相

30日 心如鹿撞．．

由四點訓到十二點~
最後都係俾牧師電話嘈醒左..

番到教會剛好一點鐘
午飯後，
拆聖誕裝飾、整理詩歌集
咁又過左一日..


晚
同家姐，阿媽去左奧海城食飯
食到成十一點，
之後就過左去影燈飾(同佢地)
得三張見得人....-_-"

之後就自己一個影左成個鐘

好靚~
不過最衰得一個人...

Others:
1.
晒左第二批相，又係四百幾張..

未見官先打 80 大板..

2.
輸得最慘烈的敗仗，
往往不是因為對手太強，而是因為瞧不起對手..

有幾多對手...

3.
仍然為一位朋友擺上..

昨天的事，
還有昨晚的夢..

仍然很擔心..


在耶和華面前，我跟本沒有討價的空間...
唯一可以做的
是盡量將自己擺上．．

29日

不知是因為食滯了還是其他原因..

整個下午也很辛苦..

由兩點幾開始，
想吐又吐不出來..

最辛苦o個陣響五點，
之後又冇乜事了..

hmm...
有點擔心..


@ 5:20

---

晚
約了家聰食飯

之後就一起睇《如果．愛》
hmm..
我會是張學友還是金城武呢？

我估．．我會係池珍熙．．
(嘔~)

成套戲都真係好好..
不過我會覺得導演貪心左少少
太多沒有交待的背景、
太多未有時間交待的支節..
(我睇呢套戲之前冇睇過任何相關資料)
亦留下太多可以思考的空間..
不過也是後現代主義的特色吧？！

如果要搵一節令我覺得最有意思的..
我會揀金城武番去轉頭搵周迅o個一幕

復仇？愛？恨？害怕？
復仇的意義是甚麼？
害怕的又是甚麼？
他不是一直渴望從復仇中解放嗎？
那又為何害怕對方受傷害？
復仇又是甚麼？符號？還是跟張學友的那一巴一樣？

.....
短短五分鐘唔夠o既劇情..
帶來太多o既感覺，
還有太多的思考空間。

太多野要諗..
我諗亦都係呢套戲o既其中一個缺點..

Others:
1.
睇完套戲，
有 D 野想講..

hmm..
冇錯..又係 Post Modennism 的權力建構...

不過聽日先啦~

2.
睇完套戲，
搞到想買佢隻 OST....
又想睇多次...

如果是真的一種 (或多種？)符號的話，
馬戲團 / 歌舞團又象徵了甚麼？

3.
總覺得..
如果套戲叫《也許．愛》會好 D..

28日

錯手響 server delete 左自己個相簿..
而家要搵 Netbugs 幫手響 server 個 backup 到搵番出黎..

唔知救唔救到添..


今日冇番教會幫手，
原因係執房執房執房..

不過最後都係得個講字


起身o個陣已經十一點幾
到真係肯執房o個陣都差唔多五點
執左半箱電腦雜志 (當然—床尾 / 底 / 廳重有好多箱)

咁又過左一日

明天繼續


Others..
1.
終於拎番 D 相..
一個大相簿都未放得晒..

2.
MC 份工
分分鐘等到二月....
.........................

3.
好似有 D 野唔記得左..

4.
聽晚同家聰睇戲..

之但係..
好似爭緊 D 野.

5.
走了..
剛才還見的........
>,<

27日 意料之外

昨天才知道今日是假期..

早
起床
回了教會一轉，
通知了管理處"平台咸水喉滴水"後，
因為唔想阻到 Ivy 姨做 counseling
自己就一個落左旺電行..
諗住行一陣先番教會等管理處上黎..

點知番到教會o個陣，
Ivy 姨話管理處已經上左黎睇，
於是就同佢一齊落左譚仔..

印象中，
好似係第一次同 Ivy 姨食飯..
談起了自己、Ken、還有很多..


跟住就番左屋企執相 / 揀相..


晚
原本諗住同屋企人一齊出奧海食飯
點知因為阿爸唔去的關系
臨時又 free 左一節時間

拎左 D 相去 fotomax 晒之後
就約左阿 Ken 番教會，
行過 Ivy 姨鋪頭，
同佢傾左幾句..

hmm..
Ivy 姨好似唔係太開心..


晚
同 Ken 響教會 stay 左一晚

佢做 pastpaper，
我就自己一個人睇書..

一口氣睇左成本生之慾，
愛與性的關系、墮胎、還有對人性黑暗面的面對、對試探的態度..

很喜歡當中的一個比喻..

耶穌面對試探的時候，
最危險的並不是在五光十色的鬧市中，
而是在四野無人的曠野裡..

孩子又何嘗不是一樣呢？！


離開前..
跟 Ken 有了一節很長的分享~
也有一同禱告的時間

感謝主讓我們有勇氣將這些問題拿出來傾訴~


Others:
1.
男廁個水箱滴水比之前嚴重左，
女廁個天花又濕晒..
@@~ 冇眼睇了..

聽日先同牧師講好了...


2.
開始回到赤貧的日子....


3.
代禱：
教會、提摩太團、
Ivy 姨、Ken、家聰、穎賢、Cammy、龍、Kevin、我..
大家有著不同的問題和煩惱..


4.
喜歡這兩天的感覺...
跟　主是如此的親近．．


5.
終於完成了新約..
(其實係幾日前o既事)

開始讀舊約..
諗緊好唔好買靈修書呢..?

6.
讀緊駱穎佳的後現代拜物教

hmm...

開始嘗試將佢同其他類型o既知識整合—
McDonaldization, Globalization, Criticalism,
結構與後結構；建構與解構；現代與後現代；
新左翼的意識形態批判與論述理論；
消費文化、消費主義與消費行為本身的符號意義 (symbolic meanings)；
還有胡恩威 / 梁文道對城市空間的見解：城區的商場化、文化間的割裂與權力差異；
當然還有 Bible..


今日同 Ken 好簡單咁講左 D...
不過就 crossover -ed 好多尼采
始終講起 ideologies 同 criticalism，
好難可以 skip 左尼采o既權力觀..

26日

打掃打掃打掃
總算搞掂了昨天的手尾~

跟 cammy 一同吃午飯..
談起了團契的事~

hmm..
唔知點講好


離開教會，
同 Ken, Kevin 同阿龍一齊去左 Olymipan City 食晚飯，
不過之後又一齊番左教會查經..
結果都差唔多成十一點先走~

---

這陣子，
嘗試重新理解解構與後現代主義的關系，
開始多了一點新的認知..
(當然也要多謝 Kevin 為我提供了一些新的思維方式)

解構是一種工具，
也是一個提出問題的方法..
至於問題的答案，
單靠解構本身是提供不了的。

還有後現代主義所強調的、個體與個體間的差異，
強調絕對價值的非必然性...

當然
應用在這裡的話，
可以理解為，
作者(即係我)的同一段說話的不同的理解..
作者的作用是提供思考，也可以是一種刺激思考的工具..

但跟現代主義不同
作者的作品所表達的，從來不會有一個「既定值」
也不會有一種 Model Answer..

每一個讀者經過思考的答案，都可以是對的—
因為後現代主義所強調的，
是當中讀者的參與與反映 (reflection)
讀者的反應—反過來變成了作品的一部份


咪住..
講番自己..
書櫃重有好多書未睇(晒).....
不過大部份都集中響人文科學，而且大部份都集中響 criticalism..
Foucault 的 structuralism 與 post-structuralism,
F.Jameson 的 Post-Modernism,
J.Derrida 的 Deconstructionism,
Karl Marx 的Das Kapital 第一卷......

係時候要清緊 D 「存貨」..

還要重讀 Nietzsche 的 Thus Spake Zarathutha
重新理解 Overman 與 The will to power 的意義與關系 (特別係 The will to power..)....


書台上(嚴格黎講係垃圾台)
好似重有本聯合國人類發展報告 05..
(<~~hmm..嘗試用 Foucault 對知識權力的理解，呢樣好明顯係權力建構的一種過程....XD)

---

父呀..！
你知道孩子有幾唔開心嘛？

你知道的..

願孩子有一個緊靠你的心。
阿門

Others:
1.
這陣子的飛蚊多了很多..


2.
每個高潮過後，
絕會遇上一個低潮...

25日 遲到遲到遲到．．

應承左黃牧 9:00 過去接劍雄..

9:05 分先知醒．．

shit...陰差陽錯竟然換左張電話卡．．
搞到冇人打到俾我....

哇～
結果頭未洗 / 梳 + 鬚未剃已經出左門口..
(搞到成日個樣勁頹..)
好在劍雄未出門口，唔係就大鑊. --"
()

因為要幫牧師買埋野 (再加埋遲左成半個鐘~)，
番到教會已經差唔多十點..@@~
栽培又遲到了.....


崇拜之後，有 Party 的時間~
嘻~ Kelvin 都黎左~

完左 party
Kelvin, 龍, Vani 同穎賢四個響度「度」歌譜 /詞
@@~
得我一個係音樂白痴..
撈唔埋..
於是就自己去左睇下有乜幫手..

hmm..
跟住同阿龍、Ken 有一節好好的分享時間..
大家都要努力呀~!!


晚
去左陪偉哥買相機..
因為分享 / 祈禱過左鐘..
又遲到....

