早幾天的靈修...

看見一節很喜歡的經文：

3:13

弟 兄 們 、 我 不 是 以 為 自 己 已 經 得 著 了 ． 我 只 有 一 件 事 、 就 是 忘 記 背 後 努 力 面 前 的 、

腓立比書 3:13

共勉之

29日 熱死了... 周期性不適第三天...

昨夜
跟屋企炒大鑊.
巡航導彈 (我) Vs 集束炸彈 (家姐 + 阿媽)...


平時認識我的人
應該未見過我真正發脾氣的樣子..

我真正發火o個陣嘛..
應該得我屋企人見過 / 隔離屋聽過—

(隔離街？唔知喎...
不過屋企住四樓，
發起癲o個陣地下一定聽到我把聲...)

有時諗起都會響得幾恐怖..

_________________

今日係 Phy Soc Inaug
小弟因為要做機佬的關系
suppose 係要早 D 番去幫手的..

不過十一點幾起身之後，
姿姿整整
(順手同家姐嘈一輪先..)
拖到差唔多成四點先出門口。
跟手過家聰度(手羅)腳架，
差唔多成五點半先番到 BU..

忙左成晚
總算順利完成了...


深夜
過左家聰家
分享左好多事 + 憂慮
總算輕鬆多了..
(雖則佢都唔係認真聽我講...)

_________________

Others:

1. 尋晚...
   好 Down 好 Down...
   Down 到有 D 衝動想跳落去死左去...
   
2. 今晚嘛...
   其實我係有少少發脾氣...
   乜都係我錯！咁得未？！
   請唔好以為你乜都知晒，
   更加唔好 expect 響我度套到乜野..
   你做緊的，我早幾年已經學會了。
   
3. 如果只係要一個醜人
   就可以解決所有問題o既話...
   咁就等我去做啦。
   不過請唔好期望我會好開心咁去做醜人....
   
4. 期望明天的團契時間...

過期小事幾則..

1.
前日隻衰貓發我脾氣
俾佢狠狠地咬左我隻腳一啖..

肉痛..個心重痛...

2.
尋日響 SU 見到小丸..
原來佢讀緊 Math Yr3
眨下眼又三年..

好多以前o既同學都差唔多 Grad..
自己嘛..
仲有唔知幾多年捱..
可能三年、可能四年，
亦都可能唔駛捱..(因為俾人 Quit..~~")
有 D 灰..

3.
尋晚無端端燒左 Router 隻電子牛
"屋漏"通常會送埋"連夜雨"..

唉.....

4.
俾 Phy Soc + chaplain + CSU 請左去幫手影相

因為 chaplain 同 Phy Soc 撞左期..
所以推左 chaplain o個個..

加埋本身信恩堂o既退修會
Total 有三個 Function 要幫手..

唔知自己可唔可以 handle 到呢？


算是近來唯一值得高興的事了..

28日 細雨 周期性不適第二天

也不知從何時起，家裡多了很多只用了一半的簿..

兩件看似沒有關系的事件，
卻因著一個荒謬的原因而連在一起...



早
由昨晚十二時到今午
大昏迷了 12 個鐘...

不過中間：
睇左 20 分鐘波
打左 30 分鐘電腦 (x2？)
加埋醒左四次...(or more..?)

冇食安眠藥的後果...

起床後，BT d/l 了《早熟》..
只看了一小段..

當中係講青年人對性行為和結婚的態度..
都係決定留番買飛入場先睇了...-_-


當 D 人搞大人地個肚之後..
總會有些人口口聲聲話
會為對方付出，
會願意同對方結婚...
會願意照顧對方一生一世...

可是...
這些所謂的婚姻....
通常都過唔到第三年...

因為
期望用性愛去縛住對方...
又或者希望用 BB 去縛住一隻冇腳的小鳥..
到頭來只會傷害自己....

一段本來就係 base on 懷疑的愛情，
根本並不可能透過進一步發展去鞏固...
更加不可能用其他關系去肯定..

也許
現代人所需要的..
是更多的了解..
了解對方、了解別人，
也了解自己..
也更多的、對自己的控制..

(唔好意思...其實唔多關劇情事..-_-...
好明顯只係借題發揮，順手講下一 D 感覺 only....)

