Photo Story

前日好好天



hmm..



唔駛落 CPL 都夠藍~

不過因為約左成班中同..



去貓 Cafe..









所以最後都係影唔成日落..

結果只好留番尋日落西九




補飛...



卻看見「害羞的月亮高高的掛在維多利亞港的天空上...」



[The End]

31日

唔覺唔覺

又過左一日


響屋企執足成日 ..
終於 Pack 番好兩箱野..


旁晚
拎左相機 + 腳
衝左落西九影日落.....

點知去到先發現...

T_T


Others:
瘀野一則：

話說尋晚帶 Kristine 佢地落太子間"貓館"

到的時候
我停低左響路中間..
諗住揚手示意樓梯口的路牌...

點知咁岩有個女仔響我同招牌中間行過...


跟住
大家都聽到好清脆的一下「啪」一聲...

hmm...
我手背好大力撞到....

結果大家發現...
我同個女仔塊臉都紅得好快........


個女仔冇大嗌非禮算好好彩.....-_-"

小評論 30/08

週圍都係講緊上期大便..

Tungpo’s Diary II
刁民公園 » 一本大便大反擊
刁民公園 » 新色品：偷拍阿嬌換衫
The doctor is "IN", 這醫生很"潮" » 嘍囉, 嘍囉
The Dukedom of Aberdeen 香港仔公國
　　» Blog Archive » 不消費就可以了


個人唔打算為大便講好說話

但係我只係想問一句
如果大便的偷怕，
令"自稱大哥"要走出來聲討的話
那麼這些又算甚麼？

港燦筆記: 壹級刊物

點解部份演藝界人士會選擇性失明？

成龍﹕偷拍事件令香港蒙羞 - Yahoo! 新聞
(留意第二段)

(補充：
東方新地目前為新傳媒集團旗下刊物，母公司為英皇集團；

而東週刊於曾被新傳媒所持有，於裸照事件後易手，
目前為星島集團母公司泛華集團 (具中資背景)所控制。)


係因為「日出」唔係"換"緊，係"做"緊？
定係因為「落機」冇響 camcorder 前面喊住反偷拍？
定係定係因為「自稱大哥」同老實商人係老友？

論內容、論圖片
兩份刊物跟本不能相提並論
(所有有睇過該期便利的，都話係冇野睇。
而個人認為，今次同忌廉事件一樣，最大問題都係個標題同意識)

反觀老實商人，
前有裸照事件、後有「日出、落機」，
重可以走番出黎「百步笑五十步」，大家又講過乜野？


無疑，
今次偷拍事件道德上絕對是錯誤的，
而一再加印也絕對便利編輯部的無恥。

可是，各界的雙重標準也無疑教人汗顏，
前有去年郭姓女星被偷拍如廁、後有今年的「日出、落機」—
兩宗更惡劣的偷拍，竟也沒引起演藝人士的關注；
珠玉在前，今日卻反過來「龜笑鱉無尾」，也委實令人哂笑。

如果說便利是個「真小人」，
那麼
那些每日一份「南極兜個圈」、隔幾星期一次「含、吹、啜」，
卻反過來「聲討便利」「有傷風化」的，
該可以用「賊喊捉賊的偽君子」來形容了。

明教 Vs 八大門派—
誰才是真正的老奸巨老滑
大家心中有數。

(再次重申：
本文無意針對任何道德團體，也無意為便利偷拍事件翻案，
就該事件而言，是對是錯，個人相信社會自有公論。
作者本人只是對目前個別傳媒 / 演藝界人士經常出現雙重標準不明所以。)

參考閱讀：
Just a Sidekick…… » 點解一百步可以笑五十步？
婆仔格 » 一百步笑五十步
人在中環: 仲講緊偷拍? (revised)
香格里拉: 偷拍阿嬌的幾個隨想
20060830網摘 - 偷拍風波 - 網絡暴民 Jacky’s Blog
Kursk's Xanga Site - 8/30/2006 11:54:41 AM
聞.見.思.錄 » 雜思數則


至於另一單偽善的事件：

早兩天才在 Movie / Anti-23 谷討論，想不到原來早已經有人貼了出來
fongyun's Xanga Site - 8/30/2006 8:19:21 AM
刁民公園 » 一本大便大反擊 - Comment: 75

太陽報有關 Twins 對 0371 遊行意見的訪問
http://the-sun.orisun.com/channels/ent/20030701/

30日

食食食...

一日埋單計數
總共食左 $133 蚊....


@@~
呢兩個禮拜加埋洗突左好多了..



下午
又回了 SU 執手尾

之後就約左 kristine 、正義姐、泰山幾個中同落 MK 食飯..
由 7:00 食到 12:00.....


計計下，原來有 D 都有成四年冇見..


Others:
1.
今日買衫 + 食飯，用左好多好多..

赤-ing...


2.
Agent 幫我搵到份補習..
不過陰差陽錯，
到而家都重未可以覆實...


3.
今日的天空好靚好靚~


4.
搬房的進度緩慢

希望聽日可以搞掂晒


5.
今日先知，上期大便有楊丞琳呀~!!!

26 -29日

再唔打的話，遲早變左週記....

26日

團契

一個特別的日子


27日
崇拜後
跟團契們一起為穎賢慶祝生日


下午
約了嘉駒
兩個大男孩帶著相機
由屯門到元朗到天水圍

走了整整一天..


Others:
在三個不同的地方遇上同一個女孩子..

是不是緣份呢？

嘉駒跟我打趣說，
如果見到第四次的話，
該是時候行埋去搭訕了~XD


28日
CCF 的 最後一天

同肥川兩個人響會展行左一個下晝


一隻 17" LCD 唔駛 $1000 ...
眼都突埋...



29日
下午
回了 BU

交番 畢業生歡送會 同埋 CSU Innoc D 相番去~
之後就過左 SU 幫手整機..


咁又一日

城市 snap 27/08

偶遇



一輛輛的列車
在不同的路軌上相遇，
或許會打個照面，然後又再分道揚鑣。

他們每天擦身而過，
看似伸手可及
卻又偏偏至老至死不相往來。


我們何嘗又不是一樣？


陪伴


或許，
能夠在百忙中抽一點時間相伴，
對孩子來說
更勝千言萬語。


等待


人生總會有不少時間在等待
等客、等車、等人...
又或是等待自己唯一的靈魂伴侶。

不同的人有不同的等待的方法—
有人會選擇耐心的等待，
有人會喜歡東張西望、
有些人會喜歡四處尋找...

你又是那一種呢？

25日

終於完成了最後一天的全職工作

也可能是我最後一次教這群孩子..

離開中心的時候
感覺
有點捨不得


新學期因為撞晒所有時間..
=_=..

---

下午
最後一次帶佢地去 Outing
行玩具反斗城 + 冒險樂園~
行 + 玩左差唔多三個鐘~

至於我~
夾左兩隻毛公仔~XD

---

晚
離開中心
自己一個人落左去 MK 行+ 捐血
之後陪嘉駒買相機~

That's all~

又有一個老友死在 DSLR 上~XD

Others:
1.
響萬成
無端端俾人偷左把遮~!!

三個星期內的第四把 (爛 / 唔見)
..........

23/ 24日

總覺得生命...

有點無奈


昨日
因為一個白癡的理由，
遲左先半個鐘回中心

晚
同嘉駒一齊食飯
之後落左 MK 行左陣


今日
去左 fotomax 晒相
跟住落左 MK 買左"少少"野..



Others:
1.
這兩天的情況並不太好

作息時間混亂，

除左番工的時間
對住電腦多過對人..

亦都唔太願意講野

理智話我知我應該係 Depress 緊
不過我想我應該可以 handle 的。

22日

今朝打開報紙
都唔駛問人了..


蘋果日報 - 要聞港聞 - 20060822 -
長青隧道 5車相撞 25傷 城巴鏟起貨車車長遭夾死


印象中
東明o個"手"車幾好的..
"手"車都唔算竦
平時好少野講，
同佢講親乜野佢都係笑笑口...

唉

估唔到一炒就...

唉..


講番單意外
成單野好似就真係整定咁
如果架烏蠅隊埋去o既
係大份 D o既旅遊巴或者五噸半；
再唔係細份 D o既私家車、 Van 仔
架烏蠅分分鐘都冇咁大獲..

(正面撞大車的話，最多都係會由"車陣"硬食，
前面可能會凹、不過可能未至於會死人—

至於早兩個月九仔架山寨躉響葵涌炒埋部貨櫃車車尾，
主要的致死原因係正側撞 (<10%)、"當"開左架車)


偏偏今次就係炒起左架 3.3..
重要成個車尾"跳起"左，重要偏偏剷上個無遮無擋o既大銀幕司機位...


唉..




Others:
1.
今日成日都有 D 灰..

2.
做埋今個月的消息

同麥姑講左了...

3.
都係o個句

珍惜眼前人..

21日

唔知尋晚食錯乜野..

由半夜開始肚瀉，
朝早番工前又瀉過，

結果最後都係頂唔住，請左半晝病假..


老實說，
如果唔係 Partner 一早已經請左下晝假，
麥姑又咁岩要帶 Outing，
(即係我o個班，下晝除左我之外係冇人睇...)
我今日真係唔係太想番去..

正牌"痾到腳軟"...~.~"


Others:
1.
今日車禍過身的城巴車長
可能是相識的..

聽日再打俾朋友問一問..
希望唔係啦..

20日

除左病 同 執屋

都唔知有乜講..


Others:
1. 英超第一週賽事

曼聯主場迎戰被視為護級份子的富咸

主隊季前有主力射手雲尼斯特萊雜隊他投，
再加上新加盟的卡域克因傷缺陣，
可是甫開季即令人刮目相看

開賽僅七分鐘主隊已由射手沙哈頭槌破網領先，
十九分鐘已經領先至 4:0
最後令人意外地大勝 5:1 完場

My Team Is Back~!!!!

2.
我發現..

原來我另一個強項係湊仔。

3.
Arnold 飛走了..

19日

終於「的起心肝」
收拾那積存了數年的八箱雜物..

當中有：
A.
數箱雜誌，包括
1. 由第 369 期 ( 2000 年 7月)起，幾乎每期的 PC-Buyer (隨電腦廣場附送)

2. 由 471 期，幾乎每期的電腦廣場週刊 (目前的期數為 681)

3. 由創刊至最後一期的 PC-Power / Pro (共 34期)

4. 曼聯月刊 (包括創刊號) (十數期)

5. e-Zone (大量)

6. DC Photo / Digi 數碼雙週 (數十本)

7. PC-World 及 PC-Mag (海外著名的電腦雜誌)(一箱)

(還有早前丟掉的，共百多期的 PC-Weekly)


B.
一箱報紙，主要為：
1.
蘋果日報
2003年 沙士期間之港聞版，
另有部份具特別意義的頭版 (e.g 04/05/06 之71, 050117 (趙紫陽去世))
至於零三七一...
o個日份頭版我拎左出街「舉」..
結果得番張內文..
(如果有多份 + 唔要的話不妨益下小弟~ 先謝~ ^^)

2.
明報、信報、經濟日報等，大多為具價值的評論及專訪
(當然，有部份是有小弟的~^^)


C.
雜物一箱

主要為 01/02 年兩屆聯校科展的
參賽 / 預備參賽的物資 / 文件


收拾了整整幾天
差不多收拾了大半...
也差不多丟了一半.....

18日

也不知病了第幾天...

---

昨晚

憂愁了一整天的事
在晚上的靈修終於找到答案..

不要為明天憂慮

祂會為我安排所需的


深夜
發了一個可怕的噩夢..

夢中
回到了那一處熟悉的地方
也見到很多很多熟悉而害怕的臉孔
ALex、衣櫃人、大舊、抽筋..

只是
時空卻像倒錯了..
像是 1998 年發生的事，在夢中卻像在 2001年的時空中發生...


我仍然懼怕.....
哪怕只是少許的回憶也足以讓我渾身顫抖..

我害怕那些感覺..
害怕極了..

早

因為「撞藥」的關系
在中心差點兒要叫白車...


食左傷風咳藥之後，又飲左涼茶(媽盛滿了整整一樽)..
飲左半樽已經發覺唔對路..


初時只係以為自己眼訓
後尾先發現原來係想暈...
連想企穩都有困難..

休息左唔知幾耐 (應該差唔多有成個鐘) 之後先好番少少....
唔死算執番身彩...