...............

Others:
1.
經過我半個下畫o既努力
走廊同埋大半個主堂已經拖 + 掃乾淨喇~!

(廖太負責廚房同廁所~)

聽日做埋 D 手尾就得~Yeah~


2.
開始發現..
幫教會手o既熱誠多過執自己房...


3.
sem brake 好多朋友外遊..
有阿海、Denise、Maggie、子健同一眾 SU 莊員~
呀~重有穎賢~

e..好似重有..

hmm...?!記唔起喇~
總知一路順風喇~玩得開心 D~


4.
記得一年前做緊乜嘛？

hmm..
舊年聖誕..
好似準備緊上海北京交流團..

咁又一年了....


下年聖誕又做緊乜呢~？
會有人陪嗎～？

啦啦喇～～啦啦喇～～
主會為我準備最好的～

(^6^~~係咪好 cammy feel呢..即係嘛 cam cam 地囉~)

5.
夜晚 high 左....

24日 失落中

起身o個陣，
見個鐘指住 11:30，以為好多時間..

點知一出廳
12:30~!!!!
Shit~!!我個鐘又壞左~!!!

以迅雷不及掩耳o既速度裝身
再以 9秒 9o既速度趕去銀行..

點知都係入唔切..
灰左,,


之後就陪劍雄去萬國..

第一次做喪禮的詩班
只是~沒料到得著的會更多..
hmm..今天的詩歌也不錯..


回到教會
今日約翰團同和平家 Joint fellowship
過左一個好開心o既一個下午.
"春光乍洩"..頂~笑到肚痛~

不過點都估唔到。
一路都係大落後o既第一組，
臨尾竟然會連贏兩場~XD

hmm..
還有以訛傳訛和最尾的一個遊戲..

諗起好耐之前自己講過o既一句說話..
(同邊個講？ Florence? Sonia? 唔記得了..
剩係記得係講起參與 Political Group/ SU o既原因)

"如果受傷 / 犧牲係無可避免的話，
又或者自己o既犧牲係有價值的話，我願意顧全大局.."


在遊戲中，的而且確做到了..
只是，如果今日個 case 係響現實生活呢？

hmm... 我諗我響 say yes 之前會有猶疑..

Thanks God~
也感謝穎賢俾左個咁好o既 Game 我地~

晚
同家聰, Ken, Mary, Cammy, Cindy, Kennis 同阿堅去左紅磡
走下一個、走下一個...
結果得番五個..

好彩臨尾 Kennis 同 Vani 又 Join 番我地~


送左 Mary 番屋企之後，
原本諗住過紅磡搵 Kennis..
結果都係番屋企算.....


Others:
1.
終於跟 Kennis 說了..

原來佢真係唔知的....


2.
估唔到
家聰同我會有同樣的感覺..


3.
主角不在..
再多的佈置也不過是裝飾，
始終也逃不過失去焦點的命運..

hmm...
我講緊o既係聖誕節..


4.
原來女仔發脾氣係大晒的.....

頂唔順..


5.
今日到家聰....

嘿~~!!

23日 大混亂

番左屋企，執頭執尾
訓落床o個陣
時間係上午五時正..

早
俾牧師o既電話嘈醒左
時間係上午 11:30 ..@@~

午
食埋飯番到教會
時間係 1:30分..@@~!

成個下晝都係執喜樂團本詩集，
Kevin 打電話黎o個陣都差唔多四點
接左佢番黎一齊幫手..^^

哈哈~
廖太都話我地兩個似兄弟呢~

晚
同 Kevin 一齊落左去行尖沙咀，
睇左一陣就番左落旺角食茶餐廳...
冇錯，係真係番左旺角食~ -_-'

之後就去左佐敦食甜品—
兩個人食左成八十蚊甜品...@@~!!

食完甜品
掉低左 Kevin，
自己番左過 Media Center 幫手執手尾。

D 人又會咁貪心都有o既..
連 wireless LAN recevier 都偷！

#!$@!$#@%$@

執完野過去人民台，
就過左嘉旋屋企整電腦~
好在~原來係碎料..
嚇死..


Others:
1.
嘿~竟然俾人話我發姣...

嘿~到你o個陣你就知

2.
Kelvin 都就快畢業了..
幾時到我.....

為佢o既工作都交上..

3.
今日感恩的兩件事：
嘉旋的電腦、還有奧運站的小巴~

hmm~加多件——
同 Kelvin 過左個好開心o既下午~
感謝主

希望父也保守其他的事~

好彩世界有樣野...

叫做 Photoshop..

加埋今晚係用 RAW 影..XD
後製易好多..


原相..



推 curve 重手左少少...



輕番手 D..

22日 好開心～

午
番到教會都成點幾鐘
黃牧重未到，
於是自己一個人響度睇 DC Photo..

黃牧番左之後
自己就做左一陣野
之後就同 Ken 落左去食下午茶
跟住就過左突破買禮物。

約翰團 D 都重未買齊..
最少明輝、蔚賢、Vani 同嘉旋o個份都未買..

之前睇中o個隻細名牌已經冇晒了..
hmm..
結果買左其他野..

番到去做左陣野，
等到 Kennis 黎，一齊分享左一陣，
祈完禱走o個陣都差唔多七點幾..

番左屋企做節
二家姐都係冇番到...

嗯..
因為唔想遲到，
同家姐 make 左個 Deal—
佢幫我洗今晚碗，
我就還番一餐碗 + 幫佢整電腦..
哼~
之前講明佢唔道歉我唔肯幫佢整的..
家陣算益左佢喇~

不過都好，總算了左件事．．


做完冬之後，
約左約翰團落尖咀睇燈飾．．
原本 expect 冇乜人到..
不過最後都竟然有七個人..
Ken、我、嘉旋、微微、穎賢，
重有之後加入的阿堅同嘉儀..

點知唔知搞乜鬼，
十點半唔夠會展已經熄左燈..

@@~

一行人原本話會行過去紅磡搵 Keniis，
結果因為驚太夜的緣故
最後都係散水...

我送左穎賢，Ken 就負責送嘉旋嘉微兩個..
(不過唔知最後有冇呢..哈~不過就算送左，我諗阿堅唔會呷醋o既..XD)

響巴士上面，見佢訓覺個樣..
哈哈~
偷偷地影左幾張..XD
不過諗諗下，
最後都係全部 del 晒..

算了~廢事整人..XD


Others:
1.
呢幾日要整好多部電腦..
腩河、家姐、舅父、嘉旋..
呢度都四部了...

2.
我聰明o既阿媽..
竟然將我留起左、特登買黎 kepp record 的四份「新」報紙，
當廢紙賣左..

$20 報紙...賣左都唔知有冇兩蚊..
最慘係買唔番...

@!#!@$@#$%#%^&!!

3.
Kennis 呀~

我想講呢..

你真係捉左錯路..
真係唔係佢呀....


4.
今日 D 相麻麻~
星期六再接再勵..!

找缺陷..

呢張好明顯係取景問題...


到個景 ok 了，又到 D 投影燈唔著..


不過
呢兩張都算唔錯..



唔識玩後廉..
結果搞成咁..@@~

個個見到預閃自己閃左..


hmm...
好靚..
不過一睇就知有野出左事...

水平...



終於搞掂個後廉..
原來秘訣係落 flash 要落得狠少少，
同埋要推高個 ISO..

不過呢張稍嫌環境光唔夠多
多少少背景高會靚好多


至於最大問題嘛..
除左水平，都係水平..-_-"

水平線係響條頸直過..
人像大忌今晚幾乎全部中晒...


唔知乜事..
穎賢塊面好易爆 (光)
下次試下打 bounce 唔知會唔會好 D 先..

20日

又唔知醒...

番到教會都已經差唔多十一點半..@@~
今日o既任務係幫黃牧手搞驛站個 party~

嗯...
雖然自己唔係太投入到佢地
不過嘛~
見佢地玩得咁開心自己都「鄧」佢地高興。


晚
今晚約翰團竟然有五個人番左黎！
Kennis, 我, Ken, Jessey, Cindy —
哈~都差唔多有半個團契~

有一節好好的分享和代禱的時間。



Others..
1.

10 年前，
有一個十二歲的小孩子，
剛踏進 DBS 的大門
每天總會在校園前崎嶇不平的石板小路上，
望向學校的主建築。

在那些日子，他每天總會發些白日夢，
希望可以取得 Astro-Physics 的 Ph.D
期望會像他認識的一個叔叔般 ..
踏進 NASA 的大門....

論聰明，他是三姊弟中最聰明的一個，
可是他卻完全浪費掉他每一個恩賜....

10 年後，這個已經廿二歲的孩子，
看似早已失去了以前的方向...
CU Physics, Chicago, Astro-Physics, Ph.D ......
彷佛早已成了陌生的名字..

不知不覺
距離這些一直在腦海中的夢想，
早已愈走愈遠...


直至有一天...



23，你有能力走回去，繼續走這條早錯過了的路嗎？

單靠自己的力量當然不可，
但我知道，在這條路上並不孤獨...

19日 (略)

晨早俾五姨捉左去飲茶
之後就番陪佢落先達買電話..

揀左好耐..
卒之都揀左部 Pana...

午
番到教會都差唔多十二點半
買禮物、包禮物、同嘉微 / Ken 一齊落去食野..

