的眼中，看到自己很多的缺點，
有自己知的，也有自己不知的..

2. MC 再次問我過唔過去佢新公司幫手...
之前重以為佢講笑...

人工不會太高..
卻有更大的自主..
hmm..

3. 家姐提出租層樓俾我..
其實即係叫我同阿倫分租...-_-"

4.
KaKa 0320's Xanga
(睇四月一日 o個個)

一個字講晒 - 勁..

5.
跟友人談起她
就像談起一些好朋友的事

9日 天雨 (10日補記)

睡了未夠 5小時便被電話聲吵醒...
X@#!@#Y....竟然係打錯...

---

完成了將整篇聲明數碼化的「偉大工作」

---

為了不想留在家裡，
回了 SU 看看 reg day 有甚麼可以幫忙..
回到家中已是一時了..

8日 準備下雨了..

整天也在家中發荒
所有排定的計劃也沒有進行.


晚上
因為一些旁人眼中很小很小的小事，
發了很大的脾氣，
也躲在房裡哭了一場..

跟別人所認識的不同..
我所了解的兆聰是一個「面皮」比紙更薄的人
在意別人的每一個責備，
也渴望得到旁人的稱讚..

可是卻又會扮作若無其事、滿不在乎..
又或是連聲否認，
否定這些稱讚的價值..


他是一個很害怕被責罵的孩子..
那怕只是別人心底裡的責備..
也足以讓他愁上一天；
他也不喜歡給別人投以異樣的目光注視..
那怕只是一個不友善的目光..
也能教他覺得不安..

很怪嗎？
也許是的..
只是
他確是一個善良的基督徒.
這是我最喜歡他的地方~

---

給一個特別的朋友獻上祝福

7日 晴 好多了...

這一星期, 絕大部份的日記也只是用筆記下..

晨早起來
儘管仍有點頭暈
但已比昨天好多了..

沒有回崇拜，但卻上了主日學..
今日的題目是新約導讀
廿七卷書我只記準了十五卷..

不過嘛，原來大家都係差唔多 Level..XD

---

離開教會，上了一輛 2E 熱狗..
在奧海城外載了一個家庭，
孩子才剛上巴士便大吵大鬧..
「有冇搞錯呀~!冇冷氣!想熱死我咩!」

原來舒適是必然的，
不舒適就是不合理..

再看他的家人，
衣著有點土氣
也不見特別的光鮮，
恐怕也不是甚麼富貴人家.....

香港的未來就掌握在這些孩子的手上？！
這是甚麼荒謬的世代..

---

取相的時候，
因為那幾張相的白平衡似乎有點問題
要在鋪頭多等一會

跟 Tammy 閒聊了幾句
她說我的器材(好像)很專業，
又問我是否很喜歡影相..

我就讚剛走的那個顧客比我的好多了..

---

離開了 fotomax
坐 72 入了大埔一轉。
在路上想著..
為甚麼這麼喜歡攝影呢？
我想 - 大概是我喜歡美的事物吧？

這陣子的我，比較喜歡影景物 / 景色
也喜歡影人，
尤其是捕捉一些人物自然的美態..
(不要將我和那些「狗公」/ 「怪叔叔」相提並論..)

每一個人，每一件事物，
即使是旁人口中所說的豬扒，
也總會有令人感動的美的一面
問題只是能否把她發掘出來、
而技術又是否足以配合
去捕捉這刻而已

高手可以預計到這刻的來臨而預先準備，
也能找出合適的構圖和曝光去突出主題；
而低手嘛...
卻會往往該最美的一刻白白溜走而不自知..

至於我？
我想，我大概還是要 Try & Error ~
繼續努力吧~!

---

恭喜車仔贏左邪盾..XD

6日 有煙霞 病了..

一個病人
晨早被挖了起床去照顧另一個病人..-_-"

---

半推半就下
拖著疲倦的身子和兩大袋恤衫出 SSP 打「紐門」
結果嘛..
一間冇開
一間放晏

等到交低俾鋪頭o個陣
都已經係兩點九
趕到返教會已經三點三..

冇事o個個響屋企唔駛做..
反而搵個病到死死下o既去..
過份！

完左團契之後
臨急臨忙衝過去鋪頭取衫
因為帶唔夠錢的關系
結果又要行多轉..-_-"

---

落左西九諗住睇日落

點知出到九龍站都已經係七點正
上到西隧橋都已經知道可以唔駛行了...

諗住由西隧行番過教會搵家聰食飯..
行到廣東道
見到個下身(好似)赤裸的女仔..
呆呆滯滯咁..
結果都係報左警..

唔知差人搵唔搵到呢..?

---

番到教會
家聰竟然放左我飛機...

自己一個落左 M 記坐
點知又撞正隔離台兩個「正牌」維園阿伯..
講野大聲到死~!
我部 iPod 開到耳聾都蓋唔到佢地o既「傾偈」..

唉..

今日好似運氣麻麻...

---

今日病到差 D 暈低..
又冇晒胃口...><

食完 D 野都想嘔番出黎..
牙肉又痛..

哇~

5日 天晴

不知不覺
在這裡已經出了三百個 post...

---

昨夜
跟家聰談及了很多事
有教會、有屋企，
也有身邊的朋友...

回到家中
卻有點沮喪..

---

霎時發現，
原來自己仍未學懂完全地交托..
即使明知道祂在我的身旁，
自己仍然緊抱著很多的事情..
害怕面對每一個 uncertainty,
也常因為害怕面對 uncertainty 而退縮..

