30日 天晴但有雲

今天的心情真的很壞..
大概是因為沒有吃藥吧？！

可是昨晚呢？
我也不太懂得怎樣形容了
反正是因為些小事跟姊姊吵了一場吧..
"寸人唔駛本"的功夫..
我還以為自己早已經戒掉了..


以為有點不明所以？莫名其妙？
不！
我很清楚為甚麼我會這樣..


獨個兒在家中待了一天，
幫老竇的朋友搵資料...
—嘗試從一隻已死的 notebook HDD 救番 D 好重要既 Data..
最後都係索性將佢 Redirect 左去一間 Data Recovery 公司
幾錢？！唔知呢？！應該唔駛過萬掛~
睇怕都差唔多吧？


整理了一些"過期"的日記
一篇篇、一段段的，
通通 Save 進電腦裡。
或許有一天，
我能恨下心腸，
Click 一下 Delete，
將所有記憶一次過洗走—
愉快的、痛苦的，
不留下一片雲彩。

不過，
現在的我仍沒有這樣的勇氣。


晚
因為家聰不在家的緣故，
又不想太早回家..

於是獨個兒逛了近兩個多小時深水步
也在麥記躲了近兩小時..
記下了一篇整整四頁半的隨筆..


離開麥記後
家聰仍未回到家中..
最後都只能放棄搵佢的念頭..



用了大半個小時
走平時只消走 15 分鐘的路..
伴隨我的
是一陣陣迎面吹來的清風

感覺很好~

29日 晴 心情...也是這樣吧？

今日係我第一次幫手帶崇拜的敬拜..^^
或許因為太緊張的緣故，
晨早未夠 6:00 am 已經起左身~

決定再睡多一會..
再起來時剛剛好 8:30..


臨急臨忙趕起了學生會的聲明，
再沖多個早涼之後..
姿姿整整，
10:15 分終於回到教會，
比原訂的練詩時間晚了 15 分鐘..

雖然(我)唱得好難聽，
不過嘛~
總算有一節很好的敬拜時間。

還有 Ivy 姨的講道..
令我想起上星期的事..
hmm...

完了崇拜後，
跟嘉微、穎賢和 Wince 躲到一角
談了很多的事~
多謝她們的分享呢~!

之後還有一節很好的祈禱時間...



下午
跟 SU 一起去了支記的「愛國民主大遊行」，
由維園行到去政府總部..
沿途見到 Makhome, 家貓, 路人乙, Panda...
重有好多版友..


之不過..
照計年年都係咁行，
唔知點解今年特別累...


晚上
拖著疲倦的身軀，
跟 Maggie, 海, 德仔, Simon, Sam 和子健
一起落旺角吃晚飯 + 訂場
之後就掉低左子健，六個人走左去行廟街~
由 7:00 行到 10:00
Maggie 都重係咁精神...
都冇晒佢乎..

嘿..頭先靜坐o個陣就舂下舂下...

10:00 pm
行到去教會附近o個間麥記~
落左去食脆筒~

Maggie 係咁都係拎住我部電話玩..
影左好多相..
Simon 就唔知乜事..
Sam 同 德仔嘛..

唔知點解..
今日個個都係怪怪地...

(BTW..Maggie 話喎...今晚一定要 Send 到相俾佢喎..)

M23 @10:25 @佐敦道麥記

今天的三首敬拜詩歌~

敬拜者的心

曲、詞： TWS

此刻已沒有不快樂，亦沒有眼淚與悲傷。
今將一切都已經卸下，在此刻專心親你。
舉起雙手來到你面前，齊稱呼主阿爸天父，
開口宣稱我主偉大，在此刻得到釋放。

是敬拜者的心，不再恐懼，
靠著敬拜的主角，高聲歡唱。

願我眾一心尊主聖名，
盡性也盡意，齊獻上馨香的歌韻。

唱片/詩集： 敬拜者
出版：香港學園傳道會



永生之主

你是永生之主　你掌管世間
你是我主基督　配得尊稱
有何神及你　勝過陰間再生
有誰人像你　揹我罪過犯

永生之主　替我釘身受死
背負滿身鞭傷　叫我傷口治好
有何神及你　替我擔當困憂
有誰人像你　愛我甘犧牲

頌讚永生之主　我眾恩深銘感
頌讚我主基督　我眾高舉兩手
有何神及你　永配得尊稱
有誰人像你　永配得敬奉讚美



神是永活全能

用鼓樂歌頌，神是永活全能，浩大救恩世上難尋，
用生命稱謝，神是永活全能，活在我心信實到永恆。
歡呼歌唱，讓世間此刻知道，當將心意盡變新，
高聲宣講，讓世間此刻緊記，神回來時候漸近。