咁又過左大半日..


晚
因為器材問題，
今晚o既直播取消左..
最後係落左官塘裁判署聽審

過到法庭都差唔多成十點，
重要搞左好耐先入到庭..
(因為要用金屬探測器，偏偏自己成身都係碎銀..)

點知入左去冇耐已經出番黎..-_-"
頂.....


深夜
響法院外面聽幾個糾察講故仔。
真係眼都凸埋 ~.~"
一拳打爆個盾牌..
橋手整斷支警棍....

果然真係軍訓產物..

響 D 咁「難纏」o既對手前面，
警方先傷得六十幾人..
都好難相信唔係韓農留力.

如果佢地真係要同警察博命o個時...
@@~
真係唔敢想象..


今日先知
原來我個位睇得已經算係最前o個批...

而且因為攝個位靚..
睇到左好多連前線都睇唔到o既戰略部署..


Other.
1.
為期 8日的 MC-6 會議，
做左 6日採訪，
當中有 5日落左灣仔，
共按下超過 4000 次快門..
未 Del o既相有 over 3000 張..

@@~

2.
番到屋企差唔多點半..
姿姿整整又三點先訓...

3.
約翰團的禮物
大致上準備好了..

17日

回到家中已差不多二時


由兩時半開始跟著遊行隊伍走往示威區
到八點半返回新聞中心

這六個小時比任何時間都要長

第一次親身見到警察使用水炮
驅散示威者
第一次看見催淚彈(重要係響鬧市)
第一次看見一群失去理智o既示威者..
第一次近距離感受催淚彈o既威力..

之後重要番 media center 繼續做直播...


Others:
1.
嚇壞了 Kennis 了~
對不起~

2.
其實今次大型衝突
雙方大致上非常克制..
(特別值得一讚o既係，
雙方都冇響鬧市進行衝突、
而示威者亦都冇破壞市內其他地方)

不過都見到一 D 暴力鏡頭..

如果真係要批評的話，
除左部份失去理性o既示威者外，
我會批評警方出水炮出得太早，
反而令個局勢升溫..
hmm..
如果警方出催淚彈前可以用大聲公講就好好多...

同埋，一 D 最值得批評o既，
就係o個班在場睇熱鬧o既人..
都唔知 D 人咁八掛做乜.......


3.
今日出左唔夠十個人的採訪組中..

Keith 中胡椒噴霧
Ivy, 小熊, icaro 中水炮 (小熊直情全身濕晒)
我中催淚彈....

冇事好似係得台上面o既 host / 夜晚過黎幫手加入o個批記者，
同埋之前俾人笑得最勁、全副武裝o既記者乙....

哈哈~
話說，我早兩日都俾人笑我帶定眼罩響身..

結果笑得最勁o個個..
今日就中左水炮............


4.
撤退o個陣，
好彩遇上 HKPA o既糾察...

結果借水洗臉之後好番好多...

給擔心我的朋友們

不用擔心~

今天我的位置不是太前
沒有給水炮打濕身...
(不過小熊, Keith 同 Ivy 就冇咁好彩...)

只是吃了點催淚煙..-_-"
不過也沒有大礙~

哈~

M23 沒有那麼不中用的..XD

16日 風雨欲來

午
醒來已是下午...
睡了六個多小時，肌肉仍然痛得要命...
大概是有點感冒吧...?

同阿乙了解左維園o個邊情況，
知道o個邊應該冇乜大鑊之後，
就索性番左教會..

點知麥屋又特然話
有兩 team 韓農聯o既朋友去左尖沙咀派傳單..
於是又拿拿臨落左去碼頭「捕」佢地~

跟佢地行左成兩個鐘
感覺上真係好 Nice~
請圍觀o既市民 / 記者飲野、
行之前又清番佢地自己o既垃圾，
見到 D 細路仔驚 (可能因為之前傳媒報得太黑)
又主動同佢地打招呼..

由碼頭出發，經文化中心、太空館、新世界中心
再過番彌敦道~
沿路個氣氛都好搞笑~
有鋪頭嚇到即刻落閘
(連隔離 ATV 個攝影師都即刻笑左出黎)，
半島酒店o個邊就即刻閂晒櫥窗玻璃，
又有鋪頭職員即刻嗌反世貿口號..(扮野..?)
亦都有路人嚇到雞飛鬼狗．．．

不過亦都有好多路人會走埋去同佢地示意打氣、影相~

一行人去左地鐵九龍公園出口，
嗌口號、唱歌、派傳單，玩左一陣就搭地鐵走~

不過落到地鐵大堂、等地鐵職員安排佢地入閘o個陣
佢地都係要嗌一嗌口號先~XDD

之但係，除左平時聽慣聽熟o個句之外~
今日重多左句 Hong Kong I Love U, 同 Hong Kong No. 1~
重聽到個警察私底下開玩笑~

哈哈~
大概已經俾主流傳媒抹得太黑了~
之但係，連隔離o既警察 / 保安 / 記者都未驚過..
佢地驚乜...?


晚
因為西瓜病左

今日直播開始o個陣得番四個人 (Sunny 要開始左先入黎)
第一次客串做世貿在野

hmm..
自我感覺良好~
不過有改進空間...

特別係同 Sunny 好明顯未夠默契

Others:
1.
因為傳聞聽日會有大件事發生
成堆人都要落場 stand by．．

結果冇得番團契．．

2.
今天的相片~

還未趕及加框呢~

http://www.anti23.org/coppermine/thumbnails.php?album=18


3.
今天的節目~

大家俾下意見啦~^^
http://www.e-politics21.org/content/view/146/79/

15日

傳言中的衝突並未出現..

不過就係欄杆上面企足三個鐘.....

臨走o個陣，
警察哥哥都重同我開玩笑~哈~


午
訓醒過到去 media center 都差唔多十二點幾..
過到去維園都差唔多成點

剛好趕得切插隻耳埋去聽糾察o既 briefing


出發o個陣
跟左頭o個批韓國女工行~
佢地真係好得好開心，
唔講分分鐘重以為係文化巡遊~XD

點知
上左馬師道差唔多到示威區o個陣，
先發現主力部隊冇跟到黎 -.-"

又要跑番過去維園再行過......

第二批主要係民主勞總同埋其他工會..
相對之前o個隊
呢一條隊伍就嚴肅好多..
沿途都係用三步一跪o既方式去抗議

都不能不佩服佢地抗爭o既決心

因為要三步一跪o既關系，遊行遠比正常o既速度慢~
二十分鐘左右o既路程
足足行左兩個幾鐘..

之後就上左灣仔運動場 D 欄杆吹風...

@@~
俾 Makhome 老點....


Others:
1.
第一次響離地三米高的地方用 notebook 過相..
重要除埋隻鞋俾自己企得穩 D..

@@~


2.
見班韓國農民響示威區玩得好 high~
跳舞、打鼓、喊口號~

真係好想 joint 埋佢地玩埋一份~

不過作為一個獨立的紀錄者，
我會儘量嘗試保持自己的角色...


3.
哈哈~
今日爬上高位o個陣~
好多攝記都有幫手~

響度唔該晒先~XD
雖然應該冇人會睇到呢句..XDD


4.
今日守第一線o既師姐~
好多都真係好靚~~


5.
今日阿海都有黎..^^


6.
最後都係番唔到查經班..

星期六都未必番到團契了..

13日 損失慘重．．

總算順利完成了直播，也平安的回到家中．．

不過就唔見左個 bluetooth handfree，
新買的話要成 3XX 呀...

肉赤到我..
影跳海o個陣重要撞親個膝蓋.
痛足成日...
哇~


早
五點鐘訓，十點幾起身..
頭尾訓左五個鐘未夠就醒左..

執齊野 (諗住) 就落左去灣仔 HKPA Media Center
點知到左灣仔先醒起唔記得帶記者証..
唔怕一萬、最怕萬一
結果又要番去拎.....

午
出師不利之下
去到維園已經成點半鐘

Stay 左一陣就已經要出發..

點知
一做就做左六個鐘..
影左過千張相、打爆三張 CF (共 2.25G)
用左兩粒鋰電、兩孖 3A (閃燈)....
不過就一滴水都冇飲過..


企左響一個離地三米高的位置成兩個鐘，
基本上睇晒成個衝突過程..
企到腳都軟，不過真係影左好多靚相..
個位真係好靚..
哈哈~

番到去 media center 都差唔多 7 點幾，
食完飯未透順條氣
已經要再趕過去示威區幫手..

一幫就幫到九點幾..

番到屋企又十二點了..


Others..
1. 今日衝突..
其實並唔係好似主流媒體報得咁誇張..

幾千人響場內和平靜坐
衝擊緊o個幾十人卻往往成為幾百個記者o既焦點...


2. 個 handfree 嘛...
應該係響第二次衝突o個陣跌的...

哇~


3. 今日
哇~
點解咁黑嫁.....


4. 今日企的位置..(留意電燈柱)






部份圖片










其中一張最喜歡的..

Photo 12/12

walkie 陣...


圍欄


警方佈防..







頭先睇場o個陣，每隔幾分鐘就見一 Team..不過真係好型~~!!

12日

三日內第三次用這個字為一日作結...累~!