午
回到學校
終於派左 Phy Test 2~
4/10...比 mean 的 3.4/10 還要高一點..
總算放下心頭大石~
之前 Dr. Tang 重嚇我話我捧蛋...

不過好明顯..
其實只係好多人唔讀書

大咪、阿康都過 7..
羊羊更加係滿分! --"
都唔知個 mean 點拉出黎的....

番左 SU hei 左一陣之後，
就過左 Lib 記..
買左本新簿寫文..


晚
去左最後一次組聚..
四個..五個..六個..
最後居然有七個人到..
Amenda, 敏傑, 旋旋, 阿樑, 我, 水哥 同埋好耐冇見的 Jenny...

散左之後，
同 Amenda, 樑, Jenny 同 CC 的阿睿去左百德食飯...
跟住就同阿睿去左搭地鐵..
居然又咁 Q 響地鐵上面遇到 Chaplain 的 Veggy..

同 Veggy 傾左一陣
佢好驚訝我地重可以開到組..
佢同我講..
原來好少可會有 cell 能夠 last 到 sem 尾..
往幾年亦都好少會有組有咁好的關系..

好感謝主..
俾左兩個好好的團契我..

為 Jenny 個身體、旋旋唔肯講的一件事..
仲有大家黎緊既 Assignment, Paper 同考試都一併交上..


BTW..
今個星期唔知點解同小蝸牛特別有緣...
今日又執(救？)左兩隻..
一隻響舊校斜路..一隻響匯豐中心出面..
真係好 Cute，好可愛~
下次有機會一定要幫佢影張相先...

(不過都見到匯豐中心出面"屍橫遍野"....)

27日 細雨 周期性不適

不知從何時開始，疲倦已經成為不快的代名詞


早
為了短短五分鐘的 Presentation，
昨晚整整用了近四小時整理 Ref Material。
最後因為支持不住而睡著了~

也因此走了 P.E 堂的補堂...

最終也完成了 Presentation，
表現其實不是太好，
但總算是自己努力的成果。


午
跟 Dr. So 同其他同學完成了最後一次 Mentoring
午飯吃了近兩個小時....

吃過午飯後，
再跟 Dr. So 談及自己的問題..
忽然有點迷失方向
不知何去何從的感覺...


晚
幫阿賢落左黃金買 HDD~

晚上的幹事會會議，
去到約定地點先發現俾人放左飛機..

原來臨時流會...

______________________

現在甚麼都不想，只想早點兒睡...

______________________

今晚好似響九龍塘見到阿 Pan....

______________________

唔知點解，總覺得今天的我有點心邪...