有時候想
自己其實是一個很喜歡掌握一切的..
往往會寧願放棄勝利的機會
而不願去面對失敗的風險..

願自己也學會交上..

---

晨早起來，
有點疲憊..
大概時睡眠不足吧？
這幾天的睡眠都不太好..

最後也沒有回校聽 Briefing..
倒跟了爸爸出外吃午飯
也談了一會..
大家的關系好像比前好點了~.
最少也有坐下來談話的關會..

---

下午
回到學校...
結果也忍不住要去看獸醫..

每次情緒低落o既時候通常都會病..
唉.....

---

心情好點了. 感謝主~

願為身旁的每一位朋友、
特別是每一對情侶獻上衷心的祝福。

還有 Arnold 的 Grandma..
求主保守她

也為豬仔感恩..
感謝主為他找到了一個合適的教會..

也差不多一點了..
是時候睡吧~^^

---

還有一點..
這幾天聽到些連我也不知道的消息.

身邊的朋友都傳我退學 / 被 Quit 了..-_-"


事實是
未來的一年，
我確是會離開 BU

不過原因是
我向 AR 申請了 suspension
而且申請也已經獲口頭批准了

至於所用的理由..
認識我有一段日子的朋友大概都知了..

在此也不願多談.

特別多謝在身邊給予我支持和鼓勵的每一位朋友。
感謝你地俾我o既關心~^^

無題 05/08

不知為何..
不知不覺的"進入了 state"..

不願睡 (即使明知自己很累)
找自己的缺點
思緒增快 (快得自己也觸摸不到..)
情緒低落 -ing


是時候要強迫自己睡覺了..
明天待續..

(心情又突然間好返 D...)

4日 酪熱 忽上忽落

昨夜，
獨個兒去了西九看日落..

坐左長堤上
看著橙紅的火球徐徐地落下
配合著和緩的海風..
就像一首足以令人安睡的催眠曲..

沒掉進海算是走運了~:P

離開西九，就到了家聰家

至於回家以後的事..
有眼睇的了..


ICQ 見到 Kevin Online,
大概是他回到鹿特丹之後第一次同佢 chat..
Kevin, I always miss U~
><~

早上起來
乘了一程免費西鐵入屯門.

約了 Vinci 老師取 CPL filter 和 Slide
還有那部壞的 film scanner~
老師話睇下有冇得整喎...
整得番的話，
晒相錢可以慳番好多..

坐響大快活成個鐘
聽老師講攝影理論~

攝影者與主體的關系..
報道手法與攝影角度的相互作用..
學到好多野~


番出黎市區
響屋企 stay 左一陣就番左學校..

今日 AC Hall 有場 Mini concert
有 Janice (<~~~!!!) , Alive (吳彥祖o個隊 band..) 同埋新人王阿 Chris
子健早幾日俾左兩張飛我..
諗左陣..
都係決定搵家聰陪我去睇。


只係今晚先知原來重有飛剩，
不過嘛..
Call 左 Vani, 嘉微同穎賢
個個都唔得閒..
結果都係「晒」左張飛~

Janice 唱 Live 正死了~!!! ^3^
最衰冇帶相機...


P.S
1.
原來今次係 Alive 第一次公開演唱...
唔怪得咁多女 fans...

2.
終於幫阿喵沖左涼了~

雖然成身工..
不過真係乾淨左好多!
^^

不過嘛~
佢俾個花灑嚇到要死...XD

雅各書四章

沒法子讓自己離開電腦桌
結果索性直接的查網上版的聖經

睇左雅各書第三和四章
已經睇過好多次..
不過次次都係好應...
我仍然未學會勒住自己的舌頭...


雖然仍然好嬲好嬲好嬲
只是也有點兒後悔..
自己所講的話也絕不是「好聽」的..

距離「順服」仍然有很長很長的路要路
加油呀！

三章

我 的 弟 兄 們 、 不 要 多 人 作 師 傅 、 因 為 曉 得 我 們 要 受 更 重 的 判 斷 。

原 來 我 們 在 許 多 事 上 都 有 過 失 ． 若 有 人 在 話 語 上 沒 有 過 失 、 他 就 是 完 全 人 、 也 能 勒 住 自 己 的 全 身 。

我 們 若 把 嚼 環 放 在 馬 嘴 裡 、 叫 他 順 服 、 就 能 調 動 他 的 全 身 。

看 哪 、 船 隻 雖 然 甚 大 、 又 被 大 風 催 逼 、 只 用 小 小 的 舵 、 就 隨 著 掌 舵 的 意 思 轉 動 。

這 樣 、 舌 頭 在 百 體 裡 也 是 最 小 的 、 卻 能 說 大 話 。 看 哪 、 最 小 的 火 、 能 點  最 大 的 樹 林 ．

舌 頭 就 是 火 、 在 我 們 百 體 中 、 舌 頭 是 個 罪 惡 的 世 界 、 能 污 穢 全 身 、 也 能 把 生 命 的 輪 子 點 起 來 ． 並 且 是 從 地 獄 裡 點 著 的 。