教訓：涼茶唔好同西藥一齊食...

---

就這樣過了一天。

17日

終於(完全的)退燒了..

不過仍然偶爾有些咳嗽
感謝主~


今日帶自己班細路去濕地公園
因為今次冇安排公開報名

去的就只是自己教開o個十幾個

四個大人帶住十幾個細路..
比以往幾次都輕鬆好多~
就這樣的過了一天~


Others:
1.
家中某人的六合彩..

11, 17, 19, 28, 39...

XDDDD~!抵死~!

(搞珠結果：10, 17, 19, 27, 37, 38 特別號碼：26)


2.
真係好討厭你~!!
好討厭呀~~!!!

每次情緒唔穩定都係因為你~
次次唔開心十次有九次都係因為你~
你自己做得好好咩？
做乜將你自己 D 唔開心搵我黎「賴」？！

點解...
你知唔知我好憎你呀~!!!
係憎呀！

咁鍾意單單打打咪出去搵你o個班豬朋狗友囉
重乜搵我地幾個黎煩
你知唔知你好X乞人憎呀~!
一日到黑除左識得怨天尤(屋企)人之外你重識做乜呀？

唔該你..
(下刪數十字)

(忍了整整一晚的說話...)

3.
情緒不太穩定
可能太疲倦了

4.
求引領我心..

尤其自己軟弱的時候

我亦為自己學懂了
可是原來仍然未懂..
求祢讓我學懂怎樣去寬恕他..

5.
除了教會之外....
家中原來也多添了一個"新成員"...~.~"

家姐昨晚在家中廁所找到了一隻小老鼠..
結果即晚俾我同阿媽 KO 左~

P.S 其實隻小老鼠眼仔碌碌..幾得意的.....
要 K.O 佢其實都有 D 唔忍心

---

舒服好多了...

原來我需要的是寫 Blog + 發洩一下...

23@18日 00:35

16日

病了四天
到晚上仍間歇有發燒..
雖然比早幾天好多了

但明天還要帶 outing


請為我代禱


Others:
鋼琴神童..
其實係 C.W.Sham 的兒子..
M23's Newspaper Cutting

15日

發燒發燒發燒.....


下午
被麥姑「趕」了回家

回了 BU
上了 AR 幾次
終於解決掉 Non-mean 和 Reg 科

之後過左 SCT 敲 Dr. So 門~


Others:
1.

暫時個時間表...
(不過重要 Drop 一科..)

Subject	Title	Unit	Section	Day/Time	Subject Group
COMP 1180	Structured Programming	3.00	00002	Mon 12:30-13:20, Wed 17:30-18:20, Fri 08:30-10:20	IT Subject
			20202	Thu 15:30-16:20	IT Subject
LANG 1480	University Chinese	3.00	00014	Thu 10:30-12:20, Fri 17:30-18:20	Complementary Studies Subjects (Chinese Language)
MATH 1570	Advanced Calculus	3.00	00001	Wed 10:30-11:20, Thu 16:30-17:20, Fri 13:30-14:20	Main Discipline Core Subjects
PHYS 2260	Modern Physics	3.00	00001	Mon 09:30-11:20, Fri 10:30-11:20	Main Discipline Core Subjects
			10002	Tue 11:30-12:20	Main Discipline Core Subjects
PHYS 2311	Experimental Physics III	2.00	02001	Tue 13:30-16:20	Main Discipline Core Subjects
PHYS 2330	Mechanics I	4.00	00001	Wed 08:30-10:20, Thu 13:30-15:20	Main Discipline Core Subjects
			10001	Mon 15:30-16:20	Main Discipline Core Subjects
U.L. 1121	University Life (U-Forum)	0.00	00025	Tue 14:30-16:20	University Life

5 日都要過 3:30 放...
換句話說
如果 9 月 Add /Drop Period 時仍然無法處理這個問題
新學年就無法回中心了...

><

14日

病意正濃..

還預上情緒的低潮...

結果尋晚四點半先訓著..
朝早八半起身返工..


Others:
1.
尋日同醫生傾開..
原來我係有 O.G.C 敏感..

重有好多隻藥係唔食得的..


2.
有口話人冇只話自己..


3.
好辛苦....

---

發燒 + 睡了幾個小時

好了一點...

23@11:19

13日

唔知點解
每次提起o個幾年發生過o既事，
o個晚都總係會 Depress..

今次都唔例外.....
足足 down 左五個鐘..


事隔十年，我知我重未可以放低


早
Depress + 唔夠訓 + 病，
不過都係踢左自己番去教會上崇拜

之但係崇拜過後
還未吃午飯已經回家了...
(唔想散佈病菌)


結果下晝都係受不了..
又看醫生...


晚
上了一個 Course
講「性」
講員要求我地回想自己以往問題...
竟然憶起了一件
在回憶中早已消失的往事...
o個個 moment
自己真係好唔開心...
亦都諗起昨晚憶起的很多的事


但感謝主~
祂是那位全能的創造者~
是祂再一次的興起孩子...


Others:
1.
tha 姐呢幾日週圍拎住本書講..
原來佢男友仔與友人合寫o個本投資書
上左十大暢銷書籍榜..

恭喜晒先~

2.
今日執床底o個陣
搵到好多當年聯校科展的 Material
諗起好多歷史..

我記得

第一年玩科展係中五
我記得我係幫班師兄做 Technial Support..
結果科展入唔到 Final (師兄們 present 得好差)
自己會考 D&T 份工件亦都趕唔起...
(最後我份 Workshop 卷係 U 左...)


第二年到自己做 CPH (chief Project Holder) 可以全權打骰
講o既係一套用反超速系統..
核心部份係一套 3D 的 GSM 定位技術.....

用 4個 Base Station 去做一個 3-Dimension 的定位...
(當時我地個 Idea 係非常創新的..英國當時先開始嘗試用 1個 BS 做 +/- 70M 的定位)
不過只能夠有一個 Concept..
好多都只係能夠靠所知道o既資料"老吹"
跟本就做唔到到實物.. (技術所限..)

而且只有孤軍作戰..
(其他參加的 PH 只是為了讓我"湊數"湊夠四個人...基本上是「俾面派對」)
那份感覺...
一生難忘

結果預賽竟然排第 5..
我記得收到個電話話我地 Group 入圍o個陣，
我成個人傻左

不過始終先天不足 + 後天失調
入到 Final 始終都係冇影..

可是，過眼的成功換來的是整個中六的成績...
同埋「焚燒」左自己萬幾蚊...
(學校跟本唔夠 Budget..好多錢都係要自己貼..)


(題外話：呢個 Idea，第二年差唔多時間，某大就申請左政府六百萬研究經費..)


第三次玩科展，係中七..
o個年玩o既 Topic...
我諗好難會有人估到..
係自動轉波單車...
(哈哈，當年重有好多好天馬行空o既諗法....其中一個就叫天馬行空...XDDD)

成個 flow 由 Brain-storm 到 final design
都係小弟呢個 Technicans 一腳踢~哈哈~
(當然，幾個 PH 都出左好多力)

同年，我發覺自己已經開始懂得腳踏實地..

講大、講創新，
呢個 Idea 一定唔夠中六o個年o個個
不過呢件係咁多年之中，唯一一件可以做到實物出黎的..

咁多屆科展中，呢一年亦都係我做得最開心的一年..

o個陣重有單車公司叫我地去拎專利...
不過由於官校政策一般比較保守，
同埋我始終唔係小組入面o既 PH ...
最後都係不了了之

始終有一點遺撼吧？


記得o個年有次 In 某大 (港中科，自己估下啦..) 的 EE (包EEE /EIE etc..)
提起自己科展的 Project..
個 Prof. 後尾同我講...
如果出黎o既成績唔係差太遠的話，不妨試下 Call 佢...
"唔一定冇得傾"...

結果o個年o既成績...
係 2F 2U.....

(如果早一年拎而家個成績
好大機會已經係某大畢左業了..)

不過之但係咁，
唔係 2U2F ，我諗都好難會有現在的轉變..


環顧呢幾年，
自己身妨不乏一些刷身而過的機會..
中大哲學、某大的 EE、Poly 的 Physics / EIE...
BU/ PU SU 的 Exco....
不是自己沒有抓緊，就是祂不允許..
只是，我相信祂的帶領

感謝主~

3.
感覺還有很多~
對 DB 的，對賽官的，對大學的..

有機會再談吧

12日

一如所料
今天已經開始病了..

可幸病情未算太嚴重


團契今日係歷奇..
堅 / Wince 講o既信息
自己又真係冇諗過.....


Others:
1.
到今天仍然覺得..
當年沒有報 Poly 的 大 / 細 O 對我而言是一個損失..

身邊也有一些朋友選擇不去任何 O 的..

唉..

2.
tha 姐今日提出一個有趣的計劃..
用 $10000 黎做一個 investment fund..
由我全權負責管理


嘻嘻~即管試下先~

3.
落選o既 Suki 原來係 tha 姐 o既同學..

tha 姐口中o既 Suki 同傳媒講o既似乎有一大段距離..


不過呢排佢都好似俾人做緊咁..
有乜理由份份都有料唱佢呀？！
擺明俾人做啦...

哈哈~
唔知得罪左邊個了...

伸延閱讀：
港燦筆記: 轉述燦媽歪理兩則

11日

病意增強-ing
唔知聽日會唔會發燒呢？

待續...


Others:
1.
mms://webtv.weathercn.com/video/taifeng/0608/081102.wmv

睇完先發現，我地平時用「呼呼聲」係咪用得太濫呢？


影片說明
香港地下天文台

10日

一星期內第二次帶 Outing..


散了


晚
終於狠下心
脫掉了左上顎的智慧齒..
盛惠 $880 ...

隻牙都拎左番屋企
原本諗住影張相 Post 上黎
不過都係費事嚇親人..


至於下顎o個兩隻
因為兩隻都係橫生
醫生話要做手術..

都係遲 D 先好了..


Others:

今日唔見左成千蚊..
哇~

希望搵得番....
不過機會好微了

9日

忙了整整幾天..
總算完成了任務..

待續..

Others:
請不要當我是一件工具..
好嗎？

8日

當 20mins = 680 mins.....

早
今日帶 Outing
撞正牛頭角塞車..

唉..


行左赤柱一日
不過落沙灘行o既時間
頭尾都唔夠廿分鐘

反而響赤柱廣場出面 stay 左差唔多半個鐘..

待續...

7日

放工後，
回了學校一轉.

之後就入左沙田...
再入大圍

累死了

回到家中的時間是上午 12:45..


笑片兩套：

笑片1
YouTube - 新美女與野獸

都幾無聊下..


笑片 2
有留意近幾天港聞應該會知道發生乜野事

20060805.asx (video/x-ms-asf Object)

留意:
成個故事由 14:56:00 開始
第一個爆笑位響 14:58:00 出現..
第二波響 14:59:30 ....
之後一路笑爆肚..

5 / 6日

一個字曰：懶
於是索性將兩日搬埋一日講..

5日
好老實講
係冇乜好講

訓覺 ~~> 團契 ~~> 剪髮 ~~> 回家 ~~> the end


6日
病到七彩..
不過都係番左教會踢波

可能因為今日絕大部份都係 teenagers，
唔駛下下就住去，
而且可以打番自己比較擅長o既左翼 / 輔鋒
表現都算唔錯..^^
我地o個邊入o既頭四球有三球有我份~
2 Goal 1 Assist 重有一球單刀中柱..

結果對面好快就散左..

完場好似係 6:2
(之後大家走左幾個，休息一陣，再踢多一陣..
9:2 埋單..)


下午
上完主日學之後之後就番左屋企..
之後就去左沙田整電腦..
結果都係未整好..--"

試埋聽日我放棄了..


Others:
1.
Ajax vs Manchester United

一場波同一隊中五次楣 / 柱..
同一個球員個人「包辦」三次

睇咁耐波都係第一次見
o個個係邊個？
咪係 Ryan Giggs 囉
(連入o個球都係中楣底入的)

2.
收到好友的 icq
難得 chat 了一會...

(好似真係好耐未同其他朋友 chat in icq 了..)

3.
給另一個不會到這裡來的好友

你知道嗎？
很久沒有跟你聊天了..

我記得..
對上一次是上月的這個時候..
嗯..
是大家的關系轉變了麼？
總覺得大家不再像以前般 Close 了..
是因為那件事嗎？

還是只是我多心？

3.