信報：港日青年談中日關係

教育 P33	Hong Kong Economic Journal	2005-04-26
港日青年談中日關係
中日領袖「握手言和」，兩國的對峙局面暫告平息。無數尚未解決的糾紛背後，國與國的遠近親疏往往受利益操控。在今次事件中，令人關注的不止國家元首的態 度，也是中日兩地的民間感情有沒有受到損害，長遠而言，兩地青年的史觀和對彼此的觀感，或許多少能夠影響兩國關係。那麽，他們的想法是怎樣的？本版走訪浸會大學的幾位同學，又透過電郵訪問一位日本大學畢業生，可以管窺他們在這問題上的取態。 　 　由日本篡改教科書、要求加入聯合國安理會常任理事國引起的中日爭執，可能令本地青年對有關議題的看法略有調整。就讀旅遊及酒店管理一年級的陳嘉俊說自己 「熱愛日本」：「我小時候家人已常到日本旅行，由小到大深受日本影響，加上很多侵華戰爭的畫面都沒見過，印象不及『六四』深刻，所以亦認為日本很有經濟貢 獻，忽略了她在歷史上的缺失。」 未感到日本威脅他國 　　不過，陳嘉俊沒有因此難受，他認為可以把政治和經濟分開來看：「在政 治方面，日本曾經犯錯，但經濟上很多人仍然依賴她。在篡改教科書一事上，不完全是政府的責任，因為政府有很多資金被右翼控制，而之前已有一些日本高官承認 歷史錯誤，小泉雖然是礙於形勢，但亦首次道歉，可見日本文化內部有反省的元素。」他又認為美國亦曾經對伊拉克、阿富汗胡亂開戰，卻仍然在常任理事國之列， 所以問題不單在個別國家，應該改革安理會，令它更有代表性。 　　陳嘉俊認為日本二戰時的確對其他民族有威脅，卻不是目前：「那只是我們的假設，對這個國家並不公平。我想，目前還未見到日本侵略他國的先兆。」他認為，當一個國家在其他國家布防，或者開始研製更具殺傷力的武器等等，才可被視為有侵略的野心。 　　就讀歷史系一年級的胡綽謙則說：「我們沒有經歷侵華戰爭，對日本篡改教科書感覺不那麽強烈，也不會因此對日本產生反感。」但這次事件之後，他會更關注中日關係的發展。 　 　歷史系二年級生朱健恆和物理系一年級生黃兆聰對日本則比較戒備。朱健恆坦言今次事件使他對日本政府更反感：「日本參拜靖國神社等行為，是要維護民族自尊 心，每個國家都有這種意圖，但真正有反省能力的國家，兩方面的意見都應讓下一代知道，讓他們有更客觀的看法。」黃兆聰則留意到日本一直有軍事擴張的意圖： 「現在南韓希望脫離美國的影響，使日本變為更重要的戰略夥伴，於是兩國結盟，互相利用，制衡正在強大的中國。」 　　日本青年藤村廉（Ren Fujimura）今年二十四歲，畢業於早稻田大學「教育學專修」。藤村和很多香港青年一樣，由於沒有身歷其境，對二戰了解不多：「我不大記得二戰歷史的 細節了，這表示老師對這部分的歷史教得不多吧。我們的確花更多時間在二戰前，可能因為人們認為二戰歷史是現代史，有機會因應史學家的發現或教科書編撰者的 修改而有變動。」藤村說，祖母和她的朋友都知道關於二戰的事，但沒有人願意提起。被問到是否了解二戰真相時，藤村反問：「什麽是真相？真相是唯一的東西？ 我不生於當時，所以我想我不知道。」 　　但藤村對日本侵華的認知，並不完全受教學影響。他說：「就算老師沒有在課上談，我也知道日本對亞洲 發動的戰事。日本要為亞洲建立一個『共榮圈』，但事實並非如此。我想，最少我們要接受真正發生了的事、我們的先輩做過和想過的事。」他又知道南京大屠殺和 慰安婦等歷史，但坦言只知道七三一部隊的名字，對箇中史實了解不多。 右翼應尊重亞洲人民 　　藤村還明確地表示，日本在二戰時 的行為「非常壞」，又以「瘋狂」來形容。不過，他也說：「我想戰爭就是這樣的。我們要贏得將來。那是由民族主義而起的，任何人也可以加以制止。」對於右翼 教科書歪曲史實，藤村說：「我不介意，那是他們的意見，不是我的。他們需要更尊重亞洲國家和人民。」 　　浸大的同學指出，這次中日不和沒有成為校園內的熱門話題，黃兆聰認為同學的反應和以往的時事議題差不多，朱健恆說同學的意見大都由傳媒直接得來，所以不很深入。根據藤村所說，日本青年對這種話題也不太熱中，而且他相信很多日本人也是這樣。 　 　此外，浸大的同學都批評內地示威遊行暴力、非理性，部分原因可能是長期缺乏表達意見的渠道，同時驚訝於它們在政府控制之下「收放自如」。胡綽謙說：「我 本人不大認同內地示威者的行為，他們可能不是真的因為日本而示威，只是『起鬨』、『發泄』。你可以討厭這個國家，卻不能因為政治而波及日本商人，這給人很 野蠻的印象，不是正確反映意見的模式，甚至受到煽動。」 　　就讀體育及康樂管理的二年級生潘龍海則說：「我想不致於『煽動』，但可能有些青年真的不很了解整件事。例如只知道日本篡改教科書，卻不知道右翼團體是如何做到的，就決定上街、抵制日貨，甚至做出更激烈的行為。」 　　黃兆聰則分析說：「從中國駐南斯拉夫領事被炸，到今次事件，都可以見到是一部分人先主動走出來，發現中央不強硬，態度便轉趨激烈，但到了適當時又會停止。所以，可能只是中央給予民間宣泄情緒的一個渠道。」 　　藤村最後向本版所說的，值得兩地人民深思：「日本政府應該為歷史道歉，雖然怎樣才是正確方法我不知道；中國政府應為最近過激的遊行道歉。我們應在學生、家庭、朋友之間的民間層面多溝通，我想，我喜歡中國人，就像你們喜歡日本人一樣。」記者　李婉薇