各 類 的 走 獸 、 飛 禽 、 昆 蟲 、 水 族 、 本 來 都 可 以 制 伏 、 也 已 經 被 人 制 伏 了 ．

惟 獨 舌 頭 沒 有 人 能 制 伏 、 是 不 止 息 的 惡 物 ． 滿 了 害 死 人 的 毒 氣 。

我 們 用 舌 頭 頌 讚 那 為 主 為 父 的 、 又 用 舌 頭 咒 詛 那 照 著 　 神 形 像 被 造 的 人 ．

頌 讚 和 咒 詛 從 一 個 口 裡 出 來 、 我 的 弟 兄 們 、 這 是 不 應 當 的 。

泉 源 從 一 個 眼 裡 能 發 出 甜 苦 兩 樣 的 水 麼 。

我 的 弟 兄 們 、 無 花 果 樹 能 生 橄 欖 麼 、 葡 萄 樹 能 結 無 花 果 麼 ． 鹹 水 裡 也 不 能 發 出 甜 水 來 。

你 們 中 間 誰 是 有 智 慧 有 見 識 的 呢 ． 他 就 當 在 智 慧 的 溫 柔 上 、 顯 出 他 的 善 行 來 。

你 們 心 裡 若 懷 著 苦 毒 的 嫉 妒 和 分 爭 、 就 不 可 自 誇 、 也 不 可 說 謊 話 抵 擋 真 道 。

這 樣 的 智 慧 、 不 是 從 上 頭 來 的 、 乃 是 屬 地 的 、 屬 情 慾 的 、 屬 鬼 魔 的 。

在 何 處 有 嫉 妒 分 爭 、 就 在 何 處 有 擾 亂 、 和 各 樣 的 壞 事 。

惟 獨 從 上 頭 來 的 智 慧 、 先 是 清 潔 、 後 是 和 平 、 溫 良 柔 順 、 滿 有 憐
憫 、 多 結 善 果 、 沒 有 偏 見 、 沒 有 假 冒 。

並 且 使 人 和 平 的 、 是 用 和 平 所 栽 種 的 義 果 。


四章

你 們 中 間 的 爭 戰 鬥 毆 、 是 從 那 裡 來 的 呢 ． 不 是 從 你 們 百 體 中 戰 鬥 之 私 慾 來 的 麼 。

你 們 貪 戀 、 還 是 得 不 著 ． 你 們 殺 害 嫉 妒 、 又 鬥 毆 爭 戰 、 也 不 能 得 ． 你 們 得 不 著 、 是 因 為 你 們 不 求 。

你 們 求 也 得 不 著 、 是 因 為 你 們 妄 求 、 要 浪 費 在 你 們 的 宴 樂 中 。

你 們 這 些 淫 亂 的 人 哪 、 〔 淫 亂 的 人 原 文 作 淫 婦 〕 豈 不 知 與 世 俗 為 友 、 就 是 與 　 神 為 敵 麼 ． 所 以 凡 想 要 與 世 俗 為 友 的 、 就 是 與 　 神 為 敵 了 。

你 們 想 經 上 所 說 是 徒 然 的 麼 ． 　 神 所 賜 住 在 我 們 裡 面 的 靈 、 是 戀 愛 至 於 嫉 妒 麼 。

但 他 賜 更 多 的 恩 典 ． 所 以 經 上 說 、 『 　 神 阻 擋 驕 傲 的 人 、 賜 恩 給 謙 卑 的 人 。 』

故 此 你 們 要 順 服 　 神 ． 務 要 抵 擋 魔 鬼 、 魔 鬼 就 必 離 開 你 們 逃 跑 了 。

你 們 親 近 　 神 、 　 神 就 必 親 近 你 們 。 有 罪 的 人 哪 、 要 潔 淨 你 們 的 手 。 心 懷 二 意 的 人 哪 、 要 清 潔 你 們 的 心 。

你 們 要 愁 苦 、 悲 哀 、 哭 泣 ． 將 喜 笑 變 作 悲 哀 、 歡 樂 變 作 愁 悶 。

務 要 在 主 面 前 自 卑 、 主 就 必 叫 你 們 升 高 。

弟 兄 們 、 你 們 不 可 彼 此 批 評 ． 人 若 批 評 弟 兄 、 論 斷 弟 兄 、 就 是 批 評 律 法 、 論 斷 律 法 ． 你 若 論 斷 律 法 、 就 不 是 遵 行 律 法 、 乃 是 判 斷 人 的 。

設 立 律 法 和 判 斷 人 的 、 只 有 一 位 、 就 是 那 能 救 人 也 能 滅 人 的 ． 你 是 誰 、 竟 敢 論 斷 別 人 呢 。

嗐 、 你 們 有 話 說 、 今 天 明 天 我 們 要 往 某 城 裡 去 、 在 那 裡 住 一 年 、 作 買 賣 得 利 ．

其 實 明 天 如 何 、 你 們 還 不 知 道 。 你 們 的 生 命 是 甚 麼 呢 ． 你 們 原 來 是 一 片 雲 霧 、 出 現 少 時 就 不 見 了 。

你 們 只 當 說 、 主 若 願 意 、 我 們 就 可 以 活 著 、 也 可 以 作 這 事 、 或 作 那 事 。

現 今 你 們 竟 以 張 狂 誇 口 ． 凡 這 樣 誇 口 都 是 惡 的 。

人 若 知 道 行 善 、 卻 不 去 行 、 這 就 是 他 的 罪 了 。

3日 晴 火緊..

1.
入人房，
踩爛左人個盒之後
冇 say sorry 之餘
重惡人先告狀
走去鬧人地 D 野放得唔好

呢個乜野世界？！


2.
隻貓週圍「方便」
佢走去打隻貓...