Maggie's

maggie


maggie 2


maggie 3


maggie 4


maggie 5


maggie 6


maggie 7


maggie 8


maggie 9


maggie 10


maggie 11


Posted by Hello

28日 毛雨 一切很好

又睡了差不多 11 Hr，
考完試之後真係好 hei~


遲左十分鐘回到團契，
hmm...有待改進...

今日講十誡的第五條——孝順
重有分享 + 同 Mary 慶祝生日的時間~^^

跟住就睇嘉旋 + 穎賢 + Arnold 練詩..
準備聽日敬拜..
穎賢希望我聽日都可以幫手.^^
因為佢話佢失聲 + 唔唱得喎，
又難得有把男仔聲....

崇拜幫手帶詩，應該係我第一次呢~

唔知聽日會唔會唔知醒呢~
希望唔會喇..
不過以我呢幾日咁懶訓

咪喇...
今晚都係早 D 訓，
聽日番埋主日學~

Good nite~

BTW
1. 呢兩日呢度好似多左人黎睇喎..
好多新朋友都冇打招呼呢~

2. Mary~ 生日快樂呀~
祝你今年好訓 D 喇~XDD

話時話呢~我成日呢~都覺得呢~
好訓 + 訓好多的人其實係好幸福的..
我好羨慕呢~

(講個小秘密你知呀~其實我地都好鍾意你嫁~^3^)

一週小結 22/05~28/05

星期一

有些憤怒..
祂每次總會給予我很多不切實際的 expection..
然後又告訴我：

孩子，
我可並不是這麼想..
這不是我喜悅的..


我明白，我理解，
只是感性上的我不能接受而已；

每一次總要讓我狠狠的摔在地上，
說實在的，我真的感到有點累、有點憤怒..
我知道主要給我試煉，
要拆毀我的舊人..
只是，我真的很痛、很痛..

由 DB, 到 Poly, 到 BU..
由 小奧數， JSSE 到上次的聲明..
當然還有她們..

每一次
主都會讓我由山頂跌至谷底，
是主要我學會謙卑？要我更仰望神？
要我更順服？還是要我學會愚拙？
我不知道..



主呀~!
求你保守我，
因我離開了的時候，我沒有一分可自誇的地方..
也將永遠的活在痛苦之中..
父呀~!
我一直的都信靠著你
這些都是你知的..

我的恩賜都是由你而來，
求你一一的去掌管它們—
掌管我的能力，也掌管我的心志。

奉主名求
阿門


星期二

仍然為昨夜的事有點不開心..
只是主讓我知道了..

祂正在帶領我，
指引我的步伐...


星期三

不知從何時開始，
以前牙尖嘴利，能言善辯的我..
慢慢的，
失去了以往的口材..

經常講大堆野唔中 pt. / 太過深
冇左以前講野o個種 style 了...><


下午

好多謝 Sonia ..
帶我睇到好多我睇唔到的問題~


星期四

我不知道我做得對不對
只是..做了的已經做了..
再想也沒有意思..

跟家姐說出了我的擔心..
只是..我不想媽媽也擔心起來..


星期五

1. 利物浦半場輸 3:0
全場也能夠追和 3:3，
最後還能用 12 碼贏得冠軍..

世上沒有不可能的事，
盡了自己的全力，盡力做好自己的本份，
其他的事、將來的事，
沒有人會知道~
就交給主吧~

2. 聽講..
今日係某對小情侶一週年喎...

呵呵呵~


星期六

差不多完成了一個療程了..
還未知會不會再吃多一個 Phase，
早幾天，跟 Sonia 談到了。
Sonia 希望我可以停藥，
用大量的維他命 B 代替 Lexapro..

只是嘛..
我很喜歡現在的情況，
也對停藥後可能出現的問題有點害怕..

情緒管理、意識控制..
還有那種傾向....