一個咁細o既範圍內，竟然同時有兩個 TS (熱帶風暴) 同埋一個TY (颱風)

有網友估計日內有可能會再生成多一至兩個 TD...


我爭 D 以為睇緊 The Day After Tomorrow...

風繼續吹

仍然係風

先貼正方的..

fongyun's Xanga Site - 8/3/2006 1:44:46 PM
(作者對 3號波事件的回應)
fongyun's Xanga Site - 8/5/2006 2:47:31 AM
(作者補充)

不過方先生似乎忽略了一個好嚴重的問題：

地 下 天 文 台 台 長 方 志 剛 指 出 ， 1997 年 至 今 共 有 九 次 八 號 或 以 上 的 風 暴 ， 但 當 中 只 有 99 年 的 「 約 克 」 和 03 年 的 「 杜 鵑 」 ， 在 天 星 碼 頭 的 風 力 達 到 天 文 台 既 定 的 八 號 風 球 標 準 。

擇至 蘋果日報 A1版 05/08/2006

為甚麼林台長的標準
跟以往其他天文台台長的標準
會有這麼大的差異呢？


再貼反方

來自網．政．21 Anti-23 新聞組　
news://news.ep21.org/44D37DF3.85CB5501@yahoo.com.hk
網友煙頭

1. 天文台話啟德未到烈風唔掛八號，但多年來的八號啟德都冇烈風

2.天文台一早話個風最近都有三百公里，所以唔掛八號，但天文台只覆蓋二百五十
公里範圍的雷達竟然見到個風眼；此外，澳門指個風最近時只有180-200公里距
離，而香港澳門的距離為65公里，但天文台公佈的數字從未少於二百八十公里，原
因何在？

3. 於八月三號早上，當時個風距離300公里，天文台一直指個風以每小時十四公里
西北偏西方向前進，應正遠離本港，但十小時後個風仍在約三百公里，有中學數底
的人就知有幾好笑。

4. 以數據來說，今次三號比某次九號風球更強。

就咁睇
今次三號風球有冇獨立的政治壓力呢？
我就估冇．．
因為已經唔係第一次..

但係會否因為以往其他非專業人士的干預
導致近年來的決定趨向保守？
小弟相信一定程度上有關..
(資料補充：田北俊於 01年曾批評天文台
於颱風玉兔襲港時懸掛 8號風球的決定上，決定過於輕率，
導致高達 40億元的經濟損失)


不過話時話，唔知點解今次班記者咁鬼死蠢...
梗係第一時間捉住田少，
問下佢點睇天文台唔掛 8號波啦~
哈~佢答乜野都死..

當然，今次調番轉睇
最著數o個個應該係天文台 o既 Staff
試問下次重有邊個夠膽批評天文台亂掛 8號風球 / 黑色暴雨警告..
(哈哈~ 如果真係有心做的話，呢招又真係好絕~XD)


補多張圖



原出處應該係高登..

4日

牙痛..

智彗齒出了在不該出現的方向 /._.\ 痛得要死


嗯..
講番一個好消息

今日打左去 AR 問
終於得到確實的答覆

副教務長已經批準了我的申請..^^

換句話說
還有不足一個月就開學了~


唔知自己可唔可以 handle 到呢？
希望可以啦


Others:
昨晚的靈修

講祂為我們準備的挑戰..
經歷這些挑戰，總可以讓我們更深的依靠祂~

hmm..
睇到有 D 想喊~

3日

難得請了一日病假
大半天都是在床上過了...
睡了 >12 小時
感覺好好多了~

感冒病人最需要的是休息
偏偏卻是要告假才可以有足夠的睡眠...

不過今日真係好大風...
響張床訓緊都俾 D (風吹倒的) 雜物聲嘈到醒左..


傍晚
回了 SU 一轉..
(hmm..-_-")

之後就過左 Ivy 姨家中
行多轉黃金 (買火牛) 就番左屋企


Others:
好耐冇行過黃金了..


小評論：
今日 Hot-topic 係風

個人覺得..
天文台既然知道颱風派比安的路線不穩定 (見早兩日的預測)
也知道 24 小時的預測路徑可以有平均達 150 公里的誤差
派比安 (睇最尾一節)
昨晚就不應該如此武斷

當時派比安距離香港只大約三百多公里
卻在昨晚多次表示派比安不會進入港 300 公里範圍，
強調母需掛八號風球
三號信號下葵涌有貨櫃塌下 - Yahoo! 新聞
派比安逼港 三號風球高掛 - Yahoo! 新聞


結果在今晨颱風突然改向北前進
突破 300 公里界線
派比安與本港距離變化不大 - Yahoo! 新聞
最接近時一度只有 260公里

明顯導致天文台陷於尷尬局面
結果天文台選擇了一個愚蠢的方法保存自己的面子..

並解釋為"港內未達烈風程度"
天文台解釋為何不掛八號 - Yahoo! 新聞

之但這個理由很快就被新聞組網友踢爆
news://news.hkpcug.org/44d20de5$1@news.hkpcug.org
(HKPCUG 數碼攝影)

今次唔計昂坪,
我只係計青衣, 青洲, 黃竹坑, 赤柱, 長洲
呢幾個氣象站o既風速數躆都嚇死你!

如果天文台堅持要啟德站要長時間吹烈風
先會掛8號的話, 我相信近20年來
只有約克那一次先可以掛8號波

而事實上，港內兩個觀測站
啟德
及
青洲
皆先後錄得達列風程度的平均風速..

強風下，昂坪的風速計被吹至故障
昂坪觀測站
原圖出處
有網友表示觀測站曾一度錄得 217km/h (颶風程度) 的陣風記錄

(有口痕友話天文台班高層費事睇到眼冤..所以索性 Off 左佢...)

唔知天文台今次又點樣解畫了



參考閱讀：
氣象．人．語 » 你知道天文台欺騙了你嗎？
作者為香港地下天文台台長

YouTube - 三號風球下被垃圾筒K.O.的女人
無線電視片段

to_hko.txt
香港另一個氣象組織香港氣象交流中心發表的公開信
質疑天文台發出颱風警告的標準


高登 / 其他forum 改圖兩張：
a69d0027.jpg (JPEG Image, 396x315 pixels)
明日頭條

3ggood_112.jpg (JPEG Image, 450x350 pixels)
膠文台新制


港燦筆記: 重溫
fongyun's Xanga Site - 5/17/2006 11:29:51 AM
有網友找回一些舊文
嘗試幫天文台講好話..


今次打唔成八號？
唔緊要~好戲在後頭~

好 Link 一堆..

MiniGames:
Superman Returns
你會唔會係一個好的攝影記者呢？
不如試下玩下呢個 Flash Game 先~

推薦閱讀：

1.
刁民公園篇
刁民公園 » 學人拍拍籮柚的一天
講肥彭訪港
(我都知 Out 左好耐~-_-")

刁民公園 » 你唔使講咁多，我係無文化嘅
刁民公園 » 凡裸體必屬色情
諷刺書展中，
其中一本講色情刊物史的交化研究書籍《老鹹書》
竟被視作不雅刊物而被禁

事緣於此：
一知半解 » 大事小事﹕十八年來我的第一本禁書


刁民公園 » 戰狂
講以巴衝突

2.
聞.見.思.錄 » 這樣．．．

3.
都市日報筆戰 — 梁穎妍 Vs 梁文道

唔明的話不妨睇多次..

梁文道始終也是我最喜歡的文化評論人

都市日報 - 新聞
梁穎妍：男人請「足爭」氣！
(La...唔好搞爛 Gag..)

都市日報 - 新聞
梁文道：看男人先看他的雙腳

4.
香格里拉: 因戰之名
香港獨立媒體: 側寫香港最大型的反以色列示威


5.
SEE Network
拯救天星簽名運動

政府計劃拆卸中環天星碼頭及其鐘樓
思網絡發起簽名運動，
要求政府保留該幢建築物
請聯手簽名支持

2日 病倒了

因為喉嚨腫得像個球

結果最後都要早走睇醫生 +
告了明天的假..

估唔到出糧的第一件事係奉獻...俾醫生..



Others:
昨日的 Link 原來打錯了..

這個才是正確的


M23's Photo：油塘．日落

推薦閱讀：

在友人的 Blog 看到這個性向測驗，
得到了以下的分析：

‧真實生活中你會被什麼性格的人吸引：
　　兔 － 那些有點雙重性格的人最吸引你，例如外表冷若冰霜但內心熱情似火的人兒。
‧在被追求的過程中，什麼方式讓你最無法抗拒：
　　長頸鹿 － 有耐心、永遠不放棄。
‧你最希望留給情人的印象：
　　馬 － 樂觀的。
‧你最不希望在何種情況下和情人分手：
　　蛇 － 情緒化、易變，你不知道如何使他(她)高興。
‧你希望和你的另一半建立何種關係：
　　馬 － 不論事情大小，你們會相互討論和溝通。
‧你對感情世界腳踏兩條船的看法：
　　人 － 你在乎社會的看法，婚後你不會有越軌的行為。
‧你對婚姻生活的看法：
　　恐龍 － 你極度悲觀，你不認為有快樂婚姻的存在。
‧你對愛情的看法：
　　馬 － 你不希望建立固定關係，總想要四處跑跑。

準唔準？都係一半半啦...

1日

Partner 今天告假...
找了 姚 Miss 來代課~

今日睇《菠蘿油王子》
又睇到多 D 野~
不過一路睇，
一路諗起一個人..

hmm..
也有一陣子沒聯絡了..


Full gear 番工..
諗住影日落

點知..
唉...

太陽影都搵唔到..
朝早都重好好天嫁~!

Others:
1.
今朝俾班細路話
話我同中心一個同工「有野」...

之後塊臉竟然
紅晒....

跟住姚 Miss 笑到停唔到..


2.
拎左新身份證了~

不過，個個見到都話我個樣老左好多..


3.
團契的放榜成績..

好像不是太好..


4.
喉嚨嚴重發炎...


5.
終於將這兩天的日落照片整理好
upload 了到 Online Album



6.
對不起
這件事我是不會幫忙的

他們自己的責任應該自己承擔。

我沒在其他地方再哼過半句、說過半句是非，
已經是仁至義盡了。

31日

因為負責 Account 的同工病了...

結果..
重未出糧...-_-"


晚
為左四毫子....
再加埋搵唔到 ATM...
我響藍田行左足足兩個鐘...

由油塘行左上藍田山，再行番落藍田 MTR ..

點解我咁黑嫁..

(BTW..
知道藍田邊度有櫃員機的，
千祈唔好話番俾我知，
我驚我會心臟病發~!)


Others:
1.
今晚晚霞好靚..


油塘．日落

不過唔靚得好耐..
周末可能會打風了..


2.
呢排搭小巴嬲到我爆..

1. 上星期四、五
2. 今日

差唔多時間出門口 (09:10)

結果番到中心：

1. 上星期四、五：09:40-09:45
2. 今日：10:10


唔係第一次喇...
正常候車時間： <10mins (10mins 一班)
正常車程：15 mins-20mins

近來的候車時間：2-25mins~!!
今天的車程：30mins!!

足足用成個鐘先番到中心！
我唔好搭地鐵？！

今日如果唔係我同個小巴佬「炸型」，
話已經等左差唔多半個鐘先有車黎..
佢分分鐘重要等多 10 分鐘先肯開車..

(個小巴佬正常開 45 / 50，我見親佢就代表左我o個日一定遲到..)


都離晒譜~!!


我都明
其實唔怪得o個個司機
只係問題係，佢之前o個兩班車閃左去邊...
(正常應該係 15/25/35 都有車)

都唔知有冇搞錯...


推薦閱讀：
好多日冇推過
今日特別補番一篇先~

香格里拉: 迷．幻．黑夜

作者嘗試從一個非主流的角度
講青少年濫藥問題

不過個人覺得，
對青少年問題的切入點同邵家臻的觀點有 D 接近..
可能大家也 ( or 曾) 是前線社工吧？

30日

聖經說：
不可殺人。
出 20:13

可是，又有幾多當權者能遵守？

---

崇拜後，匆匆離開教會
參加了長毛辦和 Inmedia HK 合辦的反戰遊行..

圖：


No War!! Stop Killing!!


回家的途中，也順道照了一些相
中環 / 尖沙咀遊記


也順道順道整理了一下相簿..


只是
在遊行的同一天...

Yahoo: 明報即時新聞
Reuters: Breaking News

奠

29日

回家後
睡了兩個多小時..