搞到隻貓成身尿..
唔幫佢沖身不單止
重俾佢走入去我床底

又係一句對唔住都冇講過

佢知唔知o個一下發洩搞到我多左幾多功夫做？

XDW#$@$%$#


真係火都黎埋...
結果都係忍唔住「吵大架」..

講左都未夠兩日..-_-"

29-2日 晴

連續四天沒有「打」日記..
只是因為日記本了遺留在教會裡..-_-"

退修營、見 Appeal panel、 批準 Suspend，
好似所有野突然間去得好快咁
一下子就全過去了..

至於這幾日的事和感覺
現在太夜了..(嘿~!我要早訓~!!)
還是明天才記吧~




Others:

整理了相簿
新增了 Arnold 歡送會同埋送機相
還有為《西九龍日落》增補了之前未晒的一筒
比想像中好多了

http://www.anti23.org/coppermine/index.php?cat=1

28日 有雲了..

發了一個很奇怪的夢..

不懂游水的我居然救了一個跳海的少女..

---

失眠...

睡了不足四小時..

---

看了《非常人物》
講寶馬山雙屍案的尹三龍..

突然間有 D 感受..

---

曼聯輸波了..

不過打得唔錯
之不過雲佬o個下...-_-

---

菲林沖左出黎

暫時其他重未加框~
睇住一張咁多先啦~^^

不過呢張係咁多張之中最靚o個張..-_-"

---

聽日想去跑步..
就試下跑 2K 啦~

唔知跑唔跑得成呢？

---

睡了

明天待續..

sunset on 27th Jul

呢兩日睇日落的位置...

(按圖放大)

27日 晴

落左西九龍海旁影日落

由六點三等到七點半
差唔多影左個半鐘..

起初諗住影埋o個筒菲林就算
結果都係忍唔住手
連未開o個筒都差不多影到冇得剩~

真係好大好大個咸蛋黃...^3^
好靚好靚好靚~


坐響石灘上面
眺望大嶼山o既海岸線
對住落緊o既太陽..
真係靚到唔識講野。
如果..
都係唔講了..


不過嘛~
要等到聽日先有相睇...

---

上次 Arnold o個 D 相晒左了
影得好差
剩係退相都退左九張

走焦、快門太慢、重有...
可能真係唔慣 MF 同埋用部咁輕o既機..

大家都係唔好抱咁大期望好了..

---

呢排唔知乜事..
就算訓十個鐘都好易疲倦..

請為我代禱

嘿~~~

邊有理由 del 埋人地段留言嫁喎...!!!

><

26日 天晴

睡醒了
卻又再次倒在床上
做了一個很奇怪的夢

夢中的我
辭掉了組織的工作
卻反而引發了軒然大波...

---

今天的我
有些壞念頭...

嘿..

---

6:30 的陽光
還有 7:15 的 Magic...

很漂亮

差唔多連續一個星期追 Magic

第一次出西九海皮
亦都係第一次坐響海堤之上看 / 影日落
影左十二格底片..
唔知 D 相靚唔靚呢..?!

比起菲林和車費來說，
恆心是不太值錢的...

---

上星期完成了希伯來書
卻到今天才開始讀雅各書..

一個字 ~ 懶

不過嘛~
感覺就好似主o係隔離睇住咁..
要忍受試探呀~!

加油呀~

---

Yeah!
曼聯贏北京現代 3:0~
呵呵~!

曼聯勁過皇馬~ ...(發夢中？！)
呵呵呵~

壹大押 - ONE GREAT PAWN SHOP

一個幾得意的 Blog..
我幾喜歡入面o既評論..^^

壹大押 - ONE GREAT PAWN SHOP

25日 天晴

唔知點解
呢排個人好容易會累..

由兩點訓到一點
差唔多訓對鐘..
冇眼睇...~~"

為左o個"噠""惹"左成兩年的濕疹
俾家姐拖左去炮台山睇醫生。
睇中醫都成 $700..
我都係第一次..@@~


之後過左豪叔到整機。
部機幫佢砌左年半
個 case 入面居然可以封塵封到..
要用吸塵機黎清...

結果就係因為太多塵
搞到張 Display Card 個 cooling fan 死左..

唔知有冇燒埋卡添..


番到屋企
都係要阿媽幫手..
搽左成個幾鐘藥水...

---

嘿~!
多左張大牛
暫時解決左銀荒..^^
不過嘛..今個月..
卡數未找、電話費未交、web hosting 未轉 plan..
重有蘋果個 Account...

用緊我個 Account o個 D 朋友麻煩暫時忍耐下...^^"

---

Others:
1.
呢幾年黎，今年好似係第一年冇去書展..
一黎冇錢
二黎係..
屋企重有好多書未睇完..

2.
發覺自己個 Xanga sub 得太多人..
要每日清晒 D Sub 都係一件頗吃力的事..
唔好講話回埋..
更加唔好話 re re..o個 D

重要有 D 唔俾人 sub o個 D..
哼~!(望咩呀~係呀~!係講緊你..!!)

不過嘛~
團契仍然係優先處理項目..

3.
同家姐講開股..

我同絕大部份所謂專家唱反調..
中期恆指我估會下試 10000-12000點

除左人民幣仍有升值空間之外，
中期完全睇唔到到有其他利好因素..

人民幣再加的話，
現時在本地股市 / 樓市炒作的熱錢勢必於短時間內流走，
一場小型股災似乎無可避免..