27日 大雨

由 2:00 到 18:00
斷斷續續，差不多睡了 10~12 小時

翻看了利記奇蹟迫和 AC
也重新整理了自己的 e-mail..
有些得著..


晚
EP21 約了其他幾個網台的負責人在 HH 開會
講 64 晚會的轉播安排..

因為得到支聯會的協助，
屆時將可以直接響主台後面駁 Panel，
經 PRHK 響銅鑼灣的 Studio 入 Mixor
然後再射上 Server 出街..

ifg 同妖怪會留響人民台做技術支援
至於我地呢邊就會主要做維園o個邊既採訪同管理..

至於我嘛...
應該都會留響維園做採訪 + 幫 sTeVe 做協調工作..

如果今次成功的話，
如無意外 71 同 12 月世貿會議o既人民報導都會用番同一模式..


臨走o個陣，
同 May & Monque (?) 傾左一陣..
hmm...

深夜，
回到家中..
搞左個幾鐘網頁o既 source code 同 layout..

係咪好過以前呢~?^^

一篇很久以前的副刊

時代 D05 明報 喬菁華 2004-09-29

菁英會 不看《金枝慾孽》

電視劇《金枝慾孽》是近期的電視新聞熱點，馬傑偉教授加入討論，可見學院派也受迷惑。這日與倫敦朋友通話，她問喬菁華：「有沒有看《金枝慾孽》？」喬菁華答：「沒有。」她大感詫異：「怎麼不看呢？我們每天都追看，從互聯網下載！」只不過十年前，她在海外看香港電視劇，要到唐人街租影帶，還看不到最新的劇集。現在有了寬頻，不知是否無線電視的損失。 喬菁華不愛看中國式的宮廷、家庭、公司權謀鬥爭戲劇，沒有商界經驗(如馬教授)或沒有在優秀大機構工作經驗的人，很容易受雍正皇朝式的權術誤導，以為在商界向上爬，出人頭地，佔領高職要位，巴結討好、結黨搞陰謀、打擊異己，便是上位秘訣。究其實，在真正一流的大機構，個人才能、語文程度、口才溝通技能，才是最實際可靠的升級保證，玩弄權術這種邪毒功夫，終究不敵正宗少林武術。 喬菁華大學畢業後加入美資大銀行工作，一開始便接受表現評估、不服上級評價可向人事部上訴的觀念；銀行注重培訓，美國派來的上司全無架子，我們的一班 trainee每天都視上班為樂事，二十多年過後，當年的見習生群之中，不少已獨當一面，成為環球業務主管、行政總裁、創業老闆、外匯專家、基金經理、幾 家大銀行的私人銀行部門的董事總經理。我們偶有聚會，都懷念當年初入行時，銀行向我們灌輸正確觀念的時光。 自己也曾在華資工作，在成功的一間，老闆用人唯才，絕不容忍做不到事的巴結之徒。在失敗破產、最後出售祖業的一間，老闆便是宮廷式人物，不知現代管理為何物，鎮日受口甜舌滑之徒包圍，可說親小人、遠君子，卒無可挽回。 因此之故，喬菁華對企業機構內玩弄權術之徒，深惡痛絕。讀了MBA，學習現代公司管治，還是愛看《金枝慾孽》、雍正皇朝，受其迷惑的人，前途有限，即使能成為公司負責人，也難保將來不兵敗如山倒。 文章編號: 200409290040223

第一次看這篇副刊，是因為交功課的時候，
看見一位 Professor 把它釘在房門外..

驟眼看到標題，覺得有點奇怪，
於是在房門外待了幾分鐘，默默的把整篇文章讀了幾遍。

想到了一些事。

26日 有雨

終於完成了工作
唔知幾時可以過到數呢...

午
跟嘉駒 + 大頭楓約好了一點鐘食午飯
點知十二點九打去搵佢地 firm..
佢地兩個夠膽死未起身..

結果嘛
飛甩左大頭楓，
同嘉駒響奧海城過左一個下晝..
由薩拉馬戈講到卡拉馬佐夫..
再由罪與罰講番到伊底帕斯

佢邏輯都係強過我 DD...
不過嘛
我用理論名 + 人名搭夠..XD


同佢番左屋企 hei 左個幾鐘~
一齊(目及)女仔....
........
相


夜晚
經過之前咁多次都約唔成..
今日經過我高壓手段處理後..
終於都同嘉旋佢地睇左《早熟》

換黎既..係被迫放棄左阿 Ken 同穎賢...
唔係我驚套戲落左畫我地都未約好...