睡意比前少了一點
但情緒仍然是不太好


Others:
不知情的
最好問一問當事人們
中間究竟發生了甚麼事
而不是用第三四手資料罔下評論。

特別當o個 D 資料錯到七彩o既時候。

28日 有喜、有悲

對著這群小孩
有時候總會覺得疲倦
尤其是當你出盡九牛二虎之力，
仍然未能駕馭他們的時候

但當他們做出成績的時候
就像農夫在豐收年收割農作物時一樣
你總會獲得更多的回報—
當你曾經付出過的時候。



你能想像一個小孩子
用了 50 分鐘 寫八個英文生字嗎？
你又可以想像這個小孩子第二次嘗試時
僅用了 5 分鐘就能完成這個動作嗎？

我可以..
因為我看見

當看見這個小孩子的進步的時候
我彷佛感到淚珠兒快要缺堤了...


晚
入了科大燒烤..
對
是燒烤..

結果卻遇上了傾盆大雨..
(應該早預計到的吧？)

回到家中
姊姊指在那本濕得半透的 Astronomy
丟下了一句..
「看見(那)本書就心痛了..」

連一個旁觀者也能說出這番話，
請想像一下我當時的心情.....
可以選擇的話
我寧可是丟了四百元...


不懂得心痛
是因為你還未懂得愛書、惜書..


BTW..
一同"陪葬"的，
還有龍少的手提電話..(暫時未知整唔整得番)


不過
不幸中的大幸
大家都沒有甚麼受傷

比起人命，
財產算不得甚麼..


Others:
心痛得要死...

30年: 一個特別的日子

240000 人的生命
彷佛
在這一瞬間成了一堆數字...

我們又可以做些甚麼？

如果人的生命是用數字來衡量的話....
這會是一個巨大的數字
可是
這個數字，卻還不及文革中不正常死亡的知識分子
我們又可以做些甚麼？
我又想起小王子
但
如果我們不記較數字的話
一個人的生命跟二十四萬人的生命又有甚麼分別？



在這刻
就讓我們一同擱下手上的工作
哀悼三十年前的今天，在大地震中身亡的死難者。

遙遠的 PARADISE

沒有甚麼特別的意思..
只是在上星期的頭條新聞聽到這首歌而已

當時要想了一會才能記起歌名


遙遠的 PARADISE
曲：黃貫中
詞：黃貫中

曾經 滿載了希望
你我會有天沖開黑暗
誰知 再次的失望
看這裏已經走到盡頭

望著你走遠 我並沒有心酸
唯望天邊一方 他朝可重逢

OH PARA PARADISE
只想跟你一起 一起走向這一天

OH PARA PARADISE
風中希冀一點 今天一再想起你

寧可 永遠的等待
也怕背棄當初的一切
如今 你遠走彼岸
告訴我那邊天色好嗎

27日

第二次 Outing..
今日去歷史博物館 同 文化博物館

不過時間太趕了....

晚
跟小孩子們走了一天，體力全透支掉了...
所以放棄了今晚跑步的計劃

卻跟嘉駒談了一個小時電話..


Others:
1.
難得發現
佢地玩 Bingo 會好專心..

2.
聽日想試下同佢地講故仔..
講小王子

唔知會唔會太深呢？


不過...
其實我之前都未睇過..XD

3.
唔知點解
睇小王子o個陣，總覺得有點 Depress..
那種難以形容的荒涼和無奈的感覺
有點像看 Albert Camus 的作品。

只是..
這種感覺有點熟悉...

4.
同其他人講起 'The Fall'..
但係我自己都未睇晒...

5.
還有一個月

要開始準備了..

6.
請不要把我當成玩具

好嗎？

26日(補記)

忙了一天..

然後到牧師家中
有團契的聚會
喜歡跟大家相處的時間~



(更多的相在 M23's Photo)

回家的時候
卻多了一點疑惑....

Others:
1.
應付家長比應付學生更叫人累。

2.
番工的時間
比麥姑嘈了..

3.
今日搵左本 Astro 書同佢地講...
唔知佢地聽唔聽得明呢..?

25日

今日 Miss Yu 教整 Pizza

至於佢地自己整得好唔好食
我諗油占個樣會話到俾你知..






放左工
落左 JSC 練跑
跑 4.5K interval
total 兩段
即係 9K @ 47mins..

成績算 ok 啦...
不過自己現時o既體能
應該可以 keep 段呢個速度黎跑四段 (以上)


Others:
1. 感謝主..
迫在眉睫的問題暫時解決了..

2. 今晚 cool down 動作做得唔好
番到屋企o個陣
大腿肌肉痛到 hihi...

3.
早兩日日日都見到賽官 D 同學..

前日響東涌撞到阿 Ky
尋日響旺角撞到大眼......

阿 Ky 重要係著住我o個屆莊(PolyUSU EAC) o既交流團 Tee
而身為中委內務祕書o既我，
連自己中同有份去都唔知......
-_-"

4.
題外話
呢幾日大家可能會見我成日將我o既 entry post 去 Xanga..
主要原因只係因為
這幾天的 blogger server 不太穩定...

不過如果有睇開呢邊都知，
我寫呢邊通常會好"心機"少少...

即使同一個 heading，
呢邊一般都會長過 Xanga
又或者多左少少野講..

5.
打住咁多先..
真係好眼訓

24日

跟小孩子過了愉快的一天

累了...


Others:
1.
前幾日
同麥姑講開對呢班小朋友o既期望..

麥姑覺得我野心大左少少..

hmm..
我只希望佢地在當中成長..

愈來愈喜歡這群孩子


2.
最後都係冇去書展
理由同上年一樣

書櫃重有好多書未睇...


3.
今日下的大雨..
原因其實同早兩個星期我講個 case 一樣
13日


下沉氣流抑壓地面濕熱空氣..
當地面的熱空氣能找到「突破」下流氣候的「缺口」
地面的濕熱空氣便會與大範圍的下沉氣流產生強烈對流
導致天氣急劇轉壞、於短時間內出現大量的雷雨雲..
呢種強烈的對流作用亦都會將高空雲層的冰雹高速帶到地面
由於冰雹來不及溶化，所以便會"落雹"..


可以參考下明報即時新聞的講法
下午天氣驟變落雹閃電狂風


4.
每次聽到肥彭「讚」BT..
我都會忍唔住笑..


唐唐選擇搵在當時有最高決策權的肥彭黎鬧
而肥彭就搵當時財金政策的負責人，
亦即係唐唐而家老細 BT 黎讚。絕！

肥彭此句既贏盡風度，
(起碼唔駛好似唐唐「潑婦罵街」)
又可以不失體面借勢反擊，
害得唐生「豬八戒照臉」—
繼續批評肥彭唔開 GST，其實即係鬧緊自己老細..
認同肥彭嗎？那就是自打嘴巴.....


唐唐睇黎都要潛一排水了..


講公關手腕，唐唐同肥彭跟本唔同 Level..
人家肥彭係保守黨前主席、只差丁點就當了英國首相..

我地o個班..
都係跟下人學下野啦

(補充：92 年 Chris Patten 在任保守黨主席期間，
帶領保守黨在國會選舉中穩住下議院多數派的席位，
偏偏他就在其所在的根據地落選。

選舉落敗後，Chris Patten 辭去保守黨主席一職
同年被當時的英國首相、保守黨黨魁 John Major 安排來港，成為最後一任港督)


4.
跟姊姊談起成績..

無論得時不得時，願自己也可以完全的依靠祂..

5.
退修營 D 相 upload 左了
M23's Photo: Church



推薦閱讀：
港燦筆記: 書展
港燦筆記: 書展 2

聞.見.思.錄: Full of Sound and Fury

刁民公園: 拯救天星，拯救蘇絲黃

22 /23日

同團契入左 camp..
係一年一度的退修營

而今年
選了貝澳


昨晚
在沙灘上默想的時候..
想起自己曾跟祂作過的承諾，
也想起自己的過錯..
靜靜的也掉下淚來

只是當再次抬頭
望向天際
見到的是萬星點綴的夜空
還有那燦爛奪目的夏天的銀河...

這一刻，我清楚—
只要我能夠就焦點放左祂身上
一切問題都不會再復現...

因為祂就是那位創造這一切的主。


BTW..
真的很久沒有見過銀河了...
特別是如此燦爛的.....

感謝主。


今日出 camp 的時候
在巴士上睡了半小時....

醒來的時候
想起了一句話..
「山中方一日，世上幾千年」

hmm..
我諗我個 case 係..
「夢中數千載，世上只瞬間」

冇誇張...
我醒番o個陣
足足用左 5 分鐘去令自己相信
我只訓左半個鐘...


Others:
1.
科學家近來發現一種新的劇毒化合物，名為　DHMO..

偽基百科: DHMO

重有呢個..
DHMO.org: fact



2.
唔．．
當你重可以好冷靜地睇緊呢個 page 的話

即是你沒有被耍了．．


DHMO 係乜．．？





咪即係．．





水囉

XDDDDDDDDDDDDDDDDDDDDDDDD

21日

今日
原定係教班細路點樣去幫 D 相片加框...

點知..
電腦室 network 死直
冇一部電腦可以上到網..

._."

玩我咩？！


很累了.....

不過好彩有青心主動走埋黎幫我 "dup" 骨..:D
小女孩才不過八歲吧~
八歲已經識 "dup" 骨..
我阿媽聽到都笑左出黎~
@@~

不過青心、升仔同維尼三個都好痴身..


下午
部 D7D 俾佢地玩左成晝..
爭 D 反轉左成個中心~
只是
小孩總會有些角度是成年人看不到的



唔記得左邊個影的了

總知唔係我..

Other:
1.
明天入 camp 了~
不過好眼訓..

2.
睇左葉劉個節目..
驚訝的發現
火藥味好重..

3.
呢幾日
日日都係講 GST (銷售銳)..

坦白講，我保持中立..

記得某年響牛棚聽胡恩威講城市
有一段令我幾深刻
胡恩威認為一個政府決策的主導權，掌握在她的收入提供者手裡。

賣地的收入比較多、水龍頭在發展商手上，
政府也自然需要「多聆聽」地產商的聲音..

換句話說，要打破官商勾結的困局，
爭取政府更多的聽取市民聲音，
就不能單單只在普選層面上想辦法，
而是增加對政府的開支的承擔..

一個顯淺的權利、責任的關系..
只是..
香港又有幾多人會接受呢？

用加稅黎換取真正的「還政於民」
香港又有幾多人願意？

唉


4.
一個應該可以呃到一年半載的預言

GST 最後會過到..
不過徵稅率會減半
當然，所謂的減免措施都會自自然然縮水.

至於點樣行法..
我諗都真係要過埋咨詢期先估到

20日

日日新鮮鑊鑊金

以為今日係播片就可以多 D 時間 hea 下..
點知..

先係搞唔掂部 DVD 機 / 電腦—

原本想播《再見螢火蟲》..
用 DVD 機播就有聲冇畫、用電腦播就有畫冇聲..
set 左我兩個幾鐘之後
變左播《寶貝小豬嘜》..

之後
又到"盧冠廷"嘔...
再加埋個 Projector 個架"散左"..

成身工..

哇~點解我咁黑仔嫁~!


Others:
1.
雖然很累..
但時間委實過得很愉快..

今天是愉快的一天~

2.
原來做老師的
首要條件是滿足家長的願望...

3.
原本想 post 下相，不過都係聽日先

嗯..
post 住一兩張先啦



今天的晚霞

前幾天的參觀：








4.
睇左呢幾篇新聞先

有關曼聯財政狀況的報道：

東方
- 上年度收入由以往高達九千萬鎊左右，大幅下調至六千二百萬鎊，足足下降30%。
　同時，球會亦由五點八億債務增加至六點六億，

蘋果
- 成 功 將 貸 款 債 項 由 9,000 萬 鎊 縮 減 至 6,200 萬 鎊

明報
- 經過債務重組後，
　曼聯每年需付的利息已由12.8億港元(9000萬鎊)削減至8.8億港元(6200萬鎊)

- 曼聯原本負債高達82.4億港元(5.8億鎊)，
　經過債務重組後負債雖然增加至93.8億港元(6.6億鎊)

ESPN Soccernet

Red Devils insiders have confirmed a restructuring of United's financial structure will take place next month, which will raise the
overall debt while reducing the interest payments by almost 30% to ￡62million-a-year.