兩點鐘唔夠出門口返 Media Center
凌晨三點先番到屋企..


今天大部份的時間也在 HKPA Media Center 內度過..
大量尋日冇出現過的問題到今日先發現到..

節目的 Press Release、
還有節目安排、宣傳、人手、錄音、製作、貯存、連結...
原來通通都未搞掂.....

晚
九點鐘左右
落左灣仔會展外圍一帶視察警方響場地的佈防
順手幫 HKPA 試一試套 Walkie System 得唔得...

結果嘛..
第一部機...
連灣仔運動場附近都收唔到
要搞到番上去 Media Center 換機..

第二部機就收得好好多了~

由菲林明道直上，
穿過 HKCE，
在碼頭封鎖線外來回走了幾轉
在會展封鎖區外停了一會 (就係因為呢度收得唔好..)
再繞過灣仔運動場，沿明天的示威路線反方向走了一圈，

大概因為形跡比較可疑的關系...
(邊有人會一路拎住部 DSLR 、一路用 handfree + Walkie 報告位置的..)
一落到告示打道已經俾部 EU 遠距離監視..

落到駱克道燈位就重驚..
直頭俾三個軍裝左右包抄，
重要加多個便衣"護送"...

前後唔夠一分鐘，
身邊由一個 cap 都冇 "變到"
後、左、右三個方向，兩米範圍內各有一個軍裝..
重有個便衣企正響我隔離...

雖然四個人扮晒冇事咁，
之但係好明顯係有目的而來..
邊有理由三個警察行埋一齊o個陣會分咁開企的..


不過"送"左一個街口，
等我轉左出軒尼斯到就冇"送"了..
結果連 ID 都冇查..XD

不過真係有 D 比佢地嚇親~


Others:
1.
今日o既裝備..
都真係有 D 嚇人.....

單腳一支、三腳一支、
D-SLR 一部、鏡頭三支、外閃一支、
sub-notebook 一部、
還有大型 Walkie (重要響附近有幾個發射站加強接收)....


2.
尋日遊行o既相出左了。

不過有部份打錯左日期~
遲 D 先改啦~

http://www.anti23.org/coppermine/thumbnails.php?album=17


3.
呢幾日俾人鬧左 n 次，話我講錯時間..
重要話我死都唔肯影...

好啦
今日到主角開口講啦

唔知邊個記錯呢？


4.
明早還有採訪的時間...


5.
睇場o個陣
發現左一個頗嚴重的保安漏洞..

不過一定唔會響度講..

11日

仍然係一個字..累...

尋晚 settle down 晒 D 野
上床o個陣已經差唔多三點幾

到真係訓o個陣都成四點鐘..


早
唔開心完成日
今日o既感覺好左好多
不過仍然要遲大到....--"

9:30 的栽培嘛..
我十點幾先醒...咁你話呢？

執埋 D 野，番到教會已經係十一點三..
剛剛好趕上問安..


今日係聖餐主日
等到完左崇拜，
去到維園o個陣都已經成點鐘...

同多霉體一路跟住 HKPA o個 Team SDU 行隊頭，
一路見到好多怪人怪事..XD
不過夜 D 先 send 上黎啦~ XD

由維園一直行到政府總部
等到做埋集會都差唔多做到 6:30，
之後重要番上直播中心開會，
番到屋企又成十一點...


Others:
1. 由前日收到崇拜周刊已經好感動..
黃牧響代禱竟然有放到 WTO 響入面~
T_T~

點知今日..
黃牧竟然係放左成半節講有關 WTO o既事...
哇~
太令人~~~


2. 有些事..
當知道在意的人
原來從不在意的時候，
這些事已失去了原先的意義..


3. 今日響政府總部o個陣...
竟然有某大機構 (唔開得名..) 搵我做 freelence photog..

不過最後都係 turn down 左..
唔係因為乜野..
只係因為時間問題..

結果就益左隔離記者乙..
聽佢講都好似成 $200 個鐘...


其實一路自己都好想好想做呢類 Freelence...
人工未必好高..(唔好唔記得，呢 d 唔可以當飯食的..)
但係就係一個可以好好發揮自己o既機會..


之但係..

嗯..
有 D 野..

唔係你的始終唔會係你..

癩蝦蟆到死o個日都唔會嘗到天鵝的味道..

明知自己冇咁o既本事囉，
咪唔戴咁大頂帽囉..
最好係試都唔好試..

好深咩？！
唔係呀~！
最少我明喎~


4. 之前話要報渣打...
因為要等埋肥川一齊報o既關系..(佢話要我幫手..)
點知佢拖完一次又一次...

結果一拖...

又要拖到下年..

因為渣打前日已經 full 了

今日嬲到我............


5. 尋日錄o個段聲帶俾人讚呢~

嘻~

付出的努力不會白廢的..


6. 昨天的事剛放下了..
卻又來了今天的.....

灰爆....


7. 聽朝重要落維園.....

好一陣子未貼過相了...

採訪組部份成員


今晚的戰鬥室..
(人民台直播室一窺)


唔爭在窺多眼~ XD


教會附近影的..



哈哈~好耐之前影的~

"喂~"


"呢個角度睇，我係咪好似媽媽呢~"

10日

五日內的第三次編採會議..

由六點半 (我七點先到) 搞到成凌晨兩點
除了一個累字外，實在想不到其他的字詞形容.....

人民台、灣仔、HKPA 廣播中心..
再番人民台錄聲帶..

真的很累


一段一分半鐘的短劇 (當中有 45 秒係冷知識)
足足用了兩個多小時去製作
度稿、對稿、試聲、試咪、夾默契、try and error、剪接...

重要頭尾做六段....

http://cloudless.net/temp/wto/
GTATS (應該係 GATS, General Agreement on Trade in Services) o個段會搵到我~:P

真係眼都突埋


撞正今日真係好頹..
由朝頹到晚
最頹係傍晚...

心情已經夠差，重要無端端俾人鬧..

唔駛佢做就梗係可以講風涼話~！

明天有採訪的時間..
還要九半番去上新生命新生活.....
訓埋都冇六個鐘...

Others:
1.
無端端今日遲左到..
Leo 話未遲.. (重有 15 秒)
Kennis 就話遲左....

算了.....

唔想拗呢 D 無謂野

2.
我真係唔想拗呀~！
呢樣唔妥o個樣又唔妥，最多咪我自己 resign 囉~
resign 又唔俾~ 咁想我點呀？
我唔係樣樣野都老奉嫁！

你兩個又做過 D 乜野呀？！
我地錄到兩點幾o個陣你響邊呀？！

3.
唔知主幾時會拎走我o既視力呢...

9日

回教會工作、同嘉微、Kennis 佢地唱 K、開 WTO-MC6 採訪組準備會議。
不過仍然係遲到.....


就這樣總結了今天的工作..


Others:
1. 傳媒春秋出左街了..
http://www.rthk.org.hk/rthk/tv/cmedia_watch/20051209.html


2. 意見被邊緣化..


也都習慣了....


3. 第四次準備會..
分工也都大約清楚了

o個幾日我會主要同多霉體 跟住 HKPA o既 SDU..
做獨立紀錄..

理論上，有乜野有關 HKPA 遊行o既大鑊野
我地都會響短時間內到場....


聽晚都重要開第五次編採會議...


4. 重拾丟下了好一陣子的聖經
讀到《啟示錄》8-10 章..

說的大概是火山、殞石和小行星...


8:8 第 二 位 天 使 吹 號 、
就 有 彷 彿 火 燒 著 的 大 山 扔 在 海 中 ．
海 的 三 分 之 一 變 成 血 ．

8:9 海 中 的 活 物 死 了 三 分 之 一 ．
船 隻 也 壞 了 三 分 之 一 。

8:10 第 三 位 天 使 吹 號 、
就 有 燒 著 的 大 星 、
好 像 火 把 從 天 上 落 下 來 、
落 在 江 河 的 三 分 之 一 、 和 眾 水 的 泉 源 上 ．

8:11 這 星 名 叫 茵 蔯 ．
眾 水 的 三 分 之 一 變 為 茵 蔯 ．
因 水 變 苦 、 就 死 了 許 多 人 。


9:1 第 五 位 天 使 吹 號 、
我 就 看 見 一 個 星 從 天 落 到 地 上 ．
有 無 底 坑 的 鑰 匙 賜 給 他 。

9:2 他 開 了 無 底 坑 、
便 有 煙 從 坑 裡 往 上 冒 、
好 像 大 火 爐 的 煙 ．
日 頭 和 天 空 、 都 因 這 煙 昏 暗 了 。


忽發奇想
如果一千年前 o既人睇啟示錄
佢地又可唔可以用 "科學方法" 去解釋呢？


或許，
聖經裡很多的記載我們仍然未能明白..
甚至看似不容於科學..

但我想..
這大概只是因為我們現在的知識仍未足夠讓我們明白而已..


5. 昨天，總算見識過乜野叫飛蚊...
唔係一隻，係幾十隻.....

hmm...
不是一個好的消息..

8日 (略)

1.
比賽輸了....

得第三..


Miss Chan 話我知呢個消息o既時候
其實真的有點失望..

可能
好多人都會以為咁樣係因為我要求高..