24日 天晴

昨晚..
差不多近六時才睡..
也 miss 了早上的崇拜

醒來
已是下午二時
主日學也上不了..

整個下午
也在整理自己的相簿
UL 了兩本..
還有幾十張未處理...@@~

---

無端端俾阿晚拖左去買米..
為左(等佢)揀四包米，
足足陪"企"左一個鐘...

重買左 5 排益力多..
廿蚊唔駛有三排...!!

---

因為唔想訓而唔知醒..

嬲緊人..?
發緊脾氣..?!
太累..?!
每一樣都係撒但的一個好籍口...

也都集慣了
每隔一段時間總會有一次
是要提醒我
它從未離開我嗎..?

23日 有雲

因為 D 雞毛蒜皮的小事
阿媽同家姐無端端嗌大交...

---

團契今次到我帶詩
揀左《偶然遇上的驚喜》
一首我自己很喜歡的詩歌..

hmm...
總係覺得自己今次帶詩帶得麻麻地...

---

最後都放棄左買飛入場睇 MU..

而係完左團契落樓下睇電視直播..

羅斯又入波喇~
兩場賽事入面o既第二球...>3<

---

第一次同團契的朋友睇波..
重要係兩個唔識睇波o既...
阿 Ken 同 Mary....
感覺幾特別..XD

順手講左好多足球的 knowledge..

---

終於可以「的起心肝」幫自己起個 online php 相簿

搞左成晚，總算搞掂了..

http://www.anti23.org/coppermine

暫時只能得好少相
遲 D 執番好 D 相先 up 多 D 上去..


至於個網站主頁幾時有得睇呢個問題...

得閒 + 有心情寫先啦...^^

22日 多雲

因為剪頭髮的緣故
跟媽媽大吵了一場..

其實都真係好無聊...


不過嘛
我自己o個頭剪成點都係我自己o既事呀..
剪得差你數夠一百次就會好嫁喇咩！

講起都真係火都黎埋..

---

結果..
因為受唔住 D 疲勞轟炸
最後都係要番去補剪..--"

諗起葉劉o個句..
"我連自己個髮型都捍衛唔到，點捍衛香港o既治安"
唔怪得我份人成日都好似冇乜原則啦...

---

晚
在 McDonald 坐了個多小時，
想寫隨筆，
卻連 1 隻字都寫唔出。
總覺得有 D 心不在焉..

係因為下晝o個個消息？！

只係覺得有 D 灰..

---

回到家中，
用了差唔多成晚去搞自己個 blog...

而家呢個 blog o既瀏覽數字..
海外同 local o既比例差唔多係 1:2..

點解？
因為之前呢到用繁體 IE 開的時候..
會 Auto set 左個 coding 係 Big-5.
由於 Coding o既問題
用 Big5 開 UTF-8 o既網頁
會乜都冇得睇...
就好似去左 about Blank 一樣。

其實呢個問題都知左好耐，
只不過一路都懶理者。
反正我自己不嬲都用 firefox..

hmm..
最後嘛..
搞左差唔多兩個鐘
搞到好似而家個 title 咁...

因為個白癡 IE.
成段 ＜Meta＞ 認唔到，
反而走去認 ＜title＞ 入面o個段 comment~!!

再次証明 IE = sux....

童話 (21/07)

吃甜品的時候
Maggie 滔滔不絕地訴說她公司的事..

眼前的 Maggie,
突然教我想起一個人—
又或者
正確點兒說..
一個卡通人物，
當然，
一個卡通人物
有時仍會在我們的身邊出現，

就正如我今日所講的—
麥太。

冇錯..
就是麥兜的"阿媽""麥太"。
即係麥炳個老婆麥太、
亦即係麥家碧筆下的......

嗯~
夠了..


麥太這個角色
在印象中，
並不止一次在我的日記中出現。
卻是第一次，
將她跟 maggie 連上關系。

有看過麥兜故事、菠羅油王子、
又或者其他麥家碧作品的朋友，
對麥太大概就只有負面的評語..

長氣、雞啄唔斷、
Talkative — 難聽點說是長舌、
無知、"低能"、市僧...
重有少少煩..

只是..
在麥家碧的童話世界中..
麥太的角色
卻是那樣的教人舒暢..


在波羅油王子裡，
有幾個奇怪的鏡頭運用—
麥炳聽著麥太滔滔不絕地說話，
卻想起了一個新的天地..
當然還有麥兜在草地聽佢阿媽發白日夢o個幕..

第一次看的時候
並不明白麥炳 / 麥兜點解會咁好「忍耐力」..
只是嘛.....


我想我大概會明白，
點解沉靜o既麥炳會喜歡上佢老婆；
亦都明白
點解會有麥太呢個角色..
單純、善良、開朗、積極、樂天、不造作..

可能佢有好多好多既缺點..
只是嘛
比起她的優點來說，
是那樣的微不足道..

當懂得學懂欣賞麥太的優點，
你就能發現她可愛的一面~
就會像麥兜和麥炳一樣，
找到另一片新的天地..
一片和諧而可愛的新天地


原來現實中
有很多麥太響我地身邊的。

^^

21日 晴雨不定

嘗試為餘下的暑假定下計劃

之但係..
原先的計劃..

