18日

仍然係影相..
同樣都係 AC Hall

不過今次係 Lyon 的畢業禮...


邪？未算

聽晚輪到我地 CSU innoc ，
BU Chaplain..
即係 AC Hall 對面...

如果要影埋 CC 就真係搞笑了..



Anyway
今日部機聽話好多了
不過最緊要o個張都係唔得

一黎自己食唔到位，二黎好明顯爆左..

唉...



教會的大合照..^^



hmm...乜講員好悶咩？



邊個伸左隻手出黎...
(留意原圖左下角)

激死我喇...!!!

---

講番日記

尋晚因為唔太開心
結果姿姿整整都要拖到五點先訓

臨睡前
還是迫自己翻開了靈修日誌
翻開的竟然是一篇 6月 20日的..

卻字字入心..

因為昨晚的事奉，
自己一直也很不開心..
可是
祂仍然一直的陪伴我
還給我安慰...

祂確實聽了我的禱告
可是
當祂的答案是不的時候
我們就要學習順服

早 / 午
番左教會 (例遲..)..
心情好多了~

飯後就過左 BU..
今日係 Lyon 的畢業禮，
響 AC Hall 舉行 (見上文)
因為之前應承左 Lyon 幫手影相
好自然今日就成 set 出齊~

就這樣的就忙了大半天..


離開了 BU
過左又一城 Join 埋 Cammy 同 Leo 佢地
食埋飯就番左屋企~


不過唔知點解
今晚全家都食左火藥..
而最好火o個個一定係我..

---

Others:
1.
由正版 Windows XP "upgrade" 左做老翻..
有 D 無奈...

不過 M$ 到而家都重未換到隻碟俾我..
冇計

2.
又一個安慰..

尋晚 iPod random play 抽中呢首...

Cookies 的 宇宙最強

歌詞中到爆...

呢個時候播呢首歌.....
重要響 over 15GB 歌裡面抽中呢首..

當然，最搞笑係
我幾乎完全係唔用 iPod 的 Random Play 的...
對上一次應該有個幾月前..

太多的巧合了..

花絮

On Show 幾乎全炒
反而花絮 / 採排影出黎o既重可以見到人...






下面呢張..
係今日最喜歡的作品
不過, 這一幕 On Show 時...

我整緊部 7D..



罕有叫做 ok 的幾張 on show..







還有一些合格的:
Blogger: M23's Photo

17日

今日係 BU Chaplain Office
五十週年校慶活動 「半百恩情音樂會」.

之前應承左 E-mon 會幫手做大會 Photog
因為呢排部 D7D 經常有「騎尼」事發生
況且菲林機部 D-range 比較闊，影舞台相對會好好多

所以特登同牛腩河班多部 F4+ 小黑二..

點知下畫牛腩河臨時放左我飛機..
最後焗住得一部 DSLR 去影..


影出來的相已經不算好
最搞笑係影到中間部機冇電...
冇電都唔緊要，
我重有電盒 + 8 粒叉爆的叉電 (4粒 Sanyo + 4粒 Pana) + 10 粒勁量 E^2 (即係貴o個隻) 呀嘛


點知
用用下就知大獲.....

6粒 E^2 —初頭影到相，影到咁上下就著到機、影唔到相
2粒 Pana + 4粒 E^2 —著到機、影唔到相
2粒 Sanyo + 4粒 E^2 —著唔到機
2粒 Sanyo + 4粒 Pana —著唔到機
4粒 Sanyo + 2粒 Pana —著唔到機

經過最後研究
影到相的就只有 2粒 E^2 + 4粒 Pana.......

而研究o個陣
係大會做緊壓軸表演 + 大合照的時間

(結果如何，大家可以估計到)

成晚都好唔開心..
好唔開心..

16日(補記)

離開中心後
落左旺電幫牧師買 Printer..
點知搵黎搵去
都係買唔成

Call 嘉駒
原來佢又響旺角..
結果俾佢拉左上九樓 "Sit" 修章委..
除左 Chris, Kit, 同埋 (前？)樹仁 Stanley (記錯唔好打頭..)
其他人都唔識..

剩係記得o個個女仔好熟口面..

唔知點解
講起上次中大阿 Ben 同九樓響六四晚會爭執o既事
聽到另一個版本..
hmmm.....

我唔係信晒九樓
不過阿 Ben 似乎有 D 野冇講到..
當然..
九樓其他人..
hmm....

Anyway..
我同意一點..
亦都係嘉駒都同意o既一點
學聯一代不如一代


又唔知點解
講起舊年一代 Johnny 單野...
哇哈哈哈~
又諗起 Ericson 舊年為左封殺八樓
寧願推我上去選中央..
(當然，按章計，冇出席週大o既院校代表係冇權選中央的..)

哇哈哈哈哈~

之後同嘉駒兩個人
食飯打機番屋企

恆恆日記 11/06 & Others

而...
點解咁多人圍住o既？

等我八掛下先








哦~~!
原來有個靚仔 BB




嘻~
咪就係我囉~
大家好~
我叫恆恆呀~
係咪好 Cute 呢~




之但係
不過呢...

靚女姐姐呀~




雖然我 Cute 者

你都唔好成日望往我呀~
人地會怕羞嫁...





(完)

---

同場加映

snap：
偶遇

城市中
每一天
總有不同的人
在同一個地點相遇

然後
再分開..

或許
幸運的你能夠在偶爾的碰撞裡
找到你的人生伴侶

更多的時候，
我們
可能會交換了一個眼神，
然後
各散東西

更多更多的時候，
我們
只會專注著自己的事情
跟本就不曾在意對方的存在.....

不曾相交
也至老至死不相往來..


能夠在人海中相遇
或許
也是一種緣份
願大家也會珍惜這一分的緣份


如果你願意的話
在今天開始
就給路上遇上的人
投以一個溫柔的眼神
又或
一個發自真心的微笑。

---

孤獨


殘破


纏繞


遺忘


家..



更多的請到
Blogger: M23's Photo

15日

Chances-wasting England win against T&T
by M23

England 2:0 Trinidad & Tobago

England showed their superiority in a 2-0 victory over Trinidad & Tobago during their World Cup Group B game at Nuremberg, but they could and should have scored more.

Eriksson's men dominated the game from the start to finish, but they failed to show their ruthlessness in front of goal until eight minutes before the match ends.

Despite the poor finishing in most of the time today, it was Crouch to save England from embarrassment by a fabulous header in 82 minutes, won a aerial challenge, headed the far-post cross from David Beckham and put it in the net.

Gerrard put his name on the scoresheet with a 25 yards stuninng strike in the injury-time, fired the ball into the top corner.


BUT it was not the most important one.
The point is

Rooney Is BACK!!!!

---

晚
聽了唐崇榮牧師的講座
獲益良多。

之後同團契一齊落 TST
送埋 Wince 之後就去左睇波...


Others:
1.
未來幾天的行程：
星期五：幫黃牧買 printer
星期六：CC 音樂會攝影
星期日：Lyon 畢業禮
星期一：CSU innoc 攝影

2.
主的恩典是剛剛好的...

14日

昨日

---

約了 Sonia
卻又放了飛機...
約了 Sonia 10:00 正
可是，這時候我剛從床上跳起床..

結果打電話同 Sonia cancell 個 appointment..


夠了..
我因為呢件事已經頹左好耐。


番左 SU
拎番上星期放低o既相機袋
再落黃金
拎番部 Printer 番教會裝..
再番教會
同牧師傾番之前債務o既問題...

之後就搭車番中心
比正常時間早左足足一個鐘

由麗港城行過去中心
五分鐘的車程，
行了足足一個鐘...
隨便影了幾張相

晚
無端端唔見左成百蚊..
連提款卡都會俾部 ATM 食埋

唉
唔想再講...

冤枉來瘟疫去..

---

今日

朝早六點先訓

我知我今日好頹..

好準時番左中心
放工後就去落左奧海睇波..
驚訝於西班牙強橫的攻擊力..

Others:
1.
冇乜野想講..

2.
呢幾日 mass media
總離不開 Stephen Hawking...

香港人
做每一件事都只會一窩蜂..
唉...

3.
沒有甚麼...

13日

一字之曰—黑

無端端跌左四草..
張 ATM 卡又唔知點解俾櫃員機食左..
WTF..

(打住咁多先..待續...)

11日

Depress State 持續....

早
頹得連祟拜不想上
只是
還是迫自己回了教會，
回了去
情況似乎沒有多大改善...

崇拜後
獨個兒走到露台
聽了一陣子 iPod
感覺好多了


Others:
1.
晚上執房時


找到了這樣..


都壓碎了
是前年剩下的藥..


因為服藥後會出現嚴重的副作用
所以就換了藥


hmm..
有 D 似「柏金遜症」

最嚴重o個次
試過響街"行行下"肌肉僵硬 + 講唔到野 / 漏口，
好辛苦先由紅磡行番 Poly Hall
曾都經諗過打電話 Call 白車
結果卻發現
拿起話筒，對方也聽不懂你說甚麼...

僅僅四個街口，正常五分鐘內完成的路程
走了差不多大半個鐘..

(幻想下
響呢個 Situation 下過兩條大馬路..
未車死算好好彩..)


按：
頭先 search Google，
我的是嚴重的「錐體外系反應」
(extrapyramidal syndrome, 簡稱 EPS..-_-')，
是一部份藥物的副作用之一...
http://www.mhahk.org.hk/c_drug.htm#Sideeffect



2.
是日得著

信靠是：
即使你聽不到祂的聲音、
甚至絲毫感覺不到祂的存在

你還能夠緊緊的倚靠祂
這
才是信靠

只是..
能夠學會也不是一件易事


3.
iPod..
著實是一種很好的 anti-depressant

徜若沒有它
很難想象今天的日子怎過..

不過..
我的恐怕未必重捱得好耐...
也差不多三年了..

4.
好似重有野講..

都係冇野了

10日

對唔住
今日有少少 Depress


Others:
1.
給我一點時間思考一下好嗎？

2.
連愛隊今晚比賽都冇睇..

9日

是日
黑雨..

loop：
訓覺 until 起身, if 落大雨 then 再訓
till t=14:00, loop terminated

下午
因為太大雨的關系
唔想拎我部機黎"較飛"..
結果都係冇過去幫沈太手..

但係都係番左 Campus
去 Chaplain 搵詩集..
響 SU 影印o個陣
突然收到一個電話
搞到無端端要趕餐死..

晚
好大雨...

Others:
1.
兩點半收到麥姑電話

話俾我知唔駛番
所以就索性番左 campus
點知四點半又收到佢 call
問我點解冇番..-_-"
話中心唔夠人...

搞到我滾水碌腳
飯都未食就趕餐死番去...

真係唔知佢講錯定我聽錯了..

2.
世界杯開波了..

3.
見阿爸 / 媽睇得好開心
睇左亞視o既世界杯前奏節目幾眼..

唔係好明
點解呢 D 開波前o既「助威」節目
一定要搵 D 唔識睇波、唔識踢波，只係得 ◎◎ o既美少女黎？

點解一定要搵個唔識踢波o既女仔黎頂頭縋 / 用胸夾波呢？
又
點解呢類獻醜o既角色通常係女性？(除左羅家英之外)

又諗起 F.1 的賽車女郎..

是觀眾群的需要嗎？
又
邊 D 觀眾需要呢類節目呢？

唔明
有機會再講

4.
記得正式開始睇波

係 '98 世界杯...
印象最深的，
是該屆的世紀大戰
阿根廷 2:2 英格蘭
o個陣我捧阿根廷

由巴迪高 到 DB7，
再由 DB7 到 尹佬到 朗尼仔

就這樣的睇了八年波..

不過不知從何時起...
我轉了捧英格蘭~

朗尼仔加油~!

8日

早
唔夠訓..

因為約左 Sonia
十點鐘已經起左身

響街口等小巴o個陣
見到一個阿婆.
為左一個三蚊的麵包講價..
(結果如何，相信大家都會估到..)
阿婆同賣包的阿姐足足「糾纏」了五分鐘..
然後就慢慢的離開了麵包鋪...