但係我想講...
唔係因為我要求高，
而係話我會對唔同人有唔同期望；
如果佢地真係只係一般料子的話，
拎季軍我真係會好滿意..

問題係..
佢地係因為練得唔夠熟..

如果佢地肯勤力 D 練的話，
一定唔係呢個成績..

而且呢篇野真係唔難令佢地可以 outstanding.....


仍然為當年文文一事而悶悶不樂..
這個做大哥的，也有很多年沒有 contact 自己個妹吧？

2.
仍然為曼聯輸波而梗梗於懷.....

3.
同係 22歲，
Thomas 入左 A45 做組黨籌委會成員
Kit 剛卸任 Poly 學生會會長，現時係學聯代表會主席..
堅叔 HD 畢業，剛剛炒左舊老細魷魚，諗緊好唔入某大集團做..
家聰 Degree 畢業，準備成為註冊藥劑師..

至於 M23..重諗緊自己條路點行....

..............
23,
你搞乜鬼？

4.
傳媒春秋好似聽日出...

7日 (略)

忙了一晚..
M23's Report on WTO-MC6 總算有樣睇了..

陣間重有曼聯生死大戰..

@3:40

---

心如刀割...

實在好難想像我呢一刻的心情，
嬲、灰、頹，重有傷心..


就算中左 $10 史高斯 first scorer..
如果連波都贏唔到
(況且我唔駛佢贏，我只係要佢和到，歐聯可以出到線 16強)
中夠十萬蚊都係冇意思..


聽日將o個幾廿蚊捐晒佢。


驀地發現，
不知從何時起..
我已經做了一個不折不扣的紅魔鬼..

兩者的心
原來早已繫在一起......

@630

6日 一日六場．．

懶了三天..

不能再躲懶了..
一口氣將這三天的日記寫了出來
結果昨夜要四時才睡


早
醒來剛好十時正
因為今日要趕好多場，
尋日一早打電話同黃牧師請左假..
(不過牧師話今日有 D 文件要我幫手跟..
所以都要番去一陣)..


幫阿爸拎左兩對鞋去廣華整
之後就落左 KM 維修中心接番我老婆~;p
50 1.4 問題大致上解決了
不過焦點就由後移變左前移..D 咁多啦..
Anyway~都係可以接受的範圍吧

取了相機，就搭左叮叮落 CWB 幫黃牧拎部 mini-PDA..


午
一早遊左四轉車河
番到教會剛好二時正..

聽完牧師俾 guidelines 之後，
就番左馬會教朗誦..

佢地兩個篇二人對話到而家都重有少少唔熟
把聲又開始拆拆地..
不過連如果呢兩樣都唔係問題的話，
三甲我估應該走唔甩..
甚至可以再樂觀少少添

不過就真係要睇對手的程度了

晚
番左去 BU 搵阿海
同 海s 一齊落左桃園屋食飯

過到灣仔都差唔多七點九，
之但係，由浸會到灣仔呢程車，
足足駛左我 $50...
肉赤到爆..

唉..

過左 HKPA 開 WTO-MC6 採訪組預備會
原來個 Media center 的位置就係響正以前間補習社樓上..
o.....

今日呢次開會，
傳媒春秋都黎左做訪問，
佢地主要係想睇下香港o既非主流媒體點樣去應付 MC6，

之後就同攝制隊落左去灣仔示威區睇場
食埋宵夜先番屋企....

Others:
1. 今日個 look 真係好 Pro...


為左要做得似 D..
今日基本上拎齊架生

帶晒 belt..
重拎埋大咪支 laser..

臨尾試呢件野o個陣


我都爭 D 以為自己轉左行做攝記..XD


不過
連我自己都冇相喎...

2.
感覺上
自己已經做得有點心灰意冷..

提的建議不被尊重

俾o既意見往往俾人當笑話
做o既野就完全俾人當係老奉

我唔係阿四來的..

過埋 MC6，也是時候檢討下自己的去留了。

3. 一星期內的第三個訪問..
今次打死唔出咪..

不過都仍然出左鏡..--"
今日個樣勁柒..死得了..

4. 結果最尾係一日七場...

5. 主呀~
就請你引領孩子...

5日 (略)

仍然未打這幾天的日記...

雪花的快樂

雪花的快樂

假若我是一朵雪花，
翩翩的在半空里瀟灑，
我一定認清我的方向
－－飛揚，飛揚，飛揚，
這地面上有我的方向。

不去那冷寞的幽谷，
不去那淒清的山麓，
也不上荒街去惆悵
－－飛揚，飛揚，飛揚，
－－你看，我有我的方向！

在半空里娟娟的飛舞，
認明了那清幽的住處，
等¨她來花園里探望
－－飛揚，飛揚，飛揚，
－－啊，她身上有朱砂梅的清香！

那時我憑藉我的身輕，
盈盈的，沾住了她的衣襟，
貼近她柔波似的心胸
－－消溶，消溶，消溶
－－溶入了她柔波似的心胸。

Yeah~搵下我啦~

12.4 photo by <<多媒體>>

4日 (略)

終於行完了 12．4
這兩天的日記嘛..

還是明天才打吧.....


托住個大聲公嗌左三個鐘，
重要要幫手拉 banner
由兩點到維園，去到成十點先響 CGO 散水..
頭頭尾尾差唔多成八個鐘..
乜人都死。

不過今日條 banner 個個電視台都見~
嘻


Others.
1. 今日做左件蠢事..
最少我會覺得自己好蠢囉...

類似的事..
我很多年前做過....


2. 我會是另一個大哥嘛..?


3. 今日響 CPO o個陣
見小熊搵麥屋黎詐嬌~

哈哈~
又係熟口熟面..XD

4. 是日其中一句口號..
自己隨口 "up" 的..
不過反應又好似唔錯..

「Bow tie 唔係路，政改冇晒蒲，
一人行一步，走出普選路。
一人行一步，共創民主路。」

重有一句...
哈~
不過聽日報紙可能有..XD
聽日睇報紙啦..XD


5. 哈~
俾人讚~

嘻嘻~

網．政．廿一 一二．四行動

請廣傳
http://www.e-politics21.org/content/view/137/2/


一群 anti-23 新聞組的網民
決意在民主路上多走一步..

不單身體力行參與 一二．四遊行，
更決定集資製作巨型橫額，
讓當權者聽到我們的聲音。

今天，巨型橫額已經製作完成。


萬事俱備了，
所欠的，就是你的參與．．




這群 anti-23 新聞組的網友
合資製作了一幅 10呎 x 40呎的「網民要普選」巨型橫額。

http://blog.yam.com/wewantdemocracy/e8696d0e.jpg


12月 4日
我們將會與一眾網友
攜手挽起這幅巨型橫額，
一同踏上這條爭取普選的道路，
高呼網民的聲音。

只是，
要一同舉起這幅巨型橫額，
我們更需要你的參與..




日期：12月 4日
集合時間：下午 1時
集合地點：維園硬地足球場

聯絡電郵：daction@gmail.com

2日

早
為了趕起昨晚的會議紀錄,
差不多一時才離家.
過了工盟一趟
再去了九龍中央幫 ep21開信箱...

番到教會已經差不多二時了

待了一會
又回了馬會教朗誦

hmm..
兩個狀態已經開始有番 D 樣睇了
如果能夠 keep 番呢個 form
三甲應該冇乜大問題

哈哈
"資深"教師嘛~


晚
落左 JSC 練跑
之後就過左去找阿海

番到屋企又十二點..

others
1.
第二天的 training

輕鬆地用 28.X mins 完成 12 個外圈
只是時間比上次慢了一點..
keep 唔到 120s / 400m 了，
差不多要 126s..

連埋 warm up, cool down
跑了 8k 以上..
節奏感比上次好多了，
去到第三、四圈已經控制到自己節奏..


不過嘛
走o個陣竟然唔記得左拉筋

明天痛死了...

2.
星空

回家的路上
看到了獵戶座..

是這幾星期來難得的星空..

很美..

儘管也只有獵人
也已經滿足了..

3.
事奉的果效

今日同廖太講起..
(早幾日都好似同家聰提起過)
自己用九方打字快過速成 / 倉頡幾倍..

之但係..
點解我會寧願響教會打呢..?

hmm..
因為我覺得..
呢個係一個屬靈 o既 training...

響屋企打得快又點？
結果又打到幾多出黎呢？

4.
學生代表

同幾日同阿海 上 工盟 開(sit..?) HKPA 的 MC6 準備會
驚訝地發現..
我地成了在座唯一的學生代表..
(其實係得阿海係..我唔算..XD)
正確 d 黎講係香港學生代表
因為 ASA 亞洲學生協會都有人在座..

考試？太忙？
民間監察世貿聯盟的形象太「深入民心」？要劃清界線？
唔知了..

只是
我為阿海願意參加這次準備會而高興...


尋日同民陣阿正 (其實即係麥屋..-_-") 傾開，
佢都讚阿海呢期幾積極..

好事來的~

5.
訪問

今日蘋果係冇出我o個篇..

嘿~!
哇~~!


6.
她

原來佢用 PCCW....

哈哈~
想不到最後係要靠人講先知...

1日

昨夜
差唔多近凌晨五時才睡..

唔開心唔開心好唔開心..
結果都係同佢地嗌左交先訓

早
成朝都響屋企發呆
想打番俾牧師請假，
又唔知點解飛左番大陸.
(後來先知黃牧師同師母今日一塊北上了..)