25日 雨 遲到多過食飯

1. 晨早起床，已是十時多...又唔知醒....
2. 海約左記者 11:30 響 SU 等...
   結果嘛~11:30 我應該行緊過去旺角 MTR~
3. 因為同 Sonia 傾過鐘的關系~
   遲左十分鐘上堂...
4. 同樣地~因為要見 Course Leader 的關系，
   在原先約定的集合時間 6:00，我正打緊電話俾 Kennis...
   話俾佢知—我重響九龍塘 KCR.......
5. 現在是晚上 1:53 分，好明顯過左鐘訓...

明顯地，今日遲到(的次數)一定多過食飯...

11:50　
終於到 SU，足足遲了廿分鐘。
還好，訪問只是剛開始了不久
今次主要係想睇下學生點去理解近期的反日活動..
被訪的有海, Eriksson, 阿四, Sam, 謙...
當然重有遲(大？)到的我....
主角嘛，當然要最後出場~　:P

由南斯拉夫大使館還襲，到東亞封鎖線、中國內部矛盾
嘗試分析左好多...
差點將整個東亞局勢都掉埋落去…

話咁快又過左一個鐘...

行過鏡房，居然見到自己個節目出緊街~
雖然冇人睇..
不過嘛~
其實自己個分析做得唔錯...

午

食左自己帶的飯盒..仍然有少少肚餓　><~

約左 Sonia 2:30，出奇地...竟然早到了..
重新 review 一次由細到大發生的事... 感覺...有點累...

做 Counseling 做到訓左著..
(最少都係“昏迷”左幾分鐘...)
印象中..好似係第一次。
.........

上完堂，衝左去搵 Dr. Lim 傾 Lab Report 問題
之後就即刻過去紅磡...
又遲到了...

18:20
終於去到萬國

對上一次黎係舊年年頭..
當時係先後同我的兩個好老師道別...有 D 傷感...

嘉旋、嘉微婆婆喪禮係用道教形式進行，
也因此引發了一些小問題.........

逗留了差不多一小時
跟廖太道別後，便跟他們一起去了吃晚飯
話晒都住左成年
紅磡都算係我半個主場　:P～


因為鞠躬定係默禱的問題，
穎賢和其他約翰團團友看來開罪了秀雯。
離開的時候，穎賢怕得紅了雙眼~
她嘛~性格仍然是一個小孩子...

吃完飯後，因為穎賢往得比較偏僻的關系，
又冇其他人住新界，
結果我送左佢番屋企。
(應承左 Ivy 姨嘛~)

路上，跟她談了很多..
Probability 跟神的關系，還有Single Photon 的 interference
沙特、Camus、尼采、杜斯托洛夫斯基...
沒完沒了...沒把她悶壞倒也是偷笑了~

番左 BU Comp Lab~ Hei 到12點先番屋企

回家的路上，
在匯豐中心外看見一隻小蝸牛...
可能是給自己雨水沖了出來吧~
牠還不及一節尾指大呢~很可愛~~

小心翼翼地、一腳一腳的，把牠從路上踢回路旁的花叢中...
牠算是較幸運的一頭了...

因為路上還有牠那給踏扁了的同伴...

Others:

1. 3天來的第六個
2. 今日終於俾人停台了
3. 團契是我生命中最重要的一部份之一...
4. 好耐未試過打咁長....
5. 樓下開緊火..-_-

BTW,
如果愛情是離不開床的話，
那就讓這撒旦的愛情見鬼去吧。

他 要 按 著 那 能 叫 萬 有 歸 服 自 己 的 大 能 、 將 我 們 這 卑 賤 的 身 體 改 變 形 狀 、 和 他 自 己 榮 耀 的 身 體 相 似 。

腓 3:21

24日 有雲...快要下雨了

早
回到教會參加崇拜
雖然遲了大到~
也總算趕及聽牧師的道

聽微微、Wince講感情問題..
再加埋呢幾日身邊朋友o既事..