看在眼裡的我，心頭一酸...

結果，麵包還是給某個好管閒事的人 (簡稱：閒人) 遞到了婆婆的手上.。
錢嘛..當然是這個閒人給付了..

不過也因為這件事
那個閒人就眼巴巴的送了小巴的車尾...-_-"


第 N 次跟 Sonia 的 meeting..
話題仍然圍繞著剛才婆婆的事跟遲到兩者的關系..

問題不是因為遇上那個婆婆
而是應該再早一點出門..

臨走前..
Sonia 將原訂下星期的 alpha-state treatment 提早了一星期進行..
也是我第一次被催眠....
就像睡著了一樣..


午
回了 SU Office 一趟
就只有 Fion 一人

同佢落左去六合午飯..
談起了很多的事~

在 SU hea 了個多小時，就回了中心....


晚
很早的回到家中..
卻無端跟他吵了一頓...

知唔知乜野叫無奈？
一返入黎就搵我出氣
俾人起勢搵野黎鬧咪無奈囉..

經詳細分析後，總結得出兩個可能：

1. 股市急跌令有人損手

2. 食飯飲大左..

........

Others:
1.
昨晚會後
聽了有關她的閒言...
還是搶著替其給擋了回去

閒言孰真孰假
我沒法，也不想深究。
我只是不想有任何人會因這些閒言受傷
不管這是真的還是假的。

2.
聽著好友們一個又一個不幸的愛情故事
徹頭徹尾是 Try & Error 的配對遊戲...
這就是現代人的愛情哲學觀嗎？

還是他 / 她們都不過是在 Try & Error 的愛中尋找 / 肯定自己？
飲鳩止渴，有用嗎？

我還是相信
一段真正的愛情是需要等待的。

3.
到 AR 取了 Resumption of Studies 的表格
Medical Support 也應該快到手..
一年的休學期應該快要終結了..
我著實期待著九月的開學

突如其來的好幾個問題
是魔鬼的把戲
也是一個需要用信心和勇氣來克服的試煉..
但我一定會敖過去的。

九月的校園，將會見到一個全新的 M23~

4.
嘗試執緊個 lay-out

改左名

順手加左個 feed reader counter..
不過暫時未知有乜野出錯.....


伸延閱讀：
1. 化學改變歷史 - 梁文道

7日

通常連績幾日"早"訓之後
都會反一反底..
今日係四點

約左黃牧十二點
結果姿姿整整
都係要成點鐘先浦頭.....

連我都冇自己乎...-_-


同黃牧傾左o個個問題..
我知道自己著實令佢好失望...


由教會番中心
轉車o個陣竟然上錯車..

好明顯見到小巴上有個靚女就失晒魂了...

(不是說笑...還真的是不錯的說~XDDD)


晚
同嘉駒行左一陣 MK
之後就過左奧海開會..

四個字：愈做愈灰


伸延閱讀：
火柴人的故事：立體愛情觀

當彼此欣賞、互相靠近的時候
才會發現...
我們是來自兩個不同高度世界的人..

世界盃期間女朋友注意事項

噴飯......

6日 (補記)

早
今日好早訓
好早...
係七點先訓..

訓醒剛剛好夠鐘出門口..


都係o個句
夜晚臨 cappuccino 係同自己開玩笑..


晚
落左成成一轉
跟住去左打機~

難得可以用兩蚊爆左《新宿廿四小時 III》~
勁~!


Others:
1.
關於早兩天的 Entry..

這個 Kitty...可不是君呢..

不要亂估了

2.
昨夜

聽了盧冠廷的《我未能忘掉你》

寫了一篇長篇隨筆
隨筆：《我未能忘掉你》

通常寫得長文
都係要有少少 Depress...

3.
Sony 收購老牌攝影巨人 Konica Minolta 相機部門後
第一部的數碼相機

也是 Sony 旗下首部單鏡數碼反光機- Alpha 100

Sony Alpha

一千萬像素、
經強化了的防手震系統 Super Steady-Shot, SSS、
CCD 除塵技術、
MS/CF 雙插卡、
3fps Fine JPG 無限時連拍、
40 區蜂巢式測光系統、
2.5" 230000 像素 高清 LCD、
眼睛啟動自動對焦系統 (Eye-start AF)

Review by DC resource page
Review by DP-Review

而呢部機
係一部入門機...
官方定價 (RRP, RECOMMENDED RETAIL PRICING) 連 18-70 Kit 鏡係 1000 美金...

個 specs 比我而家部 7D 還要厲害..-_-"
(當然...7D 的操控是其他機沒法擁有的..)

同場加映：
21支今年內有售的 Alpha Mount 鏡頭
向後支援 Minolta 及 Konica Minolta 一系列菲林及數碼相機
當中包括三支來自原 Minolta 的 G 鏡

重有
三支 T* 蔡司鏡

Vario-Sonnar T* DT 16-80mm F3.5-F4.5 ZA
Planar T* 85mm F1.4 ZA
Sonnar T* 135mm F1.8 ZA

冇睇錯
真係 135 f/1.8.....


4.
睇番 Logs..

六四..
令我的 blogger 人數再創高峰..
比平時的多出四至五倍..

(當然，這也是因為平時基數太少了)

也驚訝地發現
竟然有人 subs 我的 RSS feed....

5日 (補記)

早
呢幾日
成日都唔夠訓..
唔知乜事..


晚
同大頭楓傾左半個鐘電話..
連佢都會升 M.Phil..

反而最想做 research o個個..
到而家都重未搵到自己方向

有 D 灰
之後落左機鋪打機


Others:
1.
23...
你點解會唔開心既..?
係因為見到佢？
定係因為見唔到佢？

2.
傳聞 Sony 會於 6日發表全新 DSLR Sony Alpha 100
及二十支鏡頭，
當中包括三支蔡司鏡..

3.
忽然發現
當年外務的兩個癡線佬

已經剩番我一個..

或者
從功利主義去睇
大頭楓放棄做 EV 的決定是正確的
因為放棄了的東西
換來了更大的回報

只是..
我呢？
我找尋的又是甚麼？

---

伸延閱讀：
「六四」十七週年--不滅的殘火

如果 六．四 五十年的晚會真的只剩下百五人
我希望
我會是其中一個

四日(補記)

每年六月的第四天
都是一個特別的日子

今年的
又是一個雨天

早
跟姊姊和媽去飲茶
回到教會都已經十一時多了
幫手帶成班小朋友踢波
不過自己嘛..
狀態真係好差..

踢完波之後
先發現九公個 chancing room 裝修..-_-"
激死人了..

午
主日學後
過了維園幫手
順路響維園沖埋涼~


就這樣的過了一個下午

晚
晚會完後，
竟然遇上了 Poly EAC 的新莊~
等等下，
竟然組成了廿多人的 EAC 兵團..

第七屆：Susen
八屆：樹熊
九屆：柯博文
十屆：阿友
十一屆：阿錢、Denise、Kit、Thomas、M23、(冇入鏡：Jess)
十二屆：牛牛、CCC
十三屆：太多..不贅了
(如有遺漏，多多包涵~^^)
告別左 EP21 o個邊，
(反正都唔係點需要我幫手)
就同 EAC 成班一齊去食飯~
還有一個八九年o個屆的老鬼~


不過嘛
重點係~
柯先生請~^^

Others:
1.
今年晚會比自己想象中少人..
我還以為星期日會多些人的..

總覺得有點失望


2.
今日砌左成日蠟燭...
"點"完又熄、熄左又"點"..

呢張相足足搞左半日先影到


3.
感謝主
保守了這晚的天氣..

4.
第 17年的晚會..

記得小時候，
坐左電視旁看著天安門清場..
看著爸爸媽媽神色凝重的樣子
總覺得有點不安
(媽媽說曾帶過我們去遊行..但真的沒有印象了。)

漸漸懂事的時候才真的理解是甚麼的一回事..

中學的時候
一直也希望可以參加六四的晚會
只是由於爸媽的強烈反對而不能成事..

上大學後
他們也實在管不了..

有些事，
對就是對、錯就是錯，
是沒有灰色的。
昨天是錯、今天是錯，
明天也會是錯，
也斷不會因為"時間改變"是變成"對"。

5.
姊姊去了上海旅行~

祝一路順風

hmm..
我的心也飛走了嗎？
好像不是今天的事吧？

「 六四」 答問三金句

時代
D07 明報 司徒華
2006-06-05
三言堂
「 六四」 答問三金句

每年「六四」，記者們總一年又一年重複地這樣問：會不會平反？什麼時候才會平反？你會看得見平反嗎？我的回答也是一貫的：一定會；道路是崎嶇、曲折、艱苦、漫長的；重要的不是看見成功，而是信念的堅持。

現在，我再試用《聖經》的三句金句去回答。

「那美好的仗我已經打過了，當跑的路我已經跑盡了，所持的信念我已經守住了。」(《提摩太後書第4章第7節》)

那美好的仗已經打過了，但卻沒有說打贏了；當跑的路已經跑盡了，但卻沒有說跑到了目的地；所持的信念已經守住了，但卻沒有說這信念已經實現了。這即是說，不管結果怎樣，只求自己已畢生悉力以赴，那便心安理得而無憾。

「你們聽着！有一個撒種的出去撒種，撒的時候，有的落在路旁，小鳥飛來就吃掉了。有的落在泥土不多的石地上，因為泥土不深，很快就長起來。

但太陽一出來，就把它曬乾，又因為沒有根就枯萎了。有的落在荊棘裏，荊棘長起來，把它擠住，它就結不出果實來。有的落在好土裏，就生長繁茂，結出果實。有三十倍的、有六十倍的、有一百倍的。」(《馬可福音第4章第3至8節》)

耶穌這段話，是用來比喻傳播福音的。即使是祂去傳播，很多人聽了也未必就此信奉，有如落在路旁、石地、荊棘的種子。但祂並沒有因此而失望放棄，仍然繼續去堅持去傳播。因為總有一些落在好土，結出三十倍、六十倍、一百倍的果實。怎能冀望，每一顆種子都落在好土呢？我們只能要求自己，不計成敗，不斷地撒種；也不企望自己能親眼看見好土中結出的果實。

「我實實在在告訴你們：一粒麥子若不落在地裏死了，仍舊是一粒；如果死了，就結出許多果實來。愛惜自己生命的，就喪掉生命；在這世上恨惡自己生命的，就必會保存生命到永遠。」(《約翰福音第12章第24至25節》)

這裏所說的「愛惜自己生命」，是指貪生怕死，或是只顧個人生活的豐厚；「恨惡自己生命」，是指「力惡其不出於身」的「惡」，傾空地奉獻。這樣地「恨惡生命」，也就是成功了生命。這樣地死了，結出了許多果實來，這就是自己生命的延續，能夠保存到永遠的延續。這也是「永生」。

(隔兩日見報)

我未能忘掉你

聽到 Sidekick 的 stickam
聽到這首《我未能忘掉你》
恰好也像形容這刻的心清

連忙嘗試從 Google 搜尋這首歌的歌詞

沒想到
同樣的六四紀念歌曲
比起其他「熱門」的「自由花」、「為自由」，
這首歌已經連一篇完整的歌詞找不到..
惆悵的感覺不禁從心頭中湧出來。

想起一件往事
記得某年某 U 的某個大 O
小弟負責 treasure-hunt 的部份
幫忙 setup 了好些 check-point
而其中一個 Mission 就是要 freshman 拿著歌詞唱《自由花》

沒想到
Check point 完成後
那個 chech point 的 PIC 回覆卻是..
幾乎沒有一個番薯人懂得唱..
結果是要播著 MP3，讓他們跟著唱
幾乎半送半推才可以過關..

總覺得有一絲悲哀。
我彷彿看到我們的將來

(當然，還有很多搞鬼 check point..
小弟傑作還包括
要這些番薯人在軍營門外唱國歌..XD )


也想起昨天小熊說「未聽過《媽媽我沒有過錯》」

或許，真的是我們老了..