午
結果都係番左教會
順便拎埋尋晚響 HKPA 拎o既 WTO 小冊子番去..

不過番到去都差唔多兩點鐘..


推左之後o個兩個 appointment
專心打埋創世記三章o既查經資料..

怎料
今日開始工作的頭幾句已經是..
「你..是順從自己還是順從上帝？」
「夏娃...面對蛇試探....」

即刻諗番起尋晚..

明知自己響呢 D case
會自自然 undergo depress..
唔開心、脾氣暴燥、容易 hurt 到其他人..
也不是不知道這些問題的存在..

偏偏就係唔肯去訓.

與其說是阻止不了
倒不如說是沒有決心去阻止..

願自己也真的學會順服於主


晚
同微微佢地一齊落左去食金太郎..

哈哈~
睇到佢地都已經好開心..XD

離開左教會之後
就過左奧海城開會員大會

hmm..
補充下先
按上次會員大會的議決
黎緊呢年 EP21 係會行直接民主制
基本上係唔會再有幹事會
而係會直接由會員大會討論會務..
至於之前一年一度的會員大會就增至每一至兩個月一次

今次主要係討論新屆的會章、法人及其他授權代表..

順便亦討論埋十二．四的行動安排...

結果嘛..
約八點的會..
都係要等到九點先齊人..
(拿~我事先請左半個鐘假..冇遲呀~!)

-_-"

重要無端端做埋大會秘書..
"支力"到呀..

開埋會番到去又係成十二點幾了..

Others:
1. 乜原來 Kennis 唔知的？

2. 牧師同 Kennis 都講起
Christian 最大的權柄就係祈禱..

完完全全的靠著主..

3. 睇左今期中信..
有好多得著...

30日

又係一日趕三場..(結果係變左四場..)

昨夜
因為好多事而搞到勁 down..
總覺得太多事倒在我的身上。

結果都係差唔多搞到四點先訓..

早
回到教會又係遲左..
不過起碼都有打左番去同牧師講左先~

嗯~
好的開始..


同牧師有一節好好的分享時間~
而家先知，
原來黃牧o既工作都會有好多頹位的。
尤其是褔杯驛站的工作...

hmm..
有些事
也只有交給主吧..

午
在教會待到三點幾，

就番左賽官教朗誦...
下個禮拜比賽
今個禮拜都夠膽重未熟誦材..

唉..
而家 D 學生.

哈哈
又諗起自己o個年...
又係有人唔熟..

結果..
唔熟o個個冇事,
反而自己就因為場邊o既笑聲甩左嘴...
雖然都仍然係冠軍，
但係就贏唔到 overall..

哈哈~
到而家都係恨捧杯恨到發燒...

有 D 野真係唔到自己煩..

晚
諗住落開灣仔開會
順手幫黃牧拎埋野..

點知最後都係趕唔切...


約左麥屋開世貿準備會..
重諗住帶埋阿海落去睇下..

7:15 響灣地恆集合
點知到 7:20 分都係一個人都冇....

call 番麥屋
先知原來臨時改左地點...
由灣仔 HKPA 改左番落油麻地工盟....

....................

佢打左俾咁多個
係偏偏打漏左俾我...
#@!#@!~#

真係第一次見咁多外國 NGO..
大約知道左世貿o個個星期的 Rundown
比上次 briefimg 詳細少少啦

大約重要事項如下：

三次大遊行

「抗議世貿官商勾結」大遊行
12 月 11 日 (日) 下午 2:00 維園足球場集合

(15:00 維園至政府總部)

「人民力量捍衛尊嚴生活」集會、遊行
12 月 13日 (二) 上午 11:00 維園足球場集合

(14:00 維園至灣仔貨物起卸區)

「繼續抗爭，向世貿說『不』！」集會、遊行
12 月 18日 (日) 下午 2:00 維園足球場集合

(15:00 維園至灣仔貨物起卸區)


一次文化晚會
「抗議世貿官商勾結」文化大笪地
12 月 11 日 (日) 下午 8:00 維園足球場

四次大型活動當中，又以 13日 MC6 開幕日遊行風險較高..

還有接近一百多項少型活動：示威、集會、講座、研討會..
詳參 HKPA 網頁

而我嘛
主要應該就會響維園三號足球場o既 HKPA Media Center / 人民台工作
(因為理念問題，
EP21 最後都係冇申請進入會展o既 NGO center / Media Center)
如果有示威同採訪先會出街。

不過絕大部份時間都要走前線..


完左個會之後，
就丟甩左阿海
開四台聯合會議..

完埋四台會議已經十二點幾
落左大家食食野
見到個老細
剛好隔離，毓民又響佢自己麵檔...

食完番到屋企都成點半了..

Others
1.
尋晚竟然係用呢個 locker..
先旨聲明..真係冇做馬的..


尋晚重用埋 M23 花晒黎沖涼..XDDDD


2.
阿海..~~!
尋日同蘋果做緊訪問o個陣
趁我唔為意玩偷怕..




3.
台頭重有大堆 HKPA o既 Material..
for press 的, for NGO 的...
poster, leaflet, 三次大遊行 rundown..
重有好多..

@@~


4. 完左動員大會..
兩隻耳仔同一時間聽到 N 咁多種語言..
中文、英文、西班牙、日文.....

@@~


5. 尋晚無聊 search 下自己..

竟然有人同我撞左名...
又係用左 DD364 黎做代表車..

所以又係叫 M23.....

大獲...


6. 尋晚又順手撞下...
哈哈

竟然都有百幾個..XD
都有一兩個係中的~


7. 今日做得個幾鐘野..


8. 喜林門今朝火燭...
重上埋新聞
個老細今次慘了.....

29日補漏

1. 慣常地清 xanga subs..

發覺自己~
哈哈
原來有 D 似當年肥佬黎個蘋果廣告咁~XD

(如果對蘋果創刊o既廣告有印象的話...XD)

2. 我以為我已經說得很清楚了..

我害怕會傷害她們當中的任何一個..


3. 儘管大家的感覺已成了過去式
只是
我對她的感覺
仍然沒有半點絲毫的敵意..

有的，只是擔憂和祝福......

她
總叫人憂心..


4. 這一年學會的
就是「不能節制的後果，必然是讓自己受傷..」

29日 慘烈的第一天．．

清晨
終於知道自己點解呢兩日點解訓得咁差。
頂．．
原來係因為個枕頭袋．．．

換左個枕頭即刻好訓好多．．

早
冇番到教會
而係約左 SU 同蘋果做訪問

"浸大同學"o既訪問竟然係響 City Canteen 做..
無言..

離開 City 已經差唔多十二點幾..


午
因為要落旺角 / SSP買野
番到教會剛剛好兩點..

哈~
我同牧師講"點幾兩點"番到的~!
冇遲到呀~!!

之但係..
成日都只係做左個幾鐘野—
因為黃牧要用間房黎做 counsellation，
冇電腦用..

不過嘛..
呢排用倉頡 / 速成打字真係快左好多～

哈哈
而家嘛~
一分鐘都有十個掛～
一個鐘頭可以打到版半喇..


響教會由四點坐到六點...-_-"


晚
番左屋企一轉
之後就過番 BU..

約左肥川落 JSC 跑 track
點知俾人甩左底..
(雖然嚴格黎講都唔關佢事..)

冇跑成半年 (大半年都有喇掛？)
第一日可以 train 番都唔算太差..
連埋 warm-up o個圈變速跑 (<~~~~唔好講笑..呢圈係最要我命的..)
加埋 cool down o個兩圈 (其中一圈係行..XDD)
跑左 4.4 kilo 已經有 D 頂唔順..

咁o既狀態...
莫講話全馬 / 半馬..
10 Kilo 都可以收左我 ˍ 了...

最慘烈係..
竟然俾隔離o個位跑左好耐o既姐姐話過就過..
@@~!!!!

不過嘛
都重 Keep 到 5mins/km 均速跑..
呢個亦都係我今日要求自己做到的.

唔可以太快 (而家我個狀態會頂唔住，跑快左只會令自己 Keep 唔到均速)、
唔可以太慢 (成 3 / 4 分鐘一圈的話、 train 黎把鬼咩..)

希望自己半個月內可以操到 5mins/km @21k..

事實上
就算呢個時間都只係同上次比賽時間 (105mins) 差唔多
同自己o既最佳時間 (~ 4mins/km、90-95mins@21k)重有一段距離..
希望過埋年可以去番自己個最佳成績啦..

(就算自己個 record 其實都應該重有好大進步空間..)

嘿~!
長跑要過我..
可不是一件易事呢~！

Others:
1. 今日買左好多個袋....仔
有我的，都有唔係我的..

嘻~~

不過有個唔o岩 size..
聽日要拎番去換

2. 應承左 MC 會過去幫佢公司手..
暫時未知人工

之前都係諗住 freelence..
而家要全職了..

不過點都要過埋世貿先

3. 蘋果篇訪問..
好似話星期五出街喎....

28日

尋晚
落左樓下茶餐廳睇波
睇完番到屋企都差唔多兩點..

結果都係搞到成三點先訓..

