18日(續) 無端端落大雨

夜晚

番左一轉學校
之後就落左去奧海城開 Exco 會議..

之前好多 plan 好左的計劃，
似乎都因為人事問題要擱置..

暫時只能夠肯定 64 晚會當日，
會夥拍其他網台搞網上全球轉播..

至於係咪會現場直播
就要睇番有冇足夠頻寬..

聲帶o個邊就已經同支記夾好，
可以得到大會協助，
由維園現場o既擴音器材直接拖線出黎，
不過而家唔知有冇辨法即時
up 到上 control room 入 mixer 出街...


至於七一嘛...
泛民o個邊對今年遊行人數都唔太樂觀...
(民陣今年件七一 Tee
又係自己人都唔睇好...
唉...)

都唔知今次搞黎做乜..


結果..
最後決定
除左網台同採訪組之外
幾乎所有七一計劃都要擱置..


至於網台..
我連會唔會 Keep 到自己個節目都未知..
因為 Live 個要求技巧高好多...


另: 小道消息一則
有傳煲呔會響下星期四辭職，準備選特首..
準唔準就唔知喇..