BBC News
A deal will see loan charges on sums borrowed by the Glazers to buy the club fall from ￡90m ($164m) a year to ￡62m.

As part of the restructuring plan, overall borrowings will rise from ￡580m to ￡660m, but the club reassured fans the moves were "good housekeeping".


綜合各海外傳媒的報道，有關新聞的大意應該如下：

1.曼聯大股東格拉沙(家族)與債權銀行達成協議
2.原訂每年 90M 英鎊的還款額 (個人了解，應該係近 Installment 而非單純 Interest payment)
　將下調至 62M 英鎊 (而還款期將相應延長)
3.總負債 (個人了解，係總還款額)會由目前 580M 英鎊增至 660M 英鎊

明報同蘋果明顯比較貼近外國媒體o既報道
(雖然都係譯得好差)
至於東方，我開始懷疑佢地係咪有臥底響老格拉沙身邊..
可以「與眾不同」地報道「獨家消息」..


好心..
要譯外國傳媒o既稿，都搵個英文好少少嫁啦...


推薦閱讀：
一.
笑片
金牌奶茶
(有裸露 / 不雅動作，不適宜兒童觀看)

二.
笑片
中國隊勇奪 2006 世界杯

三.
都係笑片
原裝美女廚房
香港o個 D 真係算好少兒科..

四.
刁民公園：娛樂性豐富的能量水聲明

19日

第三日

開始發覺自己似個保褓多過似個導師...

特別係..
今日帶左個學生去隔離商場買短褲o既時候
(原因：自己估..)


下午
同班學生去左中心門口放飛機..
結果..
傑仔o個隻飛機飛左落樓下..xD
油占o個隻就飛左番轉頭..
(飛o既距離係負數...XD)


之後同佢地講道理..
摺飛機、放飛機其實都有好多野可以學~


Others:
半年前
如果有人問我會唔會做老師

我o既答案一定會係 No..

但係而家..
我唔敢答....

特別當發現自己
原來鍾意對細路仔多過對其他人..


不過都係搞掂自己先


禱告事件簿：
請為中東的和平禱告..

18日

今日帶班細路 outing...

中心兩個 Staff + 我 + 我 Partner..
帶三十幾個學生...

開始明白讀小學o個陣
點解 D 老師會咁緊張..XD


因為要等晒所有小朋友走~
等到差唔多六點八~
(不過我走0個陣都重有一個未有家長黎接)

同中心 D staff 傾開
講起相機
也講起我

長髮姐姐 (唔好意思...我真係未記熟 D 名..XD) 話我好鍾意笑...

想了一會..
我想..
我對著這群小孩子的時候
的確是最快樂的..
他們總會讓你有些意想不到的驚喜..

在 M 記坐了一會
回家卻無端的吵了一場大交...

我只想讓自己清靜一會
尤其是在自己未崩潰之前...

讓我獨個兒靜一靜，
也是件困難的事嗎？


Others:
今天沒有 Others 好記..

還有
有點神經衰弱..



推薦閱讀：
聞.見.思.錄：他們是恐怖分子嗎？

Did they do anything wrong..?

17日

第一日番工..
班細路遠比想象中好

下畫
Miss Yu 教佢地摺紙..

我都好似好多年冇摺過紙鶴..


Others:
躲在 Delifrance 寫作~
整整一小時的爬格子..

看著眼前的草稿紙
感動得幾乎哭了出來

很久沒有試過這樣的專心
也很久沒有嘗試過這種的思考的感覺
難以形容..
思緒像羚一樣敏捷、卻又如潮水般洶湧..
但又不再像以前般大肆的破壞..


"當有一天，父母選擇 Custom made 子女的基因，
為的不再是功能、
為的、不再是預防遺傳疾病，
而是因為「展現」、展現子女的獨特個性、展現自己的完全的控制慾—
那將會是人類一個值得紀念的一天。"

"人類科技發展的里程碑？"

"不。是人類踏上滅亡之路的里程碑。"

"但，會有這樣的一天嗎？"

"一定會。從食物到衣飾到汽車到電話到藥物，
由現代走向後現代，歷史不斷的重演著。
基因設計也不會脫離這種原則。

可笑的是，
帶領著人類突破褔特主義的枷鎖而走向後現代領域的，
正正是人類的無限膨脹的慾望、自私、貪婪，還有—
無知。"

---

"由始至終，所謂的科學不過是一種意識形態，
歷史上，著名的 DDT 就曾是人類生活的希望、
文明的象徵、是人類控制自然的科技的標誌。"

"你是說人類史上第一隻工業農藥嗎？"

"嗯。"

"但 DDT 於數百年前已被人類所唾棄。"

"對。因為 DDT 被指對部份不受控的基因突變有關。"

"科學總會進步的。"

"但諷刺的是，兩個論述都是科學、都是科技、都是他們的成果。
進步的科學打倒一切、包括未進步的科學—
今日的科學打倒昨日的科學、昨日的科學又打倒前日的科學。"


節錄自《鑰》其中兩段很喜歡的對話


《渡》、《輪》、《鑰》會是一個新嘗試
三篇會有同一的開端、同一的結局、互相認識的主角；
卻有著不同的主題：
《渡》是道德、《輪》是倫理、而《鑰》是科學主義

三個單元的名字也與內容有關
《渡》是渡輪—是尼采口中帶領人類到達超人彼岸之渡輪
《輪》是輪迴—此處借用叔本華的永恆輪迴，表達主角對倫理的感覺
《鑰》是生命之鑰—由基因設計作切入，批判過份高舉科學主義的態度


待續…

16日

帶主日學的小朋友踢波..

很累了
回家睡了幾個小時


Others:
1.
明天會有新的挑戰~
希望自己可以準時吧~

請為我代禱


2.
母親用了整整一個月人工買了四兩冬蟲草..


3.
家姐升職了..


4.
好眼訓..
訓了

但特別感謝主賜予我們今天的好天氣~


七一遊行的相片 (鳴謝 晨峰 提供 )可以找到我嗎？ :P

信報：信不信由你

文章諷刺緊小小超收購《信報》

補充：
《信報》一直以來在本地政經商界都有一定影響力
其財經分析及時事評論、專欄副刊，
如《林行止專欄》、《投資者日記》等皆有一定口碑，
港台的社評剪輯、五稜鏡等節目亦經常會參考信報的分析評論。

前中央政策組顧問練乙錚就曾在信報一連十七天
發表近四萬字的長篇連載評論《浮桴記》，
分析"建華之治"失敗的原因，成為城中一時佳話。


《信報》被公認為最具本港公信力的報紙之一，
可惜卻是叫好不叫座，銷情近年一直持續疲弱。


小弟前兩年都係信報的長期讀者，
近年因為較少會買報紙的關系 (因為多數是網上訂閱)
已經較少會買信報。
不過偶爾亦會透過 Wise-news ，
閱讀信報的專欄副刊。

---

文化
P30 信報財經新聞 柏彼得
2006-07-14


信不信由你

　　　謎底揭開了！真相竟然是如斯迷人！
　　全城搔頭的2006年最無厘頭收購行動，首富李大富的二公子李小超斥資誠意收購《訊報》的背後原因，其實是為了一套正牌的超人服裝！
　　本俠經過飛簷走壁，明查暗訪，終於在僅有的蛛絲馬跡之間抽絲剝繭，洞破玄機！
　　原來嘴啣銀匙出生的李小超的偶像，不是門當戶對的蝙蝠俠，而是鄉下仔出城的超人。在他眼中，超人才是真正牛逼：英姿颯颯的風采，正義懾人的眼神，還有展現全身筋肉的碧藍套裝，隨風擺動的大紅斗篷。噢，帥！黑頭灰臉的蝙蝠俠，是什麼東西呢？
　　雖然他爸也被人稱為超人，自己又被改名小超，李小超卻仍是疑心兩仔爺只是Ａ貨。他曾經趁老爸睡覺時把家裡掀翻，連老鼠洞都鑽進去了，但都找不到那超人工作服。十二歲生日老爸問他要什麼禮物，他說一條穿在外頭的紅顏色三角內褲。話未說完，老爸就給他頭殼賞吃了一記爆栗，還著他老老實實地把蠔仔粥芋泥吃完。
　　所謂重賞之下必有勇夫，一個細作回報，查出《訊報》的東家兼主筆林先生，才是真正的超人。李小超摸摸頭，TMD，對呀！怎麼我會想不到？林先生平日打扮木訥，常常低著頭戴厚眼鏡，活脫脫就是一個記者奇勒！他以前寫的社論現在寫的專欄，主張自由市場道德政治，難道不就是美國右派的立場嗎？這趟不會弄錯了！
　　《訊報》是林先生經營幾十年的心血，捨是捨不得。但想到李小超甘辭厚幣，盛意拳拳；自己亦年事已高，總不能永遠的撐下去。於是難免有點心動，回家跟老妻商量商量。年輕時他們夫婦也曾經一度易服闖蕩江湖，行俠仗義，就是傳說中的俠侶辟拍蟬了。
　　老妻聽了收購建議，眉頭一皺問曰：「咱們有一兩萬個死硬派擁躉，誓死要保?《訊報》自由中立的超然地位。李氏父子江湖聲名不好，你看怎樣向他們交代？而且李小超一向無心實業，搞的都是將些公司買來賣去的勾當，弄得小股民雞毛鴨血，怨聲載道。若是買了《訊報》幾年就把它賣了給老狐狸梅鐸，變成像霍士新聞般的布什政府宣傳機器，你說怎麼辦？」
　　李小超也不是蓋的，接到風聲後立刻走到《訊報》，當著林先生面前用手將一方桃木桌子擊碎，大聲說道：「您老放心！我李小超穿得上這套超人服裝，就會洗心革臉，絕不會做偷雞摸狗，對不起您和讀者的壞事！」
　　果然李小超即位之後強政勵治，先大刀闊斧把那兩頁恐怖專欄全面換血，加入一些武功高強的編採專才和寫作名家，錚錚風骨。評論版和文化版的作者也在十多二十年來首次增加稿費。未幾《訊報》就全國兼海外一紙風行，銷量按日飆升。再出網上版，也是訂戶滿瀉。於是擁躉個個拍掌稱善，都稱確是市民喉舌，社會良心，真超人也。

15日

團契今日查經
林前 7:1-40
講婚姻


晚
回 JSC 練跑
7.5 公里 @ 38mins
不錯的成績~

也感謝天父

原本重有好多 Others 想打
不過都放棄了

Others:
1.
多謝壞人的介紹：
香港話劇團、中國國家話劇院呈獻：
舞台劇《盲流感》

劇本改篇自 Jose Saramago 名著 Buildness (港譯：盲目 / 失明症漫記)


2.
努力撰寫《渡》中

究竟道德與倫理應該如何劃界呢？

離開教會時，
在佐敦道遇上一輛死火的私家車..
由於那輛私家車剛好停在行人過路線上，
把馬路塞得水泄不通，
於是兩個路人就主動走到車後幫忙把車推走..

道德與倫理之間的分工如何處理？
這時候頓然有所領悟...


(hmm..
講番件事..
至於我嘛？
我做左第三個..XD

沒理由六十多歲的老伯也願意主動幫忙，
而年輕力壯的青年卻袖手旁觀吧？

第幾次幫手推車？
我都唔記得了..)


3.
今日跑步時，跑了兩句鐘
個天一直都像下雷雨似的...

偏偏「像」了兩句小時未下過大雨..

反而跑步後到更衣室淋浴..

出來時發覺..
雨已經下完了.....

係咪好攪笑呢？


4.
是日得著

生活中總會有些刺
但
有些小刺
是可以用意志熬過去的

長跑如是，人生也如是

大概
意志就是祂給我的恩典


推薦閱讀：
1.
成龍醉酒大鬧李宗盛音樂會

Yahoo 新聞 (明報)：
http://hk.news.yahoo.com/060710/12/1pz5n.html

網友提供的 YouTube 片段
http://www.youtube.com/watch?v=YQkSaYxGVzU

2.
港燦筆記：放風

3.
反 Mark Lui 網
本地著名作曲家 Mark Lui 竟然抄歌？
是罪証確鑿還是子虛烏有？

4.
刁民公園：金草莓政府宣傳片：身教

14日

今日係凱盈生日

夜晚我地團契去左牧師屋企同佢慶祝
不過之前完全冇通知佢喎~

哈哈哈~

What a pleasantly surprise~

13日

想跟牧師說一句

對不起


Others:
1.
第一次短期天氣預測: 失敗..