我，就像踏著那一條分水嶺
比我再少的，
記憶裡不太可能出現過六四、經歷過六四..
不會理解那一輩人的想法、不會明白他們的激情..

看著這一代
總覺得缺少了些甚麼

就像老人家常說我們沒經歷過「蘿蔔頭」、「食樹皮」的日子一樣
或許有一天，
我們對著我們的下一代，
也會取笑他們
取笑他們沒經歷過民運、沒經歷過七一 ...



昨晚的晚會中，
坐在我前面的
是一對年輕的夫婦和他們的一對子女
小孩子似乎仍然不懂身旁的大人在做些甚麼
只是，
仍然愉快地跟著爸爸媽媽一起唱《自由花》
臉上掛著一副讓人舒暢的無知的笑臉。

小孩子終會有一天會明白的—
我想，這也是那對夫婦的願望。

看著他們
我又彷彿看到我們的明天。


也希望有一天，
我也會帶著我的孩子，
一同參與這個晚會；
更希望在那一天，
我們高喊的不再是「平反六四」的口號—
因為那時，六四已經平反了。


民主的星火不會熄滅
以前不會、現在不會、將來也不會
就願這民主的果實，
在這片黃土地上找到一片好的土壤
開花、結果、
養育每一個在這片土地生活的黎民、
滋潤每一個熱愛這片土地的百姓。

這是我的願望。

---

我未能忘掉你
曲：盧冠廷 詞：劉卓輝 編：TONY A

我未能忘掉你
我未能忘掉你一個人
我未能忘掉你
我未能忘掉那日
我願能陪伴你
我願能陪伴你哭與愁
長夜裡等 夢醒漸近

你為何沉默了
你為何離別你的愛人
你為何情未了
你為何情未了卻為何從未過問
你問誰才是對去或留還是錯的理由
呆望鐵窗 夜色內滲

再回頭
春風吹過
秋已深
這漫長回憶
是否不再淚苦困
雲在變歲月由誰為你守候
望有天
再會時人面似舊

雪未能溶掉你
雨未能停頓你深沉
看夕陽紅像血
你為何情願接近
我未能忘掉你
我未能忘掉你那傷痕
纏著我心
昨天烙印

纏著我心
昨天烙印

PolyUSU EAC

想不到
六四晚會竟然成了 Poly 外務人的敘舊..

由第七屆到第十三屆都有人響相入面..
當然少不了十一屆的我~

出住呢張先
原相遲 D 先 up 上黎

3日(補記)

早
睡了還未夠六小時已經紮醒了..

緊張換來的結果
往往都是疲倦..

午
應邀幫 Kitty 個 function 影相..
第一次做大會 Photog..
或多或少總會有一點壓力的

但也感謝主的陪伴和安慰


因為這個活動的關系
不能回團契..
也不能上志剛的 briefing..
總會有點失望

晚
回了教會 Join 埋其他團友~
之後就去左食 Pizza Hut~
好味~

不過糖水就冇食了~
諗住番屋企陪媽媽
點知番到去先知..
佢已經訓左...

-_-"

Others:
1.
你這小信的人喇....

為甚麼被別人說幾句閒話就灰心呢？

2.
連團契的弟兄姊妹都知道了..

有點不開心

是日點唱

不想花巧
只想簡簡單單的點這首歌
給十七年前的死難者

---

漆黑將不再面對
唱／曲：盧冠廷　詞：劉卓輝

願你熟睡　願你熟睡　但你是否不再醒了
你的眼裡　你的眼裡　難道明天不想看破曉
為了在暴雨中找到真諦　犧牲的竟要徹底

願你熟睡　願你熟睡　但你年輕不再歡笑
你的勇氣　你的勇氣　無奈從今不可再猛燒
為了在暴雨中找到真諦　犧牲的竟要徹底

天與地　幾多的心裡還在落淚
心永伴隨　無人能忘掉你在遠方
如今　夜了　請安息輕帶著靈魂別去
這刻　拋開顧慮　漆黑將不再面對

如今　夜了　請安息輕帶著靈魂別去
這刻　拋開顧慮　漆黑將不再面對

---

再一次
向每位六四事件中的死難同胞致意

2日

難得多了一天假期．．．

因為太大雨的關系
沒有回教會
也不用回中心

就這樣的多了一天假期

只是
卻甚麼也沒有做...


Others:
1.
今日仍然有 D 頹...
求主讓我剛強..

害怕和膽小都去死吧！

2.
多了一隻新碟~^^

是楊丞琳的《遇上愛》慶功版

是我的第一隻國語碟．．

3.
祝外遊的好友、還有爸爸一路順風

是日貼歌 02/06

不過係朱考天 + 楊丞琳版..XD

---

＊難以忘記初次見你
一雙迷人的眼睛　在我腦海裡
你的身影　揮散不去
握你的雙手感覺你的溫柔
真的有點透不過氣
你的天真　我想珍惜
看到你受委屈　我會傷心

＃只怕我自己會愛上你
不敢讓自己靠的太近
怕我沒什麼能夠給你
愛你也需要很大的勇氣

＋只怕我自己會愛上你
也許有天會情不自禁
想念只讓自己苦了自己
愛上你是我情非得已

重唱　＊,＃,＋

什麼原因　我竟然又會遇見你
我真的真的不愿意
就這樣陷入愛的陷阱

重唱　＃,＋

愛上你是我情非得已

睇 tracker log...

偶爾 Click 上了一條 link..

兩年前的新聞點解到而家都重有..-_-"

哇~不想活了...

新浪網 -新聞

1日

六月的第一天

有點累


晚上
離開了中心
乘小巴回家的時候竟然睡著了..

乘小巴時很少會睡著的...

之後入左屯中一轉

Others:
1.
一個月的第一天
難得準時
是一個好的開始

2.
今個月要入紙了~
休學了一年
期待著九月的開學

3.
想起剛剛見 Sonia 那時的事~

問甚麼問題也好
答的答案絕大大多都是 「唔知呀~」

一年半來的我學會的甚麼？
我知道

4.
因為一個誤會...
Hold 起左兩"機"衫未洗 + 晾
重有所有短褲..

結果...
夜晚要搵條"三個骨褲"黎訓..

呢條三個骨褲嘛，
係某年入 CU O'camp 時買的..
冇錯..真係 CU SU 的 O'camp..
整個 'camp 裡的唯一一個 Poly freshman..XD

沒有這個 camp
我想
我的大學生活好可能會改寫..

第一次落區探清潔工、
第一次擺街搞簽名活動、
第一次接觸 SU 運作、
第一次入政府總部見官員...

第一次認識一個大學生應有的社會責任


沒有這個 camp
我不認為我之後會參與不同學生會的運作

YouTube..

唔知乜事...

YouTube server 似乎無端端死左..

頹

莫名奇妙的頹了半晚

比該睡的時間晚了差不多四個多小時
(當然，這個「該睡的時間」未 Work 過~)


是時候睡了
唔係個腦又會亂諗野的~
至於日記嘛
明天才打吧？


Others:
終於想起佢逃避緊 D 乜野..

原來我聽日約左黃牧.....

31日

端午節

昨晚
回家後看了整套獨家試愛
hmm...
其實對兩個主角 D 演技都冇乜期望
不過嘛..
都係一套唔錯既愛情小品

hmm..
睇埋都差唔多四點幾
夜晚飲咖啡..
其實真係同自己開玩笑.


午
難得同阿爸阿媽一齊出左去食飯..
之後就開始左自己既執房大計~

雖然執左唔係好多
但總算都係一個好既開始


晚
同家聰, Leo, Vani 佢地三個去睇 Da Vinci Code..
hmm...
唔知點解
我又真係當佢係"故仔"去睇..
除左約伯記o個節真係搵左本 Bible (電子) 黎睇之外~XD

用番 Tom Hanks o個句
"What' You Believe..?"

如果一套片已經足夠動搖你o既信仰的話..
你應該諗下，
究竟你重係唔係 Christian..
God 唔係只係活在知識層面上，也是在我們的認知和感覺裡。


之後同 Vani, Leo 兩個去食宵夜~XD
老闆無端端送我地一人一瓣西瓜~^^

Others:
1.
It's a nice day~

Thanks God

2.
呢排同佢多左 SMS~^^

3.
執書喇~執書喇~

30日

早
用了半個早上
出了工作小組的 mass mail..


之後就番左 BU 見 Sonia..
難得準時..

重新去睇上幾次定下的 Rankings
終於發現
不同的 Rankings 對我的意義...

不曾「思己過」而下的決定，
斷不可能做到「說一不二」

Achivement rankings (只列 Top Five)

1. 專一節制
2. 勇於承擔
3. 剛強壯膽
4. 虛懷納諫
5. 性格成長


hmm...
努力~


離開 Chaplain office，
諗住過去睇下 SA Katy o個邊駛唔駛幫手o個陣，
糊裡糊塗就俾 Simon 同 Maggie 兩個
叫左過左去幫 SU 手 set 起個場...
之後就番左工了..


晚
Mary 生日
團友們約左落阿貓地攤同佢慶祝

因為時間尚早
放工後就落左 MK 買禮物 + Birthday Card..
(原本諗住買埋蛋糕的..不過後尾唔駛我買...)

行行行行行..

之後就去左吉野家準備~

嚇壞 Mary 了~XD


Others:
1.
聽就聽得多了~
不過真係第一次去阿貓地攤~
都真係好多貓~^^

可惜 Jessie, Cindy, Wince, 穎賢 同 Kennis..(都係女仔..-_-") 都黎唔到..
唔係就真係"齊團"了..

2.
應承左 17日 音樂會做 Photog..
第三 (四？) 次影舞台..

唔知重有冇其他朋友會去呢？

3.
被家中的貓狠狠的咬了一口..

傷心死..

為自由

為自由

詞：唐書琛
曲：盧冠廷
唱：眾人

騰騰昂懷存大志，凜凜正氣滿心間，
奮勇創出新領域，拚命踏前路。

茫茫長途憑浩氣，你我永遠兩手牽，
去向縱荊棘滿路，濺熱汗，卻未累，濺熱血，卻未懼。

愛自由，為自由，你我齊奮鬥進取，手牽手。
揮不去，擋不了，壯志澎湃滿世間，繞千山。

一段失落了的歷史

4-6-1989 TVB 六四特別新聞報導

background music

真的很喜歡這首歌..
比起自由花的悲情
我更喜歡它的壯烈、喜歡它的激昂..


只是，
對上一次在公開場合聽到
已經是回歸前的事了

是一切都已經變了嗎？
為甚麼連這麼一首歌也容不下..？


昨日
貴紅問了一道問題..
回歸對香港有甚麼重要意義..?

我頓時語塞了
我真的答不出來..
答不出一個由衷的答案...
是我變了嗎..？

想起了昨天問她的問題..
那是變好還是變壞了？
我也不知道。
或許，是我成長了。

每次看到自己的國家
總覺得有些痛心
也許，是愛之深、狠之切吧？
也許...

29日

尋晚同小熊 MSN..

中間去左讀經
讀讀下竟然..
訓著左..

結果一早醒來..
床上的東西
一個 Wireless Keyboard + 一隻 Wireless Mouse
一本被壓皺了的聖經..

怪不得整晚也睡得不好..
再訓過..


下午
部死人小巴..
由唔駛遲搞到遲成十分鐘...

Damn It~!

呢排 D 小巴時間愈黎愈難捉
有時 3:25 到，架小巴就 3:40 先走
有時 3:30 到，加小巴就 3:25 / 3:45 走..
有時 3:35 到，又會剛剛好上到架小巴..
番到去就重有十分鐘剩..

一個唔好彩撞o岩塞車就遲大到..

我~要~準時~！


晚
落左機鋪打機...

番到屋企..
阿媽好明顯又係 depress 中..
無端俾佢鬧 + 搵交嗌..
知埋 D 皮毛跟住就響度亂咁撞

應佢又唔係 (只會同佢嘈)、
唔應佢又會亂 up 野..
唉....