9:00　起床 + 查經
09:30　整理自己的 blog
10:00　覆 e-mail / 日記
11:00　寫網頁
13:00　剪頭髮
14:00　回 SU / 約嘉微

不過嘛..
現實是殘酷的

10:30　起床
12:00　查經
15:15　剪頭髮
16:30　　回到 SU...

不過嘛
也是個好的開始
不是嗎？

回到 SU
遇上了 Maggie 和德仔..
房搵埋阿海就一齊落左旺角行..
由八點行到十一點...@@~

Others:
1.
平時有帶相機又唔見有咁好天色..-_-"

2.
特意番屋企取了相機..
不過揹了一整晚..
只影下了一格底片..

這陣子..
找不到讓我按下快門的衝動

3.
一行四人
去了許留山吃甜品..

4.
回家的路上
想著想著..

沒有甚麼特別高興的事..
也沒有甚麼特別讓我唔開心的事..

感覺
卻很好..

20日 熱死了

昨夜
為了不跟他吵
獨個兒上街去散步..
卻遇上了 Christine 和阿信

上左阿信屋企同佢傾左個幾鐘
由 EOS300 講到 120 中底
都係得個講字..

番左去都成點鐘了..


Others:
1.
一口氣將 5 篇日記放了出來...

2.
搵工搵工搵工....

3.
過了一天
仍未有甚麼大作為.

4.
追 Magic 第三天
一格菲林都冇影過..

19日(續)

為了影 Magic，
落街等了半個鐘..
最後連一下快門也沒有按下。

今天的 Magic，
比昨天的差得遠了..

---

1.
呢排影 / 睇 Magic moment 的最佳時間
大約係 7:15 分

不過黎緊又有一星期冇 Magic 了..

2.
35.4 度...@@~

史上第二高的七月氣溫..
僅次於去年七一..

3.
無端端又搵交黎嗌

想搵人鬧咪鬧自己囉，
做乜搵我黎煩喎..

nonsence

4.
有 D 掛住 Arnold..
嗯....嘻....

19日 酷熱

整整五天沒有貼新日記了

不是甚麼
只是不想把早已寫好的日記貼出來..

---

在家又待了一天...

---

午
有一節很好的靈修時間
是個好的開始..

(待續)

18日 酷熱

在家待了一天

影了幾張 2 張 Magic
之後就落左黃金搵阿雄吹水...

冇了..--"


晚
prhk 請左毓民做嘉賓
連埋之後聽 R45
罕有地聽左三個半鐘網台..

---

1.
忽然對組織的事好厭倦
做埋今年 Exco 真係唔想再理了

好辛苦，
見到 D 互相指罵
真係有 D 想作嘔

2.
今晚晚霞好靚
將天色染得一篇紫紅
只可惜
明天又會下雨了

3.
8 月 1日
死線來了...

願將前路都交在主手中

4.
整個晚上情緒都極度低落..

是它回來了嗎？

一週小結 11/07~17/07

這陣子
不論靈命和情緒都陷於低朝..

靈命上
接近半個月沒有靈修..
有些時候
祈禱彷佛像是對著空氣說話..

還有情緒上的低谷...

17日 晴

Arnold 終於也走了...

一行人在崇拜後送了 Arnold 機
之後就番左教會幫手搵身份證..@@~

Arnold 點會咁大懵嫁...-_-"

等著你回來~


1.
一節很好的講道

得恩、知恩、感恩

2.
原來自信和自我形象是被這樣被毀掉了的

話中充滿了咒詛和恐懼..
是恐懼, 也是恐嚇..
還有負面的訊息...

3.
不開心，
是因為發現 Arnold 比我要重視大家的關系嗎..？
我想大概是的..

4.
這星期也被負面的感覺覆蓋著
除了星期五六之外，
沒有一天的感覺是好的...
沒有了..真的沒有了...

5.
不是它，這是唯一的好消息..

6.
Kennis？蔚賢？家聰？！
唔知...唔明...

7.
還有同嘉微傾的事.

只係
今天連自己o既情況都唔太好..
唔係一定會同佢傾多陣..

16日 晴

晨早起來
追了一陣 Post
EP21 同 R45
因為 716 言論自由集會的直播問題
鬧至極不愉快..

坦白講，
雖然 EP21 o既回應有唔妥當的地方
(個人意見...並不代表幹事會..)
但係 R45 o個邊真係離 X 晒譜..

---

過了 Denise 家中整電腦
雖然已經知道 Hang / Auto reboot o既成因
但係問題仍未解決..
不過就 Fix 左幾個小問題..

---

回到教會
有一節好好的查經時間
之但係..

居然恰眼訓...@@~

同 Arnold 傾左一陣就走了..

---

晚
去了遮打花園

716Live 似乎比想象中好多了
EP21 / 人民台 / Hiradio 同 R45 的恩怨，
似乎已經傳滿了整個泛民陣營。

毓民今晚好刻意地為糾紛降火，
仍有唔少泛民議員透過唔同渠道
想了解發生左乜野事...

嘿~!有好戲睇了..

---

收到昨天的相了
較果比預期還要好..

Vanci 老師太厲害了..!!

黃金海岸隨影 15/07

器材:
Canon EOS 300
Sigma AF 28-200mm f/3.5-5.6 DL Hyperzoom Macro
Tamron AF 19-35mm f/3.5-4.5
Canon EF 100-300mm f5.6L

特別嗚謝
Vanci 老師

15日 晴 樂壞了

這幾天，心情一直都不太好。
是時候讓自己有個新的開始了。

約了 Vanci 老師還燈和鏡
也一塊去了黃金海岸影相。

剪影、曝光、構圖、人像..
學了很多的技巧，
不過
學得更多的是人生的經歷...