開始明白乜野叫呷醋了..^^

呢幾日...
加埋聽左 5個女仔講佢地o既事..
每個人有每個人的唔開心..
每個人有每個人的煩惱和不快..

為她們感恩~
也為自己感恩...
感謝主可以有機會讓我響佢地身邊鼓勵佢地..

有能力去分擔別人的心事、
可以有機會去鼓勵他們...
是我的福氣，
也是主給我的恩賜。


午
番左紅磡剪頭髮~
終於換左個新 Look
清爽多了~

剪完頭髮之後
番左 EAC hei 左個幾鐘...
亦都留左 D message 俾佢地
Libertarianism vs Liberalism..


晚
番左學校，睇左一陣書..
又俾阿海叫左出去陪佢..
兩個大男人行旺角行左成兩個幾鐘~
Quo 價 Quo 價 & Quo 價....
累死了...

番 SU...番屋企落下睇波...
..........................

今日冇做過野.......


Others:
1. 尋晚..差 D 嚇死左...
2. 一天都光晒...
3. 好似得罪左人...
4. 都好似食左隻死貓...
5. 曼聯聯賽終於贏波了....朗尼仔入得好靚.....
6. 聽日要做的事

• 做信報訪問
• 見 Programme Leader
• 見 Sonia
• 執手尾...
• 做功課
• 寫反對書
• 出民主牆
• 去嘉微、嘉旋婆婆喪禮
• 俾底片 Kennis

48個鐘都唔夠駛.......


BTW...菲姐生日快樂~!

23日 晴

早
俾床上面一隻不請自來的蟑螂..(即係曱甴..) 嚇親..

搞到天光先上床..

午
回到團契..
有一節好好的查經時間
今次講安息日...

晚
Kevin 終於申請了網上長途電話服務~

跟他談了一個多小時電話..

兩個冇見成年的大男孩..
不知不覺講到大家都喊左出黎
大家都響信主的過程中經歷跌倒，
也在主的帶領下重新站起來..

為我有一個這麼好的好友感恩
也感謝主在我們當中的帶領~


為身邊所有有唔開心的朋友都交上....

我響座談會上所講的..(大概)

我認同社會上需要有不同的論述 (Discourse)，
也認同他們有權去發表同性戀係(道德)正確的言論，
去建構 (Construction )他們的反論述 (Counter-Discourse)
甚至對聖經有不同的解讀；
但係咪就等於應該要用法律去管制？
係咪就應該要用法律去凌駕個人道德之上？！

讓不同的論述一同放出來讓大家去閱讀，
透過公民教育去讓我們學會尊重不同的差異，
也讓他們透過種種不同的渠道 / 方式進行充權(Enpowerment)—
這本來就係一個公民社會 (Civil Society)應有的原則，
正如基督徒也會尊重其他信仰的人——
最少—我們也不會衝到黃大仙廟去大肆破壞。
但這不等於我們認同別的神，
更不應該去用法律規定不淮歧視別的宗教！

更直接地說，
是絕不應該由法律去確立這一套論述(不應歧視同性戀)是唯一正確。

為法律引入反道德批判的概念，
只會比歧視本身引致更大的禍害。

我地愛有其他性傾向的人，
但係點解我地唔可以去愛o個 D 對同性戀者帶有仇恨的人？
我絕對同意基督徒應該向同性戀者伸出友誼之手，
正如我地對其他罪一樣—
墮胎、貪婪、濫交、又或事奉他神的人—
但這樣又是否代表
我們需要立反墮胎歧視、反貪婪歧視、
反濫交歧視及反宗教歧視法呢？

(在此回應胡露茜女仕提到有關
"我們應該接納同性戀者，
也應該透過(支持)立法來向他們伸出友誼之手"
的論點)

我個人反對同性戀，
但我絕對認同基督徒要去愛、要去接納同性戀者，
因為他們也都是人，也是主所造之物—即使他們犯了罪；

我不贊成對同性戀者進行人身攻擊、歧視，
但我更反對以法律強行確立這套論述成為唯一—
最少是唯一法律上正確的論述，
因為—
將法律凌駕個人道德之上，較諸歧視行為本身更危險。

22日 晴

午
Sonia 竟然 mark 錯左時間..-_-
今日留左成個鐘比我...
可惜..佢打俾我o個陣我都仲響屋企~
白白浪費左佢o既心意~

為我有一個這麼好的 counselor 感恩..

