響 Joke 谷見到~

《全家出走》　詞：Sailor
(寄調：《離家出走》)

有一個念頭　不通知親友
快快手執o野　「立」起家當即走
著草趁上晝　速速要換竇
唔係衰收尾　過後極愁

年關到避世舉家高叫自由　大細也出走
坐定唔做o野　親戚把你追瘦
在聖誕猛科水　未回魂又試到初一　死喇
唔變賣套現當o野冇得救

後輩多煩爆你　紅包封定幾袋預備
無事不出關　親戚窮困兼勢利　係最令人谷氣
一早已來探你　門鐘整壞　鐵閘拍爛你
醒晒未？　男買馬女唱K　陪細路看戲

汽水滿地淋　花生通屋噴
肚痛冇沖廁　借醉撻化妝品
凳底有便糞　傢俬有尿印
濃味夠焗暈　一打蚯蚓

姨媽與大舅父三姑與六婆　犯眾憎一剷
各自豪邁慣　乜都講究識歎
Fing o下兩隻手板　扮傻唔願買手信照　白吃
蓮藕蜜餞食到無晒至荒誕

雜費多煩爆你　紅包封定幾袋預備
無事不出關　親戚窮困兼勢利　係最令人谷氣
一早已來探你　門鐘整壞　鐵閘拍爛你
醒晒未？　尋晚已經　搬出屋企

細路與班老不死　大計失敗哭住dump地
默默反省到自己遭人有心離棄　賤格到沒法比
哭過後仍悔氣　紅漆寫住「有日報復你！」
走晒未？　其實冇通處暱　純粹做套戲

成晚閣樓裡暱　爬秘道落o黎


原曲：《離家出走》 　主唱：衛蘭

豁出去漫遊　不通知親友
那快感少有　哪管想去多久
抱得你未夠　於這裡悶透
才誓死跟你　逛盡地球

何必每件壯舉都需要理由　伴你去出走
快活而內疚　不管舉世追究
願扣上你雙手　自繁華浪處到沙丘　戀愛
能有幸這樣放肆至足夠

別再管誰咒你　曾經荒謬闖蕩異地
亦未枉相戀超出煩惱的禁忌　視世上人不理
想早晚能見你　曾經反叛　也是我運氣
天與地　年老了不再飛　無那份勇氣

怕一世未能　沙礫中擁吻
有了你先有　這最淒美質感
縱使有地震　不因我犯禁
誰話你壞人　不減吸引

明知我做錯過的總要奉還　但我愛一眼
有自由浩嘆　都深刻過不散
讓你我似走犯　在窮途入教堂進諫　上帝
求你讓我共愛侶過更多晚

代價高仍愛你　曾經荒謬闖蕩異地
亦未枉相戀超出煩惱的禁忌　視世上人不理
想早晚能見你　曾經反叛也是我運氣
天與地　渡過約束　拋開生死

這樣也許了不起　但有一日轟烈乏味
就讓彼此都別戀他人也不忘記　別個再沒法比
瘋過後能放棄　回家安樂過亦有運氣
不顧忌　才了解喜與悲　能以後銘記

人有天總怕死　才註定別離