BTW...原本今日諗住睇 4:10 場的..
結果為左要就微微放學，最後都係要改睇 7:45

我諗我明白裡面想講的意思
不過令我印象最深刻的
係黃秋生最尾的一段說話..


諗起下晝嘉駒同我講..
如果可以忘記到係 Fiona + 房祖明做主角的話，
呢套會係一套好戲..

hmm... 不過...佢兩個都唔太差吧..

時間所限
明天待續

25日 大致天晴

早

六時多起床
只是嘛..
因為搵証書的原故
都係遲左成半個鐘先番到去...

講左一個大話...><

做左四個鐘問卷
順利完成了一百份的目標..

總算大功告成..
不過聽日重有 D 手尾要跟


下午
完成問卷後
同 SU 成班一齊落 bar can 食飯

匆匆忙忙用絲帶串好個字串
就送左俾佢

嗯.
佢好似好喜歡..



狼吞虎咽地吞左成個司華力腸 & 焗豆飯
用 9'9" @ 100M 的速度衝去搵 Sonia..

好彩冇遲到..


Sonia 帶我再一次 Go through 自己屋企的經歷
睇到自己家庭背景所遇到的好多好多問題
也了解自己更多..

雖然自己好唔鍾意佢地呢套，
但不自覺地，
我原來一直都係用緊呢套 programme.

自我中心、極度主觀、喜歡逃避 / 卸膊、active social，
縱有不滿也只會隱藏起來..
還有很多很多..


那個趕出門口的比喻...
雖然我不喜歡，亦不願意承認..
原來我不加思索地，
早已將自己的思維模式強加 / 投射在別人的身上..

感謝 Sonia


回到 SU
已經差唔多四點..
成班人無聊到玩 True Or Dare 過日辰...

都唔知佢地係咪有心玩野..
7-8 個人玩 True or Dare，
20 條問題居然居然有 9條都係抽中我..


海當眾問我係咪鍾意 Maggie..
說實在的..
我對呢條問題真係幾反感..
一條佢一早知道答案既問題、
亦都知道呢條問題無論乜野答案、
都會令 Maggie, 德仔同我非常尷尬。

而且亦都知道在場唔止我地三個會對呢條問題有反應..


我唔想 hurt 到其他人，
更加唔想 hurt 到佢..
最終我都係決定忠於我自己既諗法。

我承諾過的~
最少到現時仍未有轉變.

說實在的..
如果呢條問題早兩個禮拜問我的話，
我諗我可能會猶豫一陣；
不過在這刻，
我非常清楚我愛的是誰。


其他的問題..
其實真係有 D 搞爛 gag..
唉...


晚上
一家人和雄叔一起外出食飯，
為爸爸賀壽..
卻因為一些少事在家中跟家姐嗌大交..

不過..
兩姊弟嘛..
轉頭又乜事都冇了..


回家後..
跟家聰談了差不多一小時電話..


Others:

1. 地拖今朝早走了..
我上星期落街先同佢玩 + 抱左佢一陣..
胡生重話佢呢排好番好多...(雖然記性差左 + 唔認得我..)
點知今日已經離開狗世..

唉...冇諗過上次係最後一次...

佢主人 e+ 好傷心...

2. 最後竟然係我冇報到統計處份 Job...><

3. 聽日約左嘉駒 / 大頭楓食飯..

4. 還有和團契一起睇早熟..
hmm...

24日 仍然驟晴驟雨

昨夜
在床上向主哭訴

我知祂的用意..
祂要叫我謙卑、祂要我學會站起來..
只是
我仍然很痛...
很痛...


早
晨早回到學校
幫 FO 做問卷..
由朝早...
一直做到 7:00p.m.

晚
跟大頭楓談了半個鐘電話..
(呢排唔知做乜成日煲粥..)

到而家都唔知佢係咪真係暑假結婚...
俾佢玩死..