BTW, 上次阿睿同我講...
Sonia 幫街外人的 Counseling 原來收緊 $1500 /hr...

晚
特登抽左三個鐘
去左性文化學會的性傾向歧視法座談會
主要係從基督徒的角度去探討立法必要..
有正有反...
都學左好多野..

不過正如我走出去講的一樣..
(見之後o個篇野)
我會去愛身邊一切的罪人(包括同性戀者)..

因為我本來也是一個罪人。


這晚，對信仰多了很多的反思。


完了後...到了家聰家，
也跟他有很多很多的分享~


Others~

1. 男仔有時 D 直覺原來都好準...-_-

2. 邀請了 Denise 和 Maggie 回團契，都吃了檸檬..>_<...(很酸呢..) 至於阿 Sam ，因為明知佢聽日要開首長會...索性唔問了... 不過我冇咁易放棄的.. 3. 李維史陀原來同里奧.斯特勞斯係同一個人...

4. 講錯野了...

5. 忍唔住肚餓..買左個 Tea (係西多..XDD)上堂食...
我都知有 D 過份...

6. 個座談會足足遲左成個鐘，成十點幾先完..
我連晚飯都未食...餓死了

7. 座談會散 band o個陣，
終於話左俾 Dr. Kwan 知我未交 paper..--"
醜婦始終都係要見家翁..

8. 我明白他們所受的苦..
然而，我不能接受因此而將大眾置於法網之下。

9. 為甚麼帶頭逼迫他們的，竟是...
有點心痛
不是說我們要愛人如己嗎？！

10. 為身邊有唔開心的朋友都交上

11. 今晚好長氣...

21日 有雲 仍然愉快

終於的起心肝，
一口氣睇左好多 ref. material。
希望聽日可以打起份 paper...

中大學生報號外
終於過到黎派了....
自己做過的事係咪應該自己承擔呢？


唔知點解..
夜晚有 D Depress...

隨筆 21/04

想起了有一次跟 Sonia 談起的事
說自己不願意當一個忍者—
乘人不備時出來攻擊別人..

以為明刀明槍總比暗戰來得要好..

卻又想起了上次的事

原來一切——只為自己的良心好過一點。
瞞得到別人、瞞得了自己，卻瞞不了主
____________________

是害怕成為忍者傷害人？
還是因為害怕傷害人後被報復？
我不知道
____________________

愈來愈覺得自己像 Ally...
對感情的執著、神經質、語氣..

甚至一舉一動...不管是愉快還是失落~

是性格的相近？
還是...是因為刻意的模仿？！

____________________

總覺得
迷人的圖畫背後
總是隱藏著許多許多的恐懼、不快與不安...

是我太悲觀？還是只是想得太多？
____________________

以上只是一些心裡的感覺...

唔好問我點解

20日 晴 心情嘛.難得的舒暢~

今日考 PE
大脾控球只係控到三下..
有 D 無奈...

總算也順利完成了~
不過要去埋下個禮拜頒獎禮去補番 Attendence~


午
應 Comm o個邊o既邀請，
去左 BUTV o既一個 Talk Show..
講近期的反日問題
同場的還有著名時事評論員劉銳紹和樹仁 EV Danny...
比我強多呢~


很久未試過咁開心了~
唔知關唔關 Marksman o個六針呢？^3^

還有很多很多的功課和 Paper ~ 努力！

仲有一個版本...

● 常以為還有下一次，所以不懂得珍惜這一次。

● 走下坡的時候，路是平坦無阻的。

● 唯一別人搶不去的東西，就是時間、所有的時間，都是等我們自己失掉的。

●其實世界上只有兩種人，落手落腳的和指手劃腳的，遺憾的是後者是不沉默的大多數。

● 每個願打的人背後，都有一個願捱的人。

● 我們沒有什麼記不起，也沒有什麼放不下。

● 愛遇見了不起的人，怕遇見對不起的人。

林振強語錄

原來來自佢過身之後o個日o既報道..