Others:
1.
收到o個位沉左o既好朋友 SMS..

不過重未有時間同佢好好地傾下
希望聽日有機會啦

2.
聽日又有同 Sonia 見面o既時間..

但有一個夢 不會死 記著吧！

28日

早上要當招待
下午有遊行

之後去打左陣機~
累死了~^^


早
晨早起來..
發現銀包只有一張港幣也沒有..
有的是上次回深圳剩下的 95 RMB..

找著找著，
又在那張妣美叮噹八寶袋的「八寶臺」找到 $5.5..-_-"
hmm...
又夠搭一程車喎..^^
重有一蚊剩~
於是就咁樣番左教會..

番到教會
林 Sir 請左我食蛋 "tat"..
如是者就成了一個早餐

崇拜之後
落左去惠康買可樂..
竟然發現惠康收人民幣...@@~
放是就將其中一張 50 RMB轉左做港紙..

哈~
又夠食飯 + 下畫搭車喎~

邪？
未夠..
去到維園..
阿正又俾番之前幫手收o個 D "報紙數"我喎..
結果..
番到屋企銀包無端端多左二百蚊..@@!

連提款卡也都沒用過
主的恩典卻是剛剛好..


好了~
講番遊行~

主日學後，同佢地傾左一陣
之後過左維園..
原本俾阿海叫我過去幫學聯拉大會o個條 banner..
成班都著白衫..
得我一個係黑衫..
都係免了~
況且今屆真係冇乜邊幾個識...

諗住搵阿正..
點知阿正同 Gigi 兩個行到差唔多隊尾。
於是嘛，
就由隊頭等到隊尾黎行..
反正都冇其他熟人..

一路行，見到 Keith、家貓同埋一個 Poly EAC 老鬼 (一時唔記得個名..:D).
行行下，就行左去前綫後面..

前面嗌咪個阿姐無端端去唱<<自由花>>
拆聲 + 唱到走晒音都算了..
最搞笑係..
唱黎唱去都係唱o個幾句 chorus ..

唱唔掂就唔好拎住個大聲公黎唱呀~!!!

連響我地隔離o個幾個警察都笑到肚痛..
最慘係要響我地前面忍住唔敢大笑喎.....

行下行下
又行左去隊頭..
最後都係俾 Thomas 捉左去拉 banner..


Others:
1.
Well~
今日都真係好無聊..

連遊行都講到咁耐就知了~XDD

2.
同樣的
將一位"沉左"的好朋友交上~

加油呀~!

3.
今天的教導..
我要學懂信靠..

27日 (補記)

早
起床已經差不多十一時多
Hea 左剩番o既時間

午
團契..
又遲到...

拒絕順服的結果總會讓我不快..


晚
週會完左之後，
有一節不錯的分享時間..

之後就過左去 SSP 幫子健個 Friend 整電腦~
hmm...
都幾算幾靚女的..


Others:
1.
諗起早幾日同 Sonia 講o既問題..

遲到是我對自己的刑罰...?
還是因為
我喜歡遲到讓我情緒低落？
是因為 Depress 可以讓我思考得更多嗎？

2.
在沒有心理準備之下
過了一個愉快的下午~

今年今日

經過十七年

一百五十萬人的遊行隊伍
只剩下一千一百人

然而
在這一千一百對足印中，
我為當中有我的一雙而感到高興。

當年今日

同樣的星期天，十七年前的今日

有超過一百五十萬港人
參與支聯會舉行的全球華人大遊行
聲援正在北京的學生
數字較一星期前的大遊行多出五十萬人
也是香港歷史上最大規模的遊行。
參與人數比零三七一大遊行高三倍。

我為這一群香港人感到驕傲。

26日

今日..
媽媽同人調左假
Day Off..

結果俾人"哦"左一個上午 + 中午


下午
拎左部機出去影相...
影黎影去冇乜邊張合心水..

唉


番到中心
成班今日番得七個人
但係四個要早走 (去聽音樂會)
結果到我走o個陣得番三個..

同班學生玩o既時間多過做野..-_-"

晚
落左奧海城開會

六四七一工作組第一次會議..
尋晚明明都係得四個人報票
下晝都重驚緊個會會流會..
結果嘛
等下等下，都有九個人..

六四個 Run-down 大約會知道點搞
同往年一樣，
支記會提供大會的 Line-out 俾我地做聲音直播
但係今年佢地就有埋 Connection 俾我地

至於七一o個邊，就重諗緊..

不過..
又講起巴士阿叔


Others:
1.
今年七一遊行主題：
平等公義新香港
民主普選創希望

七月一日．下午三時
維園見

2.
巴士阿叔進軍國際了...

(英國)衛報
(美國) CBS 新聞
紐約時報
The Boston Globe

重有好多..

不想回憶 未敢忘記

64 弔唁冊 Sign NOW



愛國民主大遊行
主題：釋放民運人士、平反八九民運、追究屠城責任、結束一黨專政、建設民主中國、平反六四．支持維權
日期：５月２８日（星期日）
時間：下午３時集合
地點：維園足球場至特區政府總部

「六四」十七周年燭光悼念集會
主題：哀悼民運死難同胞，繼承烈士民主遺志
日期：６月４日（星期日）
時間：晚上８時
地點：維園足球場


HiRadio.NET 六四 十七年特備節目
http://www.hiradio.net/?cat=38


不見不散

25日

約了 Sonia...
又係遲到..

結果今日的話題就圍繞住遲到..

點解潛意識o既我會喜歡遲到呢？


待續..

Others:
1.
死貓


2.
連環圖..
因為 Off-finder 影的，所以有少許 Out Fou..





是日習作




更多的請到 My Photo..

3.
要早訓了..
應承了祂的..

嗯..
重有嗎？
好似重有..

24日

時間一樣的過得無聊..

一次過睇-ing 兩本書..

<<失明症漫記>>
<<如何克服抑鬱>>

重有第三本書想睇 / 要睇 / 要埋尾..
就是<<後現代拜物教>>
還有書櫃裡的<<社會結構>>、
<<晚期資本主義的文化邏輯>>、<<悲劇的誕生>>..

晚
行左一陣旺角、番屋企、再出街行一陣旺角..

我就快發癲了..


Others:
1.
尋晚同嘉駒上左某間二樓書店..
見佢睇書
隨手問左 Counter 個 Staff 有冇《蓮的聯想》
個 Staff 諗左一諗...
跟住隔離o個個男人 (顧客？) 已經幫個 Staff 答左"應該冇"..

之後聽到個男人同個 staff 講呢本書的來歷
如數家珍..

勁 @@~!

2.
呢排有 D hea

尋日打大前日的日記..
前日打大大前日的日記..

~_~"

3.
我要執房！！

23日

這陣子比較頹...
訓成十個鐘都好似未訓過一樣..

午
追了兩集電車男..
之後番工..

晚
放工之後
就落左旺角等嘉駒..
等佢"湊完女"黎搵我..

點計都好
老友點都唔夠女朋友重要的..
我都睇化左..

入左 TSW 一轉
真係一轉 Only..
之後番左出黎

都十二點了..


Others:
1.
這陣子
大概是病了..

2.
hmm...
冇事就好了

22日

因為深圳實在太大雨
迫不得意打消了上廣州的念頭...

幫表姊影畢業相嘛..
最後都係不了了之


午
行左陣南山書城
比深圳書城總店大得多 (最少我覺得)
終於搵到 Jose Saramago o個本 Buildness 中譯本..
為左廿蚊書..
車錢分分鐘用左過百
-_-"

經皇崗番落黎香港
番到屋企
因為太累，就睡了一會

結果....
唉........


Others:
1.
全日搭左成百五蚊的士..

冤枉來、瘟疫去...

2.
昨晚的事總算搞清

差點沒把我嚇壞了..
也難得的有 SMS 的時間..

21日

因為飲左杯 cappuccino
差唔多六點先訓

結果...
番崇拜又遲到..

完了主日學
幫手搬了一會兒板
然後就回家了

晚上
因為準備為表姊影畢業相
Full gear 過了深圳


hmm...
是日感覺不錯


Others:
當電車收到愛瑪仕電話的時候....

那會是一樣的嗎？

求下聯...

昔有烈士 天安門前 丹心熱血爭民主 留青史..

20日

昨晚...
又係飯局

係星期一o個餐飯的「回禮」

十三個人食左三千蚊...

一星期兩餐飯
加埋酒水食左成七千
足足係我兩個月 Part-time..

我只覺得奢華


早
原本跟老師影日出的事
因為烏雲密布而不了了之

只是
足足睡了十二小時
仍然覺得疲倦
大概是病了..


午
團契
仍然遲到..

很好的週會..
還有一節不錯的不享時間

團契完了後
用了個多小時
終於弄妥了辦公室電腦和 Network..


晚
EP21 的 GM
拖了半個月
總算成功召開了五月份的月會

卻不知就裡的成了 64 /71 工作小組負責人..


散會之後就落左 Coffee Shop..

Others:
1.
電車男第六回...

跟愛瑪仕談電話的時候
竟然給發現了

2.
週圍仍然在談論巴士阿叔...
已經快要聽到唔識笑了...

給未看過的...

3.
不知不覺
隔壁的 Blog subscriptions list 愈來愈長了..

有時間不妨睇下

特別係大強o個個..
笑到肚痛

4.



某某愈來愈肥了...-_-"
而且愈黎愈似某某..

(識佢o既會知佢係邊個..
唔識佢o既..我唔會同你講佢係邊個..XDDD)

5.
現在的時間是早上 4:30

飲左杯 Cappuccino
成晚都訓唔著

6.
呢排中銀招股弄至滿城哄動

唔知點解
總係會諗起 now.com / 北京控股...

19日

累了..

18日

呢兩日...

番工、放工、睇波、番工、放工...

最忙的可能係開會
同 Miss Yu 準備緊暑假個 course 點樣 hold..

Others:
對住班細佬
開始覺得有 D 力不從心...

16日

開始發現
原來自己都幾鍾意睇風..


今朝六點先肯死去訓
set 左鬧鐘 12:00
結果又俾我一野 KO 左
到醒o個陣已經係成點幾鐘

起先諗住今日會番教會幫手駁 Network
點知嘛..

@@~


下午
hea 下 hea 下
hea 到成三點鐘先出門口
80 分鐘內要完成三個 Mission..

Mission 1 將一大紮 Cat5E + 線夾 + .... 拎番去教會
Mission 2 去永隆入數
Mission 3 16:00 番到中心

結果，當完成左 Mission 1 後，
已經發現我冇可能同時完成 Mission 2 & 3..

兩個只能活一個..@@~
最後揀左 M3..


因為對祂的承諾比較重要..

揀完之後先知
原來佢要我去學習...


晚
番左教會睇 D 線可以點走..
順便諗住睇下個 drawer o岩唔o岩用

之後同牧師、志文、祺哥佢地成班出左好食飯..

咁又一日了


Others:
今日冇乜特別

不過驚訝地發現
早幾日馬家輝先生好似黎過呢度..^^

15日

一星期來只打了兩篇日記..
差不多變了週記了..

剛過去的一星期
情緒 Fluctuate 得令自己驚訝

賣鏡的事
起初還以為可以順利的以高價完成..
怎料卻因為鏡組上無端的多了一塊油而被迫打消..
迫在眉睫的期限卻頓時使自己陷入困境
也令情緒陷於極度低落

星期六那天
因為肚痛..
更正確的是 Depress 引致的肚痛
(hmm..又或者更更正確的說..係因為 Depression )
而沒有回團契
情緒也跌至這一年來的谷底..

當天晚上，
獨個兒走了一晚
行街 + 打機 + 靜思..

在 M 記坐了一會兒，
希望整理自己的思緒
祂卻提醒我要回家去..
回家的路上
卻想起了《恩典太美麗》

Thanks God..
不單是要為現在已經有的恩典，
也為了祂會給我的
即使現在還未看到

我確實清楚知道祂對我的承諾，
可是自己卻仍然憂慮、常存恐懼..
自己一直以為的信心竟是如此不足..