沒有了所有的好器材，
卻反而學懂了真正的攝影..

Vanci 老師借左部 EOS300 + Sigma 28-200 鏡俾我用住先~
嘻嘻~

不過屋企重有 7 筒菲林未晒...

---

跟媽媽喝早茶
彷佛成了例行公事...

---

跟老師談起，
大家都認同一件事..

有些時候，
未跌倒過，未經歷過..
又未必會認識主..

正如當初她不是失去所有o既器材
佢又未必可以有今天的技術..

唔拆毀、又怎能建立呢？
要記著
主會為我們準備了最好的~

嗯...
好像有點得著


纏繞了幾天的難題
似乎有了頭緒..

說馬、悲馬

來自韓愈的雜說

係我曾經用黎教學生o既誦材之一,
亦都係我其中一篇最喜歡既誦材..

---

世有伯樂,然後有千里馬;
千里馬常有,而伯樂不常有。
故雖有名馬,
只辱於奴隸人之手,
駢死於槽櫪之間,
不以千里稱也。

馬之千里者,一食或盡粟一石;
食馬者,不知其能千里而食也。
是馬也,
雖有千里之能,
食不飽,力不足,才美不外見,
且欲與常馬等不可得,安求其能千里也!
策之不以其道,
食之不能盡其材,
鳴之而不能通其意,
執策而臨之曰:「天下無馬!」

嗚乎!
其真無馬耶?
其真不知馬也!

14日 炎熱 晴雨不定

終於忍不住
狠下心重灌了一次 Windows.
之前救番o個 2 個 partation 花到七彩..

似乎好多野救唔番了..
好彩大部份野都有 backup..

傍晚
回了一轉學校..
交 MPF form..

之後就過左葵芳同 Arnold farewell 了..
有嘉微, 家聰, 緊, Leo 同 Ken..
當然重有我同 Arnold 啦..

只係嘛...
哈哈哈..
居然冇帶提款卡喎...
搞到要搵家聰包住底先添..-_-"

食完飯就同佢地落左去新都會廣場行左陣~
有一節好好的祈禱時間....

聽日會同老師落黃金海岸影相...
呵呵呵
^^

---

回到家
花了三個幾鐘執房.
比之前似番 D 樣..
不過都仍然係好亂..


找回了一隻 CD..
係 03 年初燒的 Photo CD
以為可以搵番舊 HDD 「打柴」o個陣唔見o既相..
點知, 有好多都係開唔番...

開唔番o既相..
有同當 & 佢 bf 落去睇倒數、
第一次拖住支 tripod 用 DC 睇燈飾
重有好多好多..

好似重有第一次同基斯汀小姐 + Love 版其他版友打邊爐..
o個日係 2003 年 2月 14 日..

o個晚好傷重有小水收花...

現在回想起來，
就像是昨日的事..

只是現在，
就算見番佢地
都未必再係朋友
特別係 Dawn 姐姐...

總覺得有點可惜..

---

還有 Kitty 和文文的聖誕卡..
睇佢地寫o既野，
又特然記番起好多...

第一次借冷衫俾女仔..
第一次陪住個喊緊o既女仔..
(係咪第一次呢？！唔記得喇~不過一定係第一次安慰人...
男校 / 工科班邊會有女仔嫁...?!)


唔知文文重有冇俾佢阿哥恰呢？
都有成三年冇 contact 了..
有 D 掛住呢個妹添..


"聰哥"..."兆聰哥哥"...
又好似真係好耐冇俾人咁叫了...

@@~

---

講開文文..

論聲底、耐性、表現感覺
佢都係算上佳之算..
特別係佢誦材的觸覺.

論料子..
我唔敢講話佢係最 top..
但係最少都起碼係好高 Potential
冇再繼續玩朗誦其實真係好浪費..

如果佢肯試多一年，
跟個好少少既朗誦老師的話..

(只要唔係俾佢o個個 Miss train 就得..
陸太 / 老檸 or Miss Chan 都好好啦..)

最少都一定係小組冠軍..

埋沒了..

---

呢個個禮拜..
好似成日都要去葵芳o既？

兩個禮拜落左三 (4? 5? )次了..

---

拖左成個半月
終於交左 MPF form 了..
不過嘛..
筆錢都係要再等..

13日 仍未熱死算是走運 週期性不適

很久沒有寫過私人日記了..

---

愈來愈覺得自己似瀕危動物,
只能放響動物園俾人欣賞...

可能係一隻孔雀、又或者一隻熊貓~


冇覓食能力、唔識自我保護.
但係又唔係冇價值喎!

之但係..
一離開動物園就死得.

---

跟 yennis 傾左一陣，
係佢放榜之後第一次同佢 chat.

其實佢成績都唔算差..
(最少都俾我第一次 AL 好好多啦~)
不過嘛,
因為兩科死o既都係 AL.
似乎都要 repeat..

跟她談起讀書的事 / 重讀要注意的重點..

幫到咪幫囉..

---

飯後
獨個兒走到街上歇一歇

今天的我，
總覺有點失落..

原因..?
除了因為週期性的情緒問題，
我想，
大概因為剛才的談話勾起了這段日子的回憶..