早
終於去左 KM 維修中心放低左部機..
最快應該可以響 7/12 拎番
hmm..
都好
阻唔到 D 乜 function
係下個禮拜冇得影 BB o者..XD

之但係..
番教會o既時候
為左慳兩個半，
結果搞到遲左三個字..

頂~!早知唔搭巴士~!!

午
成日都唔知做乜..
明明訓左差唔多六個鐘
個人(支力)到好似未訓過咁..

結果打完第二章之後索性「恰」左一陣，
結果一「恰」好快就變左「三恰」、「四恰」..--"
最後斷斷續續足足訓左四個鐘~
做野都係做左兩個鐘...-_-"


晚
為左彌補自己o既"爛訓"，
做到六點幾先走..
第三章總算起左個頭..

離開教會之後
番左屋企一轉，
之後就番左 SU 搵子健拎番隻碟..

同 Sam 傾下傾下..
結果傾到差唔多九點先走。
有一節好好的分享時間..

不過之後重要入將軍澳
幫國明舅父整電腦..

番到屋企又十二點....

Others...
1. 今日直踩四場...

2. 決定左會報出年渣打~
不過嘛，到而家都重未決定跑半馬定全馬.

聽晚會開始練跑了~

3. 應承左阿海聽朝同蘋果做訪問。
之但係..
而家都未訓...

hihi了..

4. 呢兩日先知，
原來身邊都有好多朋友有屋企人有精神問題..

之但係..
主要告訴我甚麼呢？

5.狂 Loop 一場誤會中..
今日聽左大大話話近百次..

是我敏感誤會戀愛降臨
從未發生 交不出初吻
從來沒有 情人會行近 日落黃昏
誤會你有心 日夜苦惱自尋
想得近 卻遠得過份

你也許疏離到不能再疏
我竟多心想太多
常期待愛情路過
至義無反顧被你教唆

對你暗戀者真太多
似位歌手好叫坐
而平日你凝望我
這慣常一眼可殺死我

是寫我嗎？


這三個月發生了太多事了..

6. 終於拎返 D 相..
有 Photo Imaging Asia、有千人宴..

不過聽日先出啦~!

27日

早
十時才醒來..

頂~
又俾我"咁"熄左個鬧鐘...
番到教會已經係十一點正 (好似早幾分鐘？ who cares..？總知都係遲左)

今日的講題係各盡其職..

hmm..
自己有冇做到呢？
又諗起自己o既職份..

灰左..

下午
主日學之後，
為左等埋家聰，
結果都係等到四點先走

離開o個陣
一齊傾左好多事....
有自己..有工作...當然也有...
hmm...
之但係..
點解講黎講去都係講我..?


番到屋企都未夠五點..
終於狠下心腸將滿滿一箱 PCW 清走左.
由 2001 年 1 月到 2004 年年頭...
@@~
差唔多 200期...



不過重有三箱未清
應承左牧師..XD


就這樣地過了一天.....


Others.
今天發生了幾件奇怪的事..

1. 事件 1
之前同志剛講左想番"新生命新生活"..
點知次次都唔能夠番到去都遲..

心灰意冷之下..
索性響 Palm delete 左個呢個 appointment..

點知..
下晝同志剛傾開閒計o個陣.
志剛突然記起我講過話番，
我同佢講話 Miss 左太多次..

感謝主..
還是將星期日 9:30-10:30 的時間補回了一個約會..

2.
事件二
上主日學o個陣
有 D 好搞笑o既野..

3.
事件三
死人頭 Ken...
竟然同埋家聰一齊取笑我..

4.
家聰話
有 D 秘密
太多人知就會唔成事的...

或許..
這陣子真的太多人知道了..

5.
講開事奉
又會好自然講到遲到..

只是..
並不會有人知道
每次遲到..
我比任何人都更沮喪..


想起 Sonia 的話..

最傷我心的
並不是別人...

6.
打這篇日記的時候

竟然哭了..
是感動得哭了..

哈~
很久未試過這種感覺..
三個月？半年？唔記得了..


今天的事
有甜、有笑、有嬲惱、有沮喪..
但更多的是感恩

每次當我想放棄的時候，
耶和華總是把我拉回去...

7. 哈哈~
今晚有曼聯...

(其實打緊了..)
顧住打日記，都重未得閒落去睇..

聽朝重要過海整機 / 番教會做野..
希望六個鐘頭夠訓啦..

@12:00

再來一首

今天崇拜其中一首讚美詩歌

【愛喜樂生命】
詩集：讚美之泉 1 - 讓讚美飛揚，21


時空不能隔絕他的愛，因他愛我直到萬代，
世界不能阻擋他的愛，因他愛我永不更改，

他的愛勝過死亡陰霾，他的愛驅走憂愁悲哀，
讓主愛澆灌我們的心，喜樂泉源湧自心底，

憂愁不再，我們有喜樂的生命，
讓主愛充滿我們的心，生命火花揚自心底，
淚水不再，我們有永恆的生命。

又 post 歌~

來自 Janice 的新碟~

一場誤會
歌手：Janice | 作曲：陳輝陽
填詞：林若寧 | 編曲：陳輝陽

a1 對你暗戀者真太多
似位歌手好叫坐
而平日你凝望我
這慣常一眼可殺死我

a2 你也許疏離到不能再疏
我竟多心想太多
常期待愛情路過
至義無反顧被你教唆

b 我到底寂寞過剩才謝絕冷靜
多麼想以眼淚換來同情
日日算命 如命中注定
一堆虛構溫馨

c 是我敏感誤會戀愛降臨
從未發生 交不出初吻
從來沒有 情人會行近 日落黃昏
誤會你有心 日夜苦惱自尋
想得近 卻遠得過份
無聊像我 無聊當緣份 亦是吸引
我也許孤獨到熄滅了燈
覺得彼此抱得更親
戀愛妄想症 錯覺還是吸引

a3 你我的戀情也一場錯摸
擦出火花不算多
沉迷易惹人犯錯
我愛無可愛又有錯麼
repeat b & c

26日

好少可咁早打日記..

其實係因為未訓過....

3:00 同德仔送禮品小姐 (哈哈~我到而家都唔係左佢叫乜名..XD)返屋企..
4:00 番到屋企
5:00 重執緊 D 相..

9:00 要過到"魚則"魚涌 KM 維修部放低部機
10:00 要番到賽官教朗誦
14:30 約翰團

點訓？

tune 機
今日唔拎部機去 tune 又驚趕唔切聖誕同佢地影相
部機分分鐘成 tune 成兩個禮拜..

至於朗誦..
唔番去教又有邊個可以幫到手？
由得佢地出去俾人祭旗？
我做唔出...

要怪也只能怪自己尋晚貪玩左..
希望中午可以「磕」一陣啦..

好了
發完嘮叨
又講下估仔..


睇左其他朋友日記..
講起千人宴..

又諗起舊年自己做 helper..
籌委？
得罪o個句
舊年千人宴搞到算偷笑了

o個年個場，
有幾多個 helper / 睇場
我諗十隻手指可以數得晒..
睇住 / 食住野睇人地做野的可能就有大把....

當然，
重有更多的係
1. 適當時候上台邀功
2. 見到人地踩蕉皮唔出聲，等人衰左之後就走黎鬧...
3. 樣樣野睇唔到...冇事冇事唔關我事..

唉
都唔想講...


Others
1.
不要忘記耶和華的應許..

但 主 是 信 實 的 、 要 堅 固 你 們 、 保 護 你 們 脫 離 那 惡 者 。

-- 帖後 三 3

2.
呢幾日響教會，日日都係用"速成"黎打字..
可以領悟到乜野係憑信心不憑眼見...

ym1yb5

好多時跟本睇唔到個帝字..
但知道佢係第五個就夠了..

主對我們的訓練也是一樣..

主不會無時無刻都讓你知道、祂與你同在，
也不會每時每刻也讓你有聖靈的感動..

這時就要靠以往的經歷所培養出來的信心了..
你知道祂在你的身旁，
即使聽不到、看不見、也感受不到..

但你知道祂從來不會離開你..

這就是信心了。

3.
一日不見，如隔三秋..
何況唔只三秋..?

4.
禮物姐姐...很 cutie 呢~!
XD~

5.
PIA / 千人宴 D 相

晏 D 先出..

@ 8:00 am

---

---

好彩出門口前再 check 一 check

KM 維修部星期六跟本唔開..-_-"

趕少一場...

@ 8:30 am

---

---

除左遲左成個鐘番到賽官之外...(重唔夠？)
基本上今日都好準時..

團契今個星期係祈禱週。

hmm...
自己的禱告有沒有犯上那幾個問題呢？！


完左團契..
響教會 stay 到六點幾。
原本諗住搵 Kennis 傾下偈的，
點知 Kennis 同穎賢雞咁腳走左~
追都追唔切..


因為冇散銀的緣故
結果焗住搭地鐵去奧運..

Others:
1. 今日"眼訓"到..響廁所訓著左...=_="

2. 多謝每一位幫手守秘密的朋友..

3. 大概因為通了一晚頂..
反應慢了很多..

4. 終於入左(到)張票..
不過都係要等到下個星期先有 $$ 用..

5. 好眼訓好眼訓好眼訓...
整天的表現也不太好..

教朗誦o個陣
想 dem 一次俾 D 學生睇
點知..
想開聲都運唔到氣..