信 就 是 所 望 之 事 的 實 底 、 是 未 見 之 事 的 確 據 。
-來 11:1

結果
當天晚上事情就解決了...

Thanks God


星期日
因為爺爺o個墓之前出左 D 事
同家姐兩個約左食環處 D Staff
晨早上去和合石到睇

個 Staff 話要交番俾建築署跟喎..

之後就出番九龍
同教會成班一齊食飯..


原本諗住下晝會同屋企人飲茶..
點知家姐同阿媽無端端嘈交..
@@~

---

好了~
講左咁耐~
終於可以講番今日

因為太夜訓的關系
十二點收到廖太 Call 先知醒
下畫響教會幫手~

之後就番左中心
難得準時~XD

晚
同阿爸做生日
響酒樓食飯..
鴻叔一家、鄧伯同劉生都黎左..
十一個人食左差唔多二千蚊..@@~

點知臨尾諗住埋單o個陣
我地先發現....
鄧伯已經偷偷地找左數..@@~
.................


食完飯之後就去左嘉微屋企~
同嘉微開 Birthday party
有 Vani、我、Leo、堅、Mary
hmm.. 玩得好開心~

嘉微~生日快樂呀~


Others:
呢排對住班學生
成日用緊櫻木花道o個招—眼神制敵..XD
用眼「厲」一「厲」就可以搞掂..XD

今日同嘉微玩o個陣
諗住教佢點樣同眼神
點知佢就係學黎學去都學唔識..XD
重俾佢話我個樣好兇..-_-"

hmm...

其實一路都知一樣野..
只要我唔笑個樣其實就已經好兇(惡..)..
所以幾年前o既我，
成日都會迫自己笑多 D ..
不過而家都已經好少，
唔係好少笑，而係好少迫自己笑..
而家已經唔駛點迫的了..XD

對得鏡多
其實會發現
自己o既眼神其實最少都有三個 State..
一個係好 Friendly o既眼神..(呢個成日見..XD)；
一種係好惡...(呢個我 D 學生成日見..XD)；
而最後一種...
係一種好兇 (狠..) o既眼神，
狠得足以令人不寒而慄

唔好講其他人，
即使照鏡見到..
連我自己都驚..


其實嘛..
我諗
除左 DB o個陣 D 中同
同埋屋企人之外..
應該都真係好少人有機會見到..
就算屋企人..
除左燥狂 + 嘈大交o個陣 + 罕有情況
都真係好少見..

今日都係同嘉微佢地玩o個陣先用黎嚇下佢地..XD


用黎「厲」得最多o個個 Target..
反而係自己
每次見到自己呢種眼神
其實都提醒緊自己
自己其實有一面非常兇殘的 underside..
這面 underside 嘛..
不能單靠自己的能力
而是要靠主去 tide over

我信不過我自己
可是
我卻相信祂

Thanks God



P.S
唔信眼神可以誇張到不寒而慄？
hmm....
問下嘉微今晚有冇俾我嚇親啦..XD

再唔係下次叫我做一次俾你睇...^^
不過先旨聲明
被嚇壞可不要怪我....

獨白

獨白 (第一節)　思凡

倘若你的名是紅酒
那麼我渴求　此刻
就讓我醉死在那嫵媚的溫柔

10日

三日冇寫日記
逃避？唔想寫？
我都唔想知點解。

簡單講下呢幾日發生乜事

8日
落左 MK 睇 RAM..
冇乜特別..

又或者唔記得左有乜特別

hmm..
重有..
幫自己 Off-load 左 450CC 血~ XD

Others:
給自己起了一個筆名：
思凡

"當思凡的星子從雲的樓閣裡悄悄落下.."


只是..
這個名字著實太普通..
Google 一 Search 都搵到十五萬個..

---

9日
約左 Sonia
足足遲左 20 分鐘
唔係因為唔知醒、
亦都唔係因為塞車..

只係因為..
unconscious 的我逃避醫治

Positive Learning
自己的目標：
1. 專一節制、時刻守時
2. 勇於承擔
3. 剛強壯膽...

重有好多

離開 BU，
番左賽官一轉。
原本其實想搵 Miss Chan
點知番到去先知 Miss 去左讀書..
.........

太耐冇番過學校了

晚
突如其來的收到一個電話..

Make 了一個自己睇黎未必可以 Afford 的 Deal..
卻為自己的勇氣而鼓掌

掛線後
竟發覺自己冒了一身冷汗..

---

10日
因為昨晚的電話
整晚的情緒也極度低落

打機打左一晚通宵..

早
如果尋日遲廿分鐘係"唔好"的話
今日所遲的四十五分鐘，我的評語會是"離譜"..

起左身
寧願打機都唔出門口..
一"頹"就乜野都 Out of order.. ;<

終於同牧師講左個問題
I know I've broken his heart...

總是沒有辦法脫離罪的枷鎖

兩年了..
問題不但沒有解決，
反倒惡化了..

晚
收到 W公司電話
因為番緊工，所以飛左去 Mailbox..

放工之後，
其實自己一直都好驚..
於是向祂祈禱，
求祂加添我的力量~
Well~
最後都係主動 Call 左番去

Make 左第二個 Deal..
呢個 Deal 其實真係唔差..

不過下星期要就真係好吃力了..


深夜
同家姐傾左一陣~
感覺很好~

Others
1.
這是我的第三根刺...

卻是因為這根刺
我再次認識到自己的軟弱和祂的大能

感謝身邊每一位支持和鼓勵、甚至責罵的朋友


2.
諗緊好唔好賣左支 50 f/1.4

而家應該可以賣到一個幾好的價錢..


3.
諗起尋日 Sonia 的 Counseling...
最 Top o個三個 point..

全中...

後記...

作完先發現..
與其講係「創作」，
倒不如說是「仿作」..

對意境的掌握、
大量的擬人運用、
還有詞語的配搭
總覺得有著很濃厚楊喚的影子..
><

你話似唔似喇~!
我就覺得好似...

夏夜 (第一節) —楊喚

蝴蝶和蜜蜂們帶著花朵的蜜糖回來了，
羊隊和牛群告別了田野回家了，
火紅的太陽也滾著火輪子回家了，
當街燈亮起來向村莊道過晚安，
夏天的夜就輕輕地來了。
來了！來了！
從山坡上輕輕地爬下來了。
來了！來了！
從椰子樹梢上輕輕地爬下來了。
撒了滿天的珍珠和一枚又大又亮的銀幣。

哇~
愈講愈覺~
連名都似到十足呀~
><~

月夜

當阿波羅像箭一般的趕回家，
當火紅戰車緩緩的駛到地平以下，
(或作：當盛著火球的馬車緩緩的駛到地平以下)
那給輕咬了一口的銀餅 (碟子)就在雲彩的衣袖裡鑽了出來。

盈盈的帶著無數神話，
俏俏的走訪每一個家；
那傳說中的阿提密斯
卻會用那灑滿一地的銀色的酒，
(和撒滿一天的嫵媚的溫柔；
在微風的伴奏下，
盛滿每一顆孤寂的心，)
灌醉每一位仰望她的裙下之臣。

7日

唔知醒...

起身已經十點半
結果去到崇拜已經係十一點三...

又遲到


早
今日崇拜講道..
講牧者
聽到這句，眼淚就偷偷的從眼框爬出來..

10:14 我是好牧人．我認識我的羊、我的羊也認識我。
約翰福音 10:14

感謝主


午
因為 Vani 病了的緣故
團契一齊左去食粥..
除左穎賢早走之外，今日有番o既都全齊..
連好耐冇番o既阿龍都響度~

cammy&mary

leo&mary


之後就同家姐去左食 Tea buffet
幾好味~^^

不過如果冇 special offer 的話就唔抵了..

sister


cake1


cake2


晚
響銅鑼灣影左成個鐘相
之後就過左九龍中央搵 Jessey 佢地..
睇書 + 作詩 + 訓覺..

咁又一晚

---

昨晚的靈修..

(以色列人遇見摩西和亞倫)
5:21　 就向他們說、願耶和華鑒察你們、施行判斷、
　 因你們使我們在法老和他臣僕面前有了臭名、
　 把刀遞在他們手中殺我們。
出埃及記 5:21

以色列人寧願做奴隸也不願從法老手中得到解放..
而原因
只是因為他們害怕..
他們早已習慣了這奴隸的生活，
他們害怕這一切的改變—
儘管這改變會讓他們得著更多....

我會不會也是一樣..？

求主引領我心..
也求主祢的醫治..


Others:
1.
我真係好想嬲佢..
但係著實又嬲唔出....

2.
今晚的夕陽很美..
美得醉人

sunset@bus


sunset@vp


3.
同樣美得醉人的
還有..

4.
Depression 還未走
身上卻又多了一根刺：
皮膚的濕疹愈來愈嚴重了..

又紅又腫
比兩隻手掌還要大..

請為我禱告。

5.
特影兩張
恆恆做乜扁嘴呀？


好耐未影過巴士了...


6.
新詩嘛..
就貼了在上面..

6日 愉快

團契、還有 Vani和 Leo~
就這樣過了愉快的一天


早 / 午
約左團契十二點三食飯
十一點幾起身..
點計都可以準時啦...

偏偏
肚痛痛到 hihi ..-_-"

拉完肚子
去到剛好一點....


因為教會裝緊修的緣故，

響西九食完壽司
Join 埋明輝、Jessey 同埋病左o既 Vani
就上左蔚賢屋企查經

唔知點解
蔚賢講o既每個例子都好似講緊自己
別人知的、別人不知的..

誠惶誠恐..

如果換轉是以前的我
準會以為是別人告訴她的..
但，現在的我知道
這是祂要告訴我的話...
這陣子的生活過得著實太爛了

晚
同 Vani、蔚賢 同 Leo 三個一齊去食飯
之後就飛甩左蔚賢~
三個人落左大角咀
玩 + 食 + 逛左四個幾鐘~^^

不過臨尾因為累 Vani 送左車尾..
送左佢出旺角搭小巴..


Others:
好開心~
嘻~

5日

打回原型..
5:30 搵周公

早
成朝好似隻死豬咁響張床..

午
同家姐嗌交
飯都未食就落左黃金買 IDE Cable
跟住就入左 Ivy 姨度整電腦
驚訝地
竟然撞到秀雯~

哈哈~
要見o既始終都會見到~XD


入到 Ivy 姨屋企都差唔多五點半
真係"整"電腦o既時間，
其實十分鐘都冇..
連 Case 都冇開過..-_-"

死機主要原因
其實係因為 BIOS 的白痴問題
不過歸根結底都係隻 HDD 就快打柴..

Ivy 姨部機好快搞掂
反而大部份時間用左響穎賢部腦..
裝 Antivirus + Scan 一次
竟然用左兩個半鐘去，
用 256MB RAM 行 Windows XP..
家聰都算好帶挈..
(重要有 8MB shared 左去 Display..)

最尾發現原來部機中左兩隻木馬..
不過剷完之後嘛..
我都唔敢再 Scan 多次了..-_-"

響穎賢屋企食埋飯
hea 左一陣就搭車走
響奧海 Stay 左一陣..(都唔算一陣了..)
番到屋企都差唔多十二點~

Others:
1.
好似好耐未同過秀雯食飯了~
呵呵呵~

今晚有得試佢同穎賢手勢~

2.
發覺一樣野...
我響出面街係好少可發火的..

響 SU 發脾氣舊年都好似試過..
但係真係響街發火o既話
可能要數到初中..
o個陣真係可以一腳 KO 張臺~
哈哈哈~


hmm..
不過嘛~
收左火
某程度都係一件好事來的

3.
前後打左幾次打電話俾佢都打唔通

特登再打番屋企叫家姐交帶佢唔好煮我飯

咁都話冇講
冇聲出了.....

4.
我發覺...
我同家姐係床頭打交床尾和的...

下晝重嗌大交..