預言中的 Evening thunderstorm 沒有出現..


大範圍的下沉氣流、足夠的日照..
酷熱且濕度高的天氣 (潮濕空氣因下沉氣流困於地面)
而且下午能見度極低 (不穩定的氣流擾動)

理論上已經具備黃昏雷雨的生成條件 / 跡象..
照常理應該會有雷雨雲嫁喎...

點解冇嫁...
有冇人可以答到我..


(補充：
天文台預測係今日係 局 部 地 區 有 驟 雨 及 狂 風 雷 暴
但係 Evening thunderstorm 只係會響黃昏至日落後一兩小時出現，
因為入夜後地面會降溫，相對會較少在這種情況下出現強烈對流
且因為 Evening thunderstorm 影響範圍一般較少並難於準確預測，所以亦有「雷陣雨不過街」之說法)


伸延閱讀：
Wiki: Thunderstorm
香港地下天文台討論區：為何熱帶氣旋不能產生雷暴？


2.
差不多八時才離開教會..

很累了..


推薦網站：

憂鬱小王子
網站由香港大學香港賽馬會防止自殺研究中心撰寫

預言家

我開始發覺我
絕對有資格做預言家了....

連續中左三次

(先旨聲明..呢單野小弟冇聽過任何小道消息...)

葉太成立智庫 廣發英雄帖
　 骨幹多猛人 學者料為選特首鋪路


再睇番 10 日o個篇 entry (Others Point 4)


橫掂呢排「開口中」咁勁~
玩多次先~


是日的大預言
大家又不如估下「仍 Fall閣」短期內會有乜大動作？

1. 判上判，又賣過
2. 層樓變左危樓


分期付款就聽得多
「借埋錢俾買家黎買起自己間屋」
我咁大個仔就真係第一次聽


根據風水佬的精密計算，得出以下結論：

一係
唔想俾太公 / 老竇話賣祖屋..
重要賣俾洋鬼子咁 敗家
一個唔該，
陣間太公分豬肉，分少佢老竇o個份咪大鑊？！
所以賣祖屋呢個咁偉大o既責任都係留番俾其他人做；

一係就係
o個棟其實係危樓
走得快好世界

到時棟樓"責"死人
搵人氈屍底都唔駛死佢


不如大家又放長雙眼睇下我呢個Blog 長有冇呃你地~XD

怕且唔駛十年八年掛..XD

12日 欣喜..

回到教會

牧師有事要做
廖太 day-off

今天就只有我一個


整理十四本詩集...
足足用了三個多小時

唉....


訓練日誌：
完成了 30 圈外圈的練習 (實際約 13.5 K)
當中包括 16圈半 (約 7.5K ) 的 overloading training

比較之前訂下的目標：10K training, 6K overloading
超額完成

不過今日狀態極差，
首 8 圈完全不能掌握節奏，
呼吸亂、步韻亂、擺手亂，
再加上熱身不足 ，
(跑完四個熱身圈之後，最後都要走番去場邊拉筋..)
體能消耗比正常快好多

末段適應節奏後表現明顯有改善
但 overall 成績都算幾差下..
(7.5K: 40mins)

不過最重要係
總算可以突破自己近來的心理關口~


BTW...
今日出汗出得好勁..
出左差唔多 2L...
(同星期日一樣，不過今日係跑夜晚喎..)

但汲取了星期日的教訓，
今日練習，補水的時間好番好多，
所以就算出汗量大，都冇乜影響發揮
不過稍嫌練習中途一次過飲得太多水..


Others:
1.
記得昨晚在這裡的嘮叨嗎？

昨晚看靈修日誌時
有以下的幾句：

傷你的人往往不知道你受的傷有多深

...腦海中不斷重覆被傷害的情景，
每一次的回憶(卻)讓你的苦毒在靈魂植根更深

你可能懷有一顆苦毒的心而不以為意，但它終究會毀滅你。

感謝祂的安慰與提醒....


2.
開始明白這幾天工作的意義...
他 (祂？) 要我自己看明白..


3.
完成了今天的目標
感謝主..

但..
可會有人可以跟我一同分享這份喜悅...？


4.
重有一樣..

雖說是自己熱身不足..
但係..
跑步都冇理由會「整親」隻手架？

(答：原因係因為擺手動作過大..)

11日

番左教會
總算整理好詩集..

累了..


Others:
1.
不吐不快

唔好以為我唔反駁就係你撞岩
想用你 D 小聰明黎搵位抽水唔該過主

我唔駁你一黎係因為我唔想
二黎係因為你唔配

討厭~!


2.
跟牧師提到了他的事

希望黃牧可以幫到他吧..


3.
偶然看了無記的《星期二檔案》
講呢幾年外國好 hit 的 Life Coaching

其中一段訪問了一位馬拉松選手..
對我黎講好 Touch..

跟我差不多的經歷
同樣也是在人生最低潮的時期開始長跑
同樣也是靠著長跑開始從低潮重新站起來..

裡面有一句好到 Point


「長跑就像人生
練習的第一件事就係要學 set 目標
不能過高，也不能過低
更不能沒有目標..」

當你只當長跑是一項玩意的時候，
那根本就沒有不可能有足夠的意志，
熬過心理 / 生理會遇上的關口.....

環顧身邊的朋友
又有幾多個可以堅持跑下去的？！

兩年不能比賽的感覺
著實已經夠我難受
我不能忍受第三年

尤其當自己已經完全康復的時候..
(去年練習的時候仍然要戴著護踝，今年已經不用了)

一個明確的目標：2007年渣打馬拉松 - 42.195公里


特別感謝
媽媽大人的支持與鼓勵


4.
見到大陸台的《當年今日》
有以下的一段論述 (大約)

「 1989 年今日，江澤民
接待基本法起草委員會港區成員時重申..
中央政府將會以一國兩制原則處理香港問題...
資本主義制度不變..」

問題：
呢類說話江澤民講過好多次，
點解今次大陸台咁刻意響《當年今日》強調呢？

答：
因為呢次係六四事件後
官方領導人第一次重申九七後中央對香港的管治方針..


不過成段片都冇提過「六」及「四」兩字

大陸台果然政治正確


不過點都唔夠六月四日o個一集型
「軍隊進入天安門」、「學生於凌晨撤離廣場」
想不到是出自香港傳媒之口

我睇唔出同
日本話「日軍"進入"南京」
有乜野分別

佢重有乜資格鬧人？

又
事件過左差唔多個多月
有冇人鬧過亞視篡改史實？

"ATV! Shame on U"


5.
仍然係施丹

Soccernet: Materazzi admits to insulting Zidane

Zidane:`If you really want my shirt I'll give it to you afterwards'.

Materazzi: `I'd rather take the shirt off your wife'.
(still in rumors)

係我就唔忍佢~
一於一齊幫施丹報仇

重唔夠？
再加多兩個搞笑 Gif..
(Click 入去睇)

10日

去左 Arnold 屋企睇世界杯..

因為施丹的一個經典頭槌..
我開始有 D 喜歡佢..XD

一個字曰—型

起碼係堂堂正正 foul 你，唔似馬達拉斯下下都抽住抽住


只睡了三個小時..
累死了..


Others:
1.
被放了飛機...
再加上睡眠不足

down 了好幾個鐘..

拿著相機跑到街上 snap
拍出來的盡是灰的調子...


2.
在地鐵站見到一個女孩子..
(應該不過 15-16 歲吧？)

大概因為偷竊失敗，被事主當場抓住報警...
當警察到場的時候
女孩子哭著求情..
也嘗試為身旁的男孩子開脫 (個人估計係佢男友 or/and 同黨)

而身旁就有差不多五六十人圍觀..

hmm..
拿著相機的我嘛
一張相片也沒有影


希望那個女孩子可以改過自新吧..


3.
今晚的 snap

冇一部份張係核突 / 三級 / 不雅
但係我睇番都想嘔....

相片充份表達到當時的情緒...

睇見張相
就可以 recall 到 Depress o既時候o個種極度不安的感覺..


呢兩張係個人覺得最難受的，尤其是第一張..
其他o個 D 只係"感覺強烈"..
所以呢兩張連 Photo Blog / preview 都冇出

再講多句
有心理準備先好 click 入去

同埋..
唔好睇太耐
愈睇會愈辛苦的..

圖片 PICT9437
圖片 PICT9430


Anyway..
今晚其實都有 D 幾好o既作品既~

呢張係一個幾好o既嘗試


就咁影唔算難..
難度係難在 Off-finder 黎影...

冇錯..
係用 DSLR off-finder 影的

其他o個 D 可以去 Blogger: M23's Photo

4.
頭尾講左未夠三日

葉太亮相民建聯酒會 短期內交代參選從政想法 - Yahoo! 新聞

拿~ 有文為証呀~
Live Log M23: 7日

不過猜不到的
是跟她拉上關系的竟然會是民建聯....

不如又估下佢會唔會組個新政黨出黎~ ?


5.
在 Sidekick 的 Blog 看到這個...
掛書頭賣豬肉！

也誤打誤撞的看到這個..
又到書展展肉時…

記得小學時候..
讀到《露露老師》，會想過自己也有當校長的一天..XD
讀到《麥嘜食包》，總會嘲笑麥嘜愚蠢....

因為那時還是讀小學

也想起一些很久以前的貼文
士多啤梨樂園..
雜記：麥嘜 (10/06) (係 05 年)
隨筆 30/03 (都係 05年)

我記得..
我是在奧海看《麥兜故事》的
回家的時候..
我灰到頹左...

只是
身旁的好友只懂格格大笑..

我也記得..
她是我認識的女孩子中的第一個..
在看過了《菠蘿油王子》後
能夠展現出一個具生命力的笑容..

這笑容並不是出於無知、而是來自了解..

Anyway
或者這是教人著迷的地方..



其實還有一篇《麥嘜》...
但已經不想把它貼出來了..

尤其是當一些經歷成了過去的時候。


6.
今日 Others 好長
不過重有一樣野想講

這幾天
心血來潮，
重新開始展開《渡．輪．鑰》的寫作．．
hmm..
一份放下了五年的爛尾劇本．．

今次重寫
會嘗試先從故事入手
三篇短篇故事分別為《渡》、《輪》、《鑰》
大網會大約跟隨上次爛尾的劇本
主要會關於「超人」、「科學」、「文化」同埋「革命」

不過主線就唔講住..
講得太多的話又驚爛尾了...

唔知開學前可唔可以搞掂呢？
當然..
如果可以多個人幫手的話會好開心..XD

---

推薦閱讀：

再次守望幸福
送給每一位過路人

9日 訓練日誌：The Day of Failure

練習第四日

6K Overloading Training: Failure
10K (in Total): Failure

第一次日間練習
原意想加速體力消耗
同埋想試中途補水的效果

起先以為自己可以每 3 公里補一次水

怎料實戰時..
才完成了 5個圈的熱身，
已經足足灌了 1/2L 水..

Overloading Training
訂下的目標是 6K: 30Mins
但係跑到第 11 個圈已經開始出現嚴重脫水.
結果被迫提早四個圈結束

之後在跑道足足休息了半小時...
磅重o個陣
足足發現唔見左 2Kg 水 (4% 體重)..

原本響補水後重想再試
希望可以完成今日的 10K 訓練目標
但係跑多一個圈之後
已經發覺身體支持唔住


結果嘛...

今日的訓練成果：
11 圈外圈 超負荷訓練 (約 5公里)
共 22 圈外圈 Training (約 9.5 公里)

體重：
51.8 (訓練 / 補水後)


今日體能消耗過度
明天的練習取消
星期三繼續

8日

在完全沒有心理準備下
跟團友們坦承了自己的問題..

但也感謝祂的帶領
要我拿出勇氣並不是一件易事


Others;
1.
一餐食了半個月的洗費..

......

真係肉赤的..


2.
Bennett 輸了..


3.
別人不明白也不重要
有些事
但求無愧於心就可以了

其他人的猜度與看法
也管不得這麼多

需要明白的..
一個就夠

hmm..
當然，我會渴望是兩個吧~
只是
別人我管不了..
我只知道祂在看著。


想起猶太人出埃及入迦南地的事
祂既然要領我到凶險經歷試煉，
也必然給予我足夠的恩典。

因為祂是耶和華，是信實的。

---

我 赤 身 出 於 母 胎 、 也 必 赤 身 歸 回 ．
賞 賜 的 是 耶 和 華 ． 收 取 的 也 是 耶 和 華 。
耶 和 華 的 名 是 應 當 稱 頌 的 。
約伯記 1:21

無論遇上的是甚麼..
耶和華的名也是應當稱頌的

7日

早
訓唔著
六、七、八、九點各醒一次
不過最後都係要遲到
番到教會係 10:15...