團契o個陣又鈍鈍地..

重可以笑得出已經係一個奇跡..


6. 感謝 Kennis 幫我"鍊"左陣骨~
舒服番好多了~

7. 差唔多要訓了..

8. 又係 8:10 分？今日同呢組數字好似特別有緣...)

@ 8:10pm

25日 一日跑三場...

早
回了教會繼續自己的工作

雖然比約定的時間仍然晚了半小時..--"

但
跟牧師有一段很好的分享..
講了很多事..
哈哈~
當然提及我~
喂喂喂我聽住喇~
我唔驚我嫁喇~!


下午
離開了教會，
去了 Photo Imaging Asia

忽然成為了狗公一族..-_-"

其實成個 PIA 都冇乜好行..
除左影女仔同拎 sponsor 之外..--"
跟本上冇乜可以值番o個 $20 入場費..

KM 頹到連一支鏡都冇得試.
Tamron 都有幾支鏡喇......
就算 Sigma 都起碼有三支 KM mount 喇..
......

冇野好講.....


晚
一年一度的千人宴
原本諗住可以成七點先"他他條條"番到去..

點知突然收到子健急 call，
於是「他他條條」就變成了一百米短跑.....

由灣仔會展爆到番 BU，
只是用了 25 分鐘..

換來的是成身濕晒..(係汗濕...)
-_-"


今次係第一次專責做大會攝影師
拍住阿勇一齊影..

hmm..
除左少部份 (如果過三 / 四分之一相都算少的話) out fo 之外..
大致上都唔算太差..

hmm..
冇計
部機都重未得閒拎番入廠 tune...

overall 黎講，
今年氣氛真係算好好了。
起碼佢地都可以盡慶而返..

深夜
完成了千人宴
成班一齊落左 bar can 慶功
結果就由十一點半玩到成三點..

十幾個人飲左成六 (4? 5?) set 啤酒
之後重要硬啃左一杯 shooter..
@@~

之後重要同德仔送禮物姐姐番屋企 (當然係打的)..
(難得德仔重可以硬啃三杯..--")
......

未醉算好彩....

24日

回到教會..11:50

hmm..有進步空間


午
獨個兒在教會想著
我與我的關系

說實在的
我並不特別討厭這個我的出現，
我的分析力和思路每每讓我驚歎..

只是我的出現卻總會讓我情緒極度低落...

是因為我的出現讓我 Depress
還是因為 Depress 才會讓我出現？
又係一個雞先定蛋先o既問題..

不過我只係知道
雞同蛋成日都係放埋一齊..

只是..
這個我並不屬於 Depression / Bipolar...

hmm..
死
又諗起麥兜個爛 gag
「你話有魚先定魚蛋先呀？！」~XD

其實重有 D 寫左..
不過聽日先 post 上黎~

晚
終於拎埋支 18-70
睇怕黎緊呢年都唔會再買乜野貴野..

一個人上左屯門牛河
同一條路線..
係一星期內第二次..

響輕鐵上面
見到一個女仔..
側面o既輪廓好靚..真係好靚..
髮型、線條、光影..
靚到真係好想舉機影低佢..

不過最後都係冇咁做.

哈哈~
個女仔實會好奇怪
點解有個麻甩仔拎住部相機牛咁眼望住佢..XD

不過嘛...
其實個女仔個樣真係好一般的。
只係有一 D 角度好特別、好靚....

牛了一轉河
感覺好多了~

Others:
1.
昨晚的事
不用太擔心..

我沒事的

2.
尋晚差不多成四點先訓..
今晚睇怕都要三點..--"

3.
工作的進度極慢..

4.
快破產了..
老細o個張票都重未出到..

5.
應承左牧師o既事
今日都重未做到.....

6.
到現在也不能明白

家聰怎麼知道的..?
-_-"


但他..
她也不可能知道的....


呀...!!
呢個問題我足足煩左成個月喇...

23日 一團糟

應承黃牧十一點..

結果番到去係下午一時四十分..


有點不開心。

眼睛仍有點痛
但比昨天已經好多了..

晚
躲在麥當勞的一角,
不知道在逃避些甚麼...



Others:
1.
再一次在夢裡遇上了..
熟悉的情節, 熟悉的場景..
卻是第一次感覺到主角的身份...
是她...!!

之前的主角也是她嗎？

她在潛意識中早已存在嗎?!
還是,
一切只是對母校的感覺--
一種錯綜複雜的
同時帶著留戀與憎恨的感覺--
愛恨交纏

渴望她受到傷害,
卻又會為她受傷而自責,
且會不顧一切彌補 / 阻止這些傷害繼續發生.

是這樣嗎?

她究竟是一個完整的個體,
還是只不過是一個 / 堆符號 ?

醒來的時候, 一種不安的感覺籠罩全身.
是一份強烈的罪疚感...
潛意識中的我渴望她受到傷害嗎？

不...
最少現實的我不是！

只是..
更令我害怕的是：
我甚至能解釋
這份渴望存在對我的意義..

因為..
只有傷害能將我們的距離拉近...

是真的嗎？我真的這麼想嗎？
對不起，連我也不知道。

請..不要再讓我想..

---

這種不安仍然持續著..
只是原因已不同..
這份新的不安源於甚麼 ?
源於這些疑問 ?
還是源於
這份近乎抽離的、冷酷的分析力 ?

還是因為..
意識告訴我
這種分析力並不屬於我的？

我只知道，
我並不喜歡這個我的存在..

我的存在往往會意味著一些事情發生了..

---

一切是我多想了嗎......

我寧願是

2.
這陣子..
那份感覺一天比一天強烈...
我是真的喜歡嗎?

3.
昨天嘉駒才談起..

後現代主義一詞被人用得太濫了..

4.
終於剪了頭髮

感覺很好~

5.
對不起..
今天的思緒有點亂。

這不是一個好的兆頭..

看來要早點睡了。

6.
番到屋企..

竟然冇水沖涼..

-_-"

22日 雙眼能看見原來已經很幸福．．

因為應承左阿海校政論壇做幫手
回了 BUSU 一轉..

之後就番左 Poly 驗眼..

呢次驗眼
冇記錯係差唔多年半前 book 的..
頭尾改左成三次 booking..
到佢地早一個月打俾我 confirm booking o個陣
我已完全唔記得左件事..


其實o個陣要去排期
主要原因係因為o個陣隻眼長期好累 / 流眼水..
出去出面 D 眼鏡舖又驗唔到有近視，
於是番左 Poly 視光學診所排期..

而家睇番，
好可能係o個陣食開o既 anti-depressant o既 side-effect..
不過呢個"致病原因"其實都冇左好耐..

由有事到冇事到我唔記得左件事..
都唔知講乜好了..-_-"


講番今日驗眼
原本之前都有諗過唔去，
成 $150 ..
諗起真係有 D 肉赤..
不過排左咁耐唔去又好似有 D 浪費..XD
結果都係番左去驗眼..


結果..
由入去見視光師，
到真正離開應診室..
足足用左個半鐘....

由見習的同學驗眼到俾教授睇..
翻 check 又翻 check..

重要搞到對眼俾支強光電筒照到勁痛..

到臨走o個陣先知有幾大件事..
眼壓過高，
角膜 (？..唔知有冇聽錯)有黑影，
玻璃體有收縮跡象，
有可能係視網膜脫落的前期徵兆....


重講到明如果有飛蚊 / 閃電徵象
就要即刻做放大瞳孔檢查...

如果真係視網膜脫落的話就要做儘快做手術..

@@~

Anyway...而家都總算未有(大？)事..

Thanks God~

離開診所的時候，
因為俾佢滴左 D 擴張眼球o既藥水，
結果係完全看不清近身的物件，
打電話都要伸盡隻手..-_-"
勁狼狽..

約左嘉駒出黎食 Tea
(其實係佢睇我食..XD)
第一次感受到睇唔到自己食緊 D 乜o既滋味..
哈哈~
我好肯定如果個 Tea 有隻老鼠我都會照吞左落肚~XD
之後就一齊番左半圓探班~
撞到阿 Kit 同 Thomas..

stay 左一陣就一齊閃左..

晚
俾嘉駒飛甩左
原因係接佢囡囡放工喎..
(嘿~!有異性冇...)

自己一個人入左屯門遊河。
視力已經開始回復正常了，
但係對眼仍然好痛好痛..
不過就有 D 擔心..

第一次感受到
原來
雙眼能夠看見已經是一件很幸福的事了~


諗番起一節經文


所 以 不 要 為 明 天 憂 慮 ．
因 為 明 天 自 有 明 天 的 憂 慮 ．
一 天 的 難 處 一 天 當 就 夠 了 。

馬太福音 6 章 34 節..

感覺好多了~


Others:
1. 可能真係要經歷過失去先會學懂珍惜..

Thanks God~

今日讓我經歷很多，也學會很多~


2. 哈哈~
忽發奇想~
會唔會有人喜歡一個盲了的 23~

hmm..
這個問題不好答..


3. 行過成成..
KM 50 1.7 今日番左貨...
WTF...

你早一個禮拜唔番..


4. 過埋千人宴要拎埋部機入廠 cal 了...


5. 今日影左幾張~







第一張..
直頭 sharp 到喊...