夜晚嘛
隔離 D 新 icons 佢都有份俾意見~


5.
講起又係~
隔離 D icons 靚唔靚呀？！^^

6.
響奧運站出面又見到 D 蝸牛仔~
好 Cute 嫁~
聽日先出相~

4日

睇左 MI:3 ..

作為一套動作片
撇除那個比基斯杜化更像超人的新晉"超人" (嘉駒語)
基本上，觀眾所預期的都全到手了。
爆炸的爆炸、特技的特技、驚險的驚險，
還有那注定打不死的湯告魯斯..

幸虧嘉駒提醒我留意，
第二集賣弄的個人英雄味道亦明顯有所收斂
臨尾的那幕也只是輕輕帶過

取而代知的是更多的 teamwork..

hmm..
唯一唔太喜歡的
是片末丑角那段「慌死你唔知」的「愛國主義獨白」
雖說諷刺
卻也總覺畫蛇添足

---

早
晨早起身
我都唔知有乜搞..


午
落左奧海買 MI:3 飛 + 剪頭髮
順手落左機鋪打機
點知一打打左兩個鐘...


晚
買左 Jessey 飛
點知成七點半都未 call 到佢..
全個團契..(真係幾乎 Call 晒) 都冇人得

結果最尾搵左阿 Ken 黎..


Others:
1.
Ivy 姨的電腦又死了...-_-"

2.
今個禮拜加埋只係番兩日工...
爽~

3.
睇戲..
最尾都係得我地三個...
(漏左遲左成大半個鐘的阿 Ken..)

4.
睇完戲之後...
唔知點解，
總覺得有 D High High 地~

High 到 5:30 都未訓...

3日 放飛機．．

難得唔駛番工．．
(今日中心停電..)

點知就慘吞兩隻飛機..
自己又放左人一隻..

早
又係唔肯訓
差唔多成五點先係乖乖地上床..

原本約左牧師十一點過到馬鞍山
同阿 Cat 一齊上栽培
九點幾已經 set 晒鬧鐘起身
點知黃牧十點幾打黎話 Cat 唔舒服，
要取消...
好彩未出門..

午
因為訓未醒
成日都響屋企發 Ou Dou..

搞到成四點先食晏
重要響茶餐廳睇左成套《大事件》先走..

呢套戲聽就聽過好多次
睇就真係第一次
hmm..
感覺真係幾好
不過我就 Miss 左最精彩o個半個鐘開場..

在略嫌過濫的悲情之餘
那不失幽默的諷刺反思卻更能令人會心微笑
特別係一句 "This is a great show."
畫龍點睛


晚
睇完茶餐廳大電視
行左奧海一轉
跟住落左 MK 買筆..
之後又一個人行番落奧海
(好無聊..?我都覺)


諗住響奧海等開會
由六點半響 star-bugs (XD)坐到八點幾..
點知等等下發覺有 D 唔對路..
8:00 開會 7:50 分都未見一個人
打俾麥屋先知今日個會唔夠票 Cancelled....
D_u...

結果 hea 下 hea 下
番到屋企又九點..


Others:
1.
尋日響街無端端俾人用粗口問候
嘰哩咕嚕的也回了一句..

想來總覺得不妥...

2.
睇左大事件

唔知點解諗起希臘神話入面o既 Queen Niobe..

3.
同穎賢 MSN
講起喜樂..

思考與喜樂是不是相對的呢？
我覺得唔係..

只是
有時候
憂傷的感覺確實會讓人想得更多


"Tragedy is a catharsis of healing for the audince" -Aristotle

4.
明天睇 MI:3
暫時有我、家聰同 Leo
穎賢同 Jessey 要聽日要 firm 到~

Yeah~

又黎詩歌

在初夏的雨夜
獨個兒躲在城市一角的 McCafe
呷著一口怡神的 Cappuccino
在餐紙上
默默的誦出首首情詩
給一個不會到來的朋友



(另一張俾人拎走左了~XD)


今晚作的..
不過只係其中一節
其他幾節
遲 D 先 post..XD

---

裝飾
我願是一枚鑽石指環
緊緊抱著那纖纖的玉手
隨著她輕按琴鍵的節奏
在你不經意的時候
閃爍於那跟採蓮的指頭

---

同場加映：
呢首係前日o既..
都係其中一節..

不過諗黎諗去總覺得有點怪..

朝陽
雛菊迎著東昇的朝陽
演奏出生命的樂章
青草終於也耐不住寂寞
翩翩在微風中起舞和唱
小鳥是個不稱職的歌唱家
一天到晚只懂在樹下乘風納涼
(又或是結結巴巴的歌唱)

烏雲也想趕來湊熱鬧
可是他只有可怕的模樣(的樣子太可怕)
一出來便提太陽嚇跑了
孤單的他交不到朋友
只能偷偷的在天上痛苦憂傷

2日

大昏迷了十個鐘...
感覺良好

---

昨晚
因為亞視的文革紀錄片的緣故
無端的跟爸媽談起政治

hmm..
講政治的結果只有一個
一定係嗌交收場..-_-"

不過驚訝地發現
儘管爸媽都反對參與我參與政治活動
但兩者的意識形態卻是差之毫釐
老媽是典型的愛國(香港)左派
—凡國家說的就是對的，
那怕是今天的國家打倒昨天的。

老爸是傳統的中國人
有著典型中國人怕事的基因
不代表他不認同改革的路線
只是他更怕的是報復..


說回正題
今天的日子過得有點爽

十二點起床
一口氣補回了兩篇日記
執下 D 相
之後就去左番工~

華今個月開始唔黎中心了
三姊弟得番兩個..
總覺得有 D 可惜..


晚上
行了一晚旺角
在 McCafe 的一角
在餐巾上
默寫出整首《等你，在雨中》
跟外面的雨天

相映成趣..

1日 好開心～

好了~
總於的起心肝打番前兩日日記

---

---

今日係教會退修會

早
老毛病又來了

唔肯訓..
差唔多成五點先去搵周公
結果嘛
當然係唔知醒..

約九點半響東涌
九點二先響大角咀起身..
結果嘛..
去到都差唔多十點半..

大概因為唔夠訓的緣故
雖然朝早飲左一大杯 Cappuccino 提神
但係始終都有 D 鈍鈍地..

我自己最鐘意o個幾個 Game..
嗯~
的確係好有意思~


臨走o既時候，
收到 Ivy 姨電話
佢部電腦又壞左了..-_-"

過左去幫佢整左一陣~
順手同佢 Backup 左 D 野~

原本不過係條 HDD Cable 鬆左..


之後就同穎賢有一節分享祈禱的時間..
講起昨日阿媽個笑話..
諗番起都係好好笑..

晚
因為諗住要約五姨
冇留響 Ivy 姨度食飯..

點知俾五姨放左飛機....-_-"


Others:
1.
奇妙的一天~

係咪好奇妙？
最少我覺得囉~

2.
就快連牧師都知道了~

家聰~
我就快要殺左你~!!

春天在哪兒呀？！

拙作重未出得街
先來貼一貼別人的作品~

是詩人楊喚的《春天在哪兒呀？》

在巴士上看著他的詩集
看到這篇很喜愛的作品
唸著
春天在我的心裡燃燒
春天在花朵的臉上微笑

倒快樂得像一隻麥兜


在這初夏的早上
僅將這首詩歌
和詩人的喜悅
送給每位到來的朋友~

---

《春天在哪兒呀？》

－春天來了！
－春天在哪兒呀！
小弟弟想了半天也搞不清；
頂著南風放長了線，
就請風箏去打聽。

海鷗說：春天坐著船在海上旅行，
難道你還沒有聽見水手們迎接春天的歌聲？
燕子說：春天在天空上休息，
難道你還沒有看見忙來忙去的雲彩，
仔細地把天空擦得那麼藍又那麼亮？
麻雀說：春天在田野裡沿著小河散步，
難道你還沒有看見大地從冬眠裡醒來，
梳過了森林的頭髮，又給原野換上新裳？

太陽說：春天在我的心裡燃燒，
春天在花朵的臉上微笑，
春天在學校裡跟著孩子們一道遊戲一道上課，
春天在工廠裡伴著工人們一面工作又一面唱歌，
春天穿過了每一條熱鬧的大街，
春天也走進了每一條骯髒的小巷，
輕輕地爬過了你鄰家的牆，
也輕輕地走進了你的家。

小弟弟說：讓春天住在我的家裡罷！
我會把最好吃的糖果給它吃，
媽媽會給它預備一張最舒服的小木床，
等到打回大陸去，
讓爸爸媽媽帶著我跟春天一起回家鄉。

30日

都係待續


Others:
1.
又寫了一首新作~

---

---

早
因為唔願訓..

訓o個陣係 05:00
@@~
崇拜邊可能知醒....

結果証實了這個估計...

午
上了主日學
總覺得聲聲入耳..

祂是不是指著我說的..？

之後約左阿媽
原來諗住食 Tea Buffet..
不過發生左個笑話~

晚
拎住部相機，
響銅鑼灣行左個幾鐘..
之後就去左遊河..

銅鑼灣 ~~> (地鐵) ~~>
美孚 ~~> (269B) ~~>
天水圍 ~~> (276B) ~~>
上水 ~~> (270A) ~~>
九龍塘 ~~> (72X) ~~>
旺角

好耐未試過咁遊了~

Others:
1.
媽媽的笑話..
(聽日打)

2.
天水圍的感覺
(又係遲 D 打~)

補記 @02/05 01:45

29日

四個字講晒：
未得閒寫

搞掂~
XD

---

---

昨天
因為中心仍然未入數的關系
弄得我 Depress 了一整晚..
低落的情緒到早上仍然持續著..

早
Check 了不下十次 Account...
結果到 12:45 仍然未見到數—
灰到只懂得躲在床上..
原本的計劃 (12:30 回教會去準備週會) 全進了雪櫃..

下午
發現"條數"o既時候係下午二時十五分

(我好懷疑自己最後如果都係發覺未過數，
我會唔會直頭請假..)
不錯，是很高興..
但更多的是來自自己的責難..
責難自己的小信、責備自己的膽怯..


回到教會是下午二時五十五分..
準唔準時？準時..
不過詩歌未 Print hard copy 囉..
就咁出事..

本來以為可以響 5 mins 搞掂o既事
足足拖了十幾分鐘..
--"


團契..
難得今日我帶詩 + 週會

今個星期題目係祈禱週，
而今個週會就想試下用落區o既方式，
去鼓勵下大家多 D 留意一 D 擦身而過o既人 / 事
為佢地禱告

hmm..
一個咁好既 Topic
當然唔係我諗出黎嫁啦..

其實舊年響 CSU 已經試過
只是今次的實在爛得有點哪個..

詩歌問題而
遲左十分鐘先開始已經唔講
當落街o個
重搞笑o既一樣...
祈禱週點解會冇左祈禱..？
原因係因為 Time control 做得太差
結果到臨尾o個陣
先發現唔夠時間做小組禱告 + 分享....

結果..-_-"

唉.....


晚

落左睇波

之後就哭喪著臉過左嘉旋屋企整電腦..

Others:
第三十六輪英格蘭超級足球聯賽
榜首大戰
賽前稍被看高一線的曼聯 0:3 作客慘敗於車路士腳下
勝出的車路士賽後拋離曼聯 12 分，
篤定取得 05-06年年度英超聯冠軍...

當曼聯多番錯失入球機會的時候，
車路士就把握那三個機會，
把球全都送進網中...

哇~

2.
知道嘉旋趕電腦用..
於是過左去幫佢睇..

o..
原來 Minor 野...


補記@ 02/05 01:30

第一次..

方向

飄零在死寂的夜街上
憂鬱的心早已失去了方向
倦容被囚禁於一片片笑臉背後
渴望自由的心靈，
此刻——卻在尋找那密室的空窗

啊！閉鎖的黑幕後定會有耀眼的朝陽！
看！蝴蝶在飛揚！鳥在歌唱！
被釋放的靈魂會如鷹一樣
——飛揚！飛揚！飛揚！
飛向那傳說中的奧林巴斯山上

球
-第一節


球場上的廿二個人在競逐著一個球
球在動、球員也在動，這一刻
生命力就在熱情的擺動
彷佛
青春燃點的紅焰在跟我招手

(待續)

28日

昨天
離開中心o既時候，
麥姑問我暑假會唔會幫手做托管..
好爽快地答應左佢..