午
終於去左換智能身份証...
「尾二」o個日先黎做...

晚
跟團契一起為嘉旋慶祝生日~
一齊食壽司、(上家聰屋企) 打機

之後送了穎賢回家

就這樣過了一個愉快的晚上


明天才出相~

Others:
1.
笑話一則：

子：父親，為什麼球壇有兩個朗拿度？

父：因為巴西有了一個朗拿度之後，葡萄牙又出現了第二個朗拿度，為了分別他們，就
　　在朗拿度前面加個c字。

子：為什麼沒有a朗拿度和b朗拿度？

父：………因為，c是Cristiano的簡寫，他的全名是Cristiano Ronaldo。

子：原來如此！難怪三國時代會有兩個馬超………

父：三國只得一個馬超啊！何來兩個？

子：我聽同學說的，他說三國時代有馬超和c馬超……

父：………


2.
笑話第二則：
香港 - 偽基百科
(一個"假"的 Wiki..)

3.
睇唔明第一則笑話嗎？
試下將個仔響最尾講o個句讀出黎..

4.
刁民公園：兩太兩特首四方城論政

題外話：
尋日先同嘉駒講起
葉太這一陣子的高調復出，
似乎是想為未來的特首選舉鋪路
今日報紙已經有類似分析

至於個人估計：
對葉太黎講，
2007 太早了，最大機會會係 2012

反觀陳太今年已經 66，
07 特首選舉即使參選，
極大機會也只能「制造氣氛」、擔當陪跑角色，

而 2012 年時，陳太已經 72 歲，
屆時又會否以 72 歲高齡「越級挑戰」？
個人絕對心存疑問

至於近來陳太的高調，
會否只是煙幕，而背後另有高招？
又 BowTie 又會否視 陳太 為 親人 而非 疏人，
實踐其親疏有別原則？

又又葉太
短期內會否加入(*) 政黨、實踐其政黨理念大計？
(*個人認為，佢同陳太..用 hijack 會適合 D))

煩請諸位看倌拭目以待

5.
Bennett 今晚 (聽晚？)選港男....
冇錯...
真係佢...
如果你知 Bennett 係邊個的話...


6.
感謝主

6日

尋日同牧師講中午番去..

結果中午 12:00
響張床訓到死豬咁樣..

番到去係 16:30..
..........
...........

我聽日會 10:00 番去呀~!

---

約左牛河交相~
之後就番左 JSC 練跑

復操第三日
狀態一直從谷底回升
今日 KO 左 20 個圈 (4+10+6) ~
復操以來第一次試 Keep 住 Timing 跑
由於著緊對跑鞋已經「蝕底」，對地面的抓著力太差，
結果體能消耗遠比預期大，亦影響左自己o既速度。

最後用左 22mins 跑左 4kilo，平均 5.5分鐘 / Km
不過臨尾 400M 一段已經發覺自己想爆都爆唔起..

以目前狀態黎講，都已經算係一個唔錯o既成績~


(明天及星期六休息，星期日繼續)

下次會試跑 10K ~
希望下星期可以完成 15K 的常規訓練
再之後開始練速度

Others:
1.
過了 12時了~

Maggie 和 嘉旋~
生日快樂~

2.
今日睇 tracker log
竟然有人搵我...XD

雅虎香港搜尋


推薦閱讀：
洋蔥酷樂部:蔥E愛抬槓之"很愛演
Cute 死了~

刁民公園：大陸客拔孔雀毛
睇到篇文章都會「戥」隻孔雀痛...

香格里拉: 消失（情人篇）

「愛自己、愛別人」的空間: 談戀愛應該...？


還有：
最精彩的這篇...

阿扁哥話...

笑到停唔到.......

5日

冇睇波..
不過都係五點先訓

大頭蝦

諗住拎尋日 D 相番賽官
點知番左學校先發現唔記得帶碟...

......................


由賽官行番 BU..

響 SU 見到 Denise
原來佢已經番左黎.
同佢一齊食埋飯
就過左 JSC 跑步

總共跑走左 15個外圈
3K @ 常規訓練，3K @ 熱身

400M @ 變速
1500M @ 慢速
其餘 (約 1K) 係 warm up /cool down

進度不錯~
希望呢兩個星期內可以 train 到 10K

Others:
1.
搵下搵下..
竟然俾我搵到...

邊個黎嫁...?

2.
估唔到...

竟然...

香港先生選舉 2006


3.
其實唔係太想講..
睇完人地日記再週圍唱

呢樣野真係好冇品

係呀！我講緊你呀！
唔駛同我扮野、亦都唔需要同我扮野
你如果可以睇到呢個 post..
單野都好肯定係響度睇到嫁啦

賽官．45

相片質素比預期理想

揀了十幾張相 upload 了上來







其餘的試試去 Blog: M23's Photo 找吧~

再找不到的話
就要再遲點找牛河了~XD

(再找不到嗎？那我應該沒有影過 / Delete 了....)

4日

一個字：攰
兩個字：好攰
三個字：好Ｘ攰

早
不消提了
未起身..

午
收到 Sony Call
我部 D7D 終於可以拎番

順手問下部 Scan Dual II 整的話要幾多錢..
Inspection Fee $100 ... Labour $500..Parts 另計...
「哦..我都係問下者..」

拎番部機之後，
即刻過荃灣幫賽官影 Performance..
直踩六個鐘...想死...


Others:
1.
昨晚
神智有點不清..

彷彿意識跟肉體像割裂了..

我都估到自己個樣好恐怖...


2.
拎住 over 10Kg 器材
一部相機 (EOS300 最後決定唔出)、一支外閃、
兩支腳架、兩部叉機
三支鏡頭、三塊快拆
四 pack 叉電.....

由下晝兩點過觀塘 Sony 到夜晚 12:00 番到屋企為止
抬左足足十個鐘...

最搞笑係
下晝落樓去到巴士站先發覺自己冇帶銀包..
最後又要抬住呢 1X Kg 器材走四層樓樓梯...
番到教會交低 D 野俾牧師，
走o個陣搵觀塘小巴又足足兜左個大圈.. (來回係四個街口...)
好喇...
到響觀塘搵荃灣小巴又足足搵左 15 分鐘..

我＠！


3.
Ｘ= 鬼
＠= 頂

4.
今日四個機佬，最誇張係我...

5.
由觀塘到荃灣
由一條熟識的路
走到另一條熟識的路
由三年前的回憶走到年多前的回憶....

感覺..
我的文筆不好
形容不了..

我還以為 Moirae 今晚會讓我走到沙田的..

(*Moirae, 希臘神話中的命運三女神)

推薦閱讀：

刁民公園：政太唔易做

刁民公園：理想
我的理想又是甚麼呢？
如果..
我還有理想的話

香格里拉：消失（朋友篇）
總有很多人希望自己的歷史是一張白紙的.......

3日

終於重拾放下了半年的跑鞋
(註：其實咪又係o個對..)

番 JSC 練跑
"輕鬆地"完成了十個圈..
(扣除了五個圈 warn-up /cool down，實際上只有大約 2 Kilo..)
換來的是在更衣室"休息"了個多小時..

"水"到呢...


"跑"完 4 公里..
竟然係一滴汗都冇..

搞到我勁辛苦.....


Anyway~
雖然正常的練習還有一段距離..
但~
總算是一個好的開始~

---

跑步的時候
忽然下起大雨..

突然發現
整條賽道就只剩下我一個...

獨個兒在雨中跑步..
這種感覺
我喜歡、我享受
也想起在 Poly 的日子
那時的我，
可以冒著嚴寒和雨
每晚沿著紅磡灣跑
有時走一轉、有時走兩轉
(來回一轉大約是 5-6 KM)
現在大概不能了...


Others:
1.
廣告一則

JSC 個更衣室的「激喉」「按摩」絕對係一絕...

個花灑水龍頭直頭同我有仇..
射到我想暈..


駛乜番大陸 "dup" 骨者~
番 JSC 沖個涼~
保証乜骨都散~!

(Anyway~ 俾條水喉咁樣射完真係舒服好多~XDD)


2.
享受長跑的感覺...

彷佛只有在田徑場
才能找回真正的自己..

但..
可以告訴我一個目標讓我跑嗎？


3.
今晚
莫名其妙的有點 depress..

@4:24a.m

尋人~

睇下大家可唔可以搵到我~XD

2日

徹底失眠

連睡的意慾也沒有..

我隊英格蘭.........


對我來說
世界杯已經完結了
因為* 英格蘭、西班牙、阿根廷、南韓已經相繼出局..

---

失眠加喉嚨發炎 + 失聲
結果今日連崇拜都冇番


下午
見身體好了點
出外走了一轉..

入了大埔~

hmm..
天氣很好
只可惜沒有帶相機...






用 Treo 影的..


同場加映：
昨天的大 banner~




Others:
1.
感覺...
像被最親的騙了一樣......

2.
因為要幫嘉微問成績..

跟她通了一回電話
差不多有整整一年沒聯絡過了...

這樣又三年了..


屈指一算
唔覺唔覺
原來大家識左都差唔多八年..


3.
留意到隔離 sidebar 個 Chat-Box 嗎~
還有一些很 Cute 的洋蔥頭 icon..~
來自洋蔥酷樂部

喜歡的話給我留個 message 呀~

嘻嘻~
不如大家都整番個啦~

特別鳴謝 Sidekick 小姐的好介紹


推薦閱讀：

香格里拉- 七一：公民社會的里程碑，或墓誌銘？

港燦筆記：【暗報】寫真集被搶購一空 撼 Rani 焚書遊行「無壓力」
又黎笑到噴飯~

1日

沉痛哀悼英格蘭八強出局...

一如所料
艾力臣前幾場有明顯隱藏實力之嫌
同樣也是 4-1-2-2-1 (嚴格黎講，今場似係 4-3-2-1)
今場打法的機動性及組織皆遠較上場為佳


不過機關算盡
千計萬計恐怕也料不到朗尼會紅牌離場...

至於朗尼會否繼碧咸之後
成為另一個新英格蘭罪人..?

唔知了


不過..
英格蘭賽事有乜理由搵個阿根廷球證嫁？！

---

第四年去七一

今年終於可以有份行..
(前年要跟採訪組、舊年響灣仔派水..)
其實原本只係諗住跟埋一齊行就算..
但係最後都係俾人踢左去嗌大聲公..

偏偏個大聲公又壞壞地喎..
結果...
我把聲就咁拆左..


夜晚
同胡先生去奧海睇波...
為了可以坐兩個鐘睇波..
足足企左兩個鐘(等)買飛..

散左..


Others:
1.
自從上次 12.4 我地出左條大 banner 之後..
今次七一明顯多左好多團體整呢類 banner....

30日

Germany 1:1 Argentina (Pens: 4:2)

無奈

怪也恐怕只能怪柏加文機關算盡
寧願在大好形勢下收起列基美及基斯普，
也不願換走整場表面一無是處的泰華斯..

而換出的也只是甘比阿素和J 告魯斯，
而非美斯 / 沙維奧拿 / 沙維 / 艾馬

"大安旨意"留力四強

結果..
大家有眼睇...

唉.....

---

Others:
1.
last day 就這樣完了

捨不得這班學生...


2.
團契的 AL 成績..

好像不太好...


3.
六月過去了..
應許的事還未有來到....


4.
難得..
今日竟然有人請...

雖然個地方有 D 搞笑..
(間酒吧爆滿，
結果安排左我地去酒吧樓上
一間唔夠二百尺的貨倉..)

hmm..
不過都好耐未試過 (落吧..?) 飲酒睇波..
對上一次..
冇記錯係早幾年曼聯對皇馬

真係好多年了..


5.
好似係第一次見嘉駒女朋友...

即係成日話我係 M23 機械人o個個....-_-"


6.
明天還要準備呢~

晚安了~


推薦閱讀：
1.
The Departed (荷里活版 無間道) 非官方網站
"卡士"睇落好強

Martin Scorsese (The Goodfellas 盜亦有道/ Gangs Of New York 紐約風雲)執導
Matt Damon, Leonardo DiCaprio, Jack Nicholson..

