3日

早
起床已經差不多十一時多..
俾牧師"捉"左番教會..

本來應承左十二點半番到去..
結果嘛...
響教會對面見到個盲人摸下摸下....

番到去係 12:50分..

(咁似 D 三流小說情節..)
((咩喎~咁係呀嘛~! 真係要我遇到都冇計..唔通真係唔理佢咩...))


午
今天的任務係執番好塊報告版..


晚
同子健出左去睇占基利
兩日內第二套電影..
不過今次唔駛我俾錢..XD

hmm..
套戲雖然好多美式笑話..
不過嘛..
就算唔明都好好笑..


Others:
1.
呢兩日發夢見到好多人..
有佢、佢同佢...
夢見自己會離開香港去讀 Ph.D、
夢見自己同佢講左..

印象最深的..
係發夢夢見自己響 ATM 遇到 D 麻煩..

偏偏今日我響 ATM 真係出左問題..


究竟夢境入面
邊 D 係真、邊 D 係假、邊 D 只(會？)係 illusion..?

我都唔知....

2.
尋日入左張票落戶口..
筆錢今日明明已經變左 available..

但係偏偏想轉走筆錢唔得、想拎出黎又唔得..
唔知搞乜..

聽日重要落銀行問一問

3.
帶個伯伯去搭巴士o個陣

雖然已經好小心咁拖住佢黎行，
而且只係行左短短o既幾個街口..(由上海街行到彌敦道)

但係沿路見到佢最少都俾人撞左四五次..
一黎條行人路真係好迫；
二黎我發現．．香港人真係唔帶眼出街的．．
明知前面有人都照撞埋黎．．

(有幾次重見到有人直頭想開口鬧，
係見到佢係盲o既先冇出聲..)

重未計有 D 時候
係我自己行得太邊邊，搞到佢自己揩埋 D 鐵欄..


一條短短三分鐘o既路..
我同佢行左差唔多成十幾分鐘..
好難想象
如果冇人帶住佢的話，
佢可以點行...

見到佢係咁俾人撞..
都真係有 D 心痛..

4.
諗起上次
帶個盲人過馬路都爭 D 搞到佢仆親..
hmm..
我都算係一個幾失敗o既領航員..-_-"


5.
同子健一齊食飯
又係落左朗豪坊熟食中心..

總係覺得o個度有 D 搞笑..