今晚係讀壞新聞的第二次試咪
約了 Makhome 和 Good 4 U 8:00 響長沙灣等..
比原定早到左半個鐘...-_-"

中途又咁o岩撞到阿 Ken，
原來佢過去o個邊做義工..


試咪嘛..
頭尾試了差唔多三個鐘
around 80 分鐘節目 (over-run 了差不多 20分鐘)
再加個幾鐘同 ifg 一齊做的分析..


差唔多試到成十二點先走，
不過，真係學到好多野...
特別係同 ifg 的討論。
專業聽眾始終都係專業聽眾，
一講已經 point out 左o個幾個重要問題..

soft selling vs 字眼上的暴力
隨處可見卻又太不易見到..


至於自己
今次就嘗試從解構理論入手，
分析上個星期日明報頭條《老夫婦輕生揭長者哀歌》

點解三個故事要咁樣安排？

點解咁多不必要的描寫？

點解有 D 動作會形容得咁具體？

當中...太多被建構 / 選擇過的處境了..

不過..
可能我個節奏太慢..
亦都可能係我表達太差..
跟本冇人明我講緊乜野...>__<

老實講..
自己真係做得一塌糊塗

一黎之前冇做功課、準備不足，
好多論點都係要即時去諗..
跟本就組織唔到..
而且自己又捉到鹿唔識脫角，
再加埋唔識 present..

唉

有時要係覺得自己好鬼冇用..
連 conclude 一篇新聞、幾個故仔都做得唔好...
講左成大輪都唔知自己講緊乜...

可能
主就係要我響當中去搵自己的不足..

(至於我想講o個單新聞嘛...聽日先詳細講喇...)

發悔氣 @24/05

1. 心情一下子由山頂跌到谷底

2. 真的是我的問題嗎？
我不明白

3. 腦中一大堆的名詞 / 名字..

4. 明天還有工作的時間..

5. 唔開心唔開心唔開心.......

哇~~

原來我搞錯左...

臨記 = 我 = 要幫手擔旗...

CC 原來係要搵男仔幫手搬野....><

23日(續)

下午
回到 BU
在 Lib 記待了差不多近 4個小時..
看書、雜誌，寫筆錄、文摘..

要交的倒仍未願意做..


晚
回到 SU..
因為問卷調查的合理性~
跟海, Maggie 和 Simon 有激烈的討論...

是我的表達能力真的太差嗎？


跟海， MC ，阿賢，還有幾個朋友一齊落城
差不多食左成七十蚊...
Much more than I've expected


落完城後，回到 Lib 收拾行裝...
離開的時候，
收到穎賢的回電...

佢同嘉旋應承左幫手...^^

23日 驟晴驟雨

昨夜
跟嘉駒談到了很多事

談到了家聰所說的
也談到了沒有對家聰提過的..
我不想傷害任何一個朋友...
特別是我重視的..

一個基督徒，
若果能找到信主的另一半的話..
會是一件幸福的事~
這點我會認同的。

至於目標一致...
我想...我是理智上部份接受
感性上不 (無法？) 接受..

或許~
這些嘛~
一個非基基會很難明白..

當然還有另一個的故事..
我知道我要想清楚的

為他的工作和學業都交上..


昨晚
在床上跟 Kevin 談了很久...

(電話 Only...唔好諗衰野 XDD)

唔知佢而家響 Manchester 的生活過成點呢~

談到了他的考試~
也談到了 Critical Management Studies..
好似好精彩的一科~

(一個歐洲新興學科..
嘗試將 Post-Structuralism / Deconstruction cross-over 傳統的 BBA

我都係尋日先識嫁...)

談到了 Foucault, Neo-Marxist..
還有 Saramago...
他想起了我上次的隨筆..

當然還有 Jesus~^^


當然，也談到了自己的疑惑....
有些得著呢~

感謝主~

兩個大男孩~
就咁樣煲左成半個鐘電話了...^0^

Kevin ~ I always miss you~~ ^^

22日 天晴

早上
晨早回到教會
有崇拜的時間...

也因為要落去踢波的緣故
經歷了神的一個安排...
^^


踢完波之後，
再次回到教會待了一會..
家聰一家，Vani，還有 Kennis都走了...
只剩下嘉旋和穎賢...

獨個兒在一角
寫了很多的感覺
也記下了很多很多的事~

我喜歡隨筆


晚上..
過了國明舅父家中整電腦..
途中跟嘉駒談了半小時電話..