不過美國試影o個陣，
影評人反應好似麻麻..

2.
男體，西裝，以及我

感覺上..
馬家輝先生好像...

唔知點解，
睇完呢篇文總會諗起陶傑..

Backgroud Music JUN 06

90 年意大利世界杯主題曲
依然覺得是這些年來最動聽的世界杯主題曲..
(至於奧運..我會揀 Hand In Hand)

BTW..
我到現在也聽不出最尾的那句
是 "...higher in~ the blue Itilian Sky"
還是 "...higherrrr..through Itilian sky"..
此處的歌詞用了前者..


To Be Number One
(Official Song Of FIFA World Cup Italy 90)
The "Giorgio Moroder" Project

This is what we've worked for all our lives
Reaching for the highest goal we can
We choose to give it all
When competition calls
Time records the Victory in our hearts

To win or lose is not the only thing
It's all in how we play the fairest game
This is the chance we take
Reaching for the top
Time records the Victory in our hearts

* To be number one
Running like the wind
Playing hard
but always playing fair (oh Yeah)
To be number one
Winning again and again
Reaching higher in the blue Italian sky

This is what we've wanted all our lives
Shining like a shooting star at night
We've got to give it all
When we hear the call
Time records the victory in our hearts

*
(blue Italian sky)

To be number one
Running like the wind (like the wind)
Playing hard (Playing hard)
but always playing fair (oh Yeah)
To be number one
Winning again and again
Reaching higher in the blue Italian sky (blue Italian sky)

To be number one! (To be number one!)

Number One!!

29日

失眠

兩點半唔夠上床查經 + 靈修..
到六點半終於按捺不住去 7 仔買左包木瓜奶..

才有覺好訓..


之但係為乜野呢？
好似好多年未試過...


下午
臨時收到 Sonia 的電話
說給 AR 的信件已經準備妥當

於是連午飯還沒有吃
連忙就趕回學校一轉


申請在九月復學的表格及相關文件已經交予 AR，
現在只等待 AR 的答覆。

委實沒法想像
這麼快已辦妥申請復課的手續..
感謝主...


晚
離開中心
番左屋企一轉，
之後就去左 Join 埋團契成班陪 AL o個班等放榜

尋晚 Call 家聰o個陣..
(諗住睇下佢地會唔會搞乜野..點解原來 Kennis 已經搞緊..)
本來都係預算應該得七八個人
點知今晚埋單計數..
係十八個人....@@~

過左好開心o既一晚


Others:
1.
將房門的海報

由 Coffee 畫的抵死後現代 Cute 版黑武士造型 Bow tie 曾
換左做楊丞琳~

he~


2.
番左 SU 一轉...

整個臨委
只有一個人在香港 (但係係做緊 Full-time)

兩個番左大陸上 course，
幾個去左旅行
...


8月 17日開始的 O'camp
負責的同學們要到 7月底才回到香港


用一個近來學的"新字"...
"Eyes Wide Shut"


3.
明天 Last Day 了..


4.
hmm..
呢幾日響 newsgroup 講起..

驚訝地發現，
雖然講就成日都會講..
但係竟然好少人識呢個字
甚至唔知呢個字本來係英文....

Fluke

以後鬧人"符碌"
記住要知道點黎嫁喇...


5.
在 Cafe 的時候
竟在播著楊丞琳的理想情人

不自覺的哼了幾句

你心裡理想情人是幾分
是否也會有我的份

好想知道你的 100 分　會給怎樣的人
親愛的你　不要再陌生　增加我戲份

我想問　親愛的你把感情升等
朋友變成情人　可不可以
告訴我標準　不要讓我一直等


hmm..
臉紅了．．

會聽到嗎..？

28日

Dame Fortune smiles on France

France 3:1 Spain

仍然都係o個句..
死好彩..
不是亨利的演技、
不是沙比阿朗素的頭縋、
不是沙治奧拉莫斯的....

(算吧...不要期望一個非理性球迷可以理性"講波"...)


平心而論
在三場"有睇"的十六強賽事中，
(英厄 / 葡荷 / 法西)
這一場應該是最好看的..

承接小組賽強勢的西班牙，
遇上脫胎換骨的法國..
(我差點兒以為法國換了整隊球隊)
兩隊選擇大打進攻足球；
單以今場表現而論，
兩隊都絕對有資格出線八強 。
但命運卻偏讓她們只能活一個。


再看另一走線的烏克蘭對瑞士..
更覺無奈

大勝烏克蘭 4:0 並沒有讓西班牙得到應有的八強席位..
反而庸庸碌碌的烏克蘭...

對
這就是足球..


Anyway
原本期望西班牙可以在八強踢走巴西
但現在只好寄望法國了..
(雖然法國同巴西一樣咁"乞人憎"...)

伸延閱讀 (足球 related)：
博客李淼：四分之一賽
聞.見.思.錄：世界盃：第十九天之予欲無言


球壇新聞幾則：

Soccernet: Socceroos want Euro Hiddink replacement
唔明..
點解中國足總唔重金搵希丁克黎教呢？
不過國足嘛..
邊個教都係死..

Soccernet: Juventus' Pessotto stable after 'suicide' fall
捲入假波醜聞的祖雲達斯，總經理比索圖離奇墮樓..

BBC: Neville set for England comeback
穩定先生回來了...

Soccernet: United deny Ronaldo link to Real Madrid
傳聞 C 朗轉會皇馬，曼聯否認

---

講完波，講番自己


終於搵到 Sonia ..
不過搞笑o既係，
尋晚為左搵個"五蚊"，
響"書堆"中搵番舊年交俾 AR o既"陳年" Document：
Dr. Tsoi 的 medical certificate
Sonia 舊年俾 AR 的 support..
還有..

如果搵唔番的話
Sonia 七月就放假..
嘿嘿...
睇怕都幾難可以 as schedule 九月番學

不過總算搞掂..


夜晚
無端端同阿爸嘈..

今晚其實唔關佢事..(佢不嬲都係講呢幾句)
只不過係自己突然發脾氣者..

開了 iPod..
感覺好多點
起碼可以安靜下來

(當然..少不了祈禱..)

Others:
1.
因為一架行錯路的巴士，搞到我遲大到..

行錯路兜多個圈浪費時間都唔緊要
咪之後行番快 D 囉..

都唔駛咁樣碌車呀...
(按：碌車- 巴迷述語，意指以極安全的速度及態度行走)

(為存厚道
小弟唔打算公開係乜野路線..

放過佢一次啦..)

2.
今個星期係 Last Week
番到去好多時都好 hea...
今日麥姑索性將唯一考緊試的阿芬轉過隔離班

算了
唔講佢..

講起佢又會激死我..

3.
因為自己老婆入左廠，
尋日借左嘉駒的老婆仔黎用..XD


同班細路玩 / 影左半日
不過聽日先 upload 相 /movie ~

4.
睇完一個患 Depression 網友的 Xanga..
我都想自己可以有個人俾我「嬲」

但卻偏偏發現，
自己最討厭的人..

不是別人，是自己..

5.
唔知點解...
點解我個 Feed burner counter 都重係零嫁？

有冇人答到我？

6.
近乎瘋狂的 hit rate 仍然持續...

奇怪的是

有不少是從 Bloglines redirect 過來的
即係唔關忌廉事..


推薦閱讀：

大腦電波：隱敝青年走出來

題外話，都可以睇下今個星期六的時事追擊，
講過度活躍，值得一看


竟成-有限的私人空間： 今非昔比的民主黨

個人不太同意作者對民主黨的看法
不過也值得一讀

至於自己的觀點..
過一兩天才寫出來吧..

27日

終於病了


忙了整整兩天

送了以下的東西去"維修"

1. KM D7D
2. KM AF 50mm 1.4
3. Plextor 716A DVD writer
4. Tamron AF 24-135mm

想不到最快的是 Tamron..
頭尾還不足半小時...
其餘三樣都要等 check..


Others:
1.
因為下面的幾張忌廉相...
呢兩日睇 tracker o個陣嚇左一跳..

流量係平日o既 8-10 倍...


2.
這幾天都在基版跟反基們"討論"
用左弱人擇理論同單光子雙縫干涉實驗來解釋機會率
發覺
自己始終是讀 Physics 的料子..


基督徒們也不妨了解一下甚麼是人擇原理
人擇原理 (1)
人擇原理 (2)
人擇原理 (3)
人擇原理 (4)

頭兩篇都還可以
之後兩篇嘛...
對大家來說可能有點深奧..


推薦閱讀：
今日揀左三篇..
笑到噴飯

一知半解：武林奇話之邪髮

港燦筆記：【廣告】大劉教材網 灌輸正面求愛觀

刁民公園：尋找煲呔的腩事有獎遊戲

25日

連看兩場直播
必須承認..真係睇到想死...

England 1 - 0 Ecuador

死好命

作為英格蘭死硬番薯 (Fans)，也必須承認..
今場贏到係死好命...

一如所料
上半場艾力臣排出了一個 4-5-1 陣式..
只是，與其說是 4-5-1，
個人覺得更加似自己打 Football Manager 慣用的 4-1-2-2-1 陣式..

　　　 　　 Ronney
　↑　　Gerrard　Lampard　↑
J.Cole　　　　　　　　　Beckham
　↑　 　　Carrick　　　　↑
A.Cole　30M　　Terry　Hargreaves

　　 　　　Robinson

結果好正路的問題出現：
中場中防守力不足.....

經常響禁區外俾人放冷箭
而且打呢個陣係基本上預左"強攻"的..
偏偏英格蘭.....
唉


事實上
除了下半場開波早段那一段攻勢外，
(下半場係變左陣，不過變左做乜我都睇唔出..)

整場波英軍踢得一無是處.
林 8 由成場波都係隱形 (當然，除左幫對手解圍o個陣)
我好懷疑
係咪連大力臣都唔記得有出過佢
所以臨尾寧願換謝 4 都唔收番佢

至於 Carrick，老老實實，尋晚真係冇乜留意到佢...
除左一兩腳長傳放入禁區 (通常係交俾對面龍)
表現其實唔好得過林 8 好多..
(當然，點都會好過林 8 o既，出林 8 基本上係幫對面打多個後衛)


如果不是 A.Cole 開波初段攔下那球單刀
如果不是 DB7 那球「放」入死角的罰球
邊一隊可以出線都係未知之數..

不過波就係咁嫁啦..


Portugal 1 - 0 Holland
勝方僅能慘勝，敗方也失風度..

整場賽事足滿火藥味
全場共出示 16黃 4紅
差點以為還未到完場已經會被腰斬 (任何一方多於四張紅牌)

葡萄下方面，
C 朗拿度早段已因保拿賀斯的開賽後七分鐘的粗野攔截而受傷退下火線
再加上哥斯甸拿及迪高的兩黃一紅被逐，下場自動停賽，
門將列卡度也因對方前鋒古治的衝門而受輕傷，
八強對英格蘭勢必只能以殘陣應戰。

荷蘭方面
開賽後七分鐘內已經取得兩面黃牌
及後再有保拿賀斯及尹邦賀斯被逐..


下半場葡萄牙列卡度受傷後
荷蘭拒絕將贏得的公証球送回葡方
反之隨即展開攻勢..
結果就「成功」搏得迪高黃牌...

連風度都輸埋..

唉.....


講番戰術
不知是否雲巴士頓的賽前指示

荷蘭開波早段好多好"惹火"的 hard tackle
特別係針對 C.朗拿度
開波頭七分鐘的兩張黃牌就全都是因為對 C 朗的 late tackle 所得

雖然荷蘭求仁得仁，成功「剷除」C 朗，
迫使其於 33mins 因傷退下火線
(主要係保拿賀斯 7mins 的那腳穿雲腿)

不過人算不如天算，
荷蘭始終也不能阻止 C 朗於 23mins 利用個人技術，
偷去荷蘭球員腳下球後妙傳迪高
最終助文尼治射入全場唯一一個入球..

個人覺得..
說這入球 C 朗有最大功勞也不算過份...

至於下半場..
呢度都係講番波好了...
下半場唔算係波喇掛...

不過
不得不配服大菲夠膽響下半場收起保利達...
打一個冇前鋒的 4-5-0 陣式...

呢樣野唔係咁多人夠膽做的...

強...


伸延閱讀：

聞.見.思.錄- 世界盃：第十七天之Eyes Wide Shut