專欄妙語連珠

‧人生許多不必要的痛苦，起因都是因為夾硬穿上細了一個碼的衣服。

‧頹廢的意思，不是cool，是fool。

‧不用與所有的人做朋友，你並非競選中的政客。

‧最戇居的水上活動，就是一個人跌進愛河。

‧和寡大多數不是因為曲高，而是因為那曲實在難聽死了。

‧直覺的正名是「靠撞」。

‧最難墮的胎，就是你我各懷鬼胎。

‧情場不是超級市場，請勿薄利多銷。

‧要做個快樂人，並不需要天天都有愛情，也不需要每天都有麫包，但一定需要每天都有大便。

‧站在海傍時，浪漫之士會認為自己在看海，不浪漫的人覺得自己在睇水。

愛情

仍然相信
真正的愛情
可以經歷時間的考驗~
經歷得起風浪、也經歷得到等待

還要有充足的準備..

(諗起漢基o個半年...
一個字—勁!! )

仍然期待著~
期待著主的應許—
我信主會給我最好的。
___________________

愛是付出——
不是賣出、也不是出賣..
因為—真正的愛是不計較回報的..

全心全意的付出自己的心靈..
為所愛的祝福。
縱然最終一無所有，
也無悔、也無怨。

因為
只有真正的不求回報的愛，
才能真正地感受到得到的喜悅。
諗起林振強的一句：

人生許多不必的要的痛苦，
起因都是因為夾硬穿上細了一個碼的衣服。

是的
人不快樂，
是因為有太多的 expectation。

19日 晴

走了一堂英文...
也走了一堂 Soc
Term Paper 也沒法趕及 Deadline.
心情差劣透頂了

睇番上個月 19 日的日記，
原來心情都係差唔多。
開始懷疑—
究竟男仔會唔會有周期性不適的....



晚上
跟 Denise 和朱仔談到福音，
也談到大家的團契生活。
發覺佢地都唔太鍾意自己而家(以前？)個團契..
覺得入面有好多唔開心o既事...

結果嘛~我邀請左佢地黎我既團契~^^
為我有一個好好的團契感恩^O^

(只是嘛~覺得自己仍然有點自私、還有少少害怕...--")


回家的路上，
想起今天的事，
心情仍然未能釋懷。


只是
當回到家裡—
看到昨晚手寫的日記，
想起了那個"麥小姐"~
終於笑了..^3^


心情好了很多了
感謝主

續昨夜...

在回家的路上，巧遇 maggie 跟德仔..
也跟她一同乘車..

在車廂裡，
看見了一個七嘴八舌的女孩，
喋喋不休跟身旁的男孩子—
大概是男朋友吧？！
分享著她的一切—
喜歡看晚上重播的創世紀、喜歡到某某餐廳、喜歡...

第一時間諗起麥太~

有點討厭；可是，聽慣了——卻又有點可愛...

討厭的...是她那副同麥太把聲一樣的聲線..
當然還有她的七嘴八舌...
真的有點煩 + 刺耳；
可愛的，卻是女孩的率真，
不同計算、更不用分析她的計算。


忽然諗起我阿媽

(咪住先...如果佢係麥太...
咁我咪即係麥兜？！
係都唔錯喎~噶噶噶~^^)


當然還有兩則小故事..
唔講了..(應該話唔打算響度講了~)

只是
我的身邊嘛~有很多的小天使~

BTW...俾 Eva 催稿了..--"

18日 晴

下畫番到學校~
搵左 Marksman 幫我紮針..
Total 紮左八針：
四支插左上頭、兩支拮腳、
一針響手婉，重有一針響眉心..
唔知會唔會好 D 呢...? 期待中~
_________________

今個學年最後的一次團契週會
亦都係畢業生歡送會...

終於輪到我地o個組帶詩.
而我就負責講 intro..
講得其實唔係太好的...
不過嘛~也順利完成了~
_________________

居然可以得到團契的勤到獎...
(雖然成日都遲到)
有點諷刺..
_________________

回家的路上，
在地鐵的車廂裡遇上了一些值得記下的人和事
也在買雜誌的時候碰上了一對很 nice 的情侶...
獲得了一個額外的麥嘜字母串~^^

時間所限　明天再記..-_-