感覺、學業、工作、愛情、政治..

回家時
收到 Eva 的電話..
問我肯唔肯為音樂劇幫手..
也問了我會唔會去 FES 的福音 Camp / Workshop...

唔知會唔會撞時間呢？

Others:
1. 漢基希望我可以 Keep 住番崇拜，順手可以幫手帶踢波..
我會儘量 Try my best 的~!!

2. 今日跌到成身傷晒...
差不多大半年冇踢過石地場了...

3. 為音樂劇的人手安排交上~
而家搵緊團契既人幫手~
唔知有幾多呢？

4. 仍然為那一位同學交上...

隨筆 22/05

風雨過後的夜空，
顯得格外美麗...

有帶點害羞，
部份仍然隱沒在地平線下的夏季大三角；

有互相追逐著的大熊和小熊，
那傳說中
被宙斯擲了上天上的凱莉斯杜與阿卡斯..

還有那光亮得將整個夜空都照亮了的阿緹密斯..


在每一個月圓的夜裡，
阿緹密斯總會趁她哥哥阿波羅睡覺的時候，
駕著很乳白色的馬，
展示她那銀色的長紗。

可是那耀眼的銀紗，
卻是很多觀星者避之則吉的衣裳。
因為她的光茫，
總會讓她身後的繁星失色
讓美麗的夜空顯得平凡。


在阿緹密斯躲起來的時候，
倘若碰巧是個晴朗的星夜的話，
我總會喜歡獨個兒乘車到赤柱，
躲到寂靜的沙灘上，
欣賞那難得一見的銀河。


或許下一回，
我會跟自己喜歡的人..

在雨後的星夜裡、
在微風的輕拂中、
在舒適的沙灘上，

一邊傾聽那浪濤的拍岸聲、
一邊欣賞這創造者的奧妙、
細訴一個個星空的神話。

獻頌揚

獻頌揚

請張開雙手稱讚上帝
將心歸向全能上帝
心中嚮往主聖潔上帝
感恩頌讚獻給主

因祂的供應恩典中盡獻
祂的寬恕常常勵勉
祂的看顧分秒也未變
祂的厚恩沒改變

我渴求　上帝恩典裡逗留
我渴求　每天向你尋求
獻頌揚　上帝恩如此多麼深厚
獻奉　感恩獻上所有

http://www.ofweb.org/~allensit/CDL2_12.wma

21日 雨過後的天晴

昨夜收到明輝的 ICQ msg
原來我今日要帶詩..

臨睡前
跟姊姊差不多談了一個多小時..
談起了我的弟弟，
我知道..
他們一直也為這個小孩而自責..

想起了 Jimmy 上次跟爸爸的哭訴，
他和他 Ex 的故事..
其實，
大家一直都也放不下，
一直都活在罪疚中...

我絕不會讓這些事臨到我 / 我所愛的身上的！


晨早
想起了上次 CW 的場刊..
找了自己很喜歡的兩首
獻頌揚 及 忙.茫.望 ...

匆忙選了兩首詩歌後，
便趕回校..
我承諾了志美今天會還書的..

下午
準時回到教會..
有一節好好的周會和分享時間..


晚
跟家聰, Wince, 還有 Connie 姨一同吃飯..
也跟家聰談到一些事..

他跟我分享了一篇文章，
講一個基督徒的感情觀...
只是...其實我不太認同..(不敢接受？)


回家的路上
發覺今晚的夜空很美：
未完全升起的夏季大三角~
還有凱莉斯杜和阿卡斯...

只可惜今晚的月亮太光了..
否則我想我會去獨個兒到赤柱一轉的..

雨後的星空..
總是美得..
令人難以形容..


之後..
看了足總杯決賽後先回家..
唉~
冇心機了~

Others:

1. To 某人：多謝你的氣球~^^

2. 晚上..忍不住氣，跟他「互相問候」了一番..
早兩日跟主的承諾../_
3. MU....點會輸嫁...><"

4. 為一位朋友的家人交上..求主憐憫他們一家..

喜歡 Vs 愛..

會因為喜歡的人不快樂而擔心..

卻只會因為所愛的不快樂而憂愁..

這個小道理嘛~
係微微告訴我的..^^