不經不覺， 3 年過去了，
我卻做了些甚麼？

這 3 年，除了讓我認識了主，
也重新認識了自己的問題外...
又讓我學會了甚麼呢？
年半寶貴的上鄸經驗？！
兩年的 NGO 幹事？

但離我的目標
卻愈走愈遠了...

這兩年來，
見莊員多過見同學..
Stay 響莊房一定多過響班房..
見記者一定多過見 programme leader..

可是又得到些甚麼呢？
三年的青春、值嗎？

幾時可以完成自己的目標？！
我也不知道..
30 歲？40 歲？
還是窮一生的力量，
最終也只能發現..
I was destined to be a dream "follower"

............

願未來的腳步，緊緊依靠著主而行。

---

Others:
1.
今晚有 d 情緒低落，見怪不怪

2.
著手籌備來年的安排
因為 WWOF o個邊唔接受三個月的關系
所以好大機會會係做半年..

而且為左趕及迎接o個邊o既夏天，
最快可能係開學前要走.....

如果可以的話..
我會寧願繼續 Stay 響o個邊

我究竟逃避緊 D 乜野？
我都唔知..

只係..
香港值得我留戀的..
大概就只有我的團契

其他的
大概就只能為我帶來傷害..

星期日o個條 banner

不過係舊年影的




對比下警方o個條~:P

Poly Hall Life

令各大院校流晒口水的 42" Plasma...


借左 toilet mate 間房黎做 demo~




隔離房門~:P

舊年 Poly Inaug..

11 支 sub-comm 加大莊
重要加埋 F Soc
連埋觀禮差唔多成千人...

加加埋埋影左成 150MB 相
而家睇番都覺得好熱鬧呢~





趁未開始
拿拿臨影多幾張相先



中委


社委


國委

不過三支外務莊...
我部機一張大合照都冇影到..(><)

12日 炎熱

幾經辛苦
整理好 HDD 入面既 12GB 相...

睇番好多舊相
有賽官的, 有 Poly 的
有其他 newsgroup 聚會的...

諗番起好多野..

---

睇左 Constantine o既 DVD
其實由佢上o個陣已經想入場睇

無論特技同驚嚇位都好正


至於套戲的 Message..

反轉左天堂同地獄的觀念..
(其實當中好多o既「觀念」，
某程度上其實都係主角投射上去的..)

不過我幾喜歡臨尾o個到..
天使背棄主所受到的懲罰、
重有撒旦拉唔走奇洛里維 C o個幕..

撒旦係贏唔到主的

搵番一張好舊的相...

係呢張相的 hardcopy..
有我, 阿信同 Kitty


眨下眼又年半





都幾靚仔呀~:P

11日 熱死 愉快

訓覺o個陣都差唔多 5:00

---

幫家聰拎套 KB & Mouse 去整..
結果落錯站..

由葵興行到葵芳...

---

多左套 Keyboard 用~
多謝家聰~

---

夜晚開 EP21 EXCO
好多笑話聽~

講開麥o麥
估唔到小熊都係麥o麥迷..


P.S.
唔知點解...
覺得佢今日有 D 眼神好怪..

Keith 同 G4U 又唔知講過 D 乜了....

---

同去年一樣

EP21會響九月至十月舉行一場大型研討會
地點暫定會係響 Poly Lecture Hall
題目係有關於言論自由

邀請嘉賓名單因為未落實
暫時唔講住..
不過一定唔會好似舊年咁
俾長毛入黎反高潮...

無聊統計..

呢 2 個星期
見長毛o既日子應該多過對住老竇...

6.28 響政府總部開會..

6.30 人民台台慶 / 七一籌備工作

7.1 遊行 (我地o個個位同佢隔唔夠一個街口..)

7.8 終審庭

7.10 反公安法遊行 ..

10日 炎熱 灰

新增了一篇隨筆

---

為了夾一條只值 $5 的 Lan 線 (大約一尺長)
夾壞了我四個 Lan 頭 ($6..)
10 尺 Cat5 (雖然屋企重有 200 尺)

重「湯」開左隻手指...

最後先知o個 part 線有問題...

....

---

去左學聯個抗議公安法遊行

由於係一個事先張揚的非法集會
(只向警方作一般通知而非合法通知 (legal notifation))
再加上上星期五終審法院的判決..
(一般估計今次警方會 Take Action)
參加人數似乎比預期少..
九樓數埋都唔知有冇 30 人..

反而警方o個邊
剩係響修頓出面都擺左五部衝鋒車..
未計遊行中間o個 D...


可能係怕拉o既關系
平時話到自己點勇點勇的 Ericsson 龜縮左埋一角
大聲公唔幫手搬, banner 唔幫手拉...

乜都唔幫手...
唉..
身為 SUEV.. 重要係 BU 學聯首代..

我冇野講...


最後
出乎意料..
警方冇響現場 take action..

只係例牌用 DV 影晒成程
(不過我估佢遲 D 都會上門拉人...)

P.S
見到阿 Keith..(好正常..-_-)
重有阿 Pan 同阿 Cat..
Cat 最後都係過左 LU Culture Studies~

唔知點解，總係覺得八樓人應該 (適合)讀呢瓣..

---

凌晨三點由浸會番屋企..
等極都冇車

結果火滾起上黎索性行左成個鐘番去...

---

S103 零機價喇~!!!
不過要簽兩年約 @ $178 plan...

藍芽, 130萬像, 雙鏡頭, 2.2" Mon, MP3 聆聲...
邊度搵.....