原來祂所說的驚喜就是這個..

之後就番左教會，
同 Kennis 夾下星期六個週會，
同埋傾左呢排o既好多問題..


早
約了 Sonia 9:30
難得咁早要番到 BU....

不過嘛..
都係要遲..
之但係因為佢之後o個個 Client 病左冇黎，
於是我又霸多左一節時間..

Anyway
繼續講花名的問題..


午後
響 SU Hea 左三個鐘，
之後就番左中心

今日我o個班難得少人
小息之後重要有三個走左去開組..
馬仔同軒軒又俾我罰左出去守門口

結果嘛...
全"盛"時期全班得我同琦琦一個..
-_-"


Others:
1.
該做的責任仍然未做..

2.
這幾天也有想死的念頭
可幸的是
這幾天也會懂得避開這些誘惑

27日 黑氣-mode 持續

原以為很簡單的 re-installation..
竟然因為一個錯誤...

成個 windows 竟然俾我 delete 左..
哇~

而家只係臨時裝住個 Windows 頂住先...
冇 office, 冇 icq, 冇 msn, 冇九方..
部 palm 又唔 sync 得..


唉...
唔知重要搞多幾多日...
星期六重要係我帶週會呀..><

---

最新消息
已經幫個臨時 Windows 裝番九方同 MSN 了...

星期六個週會應該都冇乜大問題

不過睇怕都要遲 D 先可以抽時間救機

426：一個特別的日子...

1942
偽滿洲國本溪煤礦發生史上最嚴重的媒礦意外
中國官方公佈死亡數字為 1549人
而民間流傳之死亡人數高達三千

1986
烏克蘭境內的切爾諾貝爾核電廠發生爆炸，
為迄今最嚴重的核幅射洩漏
國際原子能機構於 2005 年發表報告，
切爾諾貝爾核電廠爆炸時，
直接導致 56人喪生，
而接近四千人因吸入被洩漏的幅射物而感染不同疾病致死

綠色和平估計
直接或簡接傷害將做成九萬三千人死亡..


1989
人民日報發表社評《必須旗幟鮮明地反對動亂》

正式將 4月15日胡耀邦逝世觸發的愛國民主運動定性為暴亂
為八九民運揭開血腥一頁


四二六..
一個離不開悲傷的日子...

激死...

Windows 撞到七彩..-_-"

今晚返屋企重要救機~
呢幾日未必可以打到 Blogger 了..

Photo

香港浸會大學基督徒學生團契



唔駛搵我了~
我係揸機o個個..

24日

睡了六個小時就起床了..

不是為了甚麼
只因為睡眠質素實在太爛..


由九點呆到三點半
書冇睇房冇執 Blog 未寫早餐未食

我其實都唔係好清楚呢段時間自己做過 D 乜野..

---

病到幾乎想暈低..
我估好大機會係因為尋日焗親

搭車番中心o個陣已經想打俾麥姑請假..
最尾都係決定頂硬上

結果番到去係 4:20..


晚
一年一度的 CSU 畢業生歡送會..

水哥、Ivan、Amanda、敏傑、愷愷、EVA....
許多去年的伙伴
不知不覺又要走了..

---

靈修日記

昨晚靈修的時候
祂跟我開了一個小玩笑~

看了 4月 22日的靈修日誌
前後看了數天也看不明白..

(我的習慣是會多看一兩天的靈修日誌..
舉例說
在 4月 22日晚上，我會看 4月21-23日的靈修日誌..)

直至昨晚...


睇o個陣即刻想笑..

以 利 亞 對 亞 哈 說 、
你 現 在 可 以 上 去 喫 喝 、
因 為 有 多 雨 的 響 聲 了 。
列王記上 18:41

那時候，饑饉三十的活動才剛完不過數小時..
而外面卻正掛著黑色暴雨警告...


很"巧合"地..
這幾天的靈修日誌都跟「吃渴」有關..
係咪巧合？
我覺得唔係囉..

祂在告訴我，祂就在我的身旁...

Others:
1.
懶蟲發作..

昨天的日記到現在仍未寫..

2.
今日
有少少沮喪..

特別係上堂和乘車回家的時候..

祈禱後好了一點
只怕是連祈禱的衝勁也拿不出來

3.
希望重讀 Thus Spake Zarathustra..

4.
因為歡送會的緣故
今年第一次 (亦都係最後一次) 番 CSU 週會..


原本以為休學一年可以有多些餘閒——
可以專心養病，
也可以多些時間參與事奉、社會工作和參與社會運動；

只是
一年差不多過去了..

Depression 又好了多少？
除了不用依靠 SSRI 之外..

社會工作又做了多少？

社運呢？
學生會冇幫過手、
組織愈做愈頹 (我講緊自己..雖然我覺得係 Both) 、
除左幫 HKPA 手搞認識世貿 Function..
我唔覺得我有做過其他野..

事奉呢？
又係間唔中先幫下手...
但我有專心的事奉祂嗎？
沒有..

距離開學還有四個月..
真的打算這樣過下去嗎？

Somethings About HE..

Tezella G. Cline,B.S.,在溫士頓州立大學工作，她和一個發展團隊擔任的職的行政人員，負責執行的工作是職業訓練的程序、新進教師的登記，後來在北卡羅來納州的 Charlotte-Mecklenburg中學服務，她教的科目是數學、自然、科技等科目。

想一想特別的學生誰表現出憂鬱或自殺的行為。如何知道學生顯著的異常?

　我想在教學時，一個班級的老師，應該全面的注意學生是非常重要的職責，如觀察、行為和情緒障礙和反社會行為。要了解這些行為和學生一對一的教學。好的老師， 知道學生個別的需求即向是她的評有每日觀察和分析行為是必要的。成功的教育制度，是溝通訊息的傳撥。老師是主要的溝通、觀察者是介在父母或監護人和其他職 業的人，遇見不允許的行為或情緒障礙應馬上告知父母親。

　George是我的一位學生，他表現出表現憂鬱和自殺的行為，
有5點特徵：

　第一點：缺少正當的社會技巧.在社交場所比較不被接受，正向情境表現消極不當的行為，比較明顯突出的情境，表現負向，消極呈現，當週遭的人回應他較負面，他自己回應，常常回答消極負面的評價。他在會報怨別人『笨』，假如他自己可以做的很好；假如他自己沒有做的很好，會用消極的語回答包含”我不在乎”和”沒有人在乎”他，他的臉色(好或壞)。他似乎變得很害怕和試著用逃避、消極的方式。他有區別的狀況，他似乎嘗試推動朋友、喜歡自己一個人和不斷的思考嘗試孤立自己，然而在社會上他體驗憂鬱的感覺。

　第二點：George有攻擊性的行為，他試著製造衝突的情境.替自己攻擊性的行為找一些藉口，他也會避開一些較有挑戰性的情境，例如說，比如說他會在有人打他時，說謊，他將說謊有關打他獲得訴苦，一些學生看到他或製造威脅對於他.他在很多情況下他在衝突對立的情境和直接抱怨沒有一個來幫助他。

　第三點：George他會避開同儕的活動或參與有社會的活力和他同年紀的人.當他在團體他將會孤立自己，做一些事情避開團體.他會對團體做一些不當的行為， George他在遊戲裡面可以看到這些行為，剛開始做些活動或遊戲時都顯的非常興奮，積極的去參與，當他更投入的時候，他就有些消極的想法出現，他就突然 放棄，一但有一些是事情讓他很生氣的時候，他會從很投入的現象變的很想中途離開或放棄。

　第四點：George情緒陰晴不定，不超過片刻，時而快樂、時而興奮、難過、生氣和攻擊性 的。他的心情是很不定的，他可能時而高興、時而興奮、可能變的很難過、很生氣、攻擊、消極的情形，比如說我們班上舉辦家長會的活動，當他老師校長家長面前 表現相當不錯。在休業式的那一天他已經在班上接受太多服務，他看起來是有笑容的、愉悅的，他和老師分享，他還說是自己做的還要給老師，媽媽爲他感到光 榮，當他媽媽和他說再見，說以他為榮。三十分鐘後，有極大的轉變，變的很活潑、有干擾的行為，對他周遭的同學開始干擾，他顯的生氣，開始有很多聯想，逐漸 變的憂鬱和最後取回禮物、放棄任何活動，即使我們提醒他，他不在乎任何活動，向老師取回禮物；他變的攻擊、恐嚇、和別人吵架…等行為，我們送他到房間．他 在地面翻滾、大聲的叫．他呈現平靜的沮喪和孤單，他消極的敘述有關他自己的事和他想回家。

　第五點：George會選擇一些危險的朋友和活動非常危險的活動，做不好的決定，決定用說謊騙別人，這些時間裡George將會和同年齡的人做任何事他也會試著討好別人。

---

成篇文譯得極差..
應該是翻譯軟件的「傑作」.
不過都嘗試做下總結..

第一點：缺少正當的社會技巧
(Shit...Social Skill 竟然譯左做社會技巧).
中

第二點：有攻擊性的行為 (Aggressive Behavior..?)
中-ed

第三點：他會避開同儕的活動或參與有社會的活力
(participate in social life..?)和他同年紀的人
中..

呢個行為其實係避開緊一 D 同佢有直接有競爭的人..


第四點：情緒陰晴不定
中..
特別係發病o個陣
情緒起落差極大


第五點：說謊
又中
佢其實嘗試緊逃避壓力...

@@~

23日 饑饉第二天

才回家不久．．
著實太累了

明天才補記。

Others:
1.
執筆時
外面正下著大雨

感謝神
這場雨比天文台最初的預測遲來了兩天

也剛好讓我完成了饑饉~

2.
MSN 知道佢曾經 Online..

已經很高興了~

第一次~
係第一次呀~

又係時候睇下舊野..

睇 Tracker 的 Stats，
竟然有人因找到這篇文章而來到這裡..

生活．紀錄．Ｍ２３: EP21 何去何從(一)

篇評論原來寫左差唔多三個月
到而家都未寫續篇

---

又係睇舊日誌..

驚訝地發現
馮玥的 Blog 已經連不上了
暫時未知道是香港的 Connection 問題
還是國內已經關了站..
(參夜靜 16/02/06)


著實很可惜，
馮玥的 Blog 可讀性很高的..


只能找回部分被轉帖了的文章
没有人幸免于罪: 本報記者 馮玥

出相~

幾張咁多啦~
其他o個 D 自己去 Photo Blog睇

22日 饑饉第一天

昨晚

雖然那聲音沒使我崩潰，
但卻已足夠影響我整晚的心緒..


早
因為情緒實在太差的關系
五時多才上床
結果..
被家人噴得一臉子灰..

就快爆炸o個陣
我選擇左用祈禱黎令自己平復落黎


午
因為有顧住幫子健 / Lavender 救相
又遲左出門口

搞到冇左穿梭巴士搭~_~"

最衰自己又唔識搭車 + 搭錯車喎~

結果遊晒成個港島西南先可以去到香港仔運動場~

去到都成三點半..


晚
趕餐死由香港仔趕番屋企
點知俾阿媽霸左部電視黎睇亞視..-_-"
奧瑪氏呀~!哇~


開始有 D 肚餓了~><

---

饑饉特記

三點半入到場
搵左一陣先搵番我 D Groupmate..

驚訝地發現..
原來在場好多都係細過我..
重要女仔多過男仔好多..

玩左幾個鐘 Mass Game，
再睇左個幾鐘片 / 分享
感覺..
反而覺得有 D 似 O'Camp...

Anyway，
最震撼的
是片段中，
那群非洲孩子用盤子盛著的
那一兜黃褐色的食水


對我而言
這些事理應並不陌生
(之前搞反世貿o個陣，
介紹 GATS 時好多時都會讀到第三世界的水源問題)
只是
當這些片段活生生地呈現在你面前的時候，
感覺
就只有震撼。
尤其
當看見他們那充滿喜悅的眼睛時—
對！
是喜悅..
因為這些黃褐色的水
對他們來說
可能並不比一部 PSP 遜色..

同一天空下
為何有兩個不同的世界？！


很難想象
如果身處現場拍攝的是我
會有怎樣的反應..


哈
我諗
我會嘔一大餐..
然後攬住班細路喊..

願肚餓的同時
也不要忘記
世上還有 850, 000, 000 的生命陪伴著忍受這飢餓。


Others:
1.
我o個組都有好多靚女喎~

不過太細了..-_-"


2.
抬頭望天，只見密雲..
也想起他們的雲

可憐的風沒有家，
跑東跑西也找不到一個地方休息，
飄流的雲沒有家，
天一陰就覺得不住地流眼淚。

<<家>> 楊喚

雲等得不耐煩，都散了
雖然你的裙更華麗，比孔雀夫人
並瞬著我的一百隻眼睛

<<六角亭>> 余光中

我是天空裡的一片雲﹐
偶爾投影在你的波心──
你不必訝異﹐
更無須歡喜──
在轉瞬間消滅了蹤影。

<<偶然>> 徐志摩

同一朵雲，有著不同的故事
同一片天空下亦焉。

3.
請禱告紀念..
不是我..
而是那活生生的 850, 000, 000

21日

早
約了 Sonia

今日
講花名
我會為自己起 D 乜野花名？
諗左一大堆

柒頭、緊張大師、四方木、牆頭草....


走o個陣
因為時間太趕的關系，
冇做到 Relaxation..
結果就出事..


午
因為豬仔要 sit count..

結果都係自己一個落左頹 Can 食飯
都有好耐未試過一個人響頹 Can 食 Lunch 了..


放左工之後，
返左學校打左個白鴿轉，
之後就落番教會。

番到屋企o個陣都已經成十二點。


Others:
1.
今日響 Chaplain Office..
俾人問左個問題..

「你見 Sonia 駛唔駛俾錢？」

我想講..
我申請o個個係 Suspension 而唔係 Drop Out....-_-"

2.
同人傾開..

講起上星期沈太問o個個問題..
終於恍然大悟

想問我係咪會上莊咪直接 D 問囉...
做乜兜個大圈黎問
家下好驚我會做 3P 咩？

3.
終於借到《蓮的聯想》同《楊喚詩集》
唔該子健~^^

回家的路上
反複的唸著那幾句

情人的恩念
是紫外線，灼熱而看不見
情人的心驕傲而可憐...

樂得像個瘋子

4.
聽日有饑饉三十~

我報左日營呀~
俾心機呀

快 D 幫我打氣啦

---

講完好的，
跟住要講一個不太好的消息

5.
在頹 Can 時
竟然聽到地鐵站的聲音..
很微弱，但我的確聽到..

就像中五、Poly Yr1 o個陣一樣..


然後
我選擇
乜事都冇..
祈禱，然後繼續食飯。


跟以前幾次「偶遇」不同，
今日的心情
倒平伏得像杯開水..
沒有驚慌、也沒掉過一滴眼淚..
或許是因為習慣了，
也或許，是因為開始懂得信靠祂。

我不打算再依靠 Anti-Depressant 去打這場仗、
也不會再押後復課的計劃..，
更不會再申請停學
我要完完全全的依靠祂來完成這個 Degree。

它可以毀了我的學業，
卻毀不了我。

六年了..

之不過
響打贏呢起仗之前，
我都要學下點樣同呢隻魔鬼共存。

20日

因為太累的關系

兵工廠對維拉里爾都冇睇..

午
醒來已是十二時多
安排好的工作一件也沒有做..
換來的，
是可以準時的回到中心。

晚
取回重晒的大相..

直出之後..
即刻靚左好多..



Others:
1.
今日幹了一件壞事..

hmm..
是祂不喜歡的事

2.
這陣子
跟祂的關系不如前了..

晚上靈修的時候..
提醒了我要多花時間跟祂一起。

3.
尋日上栽培o個陣..

牧師問o既章節，
好多時都答唔出...

點知
夜晚靈修o個陣..
"要實踐、經歷每一個真理，而不是背誦.."

總覺得好好笑..XDDDDDD

當然..
我知道祂在指著甚麼說

士多啤梨樂園..

第一次看麥家碧的這篇作品，
應該是小學三年級的時候。
坦白說，
當時的我看不明白當中的深層意義。

那時的我，
大概會取笑麥嘜，
為甚麼會將失去了的種子，
變成了
「很多士多啤梨、士多啤梨蛋糕、士多啤梨果占..還有好些老婆仔女..」；
也不明白，
為甚麼麥嘜會為這些虛構出來的聯想而大費周章..

可是
當前陣子
再讀這篇故事一遍的時候，
感覺已經南轅北轍。

驚訝地發現
原來每件事物都是一個符號：
種子代表了機會；
「很多士多啤梨、士多啤梨蛋糕、士多啤梨果占..還有好些老婆仔女..」
比喻成果—只在想象裡的成果；
尋找種子暗示著留戀過去、放不下...

也驚訝地發現
原來
我們都是麥嘜。

19日

回了教會上栽培、
番工

就這樣的過了一天。

只是
實在有點疲倦。

楊喚

寫日記的時候，
想起了楊喚的童話
一篇很喜歡的散文
來自小弟小學時代的誦材

唸的時候，
也總會閃過一絲嘆息：
這位天才橫溢的作家，
離開這個世界時還不過廿五歲..


楊喚 童話

我的耳朵 散步在 草蟲的村落，
驚訝於一隻蜜蜂 嚶嚶地哭泣；
我的嘴 問他 為什麼會如此的痛苦，
而不去用 歌 和吻 去挑逗 那些 迷人的花朵？

他說： 那些 沒有靈魂的花朵 只有 庸俗的美麗，
過度辛勞的工作 使我把 一切 都完全忘記；
誰都知道 蜜 是香甜而又醉人的，
可有幾個 知道我們那 六角形的工廠
是怎樣的骯髒、 吵鬧 和擁擠？

這時 有一群鵝 大笑著 從我身邊 搖擺地走過，
我正在想： 為什麼 他們 會如此高興 而不知煩惱？
我聽見 我的心 告訴我 只有愚蠢 和無知 才能使人快樂。

---

同場加映

夏夜

當街燈亮起來向村莊道過晚安，
夏天的夜就輕輕的來了，
來了！來了！
從山坡上輕輕的爬下來了。
來了！來了！
從椰子樹梢上輕輕的爬下來了。

---

重覆的「來了！來了！」
跟《等你，在雨中》末段的「你走來..你走來」異曲同工。

同樣表達出作者 / 主角的那份喜悅，
也同樣的打動我的心。

願這份喜悅，
也跟在電腦前唸著這首詩的你一同分享。

18日

早

睇左早場 雛菊
典型韓式 大團圓 結局..

散場的時候
想起一個希臘神話的論述..

在古希臘時代
只有悲劇才會受知識份子的歡迎..
而喜劇..
往往會受到他們的鄙視..

是誰說的..？
不記得了

好像來自李歐梵跟周星馳的對談..

想來也是
Aristotle 論 Sophocles 的名作 Oedipus, King of Thebes 的時候，
就曾指出悲劇主角的不幸往往能淨化人的心靈；
從悲劇中反思人的價值..
本來就是希臘神話中的一個重要原素..

我聽見我的心告訴我
只有愚蠢和無知才能使人快樂。

楊喚《童話》


午
諷刺的

為了 $2
由早到變成遲到十分鐘..

H.S.

晚
回了教會
想靜靜的獨個兒看書..

卻反變成了一節好好的分享時間..

Others:
1.
想起嘉駒的問題
我會是一頭快樂的豬、還是一個憂鬱的人？

我想
我會是一個渴望快樂的人。

2.
看著地鐵來的時候

有一刻的衝動
想跳到路軌上去

就只有一刻。

然後
我選擇退後。

3.
Depress 中

17日

一唔夠訓o個陣
乜 sympton 都會出晒黎..

怕見人、火爆、易發脾氣、情緒低落..
討厭


早
拜山..

因為媽媽要返工的緣故
今年得我同家姐去拜山

用左廿分鐘由和合石山腳行到上山腰..
結果等左十五分鐘先見我家姐出現...=_=

重成日話自己身體點好..


午
去 Fotomax 拎返尋日批相..

出黎張張都偏晒色...
重要下下谷光
激死我喇~!!

響房訓左兩個鐘..
好多了..

之後就番左教會一轉

晚
睇波~

MU 好野~


Others:
1.
輕輕的、反覆的唸著這一小段：

如果你的手在我的手裡，此刻
如果你的清芬
在我的鼻孔，我會說...

如果是我．．
那我又會說甚麼呢？


也想起以前教文文唸的一段..

讀那首韋應物的《調笑令》的時候，我會輕輕地念：

『胡馬胡馬，遠放燕支山下。
跑沙跑雪獨嘶，東望西望路迷。
迷路迷路，邊草無窮日暮。』

一面覺得自己就是那從唐朝一直狂弛至今不停的戰馬，
不，也許不是馬，只是一股激情，被美所迷，
被莽莽黃沙和胭脂紅的落日所震懾，
因而心緒萬千，不知所止的激情。

(擇自張曉風《我在》)

要一口氣的、把作者的感覺和起承表現出來
考驗的是朗誦者對作者的思緒的掌握、
還有那一道"氣"..

不，也許不是馬，
只是一股激情，被美所迷、
被莽莽黃沙和胭脂紅的落日所震懾，
因而心緒萬千，不知所止的激情。

最難唸的一段、卻也是最醉人的..
唸的時候，
那躲在沙後的酒紅落日與作者的激情
彷佛就在心中泛起一圈圈的漪漣..
清脆地
在腦海中迴響
打動心窩裡的每一分。

我委實很喜歡聽文文唸這篇散文，
不是因為對這個妹妹的特別感覺、
也不是因為她特別"聽教聽話"，
而是因為她能演繹出這篇作品裡的一種獨特風韻—

或許，
也是因為她擁有我沒有的、一把適合朗誦的嗓門子—
鏗鏘的發聲，跟誦材起承配合得恰到好處的抑揚，
爽朗而不失嬌柔的聲調，
總是入耳動心..


也想起我自己
沒有 Alex 的台風、
沒有 Edward 的諧趣、
沒有 Kevin 的聲調、
沒有 浩翔 的誇張動作..
沒有這些天份..

玩了十多年的朗誦，
自己靠的就只有一顆恆心、一股熱誠、
對起承的拿捏、還有對情感的投入..
還有對誦材的欣賞能力
只是
也就總註定了跟冠軍無緣..


只是沒想到..
十多年的學習..
成不了千里馬、
卻倒成相馬的伯樂。


腦海中浮起了韓愈的一句：

世有伯樂、然後有千里馬。

我想
我會是一個好伯樂。

2.
是日蘋果..

大 專 生 手 冊 被 指 歧 視 同 性 戀

問題其實唔響標題..
而係..

浸 大 學 生 會 署 理 副 會 長 陳 嘉 俊 更 批 評 ， 他 身 為 異 性 戀 者 亦 感 到 內 容 歧 視 同 性 戀 ， 「 如 果 係 同 性 戀 o既 同 學...

浸大學生會幾時多左個 署 理 副 會 長..?

前副會長又幾時多左個銜頭..？


唔明

16日

昨晚
被家聰說中了
莫名其妙的頹了一晚..

早
回到教會已經係 11:25...
早成個鐘起身都可以拖到咁遲先出門口..

響教會上主日學之後
跟住就番左屋企..

晚
無端端收到佢電話
叫我陪佢落 MK 睇 iPod

咁又冇左半晚..



Others:
1.
主日學講<<利未記>>
談到第十章

我有冇留心神的每一個指示..？
不單是聆聽，
而是實踐...

沒有

我有沒有輕慢祂...？

這個問題不好答...

2.
應承要做的事